賢記甜品世家 (爹核士街)

营业中

休息中

甜品世家？？ 我第一次食嘢嬲到要為佢出個post…楊枝甘露：化學橙黃色+從未試過嘅西米口感+(冇)芒果肉…+化學甜味紅綠豆沙+湯丸：糖+水+冇牙都食到嘅湯圓.…完綠野仙蹤…..還可以（因為其餘兩個糖+水食兩啖已經送咗俾大口仔）冇糖水相片，因為已經全部送晒比大口仔真心好嬲…完😤

係堅尼地城上完堂有點肚餓，又末到晚飯時段，記得附近有一間糖水店，於是乎去食番個下午茶。腐竹薏米蓮子雞蛋糖水腐竹己溶化，有淡淡的豆香。薏米，蓮子煲煮得軟腍，入口即化。最喜歡係甜度恰到好處。芒果芋香仙草香芋椰汁西米露，仙草凍，芒果，芋圓，追加了桃膠。滿滿的一大碗，非常吸引。芋圓有三種色，煙煙韌韌有嚼口。仙草凍隱隱的藥材草香味，微微苦澀味道和甜甜嘅西米露好夾。清熱利濕，多吃不防。整體充滿口感，非常豐富。

喺堅尼地城食完飯，見時間尚早，就搵吓附近有乜甜品食🤤。我記得爹核士街有一間甜品店，去到發現好似改咗名，叫做「賢記甜品世家」。店舖整體感覺無乜大變，裝修簡約明亮💡，但座位編排有少許迫夾，不過勝在冷氣充足，加上食甜品唔會坐好耐都冇乜所謂。小店保留咗經典甜品糖水，另外亦加入咗唔少新派款式。甜品定價唔貴，難怪平日晚上都有咁多人幫襯👍。特濃抹茶雪山冰冰($68)，估唔到小店有刨冰食🍧，佢唔係台式雪花冰，而係偏向日式嗰種刨冰，不過口味就得抹茶一款。茶品用上日本小山園抹茶🍵，茶味甘香濃郁，但唔苦澀。刨冰看似平平無奇，不過內有乾坤，口感層次豐富，配料包括軟糯煙韌嘅白玉丸子🍡、朱古力曲奇脆脆🍪同奶凍。最後者有意想不到嘅驚喜，刨冰同奶凍質感完全唔同，形成對比，變得唔單調。薑汁燉鮮奶($32)，燉鮮奶口感細滑🥛，蒸得啱啱好，可揀凍食或熱食。薑汁味道恰到好處，微微辣，冬天食更可暖胃，而朋友就話再辣啲都OK。不過如果嗌刨冰嘅話，或許可以唔使單點燉奶。腐竹雪燕水晶芋圓($35)，❄️腐竹薏米糖水本身清甜，腐竹並無煲到溶晒，而且仲有其他食材。三色芋圓大大粒，但可能煲得唔夠耐，Q彈程度一般。糖水混入大量平民燕窩，每啖都

賢記甜品世家 西環堅尼地城爹核士街11號地下4號舖飯後食甜品糖水, 心情好做個甜姐兒SWEET HEART。女朋友是螞蟻人, 喜歡食甜品, 食完中午個甜品胃又出動啦, 同佢食糖水先。除了有多款中式糖水, 仲有雪山冰食架。黑芝麻糊何賢記個燉鮮奶, 連男生都會愛上架, 唔會太甜架味道, 平時小食甜品的我都不會抗拒。 個質地又夠滑, 夏天食碗雪到凍冰冰架。燉鮮奶味好濃好滑$49小山園抹茶牛乳浴，味甘苦中帶甘, 有平均一下甜味, 無咁易滯。 仲有紅豆，小丸子，芋圓同由曲奇碎。呢間甜品舖價錢合理, 今日同女朋友試了好多款, 都非常滿意。個燉奶好香滑, 值得下次再來試埋其他口味。個雪山冰透心涼,

