賞茶 (黃大仙中心北館)

营业中

休息中

逛完街有點累想飲杯東西 記得這家店鋪決定來買吧店鋪是有用餐位置提供 在店裡面飲東西有最低消費一人最小點一杯飲品 而且有用餐時限為一小時🤔店裡面已經有很多人了 坐位不到二十個吧不算多位幸好還有空位可以坐 等飲品大約十分鐘可以取飲品~·黃金烏龍 HKD$18 ·荔枝蘆薈 HKD$24飲品素質不過不失 荔枝蘆薈那杯正常糖度但很酸搞什麼鬼呢 那微糖會更加酸嗎 意想不到味道如何另外的黃金烏龍點了微糖 所以味道不會太甜剛剛好

前幾日突然好想食台灣嘢，如果想係黃大仙揾一間比以坐得幾舒服的台式餐廳其實唔係太多，所以我同男朋友就揀左去食賞茶啦，不過佢都唔算有好多位，大約一行到，設計有啲似街巷仔咁，所以都ok，但未必叫坐得好舒服。堂座最低消費一杯飲品，所以都有不少年輕人飲台式傾傾計咁，而我就揀左個貢丸鹽酥雞粒撈麵轉烏冬加奶茶走甜。叫左食物之後佢會比一個電子牌你，有餐時就可以通知去拎，可以放心同男朋友傾計，大約5-10分鐘左右就有得拎，賣相都ok，不過份量不算大份，烏冬大約目測一至個半烏冬到，鹽酥雞粒都ok，幾好食，而且份量不太少，貢丸兩粒到，不算太多，味道比較平庸，未有台灣個啲咁出色，醬汁方面應該係沙茶味，比較重手，鹹左少少。奶茶方面最隨餐附送的，可揀凍或熱，呢杯奶茶味道幾好，有啲似台灣的仙女奶茶，走甜一樣好味，不過唔知係咪我唔記得少冰啦，淡左少少味，但整體來說都ok。以下評分以5⭐️為滿分推介⭐️⭐️

今天午餐時段後, 約2:00PM  ORDER L1, 飲凍奶茶, 個面超難食, 勁"林", 冇味, 一團野, 5熱, D湯汁好似6面水(但餐牌寫"乾伴手作面"), 個面應是買來6的, 不是"手作面",  雞排超薄, 不能叫雞排, 冇味。最難頂是凍奶茶, 冇茶味, 只是有色糖水。台灣食品在香港試過很多, 但最難食都是這間, 員工冇大問題。檯面有提示叫人完餐後幫手收餐具, 但可怕的是收餐具及出餐是同一個位置, 有些嘔心! 

平時賣台式飲品都會飲下賞茶嘅，佢賣嘅飲品，尤其係奶茶同市面上嘅味道分別都幾大，奶味比較重，有d人未必飲得慣。但估唔到原來賞茶都有野食賣，重要係台式料理，咁就試一試佢啦。今次叫左個雞排魯肉飯，味道就好一般啦，雞排外皮幾脆，但肉就好薄，好似食緊炸粉咁。至於野飲我就叫左珍珠奶茶，d珍珠可能放得有d耐，無咁有咬口，所以都相對失色。個餐賣50幾蚊，個人覺得有d偏貴，未必係咁好嘅選擇啦。總的來說，水平一般，未必會再食。

今日黎到黃大仙商場，有Ｄ餓，一個人又唔易搵食，不過真係「踏破又涯無覓處」，見到一間「賞茶」座落係商場既燈火欄柵處，雖然地方唔大，但人少少而且幾乾淨，除左有茶飲之外仲有飯餐，岩晒孤苦無依飢寒交迫既我！所以就入去食啦！🤗🤗我叫左個肉燥雞排飯，個賣相雖然一般，但食落就知有水準！塊雞排大大塊而且炸得香脆可口，令已經肚餓既我流晒口水！🤤🤤🤤肉燥都好夠味，可以媲美度小月！性價比係幾高！😘😘😘至於飲品就叫左最常見既珍珠奶茶，珍珠又大粒又有口感，Ｄ奶唔太甜好好味！😋😋原來一個人都可以搵到好野食！而且呢間鋪既裝潢好有復古味，食完個飯，慢慢嘆杯珍珠奶茶，欣賞下呢度冒陳設，放慢一下節奏，渡過寧靜下午，可謂樂哉！

