超羣麵包西餅 (已結業)

成個商場都要拆卸翻新 睇怕小型既麵包店真係買少見少😭超羣星期日就執啦 屹立多年都不敵業主一個小決定好啦番正題😢原本係想食紫薯架點知已經無左🌚咁就試下新既Kitkat香橙蛋撻($9)🍊😋外表就係普通蛋撻加Kitkat碎無特別😹😹但係撻皮既牛油味好香😍亦見到蛋餡部分好嫩滑👄要讚既絕對係Kitkat一啲都無掩蓋蛋香😍兩者互取平衡好難做到😢但係我食呢個就得啦👅下面仲有香橙醬減膩💪真係有橙皮係真材實料架😏但係下面撻皮就淋左啦💩個蛋撻好脆弱d皮好似就散就散咁😂但係咁先show到皮薄餡多😎整體非常完美😍😍

[[]]到處都是紫薯，這股紫薯熱潮真的一發不可收拾😁😁😁超羣近日新推出紫薯蛋撻，除左表面既紫薯粉之外，中心位置有綿滑鮮甜既紫薯蓉，與幼滑蛋撻非常相配，真材實料👍👍！！！紫薯蛋撻用了曲奇皮，皮薄鬆脆。一咬便露出紫薯蓉夾心，配埋周邊幼滑的蛋漿極match。呢個紫薯撻都只係賣$8一個，好平啊，性價比整高（cafe 閒閒地一個紫薯dessert都>$70）！大家要留意出爐時間啊，聽職員講平日下午四時多就賣完。有需要可以打去預留，放左工去拎🍴[[[ 消費滿$40送芳叔椰撻 ]]]除左早兩日介紹既紫薯撻外，仲有呢個本月優惠買滿$40即送芳叔椰撻😁😀😀數下手指，買5個紫薯撻咪夠數囉👍👍👍

本來一心係買芳叔蛋tart做早餐點知又賣晒 真係好多人鍾意食唯有買第二D野食啦~紙包蛋糕幾靚仔喎忘記左幾多錢~幾蚊雞左右底層蛋糕黃色部份好軟熟~好似食緊棉花咁蛋糕唔會過甜~甜度剛剛好個面焗得好靚~咬落去好新鮮好香蛋味，唔似美X果D淋bag bag好味呀~~~

其實超群嘅芳叔蛋塔我已經食過好多次，但次次食都覺得好好食唔係時時有架~一出爐好快就賣晒D人通常半打一打咁買，所以真係有緣先食到今朝早行過去睇下有無先~好好彩賣剩最後一個個蛋塔重係微溫架Size夠大，蛋漿足，加埋曲奇皮真係好好食呀~~~

我也是住在這分店附近的街坊，經常買蛋撻，蛋撻是牛油皮，不小心會吃到一身都是碎，但味道不錯，不太甜太淡。蛋夠滑，吃一個便好了，否則會太滯！不過年紀最大個位服務態度就讓我有點失望。其他店員都 O.K.

我這個九龍人，很小走到港島區那邊，還要是南區那麼遠；今天來到華貴邨前，在車上跟朋友開了玩笑，說道他今天遲到了，要請大家吃東西，我便打趣說不如請吃芳叔蛋撻吧！實在真的說笑，因我只知超群在中環那邊有店子，而真的不知竟然在華貴邨這麼“隔陟”的地方都會有她的分店！那麼，就走進去買了一打芳叔蛋撻，哈哈，這裡價錢還有折扣，一打才要41元，平均一個都不用四元，抵吃！每人手到拿來，蛋撻還是暖暖的，咬在口中，大家都異口同聲讚好，讚它蛋料夠，不欺場，而且不會太甜而失卻蛋撻的原有味道，蛋撻底的曲奇皮料也非常好，單吃這個曲奇底都已經滿意極哩！

基本上臨搭車返工果陣，都會去超群買包同咖啡o既。今朝買包果陣，我同個阿嬸講得好清楚係「香滑」咖啡，但佢都仲以為係「特濃」，佢仲要同個同事講聽到我講特濃，其實唔止一次係咁，係起碼三次，我有一刻想叫佢去做吓個ear check，但最尾都冇講到，因為費事之後入去買包麻煩=.=其實佢d 包ok~~ 係果個staff 聽唔清楚人講野=.=

我是住在這分店附近的街坊，一直都習慣了早上上學前，先到華貴的超群餅店買麵包吃。老實說，我覺得現在的超群比起從前進步了，質素也好了，要不是這個原因，也不會讓我每天都到這裡買麵包作早餐。我最喜歡吃的就是那裡的芝士長條包，喜歡它在麵包上頭有一層焗得香脆的芝士，剛出爐的更是滋味無窮。而這款麵包的價錢也不過是$2.8，我認為是超值的。可是，超群個別員工的服務態度就讓我有點失望。因為這款麵包價錢是$2.8，平時我大多是拿出$3，收銀員也會找回零錢。近日我又到餅店買早餐，付款時，我發現錢包裡沒有一元，就拿出一個兩元硬幣，再夾雜幾個毫子，合共數目大概是$3.1左右。當我將錢交給那收銀員，她看了看那些硬幣，突然說：「你畀咁多我做咩唧！」然後從中拿出一個五毫子，一手拍到八達通機上，態度不善地說：「攞個兩毫子畀我啦！」那時我心中已經冒火，我說：「無喎！」她收回放在八達通機上的五毫子，嘴裡又繼續說著：「咁你畀咁多我做咩唧！唔好畀咁多我呀！」然後將要找回給我的錢，又再拍到八達通機上。我明白，很多人都討厭收到毫子，但就算是我錯了，沒有數清楚錢就付款，我相信作為一個專業的收銀員，可以有禮貌地找回錢給我，或是以較好的

外遊一個月回港, 突然好掛住d牛油皮蛋撻, o係超群買左個. 撻皮夠晒酥香, 但係蛋餡實左dd, 唔係食過最好味o既蛋撻.

某日早上到華貴替人家補習, 未吃早餐, 經過超群時發覺菠蘿包剛剛出爐, 於是便買了兩個作早餐( $3一個, $5 兩個)蘿皮的甜度適中, 包身也很鬆軟, 雖然說菠蘿包在很多地方也可以吃到, 但我可以說這裡的菠蘿包是我吃過數一數二好的, 大膽說句比灣仔兩大名店-「金鳳茶餐廳」和「快樂餅店」的都更出色。另一個我欣賞超群的地方是它們的餅店都有自己的餅房, 所有包餅都是在餅店新鮮出爐的, 只是這一點美心和聖安娜便給比下去了。

講開波羅油,一般大型連鎖式麵包店所賣o既都係唔多好食,通常塊牛油都係硬過石頭.但超群喱個就相當好,塊牛油已經o係半溶狀態,到食落口就溶o係口裡面,加埋甜甜地及軟淑o既波羅包,口感一流,可試.

o係中環新開o既分店走新派餅店路線, 有好多創意包餅. 試過芳叔蛋撻, 緑茶cheese stick, 太空山(香蕉花生醬包), 味道都唔錯, 可以一試.

對椰絲奶油包有種特別的感情,食開"美X"o個隻,試下超群喱隻.超群喱隻size比較圓D,麵包較硬,而且奶油冇咁滑,食落有D好細粒好似糖o既物體,可能做奶油o個時攪唔勻,攪到個包好似好甜咁.要改善.