赤

营业中

休息中

今日好熱，系CWB行街，行到攰想食下啲涼涼地嘅嘢，就去呢度食下日本野，貪佢夠近我坐車返屋企個位入去坐望住個view又幾寫意，可惜有幾架大車，遮住左個海景，食食下又見到啲遊客系度打卡影相，又幾過癮😹😹😹我就叫左幾樣野食：1. 一個刺身飯lunch set2. 荔枝腩肉串燒3. 雞皮大葉包蝦串燒1. 刺身飯lunch set佢有好多款刺身：三文魚、呑拿魚、海膽、大蝦、帆立貝、三文魚子佢仲有一塊大葉我最中意大葉清新嘅味道，包住刺身同飯黎食，好refreshing佢每款刺身都好新鮮👍🏻👍🏻我叫set嘅，所以佢跟餐有個茶碗蒸同麵豉湯茶碗蒸好好食，有淡淡嘅鰹魚味麵豉湯又唔會太咸，好順喉2. 荔枝腩肉串燒我每次去日式餐廳都會叫，朱腩肉包住荔枝黎食，好甜, offset埋朱肉嘅膩3. 雞皮大葉包蝦串燒蝦超級爽口，雞皮好香脆，大葉又係我favourite, 呢款串燒好有新鮮感，大推

朋友生日lunch同佢食餐好啲嘅慶祝吓去到百德新街好多餐廳揀赤居食屋門口放咗餐牌見價錢中等就入去試吓先🍱午市套餐都幾抵食主食好多款選擇仲配有茶碗蒸、麵豉湯、漬物、椰菜絲沙律🥗椰菜絲可以任添㗎唔洗怕尷尬，因為職員會主動問你需唔需要添加，好nice☺️有胡麻醬或者柚子醋柚子醋感覺健康啲，亦都好Fresh茶碗蒸啲蛋好滑面頭仲有粒菇仔麵豉湯好好飲，唔會好鹹，真係自己煮唔係沖粉嘅！🍱馬糞海膽吞拿魚蓉丼 $188一半馬糞海膽一半吞拿魚蓉份量超豐富😍首先馬糞海膽好新鮮好甜唔會有好重嘅海水味吞拿魚蓉當中仲會有粒狀吞拿魚食落好有質感因為吞拿魚蓉夠新鮮，唔需要夾住好多蔥去冚住啲味可以單純咁品嚐到吞拿魚嘅鮮味好正👍🏻🍲牛肉壽喜燒鍋定食 $158有時真係唔好眼闊肚窄以為得嗰幾片牛，其實份量都好足夠壽喜燒汁唔會太甜五片牛大大份充滿油脂，所以食晒都好飽睇吓鋪滿娃娃菜同埋菇仲有蘿蔔附上餐牌俾大家參考無論係刺身丼定係熟食都好吸引下次再帶朋友嚟食！

今日傍晚時份行經銅鑼灣百德新街，見到呢間日式小店「赤」，本著試新嘢嘅心，走入去探店試菜。餐廳裝修充滿著日式居酒屋風格，放滿清酒樽的一幅木架牆十分吸睛。🍢 鮮蔬菜條每到日本居酒屋，例必有嘅蔬菜條，分別有紅蘿蔔條、青瓜條、芹菜條和椰菜片，配埋日式麵豉醬，夠晒清爽滋味。🍢 味醂魚乾呢個味醂魚乾烤到啱啱好，唔會太乾太硬，食落重好juicy添，配埋沙律醬，味道一流。🍢 雞翼呢串雞翼有2隻，烤到外皮金黃酥脆，而裡面啲肉質重保持到鮮嫩多汁。🍢 豚肉荔枝卷豚肉經鹽燒後，表面微焦，裡面加埋果肉飽滿多汁嘅荔枝肉，勁好味。🍢 芝士年糕芝士年糕燒到外皮少少硬，但內裡夠晒软糯Q弹，芝士奶香味濃郁，配埋脆口嘅紫菜食，層次感極豐富。🍢 柚子胡椒豬腩豬腩肉加入咗柚子胡椒，經烤烤後散髮出迷人嘅柚子果香，使到口感更加清新宜人。🍢 日本長崎雞胸軟骨雞胸軟骨的軟硬度適中，不會太硬，也不會太軟失去口感，而肉質夠鮮嫩，不會有乾柴的感覺。🍢 白鱔白鱔燒到外皮夠咸香脆口，而裡面嘅魚肉重好細膩。🍢 菠蘿燒烤後嘅菠蘿微微焦黃，一口落去啲菠蘿汁標晒出嚟，夠晒香甜多汁。🍢 燒岩手縣生蠔岩手縣生蠔肉質飽滿，口感滑嫩，配合埋味噌，令生蠔增添咗一

