貴香園

营业中

休息中

今日真係好熱，成30幾度，口淡淡就好想食下啲重口味嘅嘢～行行吓醒起以前中學時代好鍾意食嘅貴香園，以前不嬲都係食佢嘅沙嗲湯底，今日咁熱又見到佢有涼皮，就即管試吓😋涼皮一上到嚟見到佢都有好多肉碎，又有酸菜，未食都已經覺得好香！唯一有少少意見就係佢成隻碗都好油，我撈嘅時候隻手都變得油淋淋～講返碗麵先，佢啲涼皮好滑，煮嘅時間啱啱好，唔會硬亦都唔會太淋，因為我平時都唔係食得好辣，所以嗌左佢嘅微辣，但係竟然平時食開連鎖米線舖五小辣嘅我都覺得唔夠辣～不過整體涼皮分量足夠，味道亦都調得好，下次絕對會再食👍另外仲嗌咗個麻辣汁青瓜，基本上我食米線都一定會嗌，同平時連鎖米線舖食嘅都差唔多，正～總括而言都係一間我會再幫襯嘅米線小店✨

Dieheart fan of this noodle shop since my secondary school age, they serve the best suan la fan in hk. Will come to this noodle shop whenever I am craving for my comfort food - a bowl of hot sour chewy noodles~ Their broth include a perfect portion of ginger, garlic, sesame seeds, and pepper flakes.The glass noodle is chewy and silky, perfectly matches with the all the ingredients. What makes it even better is the toppings: the pickled mustard stems, scallions, and roasted soybeans/peanuts. Also

雲南酸辣米線(中小辣)豬大腸 腩肉Price：$44📌擺上枱已經好香，中小辣唔算好辣，尚可接受，湯底好惹味😋米線都幾爽口，唔太腍。特別要講嘅係呢間嘅腩肉係瘦腩肉，小妹真係好開心♥️出面啲腩肉多數好肥，瘦腩肉食完無咁罪惡🤣雖然口感無肥腩肉咁好，但都易咬👍🏻豬大腸都幾大舊同肥美，入面啲油脂好多🤩餸同米線嘅分量都好多😉沙爹米線豬扒 豬膶 雞翼Price：$56📌沙爹米線意外地好食👍🏻👍🏻沙爹湯底好香好濃郁，啲餸同米線吸收哂個湯底，真係好推薦大家試‼️‼️豬扒都係必嗌嘅，燒得好焦香，肉質又嫩滑😋有啲位肥肥地，一咬落去啲油脂咇出嚟，一定要再encore🥳至於豬膶味道正常，雞翼本身係炸嘅，但擺咗落去湯入面就腍哂，但都食到炸嘅香味🧐如果另上會更加好😎煎粟米餃Price：$29/6pcs📌煎餃外皮好薄，有別於一般嘅煎餃，煎得好香脆，咬落去脆卜卜🥰但略嫌粟米嘅份量有啲少🥲P.S. 荃灣嗰間係黃店嚟㗎💛(荃灣西樓角路202-216號荃昌中心昌安大廈53至54舖)

呢個可以話係旺角好食小鍋米線，有時都要排隊但唔太出名😗 旺角有好多米線，連鎖嘅但呢間小鍋米線最地道又足料，仲有涼皮可供選擇，鍾意雲南米線/涼皮嘅要試下呢間小鍋米線好足料，酸菜、芽菜、炸醬肉碎、韮菜、腐皮、辣椒碎，夾埋好好食，一定要有少少辣先食得過隱，帶到鮮味😂啲餸份量多；腩肉小辣，厚身，啖啖肉加少少肥好正！冬菇都好大粒，厚，一啖都食唔晒，亦燉得好入味。 價錢唔貴，$4x都有2餸，性價比都幾高😗評價：4/5

Foodie同事之前試過呢間川味紅薯粉/雲南米線舖頭覺得唔錯所以帶我去食！ 叫左酸麻辣紅薯粉(小辣走芫茜)，配料要雞絲同推介嘅瘦腩肉。湯底酸辣適中，食同睇得出落左唔少花椒八角調味，亦唔算好油。紅薯粉晶瑩剔透，勁煙靭好好嚼，吸哂酸麻辣湯D味好正，啱哂我口味！瘦腩肉嘅份量都唔少，滷得入味而且瘦得嚟唔會好榎歰歰。值得一提我試左同事一塊豬潤，大大塊唔會縮水、第一次係米線舖食到咁甜又爽嘅豬潤，真係好少有！難怪得到foodie兼豬潤達人同事嘅認證！ 好味道酸麻辣紅薯粉、足料配料加杯凍檸茶盛惠$52，性價比極高！遲D我地再encore先！

