賞味軒

营业中

休息中

朝早先有得嘆奶醬，一啖多士一啖齋啡。Udeli 嘅午餐麻麻地，但早餐勁正，厚多士有around 1.5 cm 厚，烘到脆皮，我估係用多士爐，兩面都脆，但略微有少少幹身，唔知系咪花生醬落太多，但次次都會order 佢。花生醬擦滿成塊多士 ，加埋滿滿嘅煉奶，微微鹹味夾住奶香蜜甜，勁正勁邪惡。齋啡即係美式咖啡，帶小小果酸味，冇咩澀味都唔算苦，飲落好順口。班職員都好有禮貌，同出面茶餐廳嘅職員唔一樣，會講多幾句禮貌用語。但講真，早餐係享受，午餐唔知系咪因為太忙，燒春鷄好dry又冇味，煮蔬菜又冇味，薯條好似預先整定，凍晒，若果午餐可以有早餐嘅水準就好囉。

今日(5-6-2020 Fri)公事要嚟呢喥,較啱食飯時間嚟食個晏啦,今次諗住試活力素食,但都依然冇開,咁就又嚟呢間啦,今日更天氣翳焗,所有今次一定要坐佢室內嘅座位,去到睇吓出面嘅電子menu,就決定要$48.00,有豬柳,早餐腸,煎蛋,番茄,蘑菇,田園沙律同多士嘅all day breakfast,入去排隊買飛時,睇埋有咩嘢飲,見到珍珠奶茶,就要呢樣啦,呢個就要加$6.00.買完飛,入去坐喇,等咗9分鐘,嘢食到嚟,睇見份量唔多,先食田園沙律,蔬菜新鮮,但芝麻醬太少了.然後唔拖延而先即食多士,但同上次一樣(嗰個食評: https://www.openrice.com/zh/hongkong/review/%E6%8A%B5%E9%A3%9F-e3722760),係韌.等咗9分鐘嘅嘢食,多士都係韌,即係一早整定擺咗好耐,呢點真係要改善吓喇.蘑菇有太重黑椒味;早餐腸冇我想像中咁鹹,反而重要係好清淡;豬柳,口感正常;煎蛋冇問題;番茄仍正常juicy.珍珠奶茶呢?大大杯,珍珠煙韌同充滿黑糖嘅甜,好味;但奶茶就唔夠茶味.老實,呢個all day breakfast要$48.00,我覺得唔算抵食,

今 (15-5-2020 Fri)日同老公放假周圍去,我帶佢嚟教育大學行,我哋嚟到啱啱係lunch time,就搵嘢食先,沿路行,原本想幫趁活力素食,但冇開,於是繼續行,行到亦係社企嘅呢間,就幫趁呢間啦.我老公要咗$38.00嘅紅酒雜菜燴牛肉飯,加$6.00要凍美式咖啡,我要$45.00嘅蜜味燒雞髀(香草燒汁)配意粉,飲熱玄米茶.幾分鐘後,兩個餐都到嚟,我食一件牛肉,紅酒汁味道唔濃,但牛肉味都幾濃同鬆軟.老公大讚杯凍美式咖啡好飲,唔太甜.我嘅蜜味燒雞髀(香草燒汁)配意粉呢?原來重有件牛油多士,不過香草燒汁唔多夠,令意粉冇乜味,建議香草燒汁淋上意粉.而蜜味燒雞髀肉嫩多汁,不過好似食唔到蜜味.件牛油多士睇落幾靚,但竟然韌.味道係3.2分

聽聞賞味軒系港大學生噶飯堂，應該都幾好味，所以就去試試味啦，我就食lunch噶時間去噶，強烈推薦鹽酥雞，因為炸得好香脆，而且份量好多噶，超級正，外脆內軟，超級惹味，仲有番茄醬比你噶，酸酸甜甜更加好味啊，而且拿到手個時仲系熱辣辣噶，夠曬新鮮。

之前都喺Udeli食過幾次，但係今次真係有少少失望😞今次我叫左個鰻魚飯，飯入面有蔬菜、兩舊玉子同塊鰻魚加一兜白飯，然後佢個餐係包嘢飲同埋一個沙律。就咁睇落啲汁就少左啲，有啲dry。😪但係最令我失望嘅係個鰻魚，鰻魚啲肉質好乾，又乾又「un」，似係放左好耐咁，完全冇左鰻魚果種油脂嘅甘香。個鰻魚汁其實都唔差嘅，但係唔知係咪鰻魚嘅口感太差，所以整體都扣曬分。🤥之後個沙律都係普普通通，醬係麻醬嚟，整體嚟講都幾新鮮。🤠不過個鰻魚飯真係沒有下次了。😪😪😪