「赤」是一家位於銅鑼灣百德新街新張不久既居酒屋，門面木系設計甚有日式風味，內裏裝潢休閒，牆上放滿多款清酒樽，午市主要食定食套餐，方便上班一族，晚市就會做居酒屋，主打各款串燒、日式小食、刺身等等應有盡有，當然唔少得可以飲吓清酒，放咗工可以嚟輕鬆一下👍▪️馬糞海膽吞拿魚蓉丼 $ 178午市套餐（椰菜絲沙律、茶碗蒸、漬物、麵豉湯）相當抵食，丼飯份量大，而且馬糞海膽吞拿魚蓉質素亦相當高，海膽細細粒但好清甜，吞拿魚蓉入口肥美，配上香蔥和芝麻常美味，而且會有清新嘅椰絲沙律可以無限Refill ，茶碗蒸伴入香菇，香滑充滿蛋香，食飽飽飲返一碗熱辣辣嘅麵豉湯，非常豐盛嘅午餐▪️唐揚日本薩摩赤雞皮 $ 78餐廳必食推介，一上枱份量嚇死人，超級慷慨好大塊，日本雞皮即叫即炸，香脆得黎帶一點點脂肪，充滿鹽香，亦可沾上沙律醬增添風味，做小食或者送走一流▪️手羽先 $ 38香濃雞香雞油味，外皮香脆，雞肉嫩滑，燒得好有功架，只用鹽調味，就是美味▪️大蔥豬腩 $ 38豬腩半肥瘦，油香四射，肉質爽口又彈牙，配上濃濃香味嘅大蔥，高質素▪️燒牛油粟米 $ 38粟米外層焦香，味道清甜，加上最佳拍檔牛油，香味滿瀉

見到餐牌這頁這三款魚生杯，不想揀全部都點了😂 •✨馬糞海膽三文魚籽杯 $118 賣相不錯~ 海膽的鮮甜與鮭魚卵的鹹香互相配合，這價錢來說味道中規中矩。•✨馬糞海膽大葉帆立貝 $118帆立貝頗鮮甜，肉質厚實。•✨赤蝦吞拿魚蓉杯 $118 赤蝦鮮甜，和吞拿魚蓉同樣鮮甜。•✨燒岩手縣生蠔（味噌) $58想食生蠔但餐牌上找不到，退而求其次選了味噌味的燒生蠔😂 烤生蠔外焦內嫩，頗新鮮，簡單的調味使得蠔肉更加突出，吃得到微微的煙燻香氣，正常發揮。•✨燒羊架 $68羊架外皮酥脆，羊羶頗重的羊架。•✨柚子胡椒雞肉 $36 咬落有清新的風味，雞肉烤至金黃酥脆，柚子胡椒帶來微微的辛辣感。•✨茶碗蒸 $38蒸蛋算嫩滑，但入面沒有平時吃開的餡，少了點鮮味，少失望。•✨雞腎$36調味適中，但口感偏硬。•✨牛油粟米$38 最後點了牛油粟米，粟米夠甜，好食！✨✨✨餐廳服務不錯，上菜速度快。

上次在附近食了一頓不錯的晚餐，經過這間日式餐廳時看似不錯，默默記下了這間餐廳，今晚找到個機會來試試。•打開餐牌見到這裡魚生串燒都有！今晚專程到這餐遮就是來食串燒 自家製免治雞肉棒 $48 雞肉串係我每次都必點的串燒，雞肉外焦內嫩，搭配又香又濃的蛋黃醬汁，每一口都充滿了滿足感•牛肉稻庭烏冬$118 天氣凍時，食熱騰騰的麵最幸福牛肉不錯，烏冬彈牙~ 頗好食但過百元一碗烏冬稍嫌性價比不夠高 🙈•烤小甜薯 $30 🥔 車厘茄 $28 🍅 有點口痕才點來食，想像到的甜薯/小蕃茄口感和味道。味道沒什麼特別，但冒著煙熱辣辣食著甜蕃薯，接著下一口食清甜車厘茄，還是不錯~ •燒菠蘿 $38想不到這餐廳有燒菠蘿食！當做晚後甜品一流！•餐廳頗舒服，播著日文歌，加上店內裝潢，食食下有少少身處日本之感😂 食物選擇多，可以一試。•As usual, menu for reference : )

