越北牛肉粉專門店

营业中

休息中

我今日返半日工，下午約同好友去位於西環西營盤皇后大道西389-391號地舖的越北牛肉粉專門店食下午茶餐，環境舒適，坐得舒服。我點左個 越式沙嗲牛肉牛肉丸湯檬粉 $62，追加 魚露灼通菜 $22，餐飲係 椰汁紅豆冰 $8（跟餐）；好友點左個 越北四寶（香茅雞翼、扎肉、香茅豬扒、蛋餅）配白飯 $72，追加 蜆港炸蝦餅（半份）$28，餐飲係 越式椰汁凍咖啡 $8（跟餐）。整體黎講係高質越式菜餚，越式沙嗲牛肉牛肉丸湯檬粉的湯底濃郁，牛肉味香濃好食；越北四寶的雞翼和豬扒都炸得皮脆肉嫩，十分香口好味。通菜灼得青綠；蝦餅好味；兩款餐飲都好好飲。

這間越南餐廳的下午茶真係抵食又好味！我哋三個人叫咗三個套餐，份量啱啱好，人均消費唔貴，味道令人滿意。.招牌手切牛柳湯檬粉（$68）好有驚喜，用牛柳切絲代替生牛肉，沒有肥膏卻口感嫩滑，完全唔膩，難怪限量供應。招牌傳統法包（$48）外脆內軟，餡料豐富又正宗，有鴨肝醬、扎肉和扎蹄，還有爽脆酸甜的青瓜同紅和白蘿蔔絲，加幾條芫荽，配搭一流。越式沙嗲雞絲扎肉湯河的（$60）又是比較少見，沙嗲湯底香濃。每個套餐仲包一杯熱飲，推介熱鹹桔水，鹹香中帶少少甜，飲完好解膩又暖胃。.另外，我哋加咗一碟馬拉盞炒通菜（+$22），香氣十足，通菜爽口，鹹度啱啱好，絕對值得一試。

今日帶媽媽睇醫生，之後去西環附近搵食，黎到呢間特式風味就入去試下，經理非常熱情既招待好快就坐底左，位置都好闊，坐得都好舒服。首先點左個香茅豬扒配米飯，豬扒份量非常多，味道都唔錯，點咪醬食更加提升。而且香脆可口，口感一流。媽媽就點左個一人帽子火鍋越北牛湯，呢個非常足料，好多樣肉類什錦，非常抵食，自行放落湯道煲熟黎食，河粉都係放落去湯煲，軟硬可自行調節。湯底都好香濃，真係世界級享受，必食之選。最後叫多個甜品芒果糯米飯，呢個都唔錯，白醬有好香既椰子味，芒果甜度適中，都係好唔錯既選擇。最後叫多杯芒果冰，唔算好甜，岩曬一班女士們。經理非常熱情❤️，不時都注意到我地既需求，服務一流，食物質素又好，值得再黎。

簡單與屋企人一起食晚飯～揀咗呢一間係屋企附近嘅越南菜 裝修光明亮麗 有一人餐，二人餐及四人餐 豐儉由人😆我哋揀咗兩個一人餐 配上小食~ 西貢咖喱牛腩配米飯, 結合了香濃的咖喱和嫩滑的牛腩，搭配白飯 超級好送飯!香茅牛肉撈檬香茅嘅清香配上非常香口嘅牛肉 再加上青瓜絲 蘿蔔絲同埋魚露嘅調味 加上爽滑檬粉 清爽好吃!小食 蒸粉包清清地，唔會過油膩，內裏係豬肉餡同木耳混合而成,加上少許辣椒醬 必食之選！越式烤豬頸肉豬頸肉烤得非常之香 肉質鮮嫩 爽口彈牙飲品要咗鹹吉水鹹鹹地又帶少少微酸 好refreshing ~ 非常解渴又令人食慾大增😆😆😆好正!

