越北牛肉粉專門店

营业中

休息中

其實我好鍾意嚟呢度食飯的，今晚叫咗個蝦餅撈檬，食咗兩塊，好好食，然後當我夾起第三塊再反轉時，竟然比我見到隻死（煮熟？）曱甴囉！嚇死我！最後cancel未到嘅食物就離開了。

大熱天時無乜胃口，食碗撈檬就最啱。越北的撈檬扺食夾大件，而且加入大量青瓜絲蘿蔔絲，好清新！啱哂夏天食，另外香茅豬扒炸得較老，不過不會影響味道！雜錦撈檬就乜都有，個人幾欣賞個札肉，唔會好咸，又厚薄適中，口感不錯！朋友的生牛肉湯河都幾好食！因為個湯底好清，牛肉份量不多，有d失望，但勝在牛肉味夠，加上河粉無痴住哂，值得加分架！呢個好多所謂越南餐廳做不到。越北有好多分店，好在呢間開喺教會附近。星期六日又有一個好的午餐選擇。

星期一的午餐，是治癒Monday blue的方法之一。是日選擇吃越南粉，有人等位，應該會好吃的吧～十二點半左右，二人等位大約十五分鐘。要了一個香茅豬扒金邊粉配沙爹湯底（+$3）。先呷一口湯頭，濃郁的沙爹湯味，配上乾蔥，是醒神的，咸咸香香，好吃。越底沙爹不同香港茶餐廳的沙爹牛肉湯，沒有帶很濃烈的花生味，取而代之是少許咸香的海鮮醬味。香茅豬扒帶點炸脆，切成小小塊，方便進食～以凍檸茶作結，滿足!雖然，現在隔了好幾小時，還是有點口渴😅

今日同老公諗住去水街睇下有乜野好野，因為開左好多間新餐廳！行下行下見到依間食越式菜的餐廳，決定入去try try😉個tea set都幾多選擇，而且好多特色飲品🍹不過我同老公太專一了，我地都係叫返iced lemon tea and hot milk tea🤣我叫左個香茅雞翼飯，皆因我個人非常喜愛雞中翼，特別是香茅煮法😋好好食，令我完全停不了口，其實食完4隻，我仲超想食🤤老公叫左生牛肉河粉，佢話味道不錯，下次可以再黎食，試下其他小食😉

今晚做完運動後，想起在水街有一間開了一段時間，但還沒有試過的越南餐廳 於是想起“越北”～ 其實在水街已經有兩間越南餐廳了，這是第三間了，所以競爭非常劇烈 越北值得推介的有“生牛肉湯檬”和“香茅豬扒檬粉”， 這兩款都市推介的 這裏特別的是～生牛肉湯檬裏有白蘿蔔 這是少數越南餐館會加入湯檬來的蔬菜。餐廳環境舒服，服務員都是特別年輕一代， 精神氣色特別好！

我中午1點10分去到, 門口竟然無人排, 不過我都係叫外賣, 我等左10分鐘先拿到外賣.我食越南野成日都會叫豬排，一黎覺得應該最隱陣，如果豬排都唔得，我好少再試其他。呢間豬排都算比較厚，味道唔係我鐘意既味道，同平時食開既香茅豬排不一樣, 同唔香口，我唔肯定佢原本炸得唔夠香定因爲我外賣啦。唔鐘意內外都軟淋淋既豬排, 炸完應該表面乾身先係架~至於湯粉我覺得好足料，有齊越式野個d配料，味道好夠。同我杯凍華田好ok,夠濃，系茶記既水準，平時其他菜式既餐廳野飲都比不上茶記，但佢可以喎。