主打日本菜嘅小店，無論裝潢定氣氛都非常正宗，帶有濃濃嘅日式風情。雖然係居酒屋，但佢哋嘅午餐性價比都係極高！前菜：椰菜絲沙律、漬物、麵豉湯、茶碗蒸刺身盛丼刺身切得厚薄適中，鋪滿咗整碗飯，一上枱就非常吸引。赤蝦鮮甜滑嫩，帶有自然嘅海洋香氣，非常新鮮；吞拿魚肉質細膩，油脂分布均勻；三文魚帶有豐富嘅油脂香味，每片都充滿鮮味，唔會過肥膩，食得出係高質嘅魚材；油甘魚肉質滑溜，帶有一絲絲甜味；底部嘅醋飯酸度適中，配埋刺身嘅味道真係一絕，食完非常滿足。馬糞海膽吞拿魚蓉丼馬糞海膽嘅份量非常豪氣，色澤鮮艷，海膽嘅鮮甜同濃郁嘅海味係靈魂所在；吞拿魚蓉用料非常細膩，口感滑順，帶有淡淡嘅鮮甜味，配埋海膽一齊食，味道更加豐富。

今晚在銅鑼灣吃飯，餐廳是地鋪，在馬路旁，一眼就看見了。店員送來送蔬菜盤，是固定收費的。有青瓜、西芹、紅蘿蔔、菜，挺清爽的。⭐️牛肉稻庭烏冬這碗烏冬麵熱氣騰騰，麵條滑順，彈性十足，搭配新鮮的牛肉片，肉質鮮嫩。⭐️豚肉稻庭烏冬豚肉的油脂與烏冬的Q彈相得益彰，讓人感覺到濃郁的日式風味。⭐️自家製免治雞肉棒入口啖啖肉，雞肉的鮮香在口中迸發，十分開胃。⭐️茶碗蒸滑嫩的口感與鮮美的高湯完美結合，熱辣辣的雞蛋滑溜溜，很美味。

風和日麗的時光，最好是好友相聚，喝一杯清香的綠茶，吃上美味的日式料理，坐在舒適的餐廳裡，天南地北一番，最是享受，夫復何求。從天后經過維多利亞公園，在銅鑼灣百德新街66-72號地鋪A，【赤】一家別緻的小餐廳就在這裡。美味午餐开启，一盘赤極上丼映入眼帘。它如诗如画，每一份食材都饱含着大海的馈赠。马糞海膽，其味浓厚如美酒之陈酿；吞拿鱼、三文鱼与油甘鱼交融于雪白光泽的珍珠米饭上，这即是丼的主角，一幅幅精致的食材堆砌出的交响曲。再看三文鱼子，仿佛深邃夜空的繁星，为这份美味画上了点睛之笔。赤蝦的身姿曼妙，跃然盘中，独特的海腥气引人陶醉。而凡立貝的滑嫩口感，则赋予了这道美食独特的鲜甜滋味。還有那道盐烧鯖鱼定食🐟，在慢火🔥与盐的香煎下，鱼的鲜美与海的情怀得以升华。其咸香浓郁，入口即化，恰似一次海洋风味的深情拥抱，每一口都是一次舌尖上的旅行，赤極上丼，不仅仅是美食的盛宴，更是对生活的热爱与向往。定食套餐還配上脆脆醃瓜🥒🥒，滑滑菇菇碗蒸蛋🥚🍳，昆布豆腐面豉湯，燒鯖魚🐠配檸檬🍋和羅蔔蓉，店員服務周到👩‍🔬👩‍🔬，忙前忙後，保證滿足客人的需要。👍👍

星期日同朋友去銅鑼灣買聖誕禮物，行到有啲攰就去咗一間日式居酒屋食午餐。我哋每人各自叫咗一個午餐定食，再加多一個小食。午餐定食包括椰菜絲沙律、茶碗蒸、漬物以及麵豉湯。脆脆嘅椰菜絲配胡麻醬以及柚子油醋，十分開胃。傳統嘅蒸蛋滑嫩，蛋香濃郁。漬物嘅酸味提升左整餐嘅日式風味。麵豉湯亦非常濃郁。吉列豬扒配稻庭烏冬定食吉列豬扒外層炸得金黃香脆，咬落去口感更係外脆內軟。稻庭烏冬質地滑順，清爽可口，正好中和左豬扒嘅油膩感。牛肉壽喜燒鍋定食鍋中有各種新鮮蔬菜，包括娃娃菜、冬菇、蘿蔔、豆腐、金菇菜等等，牛肉沾著甜甜嘅醬汁，配埋飯食一流。燒原隻魷魚筒魷魚筒份量相當驚人，外皮微焦，質感爽口彈牙，搭配檸檬汁，味道鮮美，燒烤香氣令我忍不住一口接一口食。日式居酒屋環境寧靜，適合同朋友聚會談心，而且價錢合理。

