超達食堂

营业中

休息中

行過新蒲崗見到呢間叫超達食堂嘅餐廳，個名幾得意，忍唔住就外賣試下～今次揀咗個特別啲嘅全日餐，入面有龍蝦湯烏冬 + 吉列魚柳 + 香草豬肉腸 + 3.6牛乳炒蛋，配搭真係夠晒豐富！首先必讚係個龍蝦湯烏冬，唔係間間茶餐廳都有龍蝦湯選擇，而且味道濃郁得嚟唔會死鹹，飲落仲有啲海鮮嘅鮮甜味～烏冬掛湯力十足，每啖都好滿足🍜。吉列魚柳大大塊，外層炸得香脆，咬落仲保持住juicy口感，就算外賣都冇因為焗太耐而變硬，呢點加分💯。香草豬肉腸有香氣又唔會過肥，配埋滑溜溜嘅3.6牛乳炒蛋，精神滿滿～$49就可以食到咁多樣嘢，份量夠晒飽，味道又有驚喜，真心覺得物超所值。如果想搵個平靚正又有心思嘅全日餐，超達食堂可以bookmark！

預早幾日訂咗個羊腩煲，第一次試，所以淨係嗌咗個一至三人份量。早咗出新蒲崗，喺附近食咗碗麵先，但係上到嚟都仲未有得攞，咁就索性食多個下午茶叫咗佢個雞髀試吓。個size就真係細咗少少，不過食得出佢個雞髀係有誠意嘅，因為個雞髀個底味做得唔錯。食完個雞髀對個羊腩煲都幾有信心。個羊腩煲用外賣保溫袋外拎走，有保溫袋載住相當貼心，返到屋企都係暖嘅。一至三人份量，都幾足料。肉量夠，唔會淨係骨，個羊都炆得夠腍。另外值得一讚係個糯米飯，勁多辣味。因為老闆娘初頭提供嗰張相，以為佢一至三人餐羊同糯米飯各兩盒。點知原來係各一盒，搞到食到到喉唔到肺。覺得下次三人可以嗌四至六人餐都唔過份。事次用餐位自費項目。

之前食早餐試過ok,但遇到個男人D態度就不好但都再試下午餐食過幾次都可以,但今次塊豬扒又細又乾又柴,見人第堂食都一樣份量又小，好似食緊兒童餐，奶茶得3份2杯,難飲左👇👇👇

今日專登行去試下佢食物質素，環境乾淨，送餐速度有效率，職員有禮。食物好食。牆上貼了新蒲崗的街名，巴士車站，很親切。價錢合理。星期六早上食早餐人流較少，唔怕太逼。

係公司附近，有時會去食lunch。只能夠形容，佢係一位外貌不討好內涵爆晒燈嘅人。呢篇食評只論食物，非關環境/衛生/服務/氛圍等等。我食過嘅係咸蛋肉餅飯，令人回味。其他同事食過蒸魚，都係極新鮮嫩口。佢嘅醬汁將餸菜帶到另一個層次。果到嘅奶茶/檸茶完完全全嘅地道港式口味，茶膽唔錯，係新蒲崗呢一帶茶餐廳嘅上品。另外，老闆亦會附送生菜一碟，對我黎講，暫時係最好食嘅茶餐廳碌菜，沒有之一。由老闆對待我杯野飲嘅態度可見一斑--佢上錯我杯凍檸茶做走甜 ，我叫佢幫我加啲甜，佢話啲檸檬已經督過唔好，直接倒左佢換過杯俾我。價錢超級平民。可惜位置不佳，裝修古舊。以上。