貴川風味館

营业中

休息中

平時食雲南米線總覺得要食辣先夠風味，但係我只能食到微辣，好多時食連鎖米線店叫3小辣都覺得辣😥今日俾我搵到旺角貴川風味館，米線有酸辣/麻辣/酸麻辣，有不同辣度選擇，另外涼拌米線都有！我就點左韮菜餃🥟同芝士丸酸辣米線要小小辣😆米線軟滑酸辣味適中而且芽菜份量不少，韮菜餃都好大隻😋跟餐加$7有杯飲品，整體味道不錯！

心血來潮想食酸辣米線，今次又試一間未食過既，每次發掘新野都好緊張又期待🤤呢到坐位唔算迫，仲有啲二人泊牆位，有番少少私人空間。同埋都乾淨，地下唔油，所以環境都OK。呢到既米線有分麻辣同酸辣，仲有熱拌，配菜同小食都有好多款，而且定價唔高。招牌酸麻辣米線配腩肉韮菜餃第一次食，叫左佢個招牌酸麻辣米線，再加兩款平時食開既配菜，咁先可以有比較😬先講份量，睇人地影出黎以為細細碗，但原來個碗大過塊面，好彩叫左小米線。呢到真係童叟無欺，米線多，韮菜餃有三粒大大粒，同埋5~6塊腩肉，連跟麵上既芽菜都比起其他米線店既多成倍，對鐘意芽菜既我黎講係勁開心😚呢到湯底唔會好油，酸度足夠，辣度我叫左中小辣，但略嫌唔夠辣，整體湯底都夠惹味！我特別鍾意米線，口感偏爽口同滑，又彈牙👍🏾韮菜餃好大粒，餡料好足，食得出係新鮮既，韮菜仲好翠綠🤗腩肉係偏瘦，但肉係腍身既，有啲似日本拉麵成日食到既叉燒既口感一樣，如果肥啲相信會更香👅

曾經試過佢哋嘅小鍋米線，係比出邊嘅好食好多。相比起農米莊，譚仔，魚米，依間貴川嘅雲南酸辣小鍋米線係又惹味又足料又抵食 講緊齋嗌一個酸辣小鍋米線都係$27，酸菜肉碎仲有花生嘅份量都非常多，米線又唔會煮到過淋每款餸最平都只係$6，其他貴少少嘅$9，$10，$12都有，其中最好食嘅我覺得係佢哋嘅豬軟骨，雞翼，同埋羅漢齋。6點半前每一碗粉麵都可以用$13加一份小食，所以我成日叫囝囝落去食，囝囝着齊校服落去仲有學生優惠有杯免費熱飲😆香港已經好少有呢種咁益街坊嘅餐廳

這星期六又是普通不過的旺角行街日作為一個正常港男港女午餐就簡簡單單食米線及珍珠奶茶.見到間好貼地的米線-貴川風味館 經典雲南酸辣小鍋米線 加$6配木耳好惹味的酸辣，夠熱好正最值得讚的是，湯底中的（免費）肉碎，不是肥膏肥肉粒，而真是好踏實的瘦肉粒，變相免費有多一個餸.跟餐加$10就有珍珠奶茶！香芋珍珠奶茶，冰有沙冰及冰粒，夏天飲就正.我朋友要麵不要飲品我就用他的quote 加$10多一杯薄荷珍珠奶茶（外賣），邊行邊飲抵抵抵！好「港女」的旺角一天

心血來潮尋找那裡有好味的米線去品嚐，發現旺角有一間高水準的米線「貴川風味館」，無論食材的質素及廚師用心烹調的功夫，令人刮目相看，我對那家米線留下深刻印象，所以前來光顧。  位於旺角區，地理位置方便，有一份雅緻休閒，周末假日這裡十分墟冚，很多顧客前來捧埸，所以我和好友平日過來覓食。  高樓底令整間店很寛敞，用餐的空間感更舒適，店內佈置優雅，人多也不感覺侷促，舒適很寫意，乾淨整潔，氣氛輕鬆。  餐單添置美食的款式及價值，未食巳吸睛，每次想起都想即時到來品嚐。  清湯小鍋米線我選擇清湯小鍋米線，因我唔食辣，配料是香肉碎、韮菜、芽菜、蔥花、酸菜、芫茜，配料十分美味，另加自選配菜，每款價錢$9-12，我選擇豬頸肉及雞翼2隻。  豬頸肉清湯小鍋米線另加豬頸肉，感覺很滋味，肉質很鮮嫰爽滑，紮實彈牙，彈牙之餘有咬口，讓人回味無窮。  雞翼2隻清湯小鍋米線另加雞翼，金黃香脆熱燙燙的雞翼，特別惹味，食起來熱度非常令雞翼的鮮味提升，脆炸水準很優質，肉質鮮嫩香滑，雞肉保持新鮮結實，食落不會太過油膩，齒頰留香，讓人一試難忘。  黃金花枝丸6粒另外，我選擇小食黃金花枝丸有6粒，很好味道，唔會太過熟，

