賞茶 (荷里活廣場)

营业中

休息中

li間係我幾鐘意飲既台式手搖飲品店 唔似某d店加埋d奶精糖精 成杯野飲隻味落勁假咁 li間堅係好飲～本身排隊前打算買桂花烏龍波霸奶茶的 點知見到佢地出左 期間限定新品 奶酪黑糖系列 即刻轉軚 要左 奶酪黑糖波霸奶茶 標明有一整個奶酪 好期待😍😍😍weekend超多人排隊買 但收銀店員都好快手 唔洗排好耐雖然無宗教信仰 但好鍾意佢收據底印有ge聖經經文 好有意思👍🏻耶和華如此說：「你們當守公平、行公義，因我的救恩臨近，我的公義將要顯現。」（聖經. 以賽亞書 56:1）企埋一邊等時先發現原來birdie客戶li排有賞茶優惠 買一送一！！！唯有下星期再飲過🙈🙈🙈因為太多單 都比我想像中等得耐 但我見到個個細細既廚房 都已經企左好多人 成4個員工 做到無停過手咁 算係咁雖然佢地唔係透明杯 影相影唔到杯野飲既材料 但佢個紙杯真係好靚 好用心設計開頭唔記得搖均d 第一 二啖飲落好甜 因為我本人唔太好甜 用枝飲管搞均之後 好好多 唔知係咪加左奶酪既關係 本身已經有奶 再加奶酪 飲落無咩黑糖咪 茶味都相對比較淡 但d珍珠同奶酪好有咬口同口感 雖然杯黑糖奶茶整體有d啖口 但咁正正證明佢地真材實料 唔加奶

#中意嘅請分享請點讚🍻----------😋波霸奶茶 $22奶同紅茶比例岩岩好，唔會過濃/過淡。珍珠好彈牙，唔會好硬又唔會過淋，而且粒粒都有糖漿包住，唔會冇味。---------【耶和華如此說：「你們當守公平，行公義，因我的救恩臨近，我的公義將要顯現。(以賽亞書56:1) 】單據底部有金句☝🏻做香港人唔容易 做一個有良知嘅香港人更加唔容易 香港人加油💪🏻---------🔎賞茶🚩佐敦柯士甸道63號幸運大廈5號地舖🚩九龍灣偉業街33號德福廣場二期4樓418號鋪🚩青衣青衣港鐵站TSY304號舖🚩鑽石山龍蟠街3號荷里活廣場3樓324號舖🚩樂富聯合道198號樂富廣場1樓1116號鋪🚩荃灣大壩街4-30號荃灣廣場1樓131號舖🚩大角咀海庭道18號奧海城二期G樓G07號舖🚩沙田沙田正街3-9號希爾頓中心3樓37R號舖🚩深水埗欽州街94號黃金中心地下4-5號舖🚩太子彌敦道750號始創中心地下Kiosk B🚩大埔安邦路9號大埔超級城A區地下018B號舖🚩馬鞍山保泰街16號 We Go Mall 1樓102號舖🚩將軍澳唐德街9號將軍澳中心1樓137A號舖🚩沙田瀝源街6號瀝源廣場2樓217號舖🚩太古康怡廣

本身好中意百香果味第一次試賞茶既百香翡翠 $26果然好fresh 叫左微糖覺得岩岩好可能第一啖飲會好酸但飲飲下就接受到 酸酸地覺得好開胃好足百香果味😆 而且仲有一粒粒百香果係入面👍🏿

又係比你地追到頭暈嘅賞茶 🤡 我就係最出名果間佐敦分店飲嘅，希望有返啲保證，點知！真係有料到呀 😛😛 #奶蓋黑糖珍珠鮮奶 $28，比一般黑糖珍珠鮮奶多左層奶蓋，而呢層奶蓋同而家有套好 hit 嘅失蹤飛機電影一樣，消失得無影無蹤，完全搵唔到飲唔到，可能五年之後會突然嘔返啲奶出黎 🤤 講起奶，呢杯奶疑似係用奶粉沖，啲奶粉係未溶，接落黎就係最精彩嘅部分，有料到嘅事情發生了，搖左十幾下，一飲落去，成 pat 結左嘅黑糖漿一 pat 咁樣流左落肚，完全未溶 (左圖為高清無碼圖) 🌫 心諗呢鑊大件事，我遲早中黑糖癮，而珍珠更加經典，沒有最癲，只有更癲，以為活之珍珠就難食嗎 😏 少年，你太年輕了，煮到啲珍珠爛到食落似啫喱先係經典，係膠之啫喱呀哈利 💕 連埋未溶黑糖，再加埋疑似奶粉未溶嘅奶奶飲落去，我真係諗唔到可以點形容，百感交集，唔止震撼味蕾，睇恐佈片定驚必飲 ❤️❤️❤️-賞茶