天氣涼涼地, 諗住食個熱辣辣既湯麵。叫左火車頭湯粉，但個湯頭唔夠熱，上面啲生牛肉都唔知點算好，唔通生食咩唯有盡量焗多陣。最後覺得都係唔夠熟，勉強食左。計我話，湯粉黎講，最緊要個湯夠熱。唔夠熱既已經可以直接扣50分。

鍾意食越南野既，當然揀正宗越南餐廳🍴咁岩公司附近有間越南餐連鎖店———越北，而且下午茶時段超級抵食，當然來呢度醫下肚啦。一次過點左主食，小食同飲品：主食：生牛肉牛丸湯河粉🍲$62 大大碗好足料，生牛肉多塊，三粒牛肉丸，食完已經好飽肚。跟餐小食：越式酸辣鳳爪 $28 酸辣鳳爪超級開胃🤤亦係我最喜歡的開胃小食，強烈推薦飲品：越南🇻🇳椰汁🥥冰咖啡☕️ $8 最後飲品當然要飲返越南特色既咖啡啦，大大杯椰汁口味也是夠特色😋

“越北生牛肉湯粉”($68)“河內烤豬肉撈檬”($75)“清沅蒸粉包”(+$25)“順化香茅雞翼”(+$20)“檸檬茶/越南鹹桔水”(+$3)間唔中都會去屋企附近呢間越北食嘢貪佢夠哂平靚正🤣晚市除咗單點,亦都有唔同套餐提供今次就點咗2個自選套餐主食先點咗越北生牛肉湯粉🐂湯底清甜,牛肉份量多又腍滑😋加埋辣椒碎,青檸汁味道更豐富😙另一份點咗河內烤豬肉撈檬🐷豬肉肥瘦分明,烤完帶點微脆😋醬汁味道帶酸,撈埋檬粉食好清爽😚小食加配咗蒸粉包,香茅雞翼蒸粉包入面有豬肉碎,蘿蔔粒等點埋魚露一齊食好惹味香茅雞翼外脆內嫩,正🐔飲品方面凍飲加$3,特飲都只係加$8呢個套餐真係幾抵食😝

今日去咗西環度探朋友，去人哋屋企之前先食碗Pho 先六點開始就有晚市套餐，人均$100有主食、小食加飲品，唔怪得咁多街坊幫襯晚市套餐$100左右有主食、小食加飲品，抵食呢生牛肉牛肉丸湯河粉$75生牛肉好嫩滑呢，牛丸亦彈牙牛骨湯底好清甜，河粉夠粗有咬口香茅豬扒飯$72香茅豬扒口感鬆化，豬扒大大塊，香茅味好天然越北炸春捲$20小食細細份過口癮，春捲幾鬆脆蒸粉包$25粉包略嫌厚左少少，不過米漿味好香椰汁紅豆冰$8紅豆冰原來系椰汁沙冰，個椰汁味好rich

今日去左西環探朋友，估唔到西環變化左咁多，多左好多食肆之餘，亦多左好多特色小店。因為朋友唔想食太熱氣同太油嘅食物，所以就揀左食越南菜。見佢門口餐牌啲lunch set都幾抵，就行左入去試下。我叫左扎肉軟殼蟹蕃茄河，入口蕃茄味好濃，仲有啲蟹肉碎，河粉口感軟硬適中，碗粉嘅層次都多，真係有少少蟹味，但就係嫌佢味重左少少。朋友就叫左炸雞扒河，味道應該都ok, 起碼無聽到佢投訴話唔好食。個餐仲有小食春卷，春卷就正常炸物，都脆嘅。飲品係青檸梳打，係正常嘅味道。整體嚟講，味道唔錯，對得住價錢，如果返工或者住附近，都係一個唔錯嘅選擇!

Hallo!大家好，我姓劉的；我的名字叫做劉勝藍，嗰個社工都叫我做勝藍，我分享這間食肆先；我覺得這間越北牛肉粉專門店，嘅賣相都好好食又不油膩又好清淡，所以直得一試；不過，我都很想推薦給我父母和妹妹和妹夫試吓一間越南菜式，不過，又不遠又好近樂群中心附近喎；所以我想請家人一起吃午餐。