我一直係貴川嘅fans，米線店來講佢都算數一數二好食。加上旺角百物騰貴，平民米線店就恍如救星一樣。招牌酸麻辣米線 $27+腩肉 $9+魚蛋 $6+ 唐生菜 $6我最鍾意呢個湯底夠濃味，揀中辣已經夠，食到我大汗揼細汗。米線分量足夠，麵質軟硬程度剛剛好，係我鍾意嘅口感。配料方面，腩肉真係冇得輸，夠腍身，又入味。魚蛋都算彈牙，但得三粒少咗d。由於我得一支公，所以冇嗌小食，下次同朋友來一定會嗌埋皮蛋、口水雞，都係我的至愛！

經典雲南酸辣小鍋米線 $27配料有香肉碎、韮菜、芽菜、蔥花、酸菜、芫茜，所以添加更多香味，芽菜十分爽口，酸菜很醒胃，味道溫和，唔會過份酸。湯底揀左小小辣，味道岩岩好，酸中帶辣，開胃惹味。揀左腩肉$9同花枝丸$9腩肉有數片，而且厚身鬆化，好有肉感，花枝丸有3粒仲好大大粒，口感爽彈，有花枝味同吸到少少酸辣湯汁。米線唔會太硬，係偏腍身爽滑。凍檸茶跟餐 $6，味道不錯，夠凍夠味又清新。小鍋米線有3款，分別酸麻辣、麻辣、酸辣，仲有清湯同拌米線，幾款都可自選配菜，每款價錢$9-12。仲有10幾款小食，多人的話可以點幾個share食，幾吸引。飲品都應有盡有，跟餐價亦幾抵飲。價錢合理，份量足夠飽肚，味道幾好，環境較細，但落單上菜都快。

平時食lunch我都有選擇困難症😂嗰日行去旺角得寶戲院附近比較多餐廳，諗左好耐決定試下呢間嘅米線。(米線控)✨我叫左一碗清湯米線，加左龍蝦丸 & 炸醬 & 肥牛 & 同必食嘅蘿蔔😆正常一碗麵/米線，再叫好多餸，餸嘅份量就會少但呢間嘅米線同餸好足份量👍🏻 平時其他地方食米線食到一半就開始會有油膩感，但呢間食落完全唔油膩👍🏻👍🏻蒜泥白肉唔會好重味，餸米線一流😋我同事就叫左碗酸辣粉再加豬軟骨 & 腐竹 & 少見嘅羅漢齋。偷飲碗湯亦唔覺油膩第日再叫埋其他同事落嚟食🤣

📍貴川風味館 (旺角)旺角豉油街88號地下G8號舖-----上星期路經旺角 見到呢間食米線嘅鋪頭好多人排隊 就拉埋朋友陪我一齊入去試下😆入到去發現呢度嘅米線款式選擇好多 例如有招牌酸辣米線 金湯小窩 經典雲南酸辣小窩 惹味熱拌米線 沙嗲小窩同清湯小窩等等 夏天仲有涼拌米線可以揀添 全部望落都好似好正 睇到B仔同朋友口水都差D滴出嚟😋-#經典雲南酸辣薯粉：湯底配有香肉碎 韭菜 芽菜 蔥花 酸菜同芫荽等等 令到酸香撲鼻嘅湯底變得更為豐富 佢地一共有八個辣度可選 B仔就揀咗最低辣度嘅小小辣 呢個辣度帶辣香但唔嗆喉 唔食得辣嘅人都可以handle到 薯粉則較粗身 咬落爽韌彈牙 點完麵底同湯之後 可以自由配搭其他材料 B仔就揀左腐竹 豬軟骨同羅漢齋 配料味道有驚喜 腐竹柔軟 荳味重 豬軟骨肥瘦肉參半 雖然大件 但仍軟腍入味 而盡吸湯底精華嘅羅漢齋更係令人欲罷不能😋-#清湯小窩米線：朋友嘅呢碗清湯小窩亦配有鮮肉碎 韭菜芽菜 芫荽同蔥花 清新嘅湯底令到米線嘅米香味更顯突出 而米線入口嘅口感亦好唔錯煙韌滑溜 餸菜方面 朋友就揀左肥牛同蘿蔔肥牛爽口且牛味出 蘿蔔清甜無根 雖然唔酸唔辣 但老實講美味程度亦

#招牌酸麻辣米線加炸醬 ($36)湯底選了小辣，酸麻辣湯的味道不錯，配搭恰好，但略油了一點，米線彈牙唔會太腍，肉醬大多數是瘦肉，價錢合理，整體不過不失!#香辣川味皮蛋 ($16)皮蛋是用黃金皮蛋，賣相幾靚夠特別，皮蛋十分爽口，我本人比較喜歡傳統的黑皮蛋，香辣的味道調配得不錯，價錢十分抵食!