個紙杯真心想讚下個設計，幾有香港特色。影下相係幾靚既....但其他野就讚唔落手喇😂我點左個芝士奶蓋烏龍$28,店員推介之下，我地加左珍珠(好似加$2)...首先講個茶底，唔講以為飲緊水😅😅，勁勁勁淡味囉。然後啲芝士既味道...真心唔想再提落去...最後啲珍珠可以叫做幾有咬口咁啦...um...我諗買一次已經夠 lu...我地真心唔明白點解可以開到咁多分店🤔🤔🤔唔講宜家流行淡味版烏龍茶？？

晚上我在鑽石山「荷里活廣場」地下，大型連鎖餐廳「大X活」餐廳裡面，享用了一客用料看似頗為健康，又使用了無脂肪的雞胸肉，又使用了很多甜味甘筍做醬汁的雜菜雞胸肉紅米飯食品。我在享用完「大X活」裡面，以甜味健康甘筍製作的醬汁，配搭脂肪比較少的雞胸紅米飯晚餐過後，我趁上巴士返回西貢之前，在「荷里活廣場」樓上的台灣飲品店「賞茶」裡面購買飲品。結果我發現「賞茶」不單只，在鑽石山「荷里活廣場」裡面開了新分店之外，還推出了一些之前我在九龍灣「德福廣場」分店裡面，都發現不到的台灣大熱「黑糖珍珠撞奶」飲品。雖然「賞茶」以前都曾經推出過一些，不含咖啡因成份的波霸奶茶飲品「小時候波霸奶茶」，但是要數「賞茶」跟上飲食潮流，推出相關的「黑糖珍珠撞奶」飲品，肯定非「奶蓋黑糖波霸鮮奶」莫屬。或許「奶蓋黑糖波霸鮮奶」都屬於「賞茶」剛剛推出，手調版本的黑糖珍珠撞鮮奶飲品，所以「奶蓋黑糖波霸鮮奶」飲品，還未式被列入「賞茶」的正式飲品餐牌價目表裡面。要數「賞茶」一眾飲品裡面，營養成份和功用最相似，最接近「奶蓋黑糖波霸鮮奶」的台灣手調飲品，也肯定是不含咖啡因成份的「小時候波霸奶茶」。當然，即使「小時候波霸奶茶」裡面不含咖啡因，

賞茶嘅波霸奶茶味道唔錯，奶同茶嘅比例合適，珍珠又唔會過硬或者過軟。不過我試過嗌熱飲，但係就唔係好夠熱，好似只係用暖水沖咁。反而佢嘅小食就超級好食啦。我最鍾意嗌佢嘅鹽酥小派對，有齊炸雞、炸花枝丸同埋炸薯條三款小食。所有小食都係即叫即炸，所以每一次食都係熱辣辣，又脆又香口，用嚟送佢嘅奶茶，配搭一流。不過，因為佢係即叫即炸，所以每一次嗌小食都至少要等半個鐘先有得食，所以強烈建議你哋唔係好趕時間嗰陣先至好去買。

難得放假, 今日黎左鑽石山行街睇戲, 同男朋友路經這, 見到有家台式飲品, 就幫襯一下芝士奶蓋烏龍$28自從上次返過大陸飲喜茶就愛上了奶蓋, 見到呢個就馬上點了. 有別於一般既芝士奶蓋, 呢度個芝士奶蓋係有顆粒的, 說真的! 奶蓋就係要飲佢地個香滑順口程度, 但呢度既芝士奶蓋除左有顆粒之外仲要係....一d都唔濃原先仲諗同烏龍茶配埋一齊應該可以享受到味覺衝擊吧! 抱歉! 呢個完完全全比唔到呢種感覺, 點解仲可以開到咁多間分店?!?!?!整體真的麻麻地. um....我諗應該冇下次了

今日去荷里活睇電影，經過賞茶，好耐無飲過哩d好吸引但好肥嘅台式嘢飲。見到枱面有個牌寫住黑糖波霸珍珠奶茶同埋另一個黑糖鮮奶，應該係新產品，近排好興黑糖飲品所以忍唔住都買左杯。好可惜呢杯黑糖波霸珍珠奶茶係冇得揀甜度同埋冰。而且相較佢其他飲品個杯係比較細。一開始拎上手啲黑糖仲係熱嘅黑糖味勁重，好正。而且好滑好香鮮奶味。但係因為冇得揀甜度，有啲太甜啲珍珠較軟，但係好香黑糖味，我幾鍾意。Overall來講，除咗太甜之外其餘都唔錯，最重要係唔使排隊！