叫一個餐外賣，等左30分鐘，於是去問西口西面ge店員，佢話問問廚房，但完全唔見佢問。再等多10分鐘，即係40分鐘之後仲未有，我忍唔住問多一次西口西面ge店員，佢先施施然問廚房，等到ge答案係，原來我個餐仲未開始整。我眼都突埋問佢，40分鐘仲未整到一個餐？！我叫個小食咋wor。佢話店入面好多人，但明明店內得一、兩個客。佢地完全唔覺得自己有問題。我要佢退錢，佢一句對唔住唔好意思都無。仲叫入廚房「又唔要啦wor~~~」奉勸大家唔好貼錢買難受。

如題，最後我話唔要，要退錢。佢地完全唔覺得自己有問題，仲係西口西面咁叫入廚房「唔要啦wor」。中間一句唔好意思都無，仲話因爲間店多客，但明明店內只有一兩個客。好心唔夠人力物力就唔好搞咁多野，搞到哂客時間。我亦由肚餓等到唔肚餓，最後去左買個m記食算數。另外，店員態度奇差。奉勸大家唔好貼錢買難受。

中午11點58分叫外賣，12點11分取得外賣，需時13分鐘，算是正常的等候時間。這里午餐有10種選擇，我們點了:L4 香煎肉餅併鴨胸乾伴手作面 - 鴨胸很厚也很好吃，肉餅還可以，但手作面完全沒有味道，而且很乾。L5 煎雞排併鴨胸卡邦尼起司撈即食面 - 同樣鴨胸很厚也很好吃，雞排正常，即食面雖然有卡邦尼汁及起司，但同樣沒有味道，而且很乾。另外跟餐指定500cc凍飲，我們都叫了凍極品賞奶茶，我的是半糖少冰，味道尚可。順帶一提，外賣盒很細心，有橡根綁著對角，不會輕易把食物倒掉。

呢日同女朋友去左拜黃大仙,拜完就去左隔離黃大仙中心行左陣, 去左呢間賞茶買野飲~之前其實都飲過佢D分店, 呢間有位坐, 可以坐低慢慢食/飲, 唔錯。呢間有位坐, 可以坐低慢慢食/飲, 唔錯。我地叫左一杯冬瓜仙草($22),一杯芝士奶蓋賞紅茶($30)。芝士奶蓋賞紅茶($30)芝士奶蓋茶來講, $30算係有少少貴。而且佢個杯既設計唔似出面, 可以開個口專飲奶蓋, 要成個杯蓋打開飲。同埋佢個奶蓋一拎到手就已好似有D混左茶咁。但其實佢個奶蓋份量好足,味道都唔錯, 幾CREAMY,芝士味都咸咸香香。OK的冬瓜仙草 ($22)呢杯冬爪仙草,其實就係冬瓜茶加仙草。$22算係成間店最平的飲品之一,而且冬瓜茶甜甜香香的, 易入口~消暑解熱一流!

昨天我去黃大仙赏茶買咗一杯芝士奶蓋烏龍茶，我約大5點四十五分等咗大约十五分到都未到我，我又見到有兩個员工都冇嘢做，我就上前問這位態度很差收銀员我點解仲未我杯嘢，佢就叫我取張單比佢睇，佢住好大聲同D同事講個客吹單呀……我心裡面e個銀員咁串都可以做收銀，這間公司冇管理層？？我再等待不久，這個銀員都冇叫番我張單号碼來杯飲……這位收銀位员比我感覺一d禮貌都冇…….

