越南牛肉粉專門店 (已結業)

食物方面，做既河粉類幾好食，例如生熟牛河，雞絲札肉河，香茅雞翼/豬扒河都可以一試。佢有另上既一碟香葉芽菜青檸直接倒落個河粉度淥熟，再加辣椒係幾好食。但份量偏少，男仔去食通常唔飽肚😂 女仔既話叫做八成飽。飲品方面，佢有個蓮花茶係淡淡地冇咩味但又幾特別，伏得黎又幾有趣。佢個熱咖啡就沖得幾好，好飲過茶記。服務方面，出單同上茶都幾慢，有時會上漏野，追單既話會扮睇唔到，收左其他客錢先，老闆娘態度好hea又唔憂冇生意做咁，幾次去都黑面，收錢又一句野都唔講。如果係一大班人去食，就會優先服務，超有禮貌，張枱愈少人就愈睇你唔到。整體黎講，食幾餐lunch ok ge, 但唔會做一個長期既回頭客😂

好耐未食過一間咁難食嘅嘢！牛肉蝦片塊蝦片又淋又硬都唔知放咗幾耐連香茅雞翼都係硬嘅仲要好細隻同無味啲牛腩又無牛味又咬唔到叫四杯嘢飲嚟三杯落單姐姐完全唔聽人講叫一樣嘢要重覆兩三次最離譜係門口部探熱機明明係壞嘅人人都38.x度佢仲堅持話佢部機無壞但38.7 又可照入咁探唔探有咩分別然後冷氣、廁所都係壞嘅喺裡面一路坐一路流汗攞苦嚟辛仲要難食要咁慳唔開冷氣不如執咗佢呢？大家唔駛辛苦啦啲上菜抹枱叔叔全部同一批人張枱污糟到要抹兩、三次張紙都仲係啡黑嘅不知所謂到極致奉勸大家千萬唔好去

𝒱𝒾𝑒𝓉𝓃𝒶𝓂𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝑜𝓌𝓁𝑜𝑜𝓃 𝐵𝒶𝓎成日都想去旅行，今日就食越南野望梅止渴。呢間餐廳位於工廠區，一到12:30 開始就要排隊，裹係簡約港式裝修，樓底夠高同埋用左好多白燈令人感覺好光猛舒適。𝐋𝐮𝐧𝐜𝐡 𝐬𝐞𝐭 包左個一個主食同一杯野飲，連鹹柑桔、檸檬酸梅、越南蓮花蜜等特色飲品都有得揀，唔洗另外補錢。🌟生牛肉河 𝐑𝐚𝐰 𝐁𝐞𝐞𝐟 𝐍𝐨𝐨𝐝𝐥𝐞 𝐢𝐧 𝐒𝐨𝐮𝐩 ($𝟻𝟻)一上枱碗河好香，隻碗好大好多湯🤣但望落d牛既份量唔多。芽菜、九層塔同檸檬就另外上。當我影完相開始食既時候發現原來都幾多牛嫁，只係上果陣捲埋一舊所以以為好少，生牛肉上面灑左黑胡椒，反而有點掩蓋左啲牛肉味。河粉係比較幼身果種，食落都好滑，湯頭幾濃郁，飲完下午都冇口渴👍🏻。有少少可惜既係碗河粉唔夠熱😅 今次試左鹹柑桔，佢係用𝒅預先製成既柑桔醬黎沖，入面就未見柑桔🍊。不過杯野味道好夠，唔會太淡。😙📍 越南牛肉粉專門店 𝑷𝒉𝒐 𝑻𝒂𝒊九龍灣常悅道𝟷𝟿號福康工業中心地下𝟹𝙱號舖

話說中午同同事，由牛頭角過嚟九龍灣食午餐，我哋叫左幾碗河粉，幾杯凍飲。🤔.啲粉上菜嘅速度都好快，我就叫左碗雞翼河，食落都正常，不過坐我對面嘅同事，係碗粉度見到一塊反光？螢光綠嘅牛肉(如圖)。🧐.咁無知嘅我哋當然會夾出嚟，望清楚先，再問下店員。我哋問：「唔好意思，點解塊牛係綠色發光嘅？」店員瞬間回應：「係咁架，熟嘅牛都係咁架。」我哋呆咗，因時間緊迫都冇糾纏落去，當然反光嘅嘢都唔敢放落口啦。😂 有冇人可以話俾我哋知食唔食得？因為食咗20幾年嘢都未見過。.最後飲品都冇飲，因為飲落去係生鏽水味，可能我哋冇叫佢用乾淨嘅水去沖，都唔怪得人嘅。🤔.整體來講都飽嘅😀

昨天和同事一齊食 lunch，好耐無食過越南野，所以黎呢間越南野試下入到去見到好多位都係每兩個位圍了隔版，我同我同事兩個入去食都好放心，因為唔使對住唔識既人食，我地平排而坐對住隔版，始終而家有疫情，食飯都想揀無咁迫的餐廳用餐，減低風險午餐 lunch set 有d配小食就貴十幾元，我同我同事怕食唔哂，揀了無配小食的 lunch set我同我同事都唔鐘意食香茅，所以不約而同都㨂左魚露雞翼，一個配湯河、一個配撈檬，撈檬好大碗，最後食唔晒d檬粉，魚露雞翼幾好味，似燒雞翼但呢碗魚露雞翼湯河就麻麻，雞翼d色水唔夠，河粉味道都正常，但河粉份量略嫌太少，食完唔係好夠飽呢間食肆味道ok，但可能午餐繁忙時間，所以食物質素唔平均，有改善的空間！