每次喺香港大球場睇完波都會過嚟食一碗麵先返屋企~~ 呢度最吸引人嘅地方就係佢獨一無二嘅沙嗲湯底~ 而且佢嘅花生味勁香，每次嚟都係叫呢個！ 我都有試過呢度嘅酸辣米線，但係都會覺得沙嗲味係呢度嘅首選！ 濃湯底得來又唔會太重口味，推薦叫薯粉！會更加入味架！ 餸菜方面，推薦呢度嘅韭菜餃~ 大大隻韭菜味超香，諗唔到叫咩餸可以試吓~ 不過豬皮就極度唔推薦，食過幾次都仲有好多毛喺上面，清得唔乾淨。。牛柏葉都唔太推介，相對上份量比較少，而且唔係好入味

作為一個酸辣粉愛好者，今次就黎貴香園試下，星期日去真係好多菲傭🙈貴香園酸辣粉+小辣+腸仔豬軟骨 $49 ★👌賣相ok，平時出面食都係兩條腸仔，炸過幾好食。唯一讚得落嘅係咁多，其他都係吐槽。👎豬軟骨得兩舊，見其他食評都話有三舊，我就搵左好耐都搵唔到第三舊係邊，仲要好細舊🤷🏻‍♀️👎唔記得走芽菜，唔好睇個碗好似好大咁，揀曬d芽菜俾男朋友之後，紅薯粉剩翻1/3咁濟，分量少得可憐🤦🏻‍♀️自問平時已經細食，去食之前都唔係幾肚餓，但食完成碗粉之後仲係唔夠飽。👎湯底唔夠酸，好似有好大陣麻醬味。平時唔食得太辣，嗌左小辣，但都好似無咩辣味咁無骨酸辣鳳爪 $22 ★★👎唔夠酸，亦都完全無辣味，似係泰式酸辣出面嘅酸辣鳳爪係唔會連埋軟骨，但尼間有男朋友嗌咗中辣腸仔牛丸酸辣粉、檸樂(+$9)兩個人食左$127 ，完全唔夠飽，整體黎講好失望，環境都好逼以後都唔會再黎

香港好多出名的米線，但係唔知點解我覺得呢間的小鍋米線雖然唔出名但幾好食。不過其實間唔中都要排隊等位。它個小鍋米線好多料，味道濃又香，湯底係有味的唔會得個辣/酸味，我哎小小辣剛剛好岩我口味！今次叫左瘦腩肉同魚皮餃，腩肉真瘦，都幾多。魚皮餃一般，可以揀其他。下午茶仲有豆漿送。+錢有小食，一定要試炸雞翼，唔係街外一般的炸雞翼做法，個粉漿好特別似天婦羅好脆！不過餐廳衛生就一般，因為當日我坐的位地下好多垃圾，有待改善。

之前都食過一次，覺得呢到大大碗，味道還可以，最近再黎食多次，覺得份量少左，味道係夠味既，但係我叫左中辣，都唔辣，叫左豬軟骨酸辣粉$44要冇野飲，我就覺得唔值，3舊仔既豬軟骨$12，薯粉份量又唔多，真係有d少⋯

說説香港好多家庭都有請外傭嘅習慣, 所以一到星期六日就好多地方都聚集左好多嘅外傭聚會, 咁旺角東往旺角嘅天橋就係其中一條重災區, 咁岩又係本人每個星期都必須要行嘅一條路, 所以都比佢地嘈到苦不堪言, 不過我發現佢地會經常食一間附近嘅米線餐廳, 因為佢地除左炸雞(祖比樂)之外就只會食佢地傳統食物, 所以都好好奇到底呢間經常比外傭坐爆嘅呢間米線鋪到底有咩魅力呢, 咁今次就去試一下了就咁睇個餐牌, 普普通通啦, 都係比較大路嘅配餸, 湯底呢碗係雲南小鍋酸辣米線小辣配豬耳, 首先佢湯底非常濃郁, 甚至係結身, 湯底有豬骨香甜，先酸後辣, 有酸菜, 肉碎, 芫荽, 腐皮等等湯渣, 辣度因為係小辣關係所以只係稍為刺激胃口之效, 不過呢度酸菜好好味, 亦都非常入味, 愈食愈開胃, 而且湯底係帶酸, 配上肉類配餸非常夾, 因為湯結身, 米線淋身, 米線掛湯效果明顯, 而豬耳滷得很入味, 都上了棕色, 切得厚身, 鹹鮮有嚼勁, 口感帶膠質般煙韌, 水準之作, 而且份量唔少嫁, 抵食另一碗都係同一湯底同一辣度, 所以就不著墨太多, 就選左腩肉做配餸, 不過呢度嘅腩肉切法比較亂, 有片有粒, 但都係滷得好入

