越北牛肉粉專門店

营业中

休息中

話說沒到六點就入到去，一定唔算繁忙時段，入到去，門口收銀阿姐冇講野，咁我走準備行去個張空卡座度坐低啦，點知阿姐一見我行過去，即刻蔑視我地，用低沈的聲音和不耐煩的語氣講：「幾位啊。」好似我地冇講係得罪佢咁，咁都算！我地覆返兩位，佢就指我地去個極窄的普通位同人地搭台，我唔覺得窄，本身食緊的兩個後生仔都覺得窄啦，痴得仲近過返學的同桌，搭台都算，但隔離檯明明一男一女坐四人檯，後面有一人都係坐緊四人檯，點解係得我地要搭台，係都係搭去卡座啦，起碼闊落d！如果你有禮貌咁講都算啦，仲要用咁樣的態度對待，食龍肉都冇味！連相都冇心情影！

越南菜最為炎炎夏日帶來食慾，酸酸甜甜的撈檬、令人冰涼入心的特飲，當然少不免冷氣帶來乾爽的環境。 假日也有午市套餐，實在太感動。生牛肉河湯頭傳統，香料十足，但牛肉過熟，於呈上的時候接近全熟。 雞絲撈檬生菜、青瓜絲以及份量大滿足，但醬汁不夠酸，引不起食慾。 套餐可加配小食：酸辣鳳爪味道夠酸，溫度也夠冰凍。炸春卷可配上生菜，減膩又有滿滿瓜菜絲。蝦餅肉實有蝦味，但調味偏咸。 反而最令人心刻，綠豆椰汁冰。大量綠豆打成蓉，配上椰汁沙冰，入口即溶。 雖是簡簡單單的一餐，但希望主人家不會覺得太HEA，但基本來說，也是愉快的星期天。

今日 2/4/2019, 喺西營盤搵食 ，揾到去水街， 見到呢間越北牛肉湯河專門店， 就試一試入去食個lunch。 呢間越北都好出名，成日門口排長龍， 平時我都好鍾意食越南檬粉， 所以今日要試一試佢 得唔得。去到依然好多人排隊，因為都係食飯時間， 所以第一時間去到就要攞飛先啦，取票機係門口邊那塊磚牆上。黎都食越南嘢， 我一向來必試下香茅豬扒 睇下掂唔掂 所以叫咗一個順化香茅豬扒湯檬$56 加一杯 椰汁綠豆冰 另加$8 ** lunch set + 凍熱飲 好似加$3, 另外椰汁冰之旅要加八蚊。呢個順化香茅豬扒湯檬無得頂，香茅豬扒超好食， 外脆內軟，厚薄適中，真係好香口 你都一定要試一試。檬粉有點碎，分量一般，唔太多，湯底好好味，真係好食。反而椰汁綠豆冰啲綠豆比較硬， 椰汁味略淡 都比較甜， 唔建議飲。** 記得黎到要按掣取飛先, 因為之前冇嚟過所以都戇居居入咗去攞位。下次要試下其他食品。

青柠苏打好喝呀，越南粉也挺地道，价格相对其他热门地区的越南粉便宜，但我不是很爱吃生牛……但点其他的又不是河粉，所以也是两难了这边的服务很一般，也不是很热情，只支持现金和八达通

今日同朋友去越北試咗牛肉粉同埋咖喱牛腩飯～先講越式咖喱牛腩飯（$55），咖喱味道唔算太辣，反而係偏鹹，不過個人幾喜歡，覺得送飯一流。牛腩份量就唔算太多，應該得6-7塊，而且比較偏瘦，個人比較喜歡肥肥地的牛腩。由於咖喱汁比牛肉多太多，所以個賣相會覺得成兜都係汁，實情係啲肉喺晒個底度，所以個人認為個食物賣相唔好睇，不過其實我不嬲都唔太介意食物賣相😂😂朋友就試咗越北生牛肉通粉方面，個人認為啲牛肉幾好食，食落去幾嫩囗，抵讚！

服務態度惡劣!!👎🏿👎🏿上次已經見同客嘈,估吾到今次輪到我.話說就到下午茶時段,做餐廳當然想有幾人入幾多人,你想安排調枱 ,當然明白, 用不著沒有禮貌地大聲呼喝~ 最重要既係原來仲有其他位置係可以比佢既客人坐!!!👎🏿👎🏿

很久以前剛剛開張的時候吃過一次覺得味道不錯。可惜由於地方於我而言不太就腳，而且經常大排長龍，就很久沒吃了。今天午餐時間經過附近，看見不用排隊，便馬上決定和友人再試這次我們點了兩份午市套餐。我叫了生牛肉牛丸湯河HKD$56，隨餐附送熱奶茶。現在湯底味精較以前重，牛丸及生牛肉則不過不失。生牛肉份量普通，只有三塊。而友人叫的越式咖啡牛腩飯HKD$56。相對而言則比較出色。咖喱汁濃厚而且大有椰汁香味👍🏻👍🏻牛腩也煮得香軟

越北綜合牛肉湯河（$58)食次黎到呢間連鎖越南菜 #越北 食Lunch ☺️ 叫左綜合牛肉湯河，湯底既牛骨味唔太濃，感覺重味精，唔係我杯茶。配料好豐富，有生牛肉、牛腩片同牛丸，牛肉半生熟，好粉嫩，牛味尚可。而飲品方面叫左倒立忌廉柚子沙冰($18)，估唔到忌廉溝柚子既味道都幾夾，酸酸甜甜又消暑。小食就叫左酸辣鳳爪($22)，又凍又酸，份量好多，好好味😋 但另外既炸春卷($12)就好一般，入面啲香料味道好奇怪，唔係好岩食。整體黎講不過不失，唔難食但回頭率頗低。