我發現咗碗河粉入面有隻昆蟲，個位貌似負責人嘅四眼阿姐話呢個係牛骨髓🤗請大家評吓理 然後杯龍眼水成杯苦茶咁，青檸梳打就咁落砂糖當糖水，我哋直情飲到原粒砂糖。👎🏼👎🏼👎🏼

Lunch time嚟九龍灣搵老公食飯，因為方便同近佢office，所以去左pho tai食火車頭同撈檬。價錢一般，唔太平唔太貴，但碗火車頭個湯就唔係好熱，但整體味道係可以嘅，只係嫌啲芽菜比較少，同埋成碗嘅份量唔係想像中咁大。見天氣咁熱，所以叫左個撈檬。呢個反而有少少驚喜，因為佢個賣相都算靚仔，啲雞翼似即炸，好香口又大隻。個酸汁就正常，份量都夠嚟撈檬。當日我哋大約12點半到，食飯時間都有位唔駛怕等？

途經九龍灣打算在附近吃一個午餐，現在九龍灣工業區都改變很多， 本來打算嘗試大渣哥茶餐廳但實在太多人在等候所以轉場到這間越南牛肉粉專門店， 嘗試了他們的香茅豬扒飯和越式三拼飯，他們醃製的香茅豬扒，雞翼鸡扒和豬頸肉味道唔錯，但略嫌白飯唔夠熱可以改善一下。

Lunch time 一個人食就最好唔好揀哩到因為距地就算有好多位都一定要你搭台！我12點15入座，餐廳內起碼仲有一半空位，啲阿姐都一定要你搭台，仲要係卡座，人地本身已經都坐住3個都係要你逼埋去。我知中午lunch time 多人，都唔洗明明有咁多位都唔比人坐係要人逼卡座掛。真係坐落去都尷尬。普通二人臺你要我搭台我理解，但係咁多位都係一定要人搭本身已經有3個人嘅卡座位真係完全唔合理。食物方面好普通，多味精生牛肉河嘅湯完全唔夠熱，啲牛肉都熟唔到唔會有下次咯

今日lunch 終於去左Pho Tai 食，平時經過lunch time 都好多人係外面等，應該都唔差得去邊，今日終於有機會黎試下！我地等位都唔算耐，大約10分鐘就入得！Lunch menu 都幾多選擇，除咗一般越式粉麵飯之外，仲有法包！而且仲有唔同套餐選擇，可以加小食同特飲。生牛肉河 牛肉用熱湯浸幾浸已經熟透，肉質嫩滑，湯底牛骨味濃郁，河粉幼滑，配埋芽菜食，口感更豐富！魚露雞扒湯河見menu 上有粒星星係人氣之選，所以就試下。雞扒味道有少少辣但燒得比較乾身，湯底比牛肉湯清淡，另外叫左杯越式薏米水特飲，味道清甜，薏米份量都幾多，飲完都幾飽肚！整體來講，依道食物選擇都幾多，而且質素都ok ，所以應該會成為我地lunch 既新飯堂！

秋天又到啦就快到周年紀念嘅日子諗住去越南旅行計劃緊去越南想食越南菜所以今日下晝就去咗食越南野哈哈$52豬頸肉撈檬連野飲Pho Thai地址: 九龍灣常悅道19號福康工業中心地下3B號舖越南食嘢玩同Hea 計劃緊周年之旅去越南峴港🥰有好野記得話我知啊或者係留言話我知有咩好玩好飲好食haha 唔知越南之旅會點呢我都未買機票個心就已經係越南啦🤣越南牛肉粉專門店 =====================

此越南餐廳位於九龍灣工業區，是附近少有的越南餐廳，加上味道不錯，因此每到午飯時間，必然大排長龍！這次與同事數人提早約12時10分到達，不用等位置就能進去。我們點了越式三拼飯、香茅豬頸肉撈檬及扎肉雞絲湯河，越式三拼飯是每次想吃飯類必點的，因為能一次吃到豬頸肉、香茅雞翼及魚露雞扒，均是有水準有越南味道的菜式，而香茅豬頸肉撈檬及扎肉雞絲湯河則是很平常會去越南餐廳點的東西，份量算是不少，而味道也不錯，喜愛越菜的朋友可以一試！

5月3日午餐時段跟同事一起買外賣，其實之前幫襯過已經覺得份量少, 再比多次機會真係接受不了，$49雞𢇃扎肉粉配熱柑桔，份量少到一個正常女人都唔會夠食，有相為證，希望盡快改善令九龍灣工作的市民可以得到合理既消費

今日三點幾經過呢間越式餐廳，就坐低入去試下，唔知係咪年初4， 所以冇下午茶。同老婆每人叫左一碗加飲品。香茅雞翼撈檬 凍檸茶 54蚊， 三隻雞翼平平無奇，炸到入面乾晒冇肉汁，撈汁少酸正常，檬粉普通。而杯凍檸茶勁難飲， 冇茶香，唔掂。牛坑楠河 凍奶茶57蚊，牛坑楠遍少，3大1少，過份瘦，冇乜肉味，而河粉份量太少，而湯底冇味的又水汪汪，都幾鬼差下，凍奶茶普通野。呢間野，咁唔就腳，仲貴過大商場既價錢，仲要難食到爆炸，真係可以永遠bad list。

越南河粉，會加好多好多好多芽菜。魚露選擇性會不會加少少好呢？湯底無特別選擇，通常都是千變一律。肥牛生牛肉是必須點的。但同伴最中意食魚餅。她選擇的魚餅是她判斷這間餐廳的好壞。