話說今次我真係好傻，去咗呢間米線店呢，竟然叫咗炸魚旦食。重大伏。因為其實炸魚旦通常都唔多人叫啦，因為都唔係車仔麵店咁樣。而且佢都唔係呢間舖頭主打嘅食物配料，所以我諗佢都唔會可以喺供應商度好大單咁樣落貨，所以唯有真係將貨就價，都真係揀一啲冇咁好食嘅炸魚旦？但係其實佢其他配料呢，都好味嘅。個午餐肉就有啲薄啦。佢嘅自家製餃子呢係推介嘅。食個皮蛋同雞翼都好食。可能呢度嘅隱藏餐單就係淨米線再加個皮蛋嘅汁，應該幾好味㗎。我下次嚟應該都會考慮叫呢個組合。

激死今晚去買外賣，已經話要走九芽，張單打完我接過後即刻睇，印左（走腐皮、走肉碎）我再問丫姐，佢話啱系打左要腐皮、肉碎！啱啦！冇錯🤔🤔我都半懷疑，結果一返到屋企成碗都係唔要既野D雞翼仲衰，柴皮兼硬，另一碗麻辣中辣，平時食出哂汗好好味，今晚呢碗連幼稚園小朋友都食到搞咩呀差都甘完全玩野啦！

不要看他一間在太子內街的小店，進入時已見到不少人在進食。我點了酸麻辣紅薯粉配上了豬軟骨和響鈴。因第一次來吃，生怕他很辣，所以叫了檸檬七喜，降降火。紅薯粉上來的時候，賣相已很吸引。先喝一口湯頭，本以為很辣，但非如此，湯頭的層次很夠，除了能感受到肉的鮮味外，還能夠喝到香辣的味道，我很是喜歡。紅薯粉彈牙，很滑，配上湯汁一起吃，很美味。豬軟骨也煮了很久，咬一口便散開，軟骨也很很林淋，還帶有肉香，很是美味。

之前見到幾多人 ..新嘗試之下第一次走入去呢間雲南米線 ..辣度小小都已經覺得啱比例 ..至於酸度湯底唔夠酸 ..可能係酸菜比例相對較少而突出唔到，有待改善！自選米線揀左紅腸、瘦腩肉、粟米餃配酸辣米線 ..紅腸略微厚而硬 ..瘦腩肉偏比較似牛腩一樣 ..粟米餃就硬身而未太熟 ..至於米線軟身反而入口唔錯 ..整體黎講係份量足夠，但餸同湯底嘅質素係有待改善！相對平民價錢黎講，可能會首選其他雲南米線！

之前食過對面個間雲XX風味 ，今次終於有機會試埋尼間。麻辣炸醬響玲米線($41)+凍檸茶(+$7)我揀左中小辣，辣度係幾辣，係比較純粹既辣，似X 哥，唔似雲南風味個款麻辣。但係加左成碟炸醬($7)之後，湯底馬上變得好惹味，比未加炸醬前好食好多，加分，但炸醬有碎骨，扣左少少分。響玲($7)就正常。(唔記得影落哂炸醬既湯底)(個人口味S: 3/5)無炸醬(個人口味S: 3.4/5)有炸醬醉辣豬頸肉火腿米線($45)+凍檸茶(+$7)“友人”揀左小辣，辣度剛剛好，湯底幾惹味。豬頸肉($12) 有4件，炸過又柴又硬，唔好食。火腿($6)比較鞋，唔係滑身個隻火腿，麻麻地。(見隔離枱既豬扒係另上又好大塊，好似幾吸引)(個人口味E: 3.4/5)差唔多7點去到，餐廳都有7成客人，已經見到有幾枱客都係等緊野食，心知不妙。由落單到上菜再到埋單，完全感受佢地緩慢既節奏…… 等15分鐘先上第一碗米線，未必有下次。