賞茶 (荷里活廣場)

营业中

休息中

服務態度有需要改善一下 講真員工心情好唔好唔關我事 我淨係問一句 呢杯野飲請問可唔可以少冰少甜 冇出聲答我可以定唔可以就自己打咗少冰少甜 其實我問下可以定唔可以 因為飲個個唔係我 你可以答一聲 唔可以答一聲 自己打單打落去係你飲定我飲 再者 我問一聲有冇visa比錢 唔洗好似我欠咗你幾萬蚊咁 西口西面話得現金八達通 唔係我冇現金八達通 係我唔知有咩方式支付 如果我知我實攞定出嚟比埋你地員工 講真我完全冇諗過服務態度由我心情好好 搞到我要好似做錯事而受人氣咁走 今次比錢買難受

叫左杯半糖熱手工芋頭鮮奶，甜到嘔，自己加左鮮奶 加左小半盒都勁甜，咁大杯野 得幾粒芋頭，我要飲鮮奶嘅話樓下7仔20蚊一大盒啦大佬我比49蚊買杯甜到嘔嘅鮮奶，想知啲好評係咪買番黎🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮

【賞茶🧋🤤】今日同朋友睇完戲 好想飲珍珠奶茶 經過賞茶 決定買一杯*極品波霸賞奶茶（少甜少冰）$28d茶嘅味道比較淡 應該係紅茶底 反而係d珍珠比較Q彈 彈牙 有嚼勁 煙煙韌韌適合喜歡咬珍珠嘅朋友 整體搭配一般 不過不失⭐️評分： 6/10 📍地址：賞茶 (鑽石山)鑽石山龍蟠街3號荷里活廣場3樓324號舖 #珍珠奶茶#珍珠奶茶🧋#🧋#賞茶#極品波霸賞奶茶#手搖#bubbletea#bobatea#hongkongfood#hongkongfoodie#hongkongfoodblogger#hkfoodie

不嬲飲開凍嘅普通珍珠奶茶今次試吓熱嘅 原來熱嘅會細杯左 不過都正常嘅 冇咗啲冰但係攞嗰陣發現點解朗下朗下 一打開原來佢唔滿杯 好似飲咗幾啖咁唯一好啲就係熱飲茶味濃啲 唔會太熱 暖暖地 入口就飲得

【#肥波飲野系列】🎈星期六媽咪上左黎我地屋企，因為好熱，佢打比我話要飲凍野😆呢個小朋友真係好鬼曳～成日想飲凍野🥤所以我放工經過荷里活返屋企就買賞茶比佢試吓（其實我都係第一次飲）😂😂我地叫左：媽咪：荔枝蘆薈（佢話要有野咬下😂）肥波：極品波霸賞奶茶走糖🎈同其他茶飲店一樣，因為無加糖嘅關係，所以只靠本身珍珠嘅蜜糖令到杯野飲有少少甜味，岩岩好！另外就係隻杯真係好靚，係我地嘅家💛💛💛💛💛📍賞茶（鑽石山）📍鑽石山龍蟠街3號荷里活廣場3樓324號舖

烏龍奶茶$22論性價比上完全都OK！今次叫左少甜少冰就覺得已經好夠味～覺得烏龍味都幾濃，中意飲烏龍奶茶既應該都會覺得幾好！成個流程都好快，等都唔洗好耐，大概5分鐘左右都好快~22蚊絕對對得住😜

【 大大杯好抵飲 】Lunch食完d炸物，成個口都好乾，咁啱經過賞茶見到咁多人排隊，我都俾佢哋的飲品吸引住，餐牌選擇都好多呀！睇完餐牌決定叫杯黃金烏龍，微糖走冰，大大杯先要$18，好抵飲。杯黃金烏龍好香茶味，烏龍味好濃，好解渴，唔錯唔錯！這間賞茶的店舖裝修以木材為主，環境令人感覺好舒服，等緊杯飲品時仲見到佢哋有新推出的三款期間限定蕎麥系列，包括有蕎麥茶，蕎麥奶茶，桂花蕎麥茶，幾款都好吸引，下次要試下先。

本身着黃店就支持下，叫咗杯凍芋頭奶綠試吓。$28唔算特別貴但又唔係特別平。叫咗半糖，但都仲係好甜。奶味同茶味都好淡，芋頭打碎左之後基本上完全食唔到。飲開其他芋頭奶綠芋香味道好夠，但呢間完全唔得。唔會再幫襯 👎🏻

杯野飲落係似道地既荔枝玉露，但係又會比較好飲一D既！首先，佢地個荔枝味會比較淡D，但吾會係假荔枝味！不過我就吾多飲得出佢茶底個個茶味，飲左五啖先有一啖飲到個茶味。我估杯野應該係用綠茶做個底！然後，佢既蘆薈粒係會比較大D，同埋食落咬落係感覺到係新鮮蘆薈黎既！我自己就覺得甜度少甜就已經足夠，而且少甜都會比較健康D！雖然都係肥！lol另外，杯野飲起上黎係會非常透心涼，但係吾會凍到個喉嚨痛！所以少冰我覺得已經足夠！同埋店員都係十分有禮貌既！