知道屋企附近開了間越南餐廳， 每次經過都見到很多人在排隊等候，所以一直都未有機會去試。今晚落街買晚餐時意外發現不太多人，於是決定試一試叫佢哋嘅外賣。 雖然附近也有另一間越南餐廳，但只有他有提供炸蝦餅撈檬， 這是我其中一個至愛的越南食物。落了單後就在門外等候，但等候時間略嫌太長， 看見餐廳內也不是十分多人，但卻等了很久才收到食物， 而且服務員略欠細心他將外賣袋給我時， 差點令我將成袋食物跌落地下， 嚇咗我一跳。回到家將食物拿出來，發現收銀員確有聽我的要求給我多一盒撈檬的醬汁，這點我很欣賞。 整體食物質素不錯，蝦餅也好吃，如果有蝦餅的醬汁更佳。

難得放四日假， 同家中兩位至寶，仲有女女，一齊去食午餐！真係好大碗！河粉嘅分量足夠我同小朋友一齊食！之前去食粉，分完俾小朋友我就唔夠食呢碗分完俾小朋友我仲食得夠飽，個湯用新鮮牛骨熬製，好濃好好味又有九層塔，炸蒜片嘅香味！雞肉份量其實都好多總之就好大碗！食完好滿足其實呢個鳳爪都好好食嘅，好夠味！份量都好夠，起碼有八隻🤤🤤🤤🤤🤤但我個人就唔太喜歡用（泰式雞醬？）醃嘅鳳爪，不過其實都好食！至於半碟醃製嘅酸蘿蔔同紅蘿蔔，有略嫌啖味，唔夠酸味～我仲飲咗佢杯龍眼蜜唔記得影相😫杯龍眼蜜好香甜好夠味， 飲得出佢係用乾嘅龍眼沖， 而唔係新鮮龍眼肉或者罐頭龍眼加蜜糖求其咁沖！呢個正

屋企附近開左無耐嘅連鎖越南菜，出名份量多抵食，成日都見到大排長龍。今日紅日lunch hour唔算多人，座位寬敞，四個人叫左兩碗生牛肉河兩碗撈檬連飲品，外加四款小食。首先，試左人地個牛肉河，牛肉肉質不錯，河粉滑溜，湯底清鮮，唔係一般餐廳嘅味精水。春卷 - 見到佢係推薦，雖然香脆可口但味道一般，食多好膩。鳳爪 - 比想像中辣，但味道不俗。蝦餅 - 口感略似魚蛋片，蝦味濃郁，配泰式辣醬味道非常夾！蔬菜新鮮，撈檬開胃但味道無驚喜，春卷太膩，吃貨食到最後太飽太滯。總括而言，份量多價錢相宜，尤其適合學生同打工仔，食物味道不錯，但不建議春卷，招牌牛肉河幾回味，值得一試。

今日黎開西環番工，做到差唔多兩點鐘，同事同我都好肚餓。咁啱經過水街同皇后大道西交界既時候，見到有間越南餐廳叫越北牛肉專門店。我係玻璃窗見到餐廳內面有好多人食，心唸應該唔差，二話不說就入左去試。雖然係下午茶時間，但餐廳內仍然坐滿左人，有大學生，上班一族，連長者都有。等左大概5分鐘先入到去叫野食醫肚。個下午茶餐包左一碗粉麵同餐飲，如果叫特飲要另加收費。價錢就由38到50hkd不等，睇你叫咩粉麵。我叫左蕃茄牛腩河粉，因本人鍾意食蕃茄，而同事就叫左香茅豬排河粉。餐具則收藏係枱下面，側邊有手握輕輕一拉就見到。起初擔心下午茶餐會唔夠飽，點知d河粉分量都算足，牛腩都有4，5舊，中型size,唔會因為下午茶變哂mini size。再者，碗粉仲有洋蔥，口感幾爽，不過整體略嫌唔夠蕃茄味。 而同事份香茅豬排係切好哂分開另上，咬落去係熱哄哄的，好有口感，唔會有太多炸粉既感覺。另外，西洋菜蜜就不過不失。兩個人食完埋單100hkd都唔駛。下午茶黎講，價錢相宜，食物都算ok。