今日因為漫遊西環見到呢間食越南河粉，所以就過去試一試。我點咗咖喱牛腩湯河，點知一上枱，嘩！成嚿牛腩都係粉紅色㗎，咁跟住就同店員反映返呢個問題，本身諗住叫佢可唔可以再整熟啲舊牛腩俾我啦。點知個女經理竟然第一句同我講牛腩係生冇問題㗎，可以照食。咁我都反映返我擔心嘅情況同佢講，然後佢講咗一句咁你叫嗰份啦然後收咗餐。然後好大聲同廚房講：個牛腩河要退返，因為個客話啲牛腩生，個客接受唔到牛腩。其實我就係坐咗佢廚房隔離，你咁樣講其實我一定聽到個喎。撇除服務態度問題，食物安全呢樣嘢都已經嚴重扣分啦。最後我都換咗雞扒撈檬嚟食，雖然嘢食係唔差，但係奉勸各位如飛必要都真係唔好再去嗰間餐廳，同埋食物衛生同安全問題都真係令我有啲擔憂。

今日lunch同同事去食西環嘅越式餐廳，以往食豬扒感覺平平無奇，而且味道偏鹹。而平時其他餐廳雞扒淋而且肉有雪味。但這間越式餐廳，豬扒及雞扒檬粉是我試過最好味的。而且跟餐又可以加小食，佢小食馬拉盞炒菜味道好燶有鹹香味，同清淡粉麵配搭得宜。值得推介。

收工去咗西環呢邊探朋友，打算食啲快嘅嘢就返屋企，另一位同行嘅朋友就推薦呢一間食越南嘢嘅餐廳，佢話之前食過，上菜速度快亦都好抵食 走入去試吓先！我就叫咗咖喱牛腩飯，咖喱牛腩飯嘅份量都幾多，牛腩係用傳統手法秘制，食得出佢用咗多種香料燴製而成，咬落去食得出有非常濃郁咖喱香味 咖喱汁送飯一流，牛腩亦都非常入味越南春卷亦都炸得非常好食，春卷炸左後，外皮薄亦都酥脆，咬落去亦都唔會有好油膩嘅感覺，豐富既餡料一口咬落去之後香味四溢，餐廳在配上酸甜既醬汁，絕對令到春卷嘅口感更好 蝦多士同埋其他嘢就不過不失

【越北牛肉粉專門店】#foodstepsinhk_西環 ·🍜越北生牛肉牛腩片湯粉💰63 Raw beef & sliced beef brisket 發現原來佢係牛腩片而唔係一般嘅牛腩😂不過自己食吓食吓都prefer牛腩片多啲，因為連埋生牛肉嘅話都唔會話好肉好膩👌🏻不過其實牛肉大致上已經熟晒，如果大家鍾意食生牛肉嘅話可能會有啲失望🥲但係有一大舊蘿蔔，欣賞蘿蔔清甜冇渣；湯底唔油，食完唔會頸渴湯粉份量幾多，正常女仔食哂會偏飽🫠·🫔清沅蒸粉包(2件) +💰23 Steamed rice pancake蒸粉包其實係粉皮入面包住豬肉碎、雲耳、紅蘿蔔粒、乾蔥等等嘅材料，可以點魚露嚟食～朋友因為想健康啲所以就喺春卷&蒸粉包之間揀咗呢款🤣佢覺得係好食嘅，不過又未算話好特別，大家可以當係春卷嘅蒸版😹兩細件咁其實都啱俾一個人當小食·🥬馬拉盞炒生菜 +💰23 Lettuce with belacan sauce 同自己想像中有啲唔同，佢嘅馬拉盞係好似汁咁液體啲，不過都ok，生菜有鑊氣，吞嘅時候會食到少少辣😂#foodstepsinhk_越南菜 #foodstepsinhk_港大

招牌好搶眼~而且價錢都唔費 👧🏻綜合牛肉湯河 $60有生牛肉片、牛腩、牛丸、仲有一堆蔥絲，令到個湯底更加香，牛肉片有咬口，唔係d 渣渣肥牛片，牛腩好軟淋淋，正！ 👧🏻雞絲扎肉湯金邊粉 $50有成4,5片扎肉，再有d雞肉絲，金邊粉爽d，湯底又同牛肉河個個唔一樣 👧🏻豬頸肉 $28整到好香，油香味好重，但係好食個種~ 👧🏻炸蝦餅 $30配上一個辣甜酸醬，超正！ 👧🏻水晶芒果沙冰 (跟餐+$8)夏日必叫！超清爽！唔止係芒果味好濃郁，仲有加左d透明爽脆爆珠珠！ 👧🏻薄荷青檸梳打 (跟餐+$8)好清新，唔會好甜~