諗住有優惠就試下啦, 叫左珍珠奶茶, 茶味同奶味都好淡, 係我近排飲過進步空間比較大嘅台式飲品店, 其實任何食品店都係, 唔做好我地係唔會幫襯第二次架, 所以要盡量做到零瑕疵先岩

在鑽石山行街，下午茶時間想喝杯珍奶於是便來到荷里活廣場的賞茶。賞茶不是每間分店都有小食，難得見到有套餐便吃貨上身！兩個人叫了一個台南小食套餐加一杯飲品。套餐固定了鹽酥小派對配波霸奶茶，不能轉其他飲品。鹽酥小派對有一口雞、花枝丸、薯條，我們吃了才記得拍照，本身的份量會多一些。薯條放在最上面，但完全唔脆，還吃到油膩感，調味不夠均勻，有幾條比軟咸。花枝丸沒有薯條那麼油膩但都不脆，當是普通墨魚丸吃還是不錯的。一口雞是最好吃的，比軟脆一點，而且雞肉嫩滑多汁，是比軟有驚喜的。賞茶的飲品杯都不是透明的看不到還有多少，比軟不方便，而且拍照又不美觀。跟餐的珍奶可選冷或熱，個人不喝太甜，叫了微糖少冰。另外還叫了一杯波霸牛奶綠，這杯是用鮮奶，茶底是綠茶，會比紅茶底清新。

草根特意去懲罰和支持一下這間茶飲店💛，點了一個價錢實惠的飲品🥰。餐廳裝修以木材為主🌿😌，令人感到舒適自在。.📍仙草奶茶 ($22)🌿仙草清爽，感覺似涼粉，而且份量十分慷慨，可以由頭飲到尾🥳👍🏻👏🏻這點值得鑽揚。奶味偏重🥛，口感滑溜，但茶膽略欠甘香☕️，這點有進步空間🤏🏻。.MENU

係之前飲嘅一間鋪頭，不過宜家先耐時間出🤣好耐冇去過鑽石山，喺荷里活廣場行完街攰攰地就去咗搵嘢飲，離遠見到賞茶就去咗試😆哩間鋪頭唔算大間，但有大大個賞茶logo，啱哂打卡用📸.🐽極品波霸賞奶茶🐽佢嘅茶底濃厚，奶味夠香，牛奶同埋茶嘅比例調較得啱啱好😋另外佢嘅珍珠好煙韌 好彈牙，仲要軟硬道都啱啱好，唔會太淋，又唔會太硬🤓仲夠哂甜😍.拎嗰陣會問洗唔洗幫手插埋飲管，以我哩個成日飲珍珠奶茶，但係次次插飲管都fail嘅人嚟講覺得好貼心🥰其實除咗有嘢飲之外，仲會有得買台式小食，好似鹽酥一口雞/鹽酥花枝丸/薯條等等，好似都幾吸引😋不過因為今次食完lunch仲好飽，所以只係買咗嘢飲，下次去嗰陣會試埋佢嘅嘢食🤤

之前去荷里活廣場既賞茶買野飲時見仍有小食但一直無機會試, 有次要去睇電影, 時間唔上唔落怕唔夠時間食野, 諗起呢間就同朋友講不如就試佢啦!! 佢間店雖然細細地不過都有個bar枱企位的.呢期我中意飲佢既桂花烏龍波霸奶茶 😋 佢既甜度無得揀, 飲落有淡淡桂花味珍珠亦有咬口. 然後再配沙茶乾伴烏冬+炸雞中翼&鹽酥花枝丸, 朋友就點咗個台南套餐, 鹽酥小派對+波霸奶茶, 鹽酥小派對內有一口雞, 花枝丸&薯條.點餐要等大概15分鐘, 唔.. 睇時間應該可以既. 等到食物送到即刻開餐. 佢既薯條真係不得了, 粗身有薯味又有咬口, 灑上椒鹽粉後簡直食到停唔到口. 😋 雞粒既份量都多. 而我既沙茶乾伴烏冬, 烏冬質料比較普通, 沙茶醬非常足夠, 不過整體有啲喊. 炸雞中翼好食! 有個前菜酸醋雲耳(or木耳?)實在太酸了..😅 鹽酥花枝丸好味但另一粒係貢丸(??) 明明寫住只有花枝丸呢(我中意食花枝丸啦!)快快趣食完之後時間岩岩好過去睇電影!!

今日黎到呢間連鎖黄店賞茶，支持下都好應該💛·佢地聖誕換左新杯，畫得好靚靚，拎上手覺得自己artistic左，份pride仲勁過can’t live without 連鎖咖啡店既奴隸😗·今日叫呢個芝士奶蓋烏龍主打有一粒一粒微Parmesan芝士，感覺就係一片芝士海入面搵到芝士溶岩咁，係我既初體驗！🤪比我想像中又幾okie，有埋口感咁唔錯呀🧀·烏龍茶底半糖少冰後剛好，始終自己唔好全糖又甜既茶🧊·餐牌仲有一堆抵食小食，下次叫埋黎食先👌🏻-芝士奶蓋烏龍｜$30-賞茶 (鑽石山)鑽石山龍蟠街3號荷里活廣場3樓324號舖