一直都有飲賞茶，但多數幫襯奧海城個間，呢間幾個月前都有幫襯過，都無咩大問題，但點知...今日買左杯鮮奶奶綠番到屋企飲，第一啖點解有少少薄荷味，第二啖有蘇味，呀真係好難飲，最後飲左幾啖倒左唔怪之得今日星期六間鋪都無人等野飲，原來沖野飲啲人咁唔掂....以後都唔會幫襯 要飲賞茶飲番奧海城個間

太太近來愛上了珍珠奶茶，因為成日要我買，搞下搞下連我都喜歡上這一種台式飲料。 知名的品牌飲了很多年，就算是拜訪未去過的分店時都未必會想起拍照留待日後撰文。不過，有時見到一些新名字，又有小吸引去為其寫返幾隻字既，而是次來訪的，是一間叫《賞茶》的台式飲品店。波霸奶茶，也就是珍珠奶茶。茶的味道不錯，奶亦夠濃，入口也夠順滑，而珍珠夠煙韌彈牙，是不錯的一杯台灣式奶茶。天氣熱，我要了一杯荔枝烏龍來消消暑，是用上了荔枝 syrup，但給的濃度適中，不會過甜，亦沒有蓋過茶味。對，這是近來開始售賣台式飲品的店，而且我可以說，這是一間不錯的台茶店。

呢一間位於荷里活廣場3樓嘅鋪頭都算係位置好方便同屋企人一齊睇完戲之後去買一杯珍珠奶茶解下渴當時係夜晚八點幾左右 但店員已經話無哂珍珠好失望咁就無買到 買左其他小食佢嘅鹽酥雞花枝丸同埋薯條都好好食 好推介俾大家最好就唔好繁忙時間去買啦如果唔係要好耐㗎

係荷李活廣場睇完戲，想飲啲野就黎左賞茶最近賞茶的分店愈開愈多，價錢相對親民，一直都想試下佢既波霸奶茶天氣咁凍叫左一杯熱飲，個人認為茶味唔夠濃，而且珍珠唔係好夠咬口，如果坊間咁多間珍珠奶茶店並列，坦白講賞茶一定唔會係首選但以過過口癮、咬下珍珠都可以係一個選擇比錢時見到呢個布丁燒，好似好吸引，仲可以一次過滿足三種甜蜜滋味於是叫左一個試下結果原來係用膠杯裝住就咁係雪櫃拎出黎，賣相令我有少少失望試完之後完全係覺得唔試都冇損失只係普通的芝士蛋糕上面鋪上一層布丁，未有感受到三種甜蜜滋味$28我覺得有點貴，試一次就夠了

呢幾日氣溫急降，得17度，冬天衫都未執得切出來😭呢幾日出街都只係知袖衫加外套，喺室內都還好，室外其實都唔太夠暖……行過賞茶諗緊不如買返杯熱飲暖手，再睇到佢個靚靚杯就即刻排隊。我叫左杯熱手工香芋奶綠半糖，服務員態度友善，會主動問客人甜度有冇特別要求(我試過其他店如果唔主動講，佢就會俾100%甜度，甜到喊😣)。店內設有等候區，可以容納五至八人， 喺非繁忙時間，客人唔使企喺店外等。因為係即叫即製，所以店內都有溫馨提示話要等10-15分鐘，但可能我去嘅時候唔多人，等左五分鐘就有。 服務員亦會好貼心地問你係咪即刻飲，如果係嘅話，佢會幫你插飲管即時開。😄綠茶味同奶味各一半，比例剛剛好，口感香滑，而且仲有軟稔稔嘅芋頭粒， 芋頭微甜粉粉地， 味道同奶綠十分match😋 甜度係半糖， 我本身不太好甜，覺得啱啱好。如果想喺冬天飲一杯甜甜溫暖的， 可以揀呢杯手工香芋奶綠。

明明已經踏入十月，天氣仲係超級的熱，即使已經走入商場避暑，發覺唔飲返杯凍野真係無力再走下去呢😵好彩俾我地遇見到佢。裝潢以木材為主，睇落有種舒服既感覺，或者應該講有文青風格？🤔排隊人龍唔多，買完等左唔係好耐就有得飲了。芋香牛奶係朋友至愛，貪佢飲落有粒粒芋頭可以食😋芋頭香味濃郁，相比其他台式飲品店係有分別。怕甜既朋友叫少糖就岩哂喇至於百香蜂蜜，飲兩啖已經好解渴，蜜糖味爆燈，可惜甜左些少（呢杯唔記得叫少糖），飲飲下有啲粒粒可以食但not sure係咩野黎飲完之後大家都心滿意足，繼續行街街去了