越北牛肉粉專門店

营业中

休息中

疫情前最後一次去旅行🧳，都係揀去越南🇻🇳。越南係好特別，係可以令你瞬間變成貴族嘅地方，因為嗰度嘅貨幣面值高同埋物價低，咁就可以俾你每日過住奢華嘅生活～😎·越南海蜇沙律🥗海蜇係爽口，再加啲好幼身嘅青木瓜絲，連埋啲甜酸魚露，食落係好開胃～絕對係一道合格嘅開胃菜！😆·越北炸春卷春卷炸到好脆、餡料豐富，而且望落都有好靚嘅金黃色，熱辣辣就一定係最開心！😙·街頭香茅豬扒飯🐖香茅豬扒本身好厚身，而且肥瘦均勻，煎完出嚟保持到油香同肉汁，絕對唔會話煎到好乾身。連埋一啲白飯食落肚，係會中和到一啲油膩感之餘，食落去係夾同埋舒服嘅～😌·路邊烤雞肉串撈檬🐓雞肉串本身係醃得好入味，再加上用烤嘅方式就會變得更加惹味！！放多啲炸蒜同其他配料，味道會變得豐富同好食嘅！😋 至於個底就會係凍食嘅撈檬，落返適量嘅甜酸魚露去撈，而檬粉又夠爽口嘅話，咁就點都掂！·椰汁斑蘭糕🥥🟢椰汁同埋班蘭嘅味本身係好夾，兩種味夠出，再蒸出嚟熱辣辣咁樣食，咁就已經好好食～😋😋 而佢係做到嘅！🤔·宜家成日都會諗起喺越南度假嘅時候，我去邊度食同玩～ 有啲掛住嗰度個陽光與海灘，又掛住嗰度嘅美食⋯⋯😌 希望下次再去嘅時候，可以同人去峴港度假🏖啦～～😆

放假瞓到中午才起身，不想煮，就落樓下揀咗呢間越南野。下午茶的選擇很多，價錢10分相宜。越北生牛肉牛肉丸檬粉生牛肉肉味濃郁，牛肉丸爽口彈牙，可以選擇不同粉麵，我選擇了檬粉，口感不錯，湯底香甜美味。另外附上青檸和辣椒，加了入去味道更上一層樓。峴港炸蝦餅蝦餅肉質彈牙，味道很好吃。越式烤豬頸肉豬頸肉不算太肥，燒烤得10分惹味，肉質咬落軟林。會安雞絲扎肉湯河計時份量多，今次轉了河粉，口感很滑。水晶芒果沙冰芒果沙冰芒果味道10分濃郁，上面西米煙韌。鮮椰青椰青清甜美味，還可以用匙羹拎果肉出來吃。

今天天朗氣清，趁機帶媽媽去西灣河太安樓越北吃下午茶。越北下午茶餐食物飲品選擇多，還可加配輕盈地道小食，價錢經濟實惠。平時愛選牛肉湯河。今天天氣熱，便轉轉口味來碗海防蕃茄蟹檬($66)。檬大大碗顏色靚賣相吸引，湯底酸甜濃郁開胃。除了鮮甜的蟹，還有好味的蝦丸，扎肉，免治肉碎和蕃茄，加上滑滑的檬粉，足料美味。推介!媽媽選了街頭香茅豬扒湯粉($52)。湯粉幼滑好味，湯底清甜，豬扒香軟肉厚，量足好食。小食峴港炸蝦餅(+$30)和清沅蒸粉包(+$23)都不錯。特飲椰汁紅豆冰($+8)好味道，香濃，紅豆淋甜。鮮椰青($+26)物有所值，清甜順喉，飲完連嫩椰肉都吃埋，滿足!兩個人盛惠$205，全日不設加一，抵食。外賣有9折。

今日想簡單食碗熱焫焫嘅湯粉♨️見到呢間越南粉餐廳🇻🇳印象中佢地都開咗好耐，仲有好多間分店，應該都唔錯喎😊睇過餐牌有好多lunch set揀，而且價錢相宜，就決定試試😺原來外賣自取仲有9折添👍🏻🍲越式烤豬頸肉湯粉 Grilled Pork Neck with Pho ($65)賣相相當吸引，每塊豬頸肉都切得好靚夠厚，份量十足，咬落爽口而且食到有濃濃烤過嘅豬肉味，好滿足😍河粉幼細薄身，滑溜彈牙唔會淋，如果湯可以再熱d就更美味☺️配菜方面有好新鮮嘅九層塔，青檸，芽菜，洋蔥同蔥，配埋一齊食更香更滋味😋餐飲揀咗香滑奶茶，但味道較苦喼，可能茶味太重了🙈下次會叫其他飲品試下，椰汁三色冰都應該係唔錯嘅選擇🥰整體黎講今次嘅lunch好滿足😸好味道而且夠足料，外賣等候時間又唔耐⏰值得推介💁🏻‍♀️聽講佢地嘅生牛肉粉都好出色，下次試咗再同大家分享下❤️