同同事食lunch， 見門口有唔少人排隊，估應該唔會差掛，所以試試～ 點知................泰式酸辣鳳爪鳳爪份量都ok，係叫lunch 加錢換的。 夠入味，酸辣度ok，夠開胃～酸辣蝦膏海鮮湯本來好期待！因為我一向都好鍾意飲蝦湯，差唔多餐廳有蝦湯ge我都會試，但呢次真心有d失望，冇蝦味，冇蝦膏味，有少少酸辣味，完全唔係我平時食到酸辣蝦湯味....仲要隻蝦肉係糜的... 完全唔值 $58蝦餅還好，彈牙，有蝦味

越北喺香港唔同地方都開咗好多間分店，今日就同幾個朋友黎試吓，呢一間位於西環嘅分店一年之前開張都來試。一年之後再食唔知質素如何呢？一入門口已經比啲服務員阿姐嚇親，因為佢好惡咁問，我哋究竟拎左幾多個位，唔好睇呢間係小店，拎位設施都好先進，要喺門口拎飛嘅。食物方面啲質素都算唔錯，生肉湯河用咗韓牛骨煮，入口鮮甜。香茅豬扒撈檬都係店入邊嘅推介，豬扒炸得香脆，撈檬嘅份量都十分之多。另外加＄28要多咗一份炸蝦餅，蝦餅新鮮炸起，入口香脆可口，加埋泰式辣醬都幾好食。

開張咁耐都無試過，有時經過見到好多人等位，今日黎食下午茶，試下佢係咪咁好味先！下午茶都幾多選擇，湯粉、撈檬、飯類都有，$40幾至$50幾蚊，包飲品。我地叫左一個香茅豬扒金邊粉，咖哩牛腩飯，凍檸檬菜蜜同熱檸檬菜蜜。黎到個陣，變左兩杯凍菜蜜，同侍應講我地叫左一杯係熱嘅，佢態度勁差又唔想幫我地換咁。明明係佢自己落錯單！跟住，換返杯熱菜蜜黎，檸檬呢？我地好無奈，阿姐話，下？又唔岩呀？明明係佢地又整錯，點解講到我錯咁呢？玩完一輪飲品落錯單事件，食物終於黎喇，點知金邊粉變左河粉，又落錯單！算了，費事又要換，照食吧啦！其實豬扒整得幾好味架，幾入味，炸完都仲juicy，河粉湯底都唔錯。，老公食個咖哩個汁都好好味架，不過呢，牛腩同咖哩好明顯係分開煮嘅，牛腩完全無咖哩味嘅。呢到食物其實唔錯，價錢合理，但服務態度真係要改善下！

寒流勁、吹得荷包「乾硬化」，哪裡便宜又超值的禦寒食物？注意力提高了，也自然留意到更多每人預算少於100元的火鍋選擇。是以往我「發雞盲」、明明擺在面前都全然無視，還是今個冬天的確出現多了？這家越南菜食肆，近兩年在我的社區接連開店，而且在這越式菜餚其實不鮮見的地區，生意看來不錯。有天經過，發現如此的一個季節菜宣傳： 走進店內，二話不說，點了一客酸鍋與同伴分嘗。等了十分鐘左右，真身出現： 比較不明白的是，青檸也放了在帽子上，與其他生料同列，始終顧慮衛生的問題，不敢直接那來榨汁，所以又要另取，不免有點浪費。不是怕帽子有綠色！ 札肉的味道您大概也想像得到，驚喜不大，總算是有咬口。牛丸比較像傳統粉麵店的貨式 (反而近年少見了)，表面平滑，不像牛筋丸的粗糙；吃起來也有嚼勁，亦不會有牛筋「攝」牙罅 (是我牙疏啫！)。坑腩肉是出奇的好吃，有肉的濃香而不韌。而整個晚餐中我認為的主角、期待最殷切的牛肉片 (因為以前景隆街越興園舊舖的醋鍋牛肉，印象太深刻了，那吃完後喝湯喝不停、翌日卻向我抱怨晚上拉肚子的友人，我還記得很清楚)，所佔面積是所有材料之冠，表現又如何？ 如此大特寫，就是嚐過一兩塊後、欲尋真相的行動

本身自己不太食越南野，始終覺得口味不對，但因為朋友特別推薦這間越北，所以星期六午飯時間同幾位朋友到越北撐台腳，試一試佢。我自己點了一碗生牛肉河粉，食前先嚐一口湯，因為我覺得一碗湯粉最重要的是湯底，如果材料再新鮮，而湯唔得的話，點都唔會再得好食。嘩，湯底一試，十分鮮甜，幾乎想連湯都飲埋！河粉方面不會太「淋」，十分爽口。主角牛肉也十分出色，入口十分滑，也有一點點融化的感覺。整餐飯讓我對越南食物改觀，越北這個生牛肉河值得大家一試。

You might be able to forgive the fact that this restaurant does not serve authentic Vietnamese food,  but there's no excuse for it being substandard as well. Of the two dishes we ordered, both was a big letdown. Take their Pho as an example. The broth was bland and the beef was extra tough. This makes this dish totally pointless as the only other ingredient besides the broth and beef is the noodle which by itself is tasteless Our second dish was a marinated grilled pork over rice noodle and a le

暫時係香港食到最好味嘅撈濛 😭.濛粉分量適中酸蘿蔔唔乾身，口感、味道俱佳香茅豬扒唔油膩，非常入味！菜比較多，而且附上完整一段九層塔，可以同豬扒一齊食，味道更多變化 😋😋😋.出示學生證有8折，$42非常抵食 👍🏻唯一唔好係多人，中午必定要等位