賢記 （西環）西環堅尼地城爹核士街 11號地下4號舖店舖外望入去就見到店舖簡約既裝修，仲有好靚既吊燈箱，好有何賢記特色，何賢記係一間中西文化都有既甜品舖，我覺得中式甜品都好多款式揀，淨係燉蛋都有五款以上。去到西環，不防一試。芒芒天空$45(加$6桃膠)楊枝甘露，愛玉，芒果，水晶，小丸子以呢個價錢黎講你覺得好抵食，啲芒果又多啦，愛玉又好食！我都係第一次見有甜品店有得加錢食桃膠，簡直係我至愛❤️😋芒果芋香波波仙草$45芋頭椰汁西米露，仙草凍，芒果，芋丸，珍珠，小丸子芋丸就不得不讚，有口感又唔會過硬！仙草凍起碼有半碗甘多😂😂😂😂😂 所以食半碗已經好飽😂，用芋泥椰汁西米露做低，真係抵食到無人有！薑汁燉鮮奶$32燉奶都幾滑口，薑汁就同個燉奶好夾，唔會覺得好似分開咗甘，係融合埋一齊既👍🏻👍🏻👍🏻又係好大碗（我絕對唔係小鳥胃🥹）

今天路過堅尼地城一帶正在找地方歇歇腳的時候經過，之前有來嘗過過金銀燉鮮奶覺得很不錯，決定帶朋友入來。特濃抹茶雪山冰冰 $68非常有驚喜的一道刨冰，餐牌上只是介紹採用日本小山園綠茶製作，誤以為大大碗的刨冰只有綠茶味，並沒有其他配料。結果發現每一層都是驚喜，頂上一粒白玉，面層是濃郁的抹茶刨冰，內層是牛奶刨冰，吃到一半的時候是Oreo 曲奇碎，增加了不少口感！底層更有驚喜的是有濃滑的招牌燉鮮奶！！！絕對值得一試👍🏼芒芒天空＄43 ～必食有楊枝甘露、愛玉、芒果果肉、水晶及小丸子。非常特別的是用上台灣的愛文芒果，比起一般的泰國芒果更清甜，小丸子煙韌有咬口，楊枝甘露濃郁，芒果肉及果蓉分量多，加上愛玉及水晶口感豐富又清爽。始創金銀燉鮮奶 $33採用紐西蘭農場牛奶製作，中間釀滿自家製吉士醬，吉士醬濃郁，吃得出不一般貨色，口感滑溜，吉士醬流心美味。桑寄生茶 (枝裝）$26 餐廳內唯一的飲品，在炎炎的夏日飲用真的感覺很清涼，真材實料相當濃郁。

西營盤同堅尼地城都有幾多甜品店今次我同MM爸試食賢記甜品世家以前叫何賢記甜品世家望落裝修好新淨可能係第二代接手雖然新裝修但價錢好實惠傳統中式糖水$22起真係買少見少今次我哋試咗✅芝麻糊豆腐花以及✅桃膠椰汁雪燕💓芝麻糊豆腐花令人有驚喜（$26）豆腐花非常滑溜、芝麻味香濃，匙羹一放入豆腐花流心芝麻糊溢出，黑白對比，係一種視覺上嘅享受，味道上佳，MM爸也大讚桃膠椰汁雪燕（$32）椰汁味香甜可口，桃膠雪燕滋補養生，又有口感，啱晒愛美嘅女孩子。今次一人食一碗，下次再試其他甜品

👉飯後三五知己總想🈶️下場，我們不喝酒，甜品一定是大眾之選。。。🍮📌茫茫天空 $45 ～ 包羅萬有，🈶️楊枝甘露、爽爽愛玉、香甜芒果、西米、粒粒小丸子，🈵️🈵️一碗有齊不同口感，解暑一流。👏📌薑汁燉鮮奶 $32 ～ 薑味濃，重奶香，雪凍後依然嫩滑。不知是否少甜關係，薑、奶味均非常突出。🤩📌芋圓喳咋 $35 ～ 眉豆、紅豆🫘、花生🥜、煲🉐️夠火候，軟綿起沙，甜度適中。加入煙靭芋圓，椰奶又香滑，好吃。😋📌立即變黑 $40 ～ 芝麻糊、曲奇碎、小丸子、芝麻餡湯圓、雪燕。。。👉埋單時經過見到看似很美味，原來是新產品，拍照📷存檔下次試。。☺️