晚上六點後禁止堂吃，抓緊時間吃午飯呢度午餐好抵食，可以先喺餐牌上揀任何一個主食，有飯，湯粉，撈檬揀，驚唔夠飽的話可以再揀夠個小食，最後揀埋飲品，人均＄100左右今次兩個人，揀咗👇👇👇香矛牛肉撈檬香矛牛肉夠香口，撈檬亦有足夠份量嘅蔬菜絲（一般好小嫁），食完唔會好飽滯生牛肉河湯底味濃又唔會多味精小食呢，就揀咗👇👇👇炸蝦餅有咬口海蜇沙律海蜇一啲都唔小，好開胃嘅小食➕兩杯飲品 價錢合理 味道大眾化

呢間中午去都人頭湧湧，門口迫滿哂等位或外賣嘅人😯 餐廳主打越南🇻🇳菜，裝飾都幾簡潔，座位鬆動舒適。午市亦有套餐選擇河內生牛肉湯粉越南菜最喜歡之一就係呢樣，湯底味道香濃，牛肉半生熟夠嫩滑，配菜多而爽甜會安雞絲扎肉撈檬成碗份量都幾多，撈檬上面有滿滿嘅扎肉、生菜絲、蔥花、花生粒、炸蒜等，再配上醬汁，酸酸甜甜，味道清新開胃西貢扎肉蒸粉包粉包外層軟滑皮薄，餡料豐富香口，肉汁滿溢會安蓮藕蝦餅炸得香脆又唔覺膩，蓮藕好爽口，配上彈牙蝦餅，兩者都幾夾😋

下午茶時間行經過太安樓 睇下有咩好選擇 搵到呢間又平又抵食既越北菜😗 餐廳裝修又幾靚 坐得又幾舒服 但經常客滿生意幾好#香茅牛肉撈檬香茅牛肉真係整得好甜又靚 份量又好多 再加酸汁撈檬成件事非常開胃#越北綜合牛肉湯金邊粉綜合牛肉主要有生牛肉、牛腩片、牛丸，款款都好重牛味，尤其是係牛丸真係好爽口咬落有汁架，再加上熱辣辣既湯底浸熟生牛肉，非常嫩口😀#河內炸春卷跟春卷附上生菜包住 春卷皮特別薄 餡料亦非常之豐富 整體非常之脆口 再自己沾酸汁 一流#酸辣無骨鳳爪 酸辣非常開胃 份量都幾多 個重點連鳳爪既配菜都醃好左酸汁 開胃之選#椰青勁大個椰青水仲要滿瀉咁😂 超甜超解渴 正#越北牛肉粉專門店📍西灣河筲箕灣道57-87號太安樓地下G23號舖

越北牛肉粉專門有唔少分店，有間喺附近，而且佢哋晚市提供嘅set都幾抵食，有齊預食、主食及飲品👍🏻同媽媽各自點咗順化湯檬($88)、雞扒撈檬($82)，套餐包小食，揀選咗會安蓮藕蝦餅同海蜤沙律，飲品分別係薄荷青檸梳打及三色咸檸七💁🏻‍♀️湯檬都幾豐富，裏面有牛腩片、扎肉牛丸等牛腩切成薄片，肉質柔軟很易咬開，而湯底用上牛骨熬製成，香氣十足，掛湯嘅檬粉連同餸料一齊食唔錯👍🏻雞扒撈檬個樣好吸引🤤雞扒炸得金黃香脆，多汁嫩滑，面頭灑上花生碎，炸蒜片蔬菜絲，足料夠哂多菜‼️咁食落無咁膩啦☝🏻加埋魚露酸甜汁酸酸甜甜，好開胃 🎉 推介蓮藕蝦餅，必試🌟口感唔錯仲食到爽脆蓮藕，加上泰式辣醬好夾好好食 😋海蜤沙律如果口感爽脆啲應該會更好👌🏼大頭蝦膏灼通菜 $32味道唔錯唔會死咸，用大頭蝦膏提出鮮味炒嘅通菜寧舍好食👏🏻

今日無煑午餐，又和媽媽去太安樓越北牛肉粉專門店吃下午茶。下午茶抵食好食，星期一至五由下午二時至六時供應，星期六，日及公眾假期，則由下午三時至六時供應。下午茶套餐選擇多，共有20款，日日食都有排才試哂。每個套餐配熱飲一杯，可以加錢轉特飲。每個套餐可以優惠價追加一份輕盈地道小食。我們今天叫了越北生牛肉湯粉($48)和越北三寶湯粉($60)。越北生牛肉湯粉是每次來都會選的，好味輕盈。湯鮮甜，河粉滑，牛肉薄片浸入熱湯剛熟便吃，又甜又有肉味，配菜的白蘿蔔和芽菜洋䓤也美味。越北三寶湯粉很豐富，扎肉，香芧雞翼，香芧豬扒都好好食，可轉飯或撈檬。豬扒厚身肥瘦適中甜甜地好味。雞翼香脆，扎肉不咸。小食不錯。酸辣無骨鳳爪(+$28)開胃。蜆港炸蝦餅(+$28)彈牙夾味，配菜正。吃完美味的湯粉和小食，最好加$22將飲品升級做椰清。椰清大個又鮮甜，連香軟的椰肉也吃埋，大滿足。下午茶不用加一。兩個人吃到又飽又滿意只需$208，抵食。