今日去咗教育大學出席活動，已經好一段時間冇嚟過教育大學，如非必要都唔會過嚟，山長水遠。一場黎到，冇理由食飯堂啲頹飯啊，但係酒樓嗰邊有冇開，於是食呢一間西餐廳。呢間餐廳位於B4，設有室內同室外嘅座位，我揀咗室外，都坐得幾舒服，始終呢度係郊外環境空氣都清新D。午餐由$35到$55都有，選擇唔算少，包一杯野飲。黑松露醬雜菌意粉$38點左黑松露意粉，份量幾多，多士幾脆。黑松露醬好多，食落去淡淡都係黑松露醬嘅香味，加上野菌有幾足料，所以食落去都食得幾開心。不過杯玄米茶味道淡左啲，整體來講算唔錯啦。

再一次返黎教大上堂，以前讀書時期已食了幾年難食的canteen，今次返黎算係多了個選擇，社企。午餐的選擇比canteen吸引，今日午餐叫了和風牛肉飯，有點後悔。牛肉太老，和風汁太甜。之前的意粉選擇較為好食。但都好味過canteen

這幾天都在教大吃飯，這家U Deli其實是比較可以的一家餐廳(其實教大就只有三家餐廳)。U Deli是一家社企的餐廳，聘請在社會上較為弱勢的員工，這一點我覺得很不錯，校園本應當接受所有的差異，減少歧視。 U Deli 有室內及室外的位置，室內只有數張餐桌，其餘都無空調的位置。天氣開始有點熱，而當天我們一行五人在室內找不到位置，便只好到室外找了一張圓桌坐下，桌子非常小，要放下五份餐點實在不易，不過我們只能將就吧。 這裡是自助點餐的，然後取餐號，待服務生送上餐點。每天午餐菜式有四種，兩個是lunch set，一為意粉，另一個是飯，第三款為廚師推介，通常是扒餐，第四種則是沙律餐，每個套餐都有配熱飲一杯，而我就叫了玄米茶。玄米茶是茶包來，清清淡淡，吃完飯喝可以解走油膩。 今天我叫了一個茄汁肉丸意粉，賣相看起來還可以，紅紅嫩嫩，挺吸引。肉丸比想像中好，沒有酒樓吃的那麼硬，而是軟軟的很易咬，配上茄汁酸酸的，不太咸。而意粉亦是偏軟身，掛了很多汁，也是還可以。 套餐配了一個多士並已搽上牛油，麵包不會太硬但牛油份量偏少，不太夠味道。 朋友叫了雞蛋沙律，蔬菜看上去挺多的，朋友說味道還不錯，沙律醋可口、菜也

在大學內用餐，本無期望。怎料，有意外驚喜！午餐選擇不多，印象中只有三四款。先在門口排隊買票，然後竟然收到個座枱號碼牌，原來會有員工送餐的。店內好多人，有室內，也有露天茶座。找到位，不過接近 full。點了是日廚師精選，這款午餐已是該店最貴的了。天多利雞薯菜午餐配玄米茶 $45午餐包飲品的。也可加錢其他飲品。雞肉夠份量而且不乾，汁的味道開胃，薯菜竟然是薯格和多士，吃下整餐十分滿足！只是個玄米茶包冇乜味，稍遜呢～總括而言，賣相精緻，味道好吃！

在教大尋找喚醒靈魂的咖啡之際，遇着Pacific Coffee提早關門。想起教大校園入咖啡該不只一間，便找着了UDeli賞味軒。東華三院旗下Ibakery的社企餐廳，加上校園學生餐廳的背景，價錢是相當的「學生價」。UDeli主要提供輕食和簡單的早午餐，這天傍晚只需要一杯熱啡而已，但留意到沙律餐才$31而已，不妨一試！若然選擇堂食，店員會把餐點端到客人的餐桌前。看來那沙律的份量便後悔不已，那根本是一頓晚餐的份量呢！才剛吃過晚餐而已，但有誰想到如此便宜的「迷你」沙律餐會如此足量，而且還附飲品呢。選了迷你燒牛肉沙律配日式芝麻醬($31/套餐)，沙律菜以生菜、紫椰菜為主，還有車厘茄、青瓜拌以芝麻醬，而燒牛肉份量不少，以醬汁、七味粉調味，誠意滿滿的味道亦不賴。這家的鮮奶咖啡也有一定水準，咖香濃度可望再提昇，但奶滑程度令人滿意，比Pacific Coffee便宜近半也沒甚麼好批評的了。之前參加好友的婚禮時，已嚐過金鐘ibakery的出品，想不到在大學園區又再次遇上。既能吃上便宜的一頓，又能支持社企的營運，何樂而不為？