賢記甜品世家🤩🤩🤩非一般傳統甜品專門店、店舖以天空藍為主配以木係枱椅，加上清雅燈光，很舒適！🤩🤩而且種類繁多⋯⋯總共70多種比客人選擇…店主用心主理、真材實料、自家磨制，真係非一般甜品店👍🏻👍🏻👍🏻🎈🎈店主很細心將甜品分類：有賢記精選23種「A1 芒芒天空/A12美顏牛奶浴」都係鎮店之首～再加店主精心按排分類～多重滋味～養身健體～滋補養顏～永恆經典～三心兩意～手工燉蛋、奶～清涼散熱😝😝⋯⋯😍😍揀選左鎮店之寶A1*#芒芒天空#*配以～楊枝甘露～愛玉～水晶～芒果～小丸子😋😋甜度剛好、口感豐富、芒果味香濃、小丸子煙煙靭靭、配合一流👍🏻👍🏻必食推介#薑汁燉鮮奶#*充滿濃濃嘅薑汁味、配以蛋白來燉鮮奶、質感非常香滑、軟綿綿、軟硬度剛好yummy yummy😋😋係唔錯選擇!!#椰汁西米露#，甜品店必有之選⋯⋯看似簡單實在不易、西米煙韌度剛好、唔會放喺椰汁內浸沉久而變腍！！值得一試西環#賢記甜品世家#唯一必選#特濃抹茶雪山冰冰～採用日本小山園抹茶👍🏻西環爹核士街11號地舖4號舖

食完飯係堅尼地城食糖水，見到OpenRice推薦呢間傳統糖水都幾唔錯，食厭咗新式嘅糖水可以試吓啲傳統嘢，見到呢度主打蛋白燉鮮奶，即刻叫咗個試吓真係好好食！🍴始創金銀燉鮮奶 $33 (8.5/10)奶味都幾香，有奶味但未到好濃，質感都幾滑，底下有個奶黃，質感係半凝固狀態，非常香濃蛋味，好驚喜好好食！🍴美顏牛奶浴 $37 (8/10)牛奶浴非常之足料，有蛋白燉鮮奶，桃膠，雪燕，芋圓，椰汁，另外有個糖水俾你自己加落去。雪燕好多碎碎哋，桃膠好滑，芋圓好煙韌，椰汁唔算好香濃，不過蛋白燉鮮奶都幾香喎幾滑。推薦指數: 8/10真心好食又抵食嘅中式糖水，一定要試吓個金銀燉鮮奶！

甜品選擇多 價錢亦合理 環境幾好坐～～～不得不說最近天氣真係好熱，搞到忍唔住去甜品舖食返個冰嘅甜品，涼爽一下。～～～呢間餐廳嘅餐牌有好多唔同嘅甜品選擇，有西式少少，亦都有好多中式糖水。睇完餐牌之後我哋就叫咗特濃抹茶雪山冰冰、木瓜杏仁燉雪耳 ，同埋合桃糊加自家製合桃碎。～～～先講吓個樣非常靚嘅雪山冰，iGable不在話下，味道方面由於佢哋採用左日本小山園抹茶，所以抹茶味非常濃郁。上面有Oreo碎碎做調味，本身啲冰就唔甜嘅，整體甜度啱啱好。底部仲有燉奶加持，好得意。～～～中式糖水方面，木瓜杏仁燉雪耳味道比較清新，幾fresh同養生。不過我就更愛合桃糊加自家製合桃碎。合桃糊濃郁，但加上合桃碎之後之前有畫龍點睛嘅效果，有少少煙熏味嘅合桃碎令到成碗甜品好特別。最後臨走嘅時候我哋再加咗一支凍冰冰嘅桑寄生茶外賣，一路飲一路散步返屋企，消暑清甜又解膩，不錯。～～～賢記甜品世家 西環堅尼地城爹核士街11號地下4號舖人均：$40

