貳號冰室

营业中

休息中

昨晚和一眾女性朋友到這新開張的茶餐廳試下，好味的茶餐廳食物是我們的集體回憶，但好食的茶餐廳現在是買少見少了。想不到在這裏居然有驚喜。侍應哥哥介紹的花膠雞粒炒飯上桌時己覺賣相不錯，食的時候更加感到冇介紹錯，有些似福建炒飯，飯有微濕，但顆粒分明，不會糊在一起。食起來很入味，廚師很有心思的加上少許切細薄塊的薑片，喜歡食薑的我能嘗到薑片的香但不會太搶。幾位女士食到完全無剩，下次再來必点，如人多要 double! 還有豬軟骨米線也是頂瓜瓜，有翠華昔日未上市時之水準。乾炒牛河水準也不錯，但比以上兩款比了下去。咖喱也是值得一提，頗有早年翠華的味道！總括來說，這餐飯是我近年難得試過的茶餐廳美食，幾個好友都說會帶同老公或屋企人再去幫襯！

想去上環食個靚lunch, 經過呢度見到好多花牌, 原來係新開張, 個名仲咁打耳叫做2號,  再望下門口個菠蘿油好大個喎,  門口阿姐又好誠懇咁比餐牌我地睇,  就試下新野先 ~  入面新裝修, 感覺都幾光猛,  環境OK思服我地2點半後到, 可以叫下午茶常餐好似都OK咁門口D蛋撻好似唔錯, 梗係要試下, 幻想既蛋撻係熱辣辣, 香噴噴, 實際泥到只係微暖, 味係可以, 個蛋撻size 以$8個來講都OK,  但個酥皮唔夠酥, 又唔夠熱, 只可以講係一般啦菠蘿油係今次最期待, 上枱時個包都幾大個,  牛油又有少少冰裝住, 好似幾細心,  係細塊左D.   點知放塊牛油落去, 好耐都唔溶, 咁我地食住其他野先啦. 再過一陣,  牛油都係唔溶, 可以好肯定, 個包上碟時係凍既, 呢樣有D失望了!  $16個包, 係會有D期待, 面頭曲奇皮係幾脆, 好好食, 但點解唔做好少少, 叮番熱個包呢 ? 真係捉到鹿唔識脫角, 可惜可惜!常餐 - 鮮茄通粉底幾好, 腸仔估唔到幾得, 蛋都OK好味 西炒飯 - 本來無乜期望, 但偏偏佢又炒得幾好食,  飯炒得乾身有口感, 味道適中! 呢間D野唔算貴希望下次

周六的早上休假，隔睌已計劃試埋貳號的早餐水準及奶茶，入到店内在疫情下循例先度體温及消毒雙手，找了一個較冷凊的位置先坐下，看了一眼餐牌，便柯打了一客早餐Ｂ，包含沙嗲牛肉麵、炒蛋及牛油餐包。 大慨五分鐘内便已全部送到檯面，當然要畀手機食先。沙嗲牛肉麵跟足傳統冰室以碟上，送到檯面時已聞到沙嗲醬的香味，麵身仍有波浪紋，不致過熟而太腍身，夠熱的湯底已乎合基本要求。 用筷子先攪拌一下即食麵及沙嗲醬，一放入口便令我印象難忘，首先有濃厚的沙嗲醬味道，麵身一如賣相所料，煑得剛好的即食麵依然保留彈牙的口感，不致於吃到近尾時麵身變腍了不好吃，而牛肉方面，肉質也夠軟熟而带肉鮮，應該是店家以鮮牛肉自家製的，比用罐頭貨式的一般茶記，實在好太多了，感覺吃這碟麵不只是為了飽肚，而是一種對美食的享受。光了碟麵後先飲啖清水清一下口腔才開始食炒蛋，以往食過較好的茶餐廳如銀龍會用香味濃沃的湖北蛋來炒蛋，但新冠肺炎疫情下，不少食肆已暫時敬而遠之。 今早貳號這客炒蛋蛋味比湖北蛋更濃香，份量又不少，不知用了什麼蛋來炒呢？  總之好味就對了！可能餐包已經賣光了，碟上換了一片微烘的多士這反而更合我口味，如果跟埋牛油便更好了。  早幾天

在原西苑酒家的位置，在今個月一號，開了一間新的茶餐廳，外面燈火輝煌非常吸睛，名字叫做貳號冰室，賣相和包裝跟翠華很相似，上網查到原來其中一位股東正是翠華的前CEO，怪不得風格這麼相似，決定即晚去食晚餐試吓真章。一入店內找個卡位坐下，店員先奉上暖水一杯，先詳細看看餐牌，在試業期間晚市套餐只供應西式扒類，可選飯、意粉或薯菜，餐湯可選中或西湯，店長告知日後會供應中式晚餐。 我柯打了一客蒜蓉煎雞扒意粉晚餐，包一碗羅宋湯及餐茶。落單不久便送來了雞扒意粉及羅宋湯，首先湯夠熱度，這個是基本的要求，羅宋湯內除了不少什菜外，還有一兩件牛肉，味道帶點微辣，還可嚐到湯料的味道，不像一些劣店像喝辣汁一般，辣味掩蓋了其他味道，這客餐湯品質算有中上水平喝過湯後便吃主菜蒜蓉雞扒意粉，基本的熱度要求合格，可聞到雞扒及蒜蓉的香味，只是意粉只是溫熱，估計是廚房預先煑好意粉備用，因此放涼了一點，唯有將蒜蓉汁先撈埋意粉才吃，除了這個小瑕疵外，整體味道及味量都交足功課。今晚喝了一杯茶、啡香味平衡的鴛鴦，茶香味不會被濃烈的咖啡味蓋過，完全無需要加糖，有茶味亦有咖啡啡味，是近年喝過較出色的一杯鴛鴦，平時一般茶餐廳的鴛鴦，通常茶味都