賓墟餐廳 (已結業)

今日經過青山道見到賓墟有明爐羊腩煲食就入去，叫咗三個餸，羊腩煲，腊味豆苗同埋蟲草花燉排骨雞肉湯。羊腩煲賣相好吸引仲跟唐生菜一碟，未食都己經留晒口水，一入口羊肉好入味但唔咸，肉軟皮爽，帶微微羊騷味，超正，份量都有10大塊，$108超值。腊味肉崧豆苗份量充足，有腊腸潤腸腊肉配肉鬆味道一流，有肉有菜，食得很寫意，個燉湯有桂圓蟲草花雞肉排骨，聽服務員講個湯係原盅燉几個鐘，$52既價錢都咁有心机預備，唔怪得似飲緊呀媽煲既湯咁啦。👍👍賓墟你係得既價廉物美抵贊！

幫襯這間茶餐廳也有1，2年了。食物是正常味道，但侍應的態及水準則每況愈下，終於讓我和朋友們作出永不幫襯的決定。9月25日早上，早餐餐飲叫了一杯朱古力和一杯華田，但結果送來的兩杯都是華田。本來送錯沒什麼大不了，我們要求侍應更換。第一次換來的還是華田，我們告訴她換錯了，怎知對方竟說是因為我們說得不清楚😡。第二次是聽清楚了吧？但換給我們的仍舊是華田😠，結果第三次換來的還是華田。最後當然是找經理了，但他沒有找該侍應問清原由，反而是自己道歉。整個過程中侍應的態度是十分惡劣的，吃個早餐何必讓自己留下不快的經歷呢，所以還是找別的茶餐廳好了。

星期六晚去完打波，經過青山道，見到呢間賓墟餐廳，見到門口寫住直播英超，就入去食個飯，原來睇波要消費$60，餐牌好多小炒中式野，叫左個西蘭花炒帶子都係$62，有埋野飲同湯，一路睇波一路食中式小炒真心未試過，新奇又好味，價值合理

食早餐本來是係開心事，但當你遇到呢d咁既服務員，就算再好食既餐廳，都唔會再去；第一，一開始落錯單，第二，錯左單都唔換，話唔可以改，第三，我話唔食得呢樣野一定要換，服務員心比說話你聽“下次叫野講清楚“，我真係o晒咀，即刻同佢理論，經理話為佢道謙，服務員個樣就當若無其事。以後得罪客人，由經理道謙囉。

食早餐是一個開心的早上，但係就比呢d差服務既員工，將美好的早晨氣紛破壞。第一，首先係落錯單，第二，叫佢換，個員工話已經出左無得換，第三，你話比佢聽你唔食得，個員工話你下次落單落手清楚d。我真係o晒咀，我錯係因為入錯呢間餐廳，我個早餐要包埋個員工d皮氣，經理話代佢道謙，原來員工可以咁樣對客人，係唔駛道謙的。下次個員工都可以重滔覆轍啦

早上要到深水埗工作，時間尚早，入茶記吃個早餐。點了一碗茄牛通和熱奶茶，盛惠27元！湯底很沒誠意吧，幾乎完全沒有蕃茄味，牛肉的口感也有點怪怪的！奶茶都還可以！下次還是吃連鎖快餐算了。

這家茶餐廳價錢大眾化，而且食物不錯，不經不顧已光顧了兩年但近半年每況愈下，愈做愈差～雖然這家茶記的飲品不是強項，但味讚愈來愈差....另一樣變塐的可謂是服務，曾經等了好久才有侍應下單，出奇地結果沒入機，最後由另一侍應下單，前後花了十鐘才真正入了電腦不過最令人失望的是店內食物、環境衛生程度...近日店內傳來陣陣臭渠味，再吃過這碗加料早餐，肚子不舒服了一整天...加上曾經食過變質且帶酸的沙嗲牛肉..亦見店內洗手間衛生愈來愈差，後巷處理的食物也不敢看太多...正所謂「眼不見為乾淨」本來一心友持非連鎖式茶餐廳，但每況愈下的質素，可見令熟客失望，亦沒有勇氣再光顧。

呢個係宵夜套餐黎既。個奄列都幾好味，蛋夠滑，配埋火腿碎都唔會太咸，份量適中，多士夠脆夠香口，唔會太油膩，合格啦。其實就出前一丁配罐頭沙嗲牛肉，不過不失咁啦，但d牛肉有少少凍凍地既感覺，同熱辣辣既麵唔係幾夾囉，如果d牛肉唔係罐頭既一定好味好多

訓到半夜先起身，肚餓丫要搵野食。經過呢間茶記就入去，之前食過幾次呢間野，唔係樣樣野都好味架  見menu今日推介有栗米汁脆豬扒飯  ，就叫左，因為我好鬼鍾意食豬扒既！哈哈哈食入口，d豬柳炸得好好味，外脆內嫩，肉質好彈牙，雖然炸出嚟既，但係食落一D都唔覺得油膩。好正好好味，味道唔會太咸，連埋d栗米汁送白飯真係好正  誠意推介呢個菜式

又到食晚飯既時間啦，叫左豆腐班腩煲，好味道丫，d豆腐好入味，口感非常之好，好鍾意！！！班腩多肉，大塊得黎又好味，炸得非常之好，配白飯真係一流，不過價錢都係偏貴。

當晚到這裡吃飯，其實是想收看球賽電視直播，睇英超撈飯！店內環境舒適寬倘，鋪面夠大，可容納多人。餐牌：揀了兩款小菜套餐。例湯：選了中湯，老黃瓜豬骨湯，味道不過不失。跟餐凍飲：凍鴛鴦及凍檸茶，水準及格，冇彈亦冇讚。當晚沒有鮮魷，改以蝦球代替，膽固醇較少，更迎合我口胃，斑塊與蝦球都很惹味，蝦醬伴西蘭花，我還是第一次吃，想不到也很對味，效果很好！賣相不俗，一看便叫人醒胃，咕嚕肉炸得香口，肉多，骨少；伴碟的洋蔥，青椒及蜜桃，亦新鮮爽口！白飯夠大碗，軟硬度適中。