去左附近食越南菜，叫左兩個主食加兩個小食～越式生牛肉湯檬、咖喱雜菜飯、香茅雞翼、炸春卷～～～•💓生牛肉湯檬生牛肉湯檬好好食，重點係真係夠晒熱辣辣～佢個面底可以揀檬粉、河粉嗰啲，湯底都好夠味道～！•••💓咖喱雜菜飯雖然係咖喱雜菜飯，不過其實感覺上都好健康，有唔同嘅菜，但係佢嘅咖喱又唔似一般咁油膩～👍🏻•••💓炸春卷呢個係我近排食過覺得幾好食嘅一個小食，佢個皮炸得好香好脆，食落口覺得好正～呢個係有少少驚喜嘅！

湯既味道吾算突出  味精吾算太多 都可以接受始終都系譚仔左右既價錢小食越南河既我 d牛肉今次好似生左小小食過錦麗都無咁生 火侯空間可以提升服務無咩特別 最好你要野既一次講哂吾好分開講  見到有位大大份著白色t恤的肥哥哥 講野都幾大聱又有粗口吾知系吾系員工黎 見d員工都有同佢打下招呼

今日放工好想食越南野，諗起西灣河附近有一間越南餐廳，入去試吓先！晚餐18:00-22:00 都有set ⭐️越北綜合牛肉湯粉⭐️（生牛肉，牛丸，牛腩片）牛丸超彈牙，可以攞嚟打乒乓波🤣🤣牛腩片爽淋，咬口唔錯生牛肉，個人覺得有d 偏肥個湯底超濃牛肉味，加埋爽淋湯粉，絕配👍🏻⭐️越北炸春卷⭐️熱辣辣即叫即整，外脆內軟，d涵多到一口咬唔哂😋😋⭐️會安蓮藕炸蝦餅⭐️爆汁，蓮藕同蝦都撈埋一體，蓮藕好有口感😊📍 越北牛肉粉專門店 (西灣河)西灣河筲箕灣道57-87號太安樓地下G23號舖📍22034699

職員態度惡劣，叫佢哋俾兩杯水，最尾俾得一杯。碗麵有漂白水味，換過一碗之後就變左喺匙羹有漂白水味。換左三隻匙羹都仲係好大陣味，最尾要用外賣羹食。疫情期間清潔餐具係真確，但如果搞到咁大陣漂白水味，都唔知自己係咪食緊漂白水，都唔會想繼續喺度食。食野都唔安心。加上職員態度差，換個碗麵同比過隻外賣匙羹都係大力擺落黎，好似覺得我緊佢地，係咁話啲餐具同碗有漂白水味。但的確喺櫃桶裏面嗰啲匙羹都一樣有漂白水味，要注意下囉。極度不推薦，不會再食！

今晚餐想食粉麵，家人選了附近這家越南館👇👇按餐牌指引，order 了三份套餐，每個套餐可選配一份小食，一種飲品或甜品：1）香茅牛肉飯+海哲沙律+西洋菜蜜👇👇香茅味與牛肉都極搭，炸乾蔥也酥脆，配一塊龍蝦片，主食可以給85分！海蜇沙律里的西芹和洋蔥絲非常清新爽口，不錯！2）香茅雞扒湯河粉+青木瓜沙律+椰子冰☝️香茅雞扒都極入味，雞皮也脆卜卜，唔錯👍青木瓜沙律有彈牙的感覺，酸酸甜甜的...3）生牛肉河粉+炸春卷+薄荷青檸蘇打水👇這裡的生牛肉河粉就是普通的肥牛河粉，冇咩可讚。而蘇打水，喝到樽底有些甜味，感覺OK喔👌三個自選搭配的套餐同價@HKD82.-，如果花HKD246.-食3份粉麵餐，感覺還是貴了小小

呢間一向都係穩陣嘅越南菜今次嗌咗海防蕃茄蟹湯檬，入面有蝦丸，蟹，同埋扎肉，蝦丸彈牙，蟹就無乜用，不過有鮮味，扎肉食到有胡椒粒同埋好似軟骨嘅口感，而個蕃茄湯底有好多肉碎，雖然蕃茄味唔係好濃，但可能因為有肉碎同蟹，個湯底好鮮甜屋企人就嗌左越北綜合牛肉湯河，入面有生牛肉，牛腩片同埋牛丸，因為外賣關係，嚟到嘅時候生牛肉已經全熟，牛腩片就正常，牛丸係比較細粒，實肉但重牛味，都不錯另外嗌咗個小食拼盤($118) 有蝦餅，魚餅，墨魚餅，煎扎肉，扎肉，雞肉串，同埋胡椒豬肉串，雞肉串同豬肉串都好大串同入味，魚餅比較辣，而其他餅類就唔係好彈牙，普普通通，但係咁嘅價錢就可以食到咁多款小食，都幾抵