難得家裡附近有越北, 非常喜歡越南粉的我當然要試一下。一進去就好雪房一樣 , 溫度估計就有 20 度或一下, 連餐牌都吹到左右搖擺。 同服務員講完都係冇反應。 諗住叫啲特色嘢, 特登叫主餐牌上面嘅食品, 唔叫套餐。 服務員接咗柯打, 跟住三分鐘後話俾我聽主餐牌嘅要晚上先有。 我哋都冇所謂啦。叫咗個二人前嘅火車頭, 份量真係夠大, 但係冰凍非常。溫湯而非熱湯。 有啲怪異, 最大問題係啲湯唔夠熱煮唔熟啲生牛肉。 扣分最緊要係個湯 個湯只有少少牛肉味, 有啲味精味加咗少少糖。Quality 同中環芽莊差非常遠。好多 牛栢葉 , 塊塊都好大塊, 不過一啲都唔諗非常硬。其他食品味道 ok。 反正好大改善空間喇!

星期一番工番到好辛苦？今日放飯就行遠少少去到呢間位於皇后大道西嘅越北牛肉粉專門店試新嘢。由於呢間餐廳係新開試業中，咁一於做下白老鼠試試佢嘅水準啦。咁當日公司徒步行過去都需時10分鐘，大概1:15分啦，門外都有人排隊等緊位。等咗大概八至十分鐘左右就有位喇。入到店內，當然立刻橫視一下其他食客點咗咩嘢食。除咗感覺好大兜之外，種類都幾五花八門。呢間餐廳相比其他越南飲食店分別，除左食物種類多、口味都好多，就講下個湯底，都分別有蕃茄、沙嗲、咖哩咁多款！由於個人喜歡重口味，所以一於試下佢嘅越式沙嗲牛肉河。不稍一會食物就到，果然超級～大碗！同場亦點左一個小食：越式炸蝦餅。對於同區嘅越式麵食餐廳，個人覺得呢間真係相當大碗！個人建議普通女生可以叫一碗兩人SHARE，再額外叫小食。至於味覺方面水準正常，至於量呢：麵係2／3，肉係1／3，食完後保證令你有種滿載而歸嘅滿足感。至於蝦餅嘅水準就預期之下，一般越式炸蝦餅比人嘅感覺感該熱辣辣好野味；但當日水準就麻麻，比較濕，炸得不夠爽脆；份量正常，兩人分享、每人兩片。總括而言，這間餐廳值得推介給大食又鐘意麵類嘅朋友們，味道不俗又大碗。咁就即管放長雙眼睇睇一年半載後，水

最近行過水街，見到開左呢間新野, 行過仲會聞到陣陣香濃湯味, 一直都想試下，但次次行親都見有人系門口排隊 所以打消念頭。甘岩今日系HAPPY FRIDAY，老細又唔系公司, 靜雞雞同個同事鼠早D出去試吃。去到大約12:30PM左右，門口已經有幾個人排緊隊，他們好似是六人行，要等大台, 因為鋪位唔大，放眼望去只有兩張六人大台，所以如果系太多人可能等台要花點時間了。好彩，我地只系兩條友，等左唔夠十分鐘就有位，雖然要同人夾台坐，但系D卡位都好闊落，一D都唔迫。我地分別叫左果午餐+熱飲吃，一個吃春卷檬，一個吃雞翼湯河，本來我對檬粉興趣都系一般般，所以只試吃小小同事果檬粉， 但竟然有驚喜果，成碟野食落感覺好FRESH，尤其系D青瓜絲，切法系全條連皮的，不同其他店甘切法，只有頭尾帶皮，所以吃落去覺得特別爽脆；春卷皮又不厚，又不會炸得太干，又不會太瘦，料又夠脹，但又唔會多到一口咬瀉，最正系上台仲係熱呼呼的，真是堅好味!!至於雞翼河，粉同湯就跟其他店沒咩分別，但粉的分量好夠，絕對值收46元既價錢；反而雞翼就炸得岩岩好，好入味，肉質好好，唔錯!因為LUNCH，可以包杯野飲，見唔洗加錢可以叫咸檸水，於是試