一間食店通常以食物質素或服務作招徠，當然兩者都有就最好，但這間位置黃大仙中心的「賞茶」食店可以兩樣都沒有。周末下午茶時間經過，看見店舖沒有很多人光顧，店內仍有座位，於是決定吃個下午茶餐歇歇腳。茶餐選擇不多，來來去去都是炸物配薯條，再加一杯台式飲品，花心的我想來個crossover，將A餐的鹽酥雞及薯條，配上B餐的翡翠檸檬飲品，兩套餐價錢一樣，禮物地問店員可不可以這樣配搭，沒料到問題未問完，已被店員粗魯地回覆「不可以，寫咗喺咁就喺咁」，相當不錯的服務態度（笑）。我們也只好跟從餐單的配搭，叫了個台中套餐:鹽酥花枝丸配薯條、翡翠檸檬（套餐價$44）。花枝丸頗為細粒，有落椒鹽加重口味，但都唔算好吃；薯條細條，略嫌炸得太乾身；飲品翡翠檸檬，似普通檸檬茶，但紙包維他檸檬茶更好飲。

在附近逛逛的時候，覺得有點口渴，看到有賞茶，當然要飲返杯！店內皆以木為主題，相當有格調，也帶點復古感覺，彷彿身處茶莊一樣。也有座位提供，適合與朋友歇一歇，抖擻精神。除了飲品外，還有其他套餐茶單，可以選擇堂食。但因為不餓，所以跟友人只是買了飲品。如果怕飲茶後會睡不好的人，可以試試小時候奶茶系列，因其不含咖啡因。飲品可供選擇的甜度分別有正常，少糖，半糖，微糖及無糖。而冰度則有正常，少冰及去冰。*但去冰並非跟常溫一樣，因為店員會將冰過濾，所以飲品還是有點冰涼感覺。如果不想飲凍飲，可能要選擇熱飲。而有些飲品有固定甜度及冰度，例如芝士奶蓋茶。我買了熱鮮奶賞紅茶(微糖)，而友人買了熱茉莉綠茶(無糖)。茉莉綠茶很香，喝下去前已有淡淡的茉莉香味。入口時前段都是茉莉的清香味道，中後段則是綠茶的甘香味道，略澀。鮮奶賞紅茶入口順滑，微糖剛好，不會太甜及膩。奶味及甜味不會蓋過茶的味道，加了鮮奶令奶茶更滑溜，也減少苦澀的感覺。休息後又可以繼續逛街了～

失望失望失望…………因為去過旺角賞茶食正餐，覺得係不錯。所以今日過黎係想食碗好麵、飲杯好茶，獎勵一下連日黎努力既自己…………點知……… 雞腿只係一舊淡味既肉塊，乾麵係硬得黎又斷開一段段，肉燥更望落似一pat爛泥 雖然未到唔入得口，但係48蚊咁樣既質素………同埋同旺角店相比之下既落差，真係令我失望到一個點 😭😭😭希望可以加油改善到正常水平～*一定要提：店員落單係幾好，清楚禮貌，好耐心說明產品，呢樣值得讚 😇👍

去到黃大仙中心北館嗰邊食飯, 老細話試下台灣嘢, 你話帶我去試下, 點知一嚟到門口就見到係賞茶... 都知道呢一間主要賣台式飲品為主, 但係就未試過佢哋嘅午餐... 佢哋午餐大概有十種選擇... 今次我就叫咗雞扒滷肉飯... 再加一杯奶茶... 其實碗飯就本身唔大玩塊雞扒仲好細㖭, 如果係大食嗰啲人就唔啱呀, 因為一定唔飽! 至於雞扒入口就類似豪x大嗰啲, 但係比較油膩. 個飯就好似著得太耐, 加埋佢嗰啲肉燥醬汁, 爛上加爛! 48蚊一個餐, 我估我會去大快x最化算啲

在黃大仙中心喝個台式下午茶，本想外賣🥡的，原來也有堂食坐位，店內大約有二十幾個坐位。當日人流不算太多，不會太嘈吵，談天說地的好地方，不錯不錯，對比總好過外面嘅茶餐廳😜😜食品點了台式厚多士，揀選左朱古力同煉奶味,（點解多士會用個杯裝嘅）🙈🙈飲品就order咗1.波霸芝士奶蓋綠茶（ 送珍珠），芝士味原來同綠茶係好夾𠺢👍2.荔枝蘆薈,味道清新唔會死甜，蘆薈有咬口！3. 黃金烏龍茶（走糖），正常茶味,不過不失的。