今日難得放假 去左CWB行街 行到攰 係百德新街果邊搵野食 無意中搵左間日本餐廳 坐低食個lunch 環境好舒適 d位一d都唔迫 坐得好舒服ge 我點左個lunch set 赤極上丼（馬糞海膽，吞拿魚，三文魚籽，油甘魚，赤蝦，帆立貝）$268 椰菜絲沙律好正 呢個沙律係可以免費添加 mix埋柚子油醋超好食 係一個好開胃ge前菜 茶碗蒸蒸得岩岩好 好有蛋香味 漬物都係開胃ge Lunch set主角每一樣刺身都好新鮮 最鍾意食海膽 超鮮甜 赤蝦大大隻 好滿足 三文魚籽粒粒都好飽滿 帆立貝好鮮美 魚生份量好足 總之就好好味啦 Lemon Highball $88忍唔住叫左杯酒飲 超大杯 very chill 非常推介呢間居酒屋

最近我去咗銅鑼灣的居酒屋「赤」，真係一個唔錯的選擇！首先，A5和牛壽喜燒真係令我驚艷，牛肉質地非常嫩滑😍😍😍仲有專人代燒，咁就完全唔需要擔心燒得唔好食🤣🤣🤣配上佢哋自製的醬汁加埋日本蛋，味道真係好入味，口感一流！😋😋再講講蔬菜拼盤，係壽喜燒跟埋嘅套餐嚟，估唔到都幾大兜喎！裡面有各式各樣的新鮮蔬菜，食完和牛再食菜就可以解解膩👍🏻然後係炸雞皮串燒，外面酥脆，裡面鮮嫩，搭配佢哋特製醬料，真係好好味，簡直係啤酒最佳拍檔。豚肉蘆筍卷都唔可以錯過，豚肉包住脆脆的蘆筍，咬下去時肉汁四溢，味道夠香，令人一口接一口！最後，甜品的日本小甜薯，口感軟綿又帶點甜味，作為結尾，簡直完美😍😍整體來講，「赤」的每道菜都好用心！

很喜歡餐廳所在的位置，位處銅鑼灣但是又不像鬧市，百德新街既近海、位置又方便、而且還有點悠閑浪漫。星期二但是餐廳幾乎滿座，店舖氣氛放慢了城市節奏，食客大多是邊喝酒邊吃串燒。餐牌上的選項蠻多，烏冬泡飯鍋物卷物燒物刺身，滿齊全的居酒屋食物。點了一客鏗魚汁日本A5和牛肉眼鍋、白鱔串燒、茶碗蒸。牛肉鍋的菇菜挺多，很健康。香港大部分餐廳都有種匆忙的氣氛，不過我們留了差不多兩小時，這裏的食客好像比我們早來又比我們晚走，而且座位很寛，似乎是適合談天的餐廳。連著油站一起拍的餐廳在燈光下還是滿漂亮的。

今日難得黎開銅鑼灣，約左個同學食中午，揀左係依間新開既居酒屋，中午時間人都幾多，但勝在氣氛都唔錯。蒲燒鰻魚飯定食，嘩成條幔魚甘上！成碗飯睇落超有食慾！中午set 包左燉蛋及麵豉湯，前菜，好豐富。最緊要既幔魚肉係我中意既質感，腍腍地，而幔魚皮有少許焦香既味道，配埋隻汁甜甜地食落真係一流！滑蛋吉列豬扒飯定食，份量好大！d 蛋多到滿出黎！蛋都算仲係好滑既，而味道都好夠，一啖飯一啖蛋甘食認真正。主角炸豬扒都唔錯，豬扒估唔到都幾厚，而炸漿唔算太重身，即使有蛋汁，佢都依然keep 到小小脆既口感，唔錯既。汁燒大蔥雞肉，柚子胡椒雞肉，大蔥豬腩叫左三串串燒，最中意係柚子胡椒雞，柚子味幾濃，而雞肉燒到仲好有肉汁，師傅手勢唔錯。我更欣賞佢既配搭，清新得黎又好味。整體黎講赤係好正既居酒屋，下次黎想試埋佢既刺身

無諗過星期六都有午市套餐,選擇都幾多。叫左個牛肉壽喜燒定食,有蒸蛋、前菜、牛肉、同埋加左飯素既飯,另外仲有椰菜絲無限添加。好抵食呀!茶碗蒸有mushroom既點綴,食落好滑、牛肉份量好多,壽喜燒既湯汁仲可以當湯飯咁食添。牛肉富口感又有肉味,嫩而多汁，脂肪分佈正!另外叫左個油甘魚鮫,肥美嘅魚腩向上近下巴位置油脂豐富、肉質有彈性、魚油甘香，魚肉滑嫩。最後叫左個雞皮紫蘇葉蝦。最外層係烤到香脆既雞皮，中間有塊紫蘇葉，最內層係虎蝦。 口感有層次，味道複雜多變。正呀!