越南牛肉粉專門店 (已結業)

又到年尾，又是和數字玩遊戲的時間了，誰叫我是大忙人，老好人，個個叫我幫忙，實在是太忙了，LUNCH時間都不敢放鬆，沒有太多時間出去坐下LUNCH，唯有叫外賣自取，今天試PHO TAI，叫了$65Set A火車頭套餐有牛筋、牛丸、牛腩，芽菜、青檸及金不換會另上的，不喜歡的可以說走芽菜、青檸及金不換，配港式飲品。我覺得可以啊~好吃~因為牛筋真心夠膠質~牛腩夠補~牛丸夠彈~$70以内的LUNCH，妳還想怎樣？有這一次，我還會試此店其他食物啊~下次要吃軟殼蟹~

當日去搞回鄉證嘅時候經過門口....已經聞到好香牛肉味😍😍搞完證件所以過嚟試吓當日叫左兩個下午茶餐...包咗一碗粉+小食+一杯熱飲生牛肉河牛肉味道好濃 又唔會過老 湯底好濃牛味 撈檬粉絕對有驚喜超級大碗 而且個醬汁嘅調味好唔錯！ 夏天食好清爽🤤🤤小食-越南牛肉米卷小小食有足一條....而且入面好足料牛肉都唔會話太老..調味岩岩好越南春卷—-本身有三條佢係即叫即炸嚟到嘅時候熱辣辣而且入面有粉絲木耳少少肉碎味道唔錯既下午茶黎講...$46 整體算好唔錯

今日去食個lunch$65個生牛河粉 d湯唔夠熱個小食 唔記得咩豬扒 好*鞋*同鹹野飲 好彩唔洗加錢 太細杯食緊途中職員好好服務態度不斷提我地出邊好多人提左好多次食野可能要飲多d水可能味精太重

作為客人已盡責任尊重別人，禮貌點餐。禮貌問問題，溝通上有誤會，禮貌再問多次，點知比人反白眼，語氣其差，還有喵嘴，最後不滿離開。點餐被誤會，貴左已經算數硬食，食餐飯都仲要受人氣。但無即時出聲，驚加料。食物味道一般。

沿途番工放工都必經嘅越南食肆，已開業幾年都無機會幫襯，呢個星期六下午，剛好自己一條友入去食個下午茶。街舖嘅門面裝潢都好舒服，餐枱全是瓷磚砌成圖案，有民族感。越南嘢我首選牛肉河，下午茶餐跟飲品，先至$36，真係好抵食，芽菜及青檸係另上，以個人口味去加，呢個價錢有咁嘅服務，去邊度搵薄牛肉浸落湯內一陣就熟晒，但我忘記第一時間將芽菜都放入去，所以唔多夠熟，浪費咗，下次要記得喇！湯底有濃濃嘅牛味，但唔會油笠笠，河粉夠幼細且滑口真可惜唔早d入來幫襯，相識太遲，日後我會好好補償錯過咗嘅時光。

以前返工Lunch time好多時都會叫撈檸食。今日有時間就帶埋小JM一齊食。叫咗兩個set1.)火車頭湯粉跟檸檬蕙米水👍牛筋晶瑩剔透❌但有毛毛👍生牛夠香滑❌麵底感覺有點少2.)香茅豬扒飯配雞翼配凍檸茶味道適中❌飯底太多飯焦太硬

今日行經此處，見有下午茶好似都OK 就去試—試。點了—個$46的生牛肉湯河+小食，還加了$10飲特飲。 湯河得2塊牛肉，小食豬肉紙米巻，得一點點豬肉。其實一碗正價生牛肉都是$46,我諗叫碗正價會開心D。

自從喺渥太華食過由越南人親自主理嘅pho之後一直鍾情越南粉係香港都會想搵越南粉黎食今次就係公司附近搵左呢間越南粉餐廳黎食其實都幾多人食每次經過都見到好多人等緊位所以我哋今次都等左一陣先有得入好彩有卡位坐今次試咗豬頸肉撈檬同埋必食嘅生牛肉河粉嘢食就要等左一陣先至有不過要讚一讚呢度嘅嘢飲選擇好多有唔少特色越南野飲之前試過咸檸茶今次就是越式蓮花茶啲嘢食就中規中矩唔係特別好食不過可以過下口癮至於特登去試嘅越式蓮花茶原來個味有少少奇怪可能係我飲唔慣不過如果鍾意飲甜野嘅就唔好試啦試左就中伏😂

雞中翼撈檬，仲想讚下佢倒三角既碗用黎撈無咁易走晒出黎，點知倒左個汁落去都唔夠味係晒個底度😂豬頸肉湯河，某人平時對食無乜要求都頂唔住話啲野無味既😅我試左啲又真無無乜味⋯炸越式春捲😅勁細條同埋點解咁煙韌既⋯番炸乎？⋯牛肉米紙卷以為牛肉會濃味啲，原來都係清淡到呢，淨係食到嗰條臭草既味⋯⋯我印象中佢明明冇咁差點解而家變成咁🙈收銀個呀姐係咁話鬼嗰兩個後生仔，疑似係暑期工或返工無幾多日，攞野攞漏要行多幾次，其實都無所謂吖都無乜客 其實有乜嘢都唔好係啲客面前話佢嘛，影響食慾架

一行四人，為左去outlet 打的哥去到呢度食，lunch 時段，門口排哂長龍，勁過隔離個啲，又有分店，諗住實無死啦！越式野黎黎去去都係個啲先講自己我要左個生牛肉湯河，肉係夠多，不過無肉味，個湯好油，河粉仲要係普通粉麵店個啲厚既河粉，好少少個啲粉麵店，都足以靚過滑過佢跟黎個碟芽菜，頭尾都發霉，仲要個碟唔多長，抹哂台，真係打死我都唔落！食食下仲越食越多什麵渣，又麵又檬，唔係禁下話？真係諗住開係工業區就可以嗱嗱喳喳啊？你無平到架喎！無味什渣麵，剩惠$48 補多句，個湯，好濁同事個啲香茅豬扒飯件扒好乾，無香茅味，飯太濕另外兩個撈檬，一個係香茅豬扒+香茅雞翼小食件豬扒好過飯既少少，雞翼更加唔好提，未解凍就掉落去炸，癡埋一舊，無味又乾另外個個網燒蝦春卷，結論都係……無味嗱，撈檬最緊要係咩啊？個汁！無錯