傳統地道糖水舖堅尼地城呢間傳統糖水舖，好多中式傳統糖水，好多都係童午回憶！價錢又實惠又抵食，同朋友試吓，好好味！叫左一個桑寄生蛋茶，桑寄生本身甜甜地，配埋雞蛋，好滋補養生，好適合女孩子飲，可以調理身體，蛋都煲到好入味！天氣熱，叫多個凍紅豆沙加蓮子，蓮子好軟身，紅豆沙成沙狀，甜度啱啱好，大熱天時消暑一流！份量都好多！見menu 仲有好多其他甜品，價錢都好實惠，例如芒果小丸子，個樣都好吸引！下次再幫襯先！

近排天氣唔係咁好, 成日都好眼訓, 食返個甜品睇吓會唔會好少少先<桃膠椰汁雪燕>大食妹已經到左注重養生嘅年紀, 甜品都揀左滋補養顏嘅桃膠椰汁雪燕甜品幾足料, 椰汁未算好濃但雪燕勁多桃膠爽口, 可惜只有凍食, 如果唔係就更perfect 啦<美顏牛奶浴>朋友嘅美顏牛奶浴好豐盛, 下面嘅燉奶又實又滑, 上高嘅芋圓都幾煙韌

甜品係第二個胃😄朋友聚會黎堅尼地城呢邊食晚飯，網上搵到呢間附近嘅甜品店，地點都算易搵。餐牌上嘅甜品名字都幾有心思😍款款都好吸引✨綠野仙蹤綠豆沙、仙草凍、水晶、珍珠～估唔到普普通通嘅綠豆沙，加上其他配料，即刻感覺升level，似台式食品，仙草凍爽滑，令整個甜品入口好有層次👍🏻✨小紅帽紅豆沙、仙草凍、愛玉、小丸子～紅豆補血，怕涼嘅可以選擇呢一款，紅豆煲得起沙，夠綿，入口甘甘地，不會太甜，配合其他配料，立即變得不平凡。✨芒芒天空楊枝甘露、愛玉、芒果、水晶、小丸子～滿滿嘅果肉夠哂足料，透明嘅愛玉唔會太甜，感覺透心涼，每一啖都係果蓉，性價比極高。✨美顏牛奶浴蛋白燉鮮奶 桃膠 雪燕 芋圓 椰汁～呢款我選擇左熱食，超級香濃嘅椰汁味，全部配料都係養顏聖品，啖啖都充滿膠原，燉鮮奶好滑溜，上邊嘅椰汁唔加任何糖水，店家話同甜絲絲嘅燉奶一齊食，就會啱啱好👍🏻激讚！

呢間賢記甜品世家位於爹核士街，奶油色既裝修風格令人感覺好舒服！係一間遠睇已經覺得好吸引既甜品店😋💠始創金銀燉鮮奶 $33店員推介呢款燉鮮奶係好值得一試，平時我都好鍾意係甜品鋪食燉鮮奶，因為我自己唔識整，而呢間舖頭整嘅燉鮮奶奶香味十足，食落口都好嫩滑，奶味好濃郁。而始創金銀嘅意思就係中間有啲好似奶皇包咁嘅流心，食落好夾同埋創新，推介大家如果黎開附近都可以黎試下😍💠特濃抹茶雪山冰冰 🍧$68 呢個係新推出嘅甜品，用咗日本小山園抹茶🍵，一見到個刨冰嘅時候都好震撼，真係成座山咁！抹茶味好濃，如果係抹茶控嘅朋友一定會超Like！而刨冰嘅表面同裏面都滿佈抹茶液，完全唔會話食食吓變得好淡。刨冰底有合桃碎同燉鮮奶，好好味既組合👍🏻👍🏻💠芒芒天空 $43 呢個我會稱為係豐盛版嘅楊枝甘露！楊枝甘露入面有愛玉、芒果、水晶同埋小丸子，餡料超級豐富，啖啖都有不同既配料一齊食。而愛玉仲要係好大舊，唔會好甜，好彈牙，食落好清爽；而小丸子好煙韌，好有𡁻勁！ 芒果俾嘅份量都好多，一啲都唔孤寒，同埋芒果都好新鮮好甜，真係好好味😋❤️📍 賢記甜品世家 (西環)西環堅尼地城爹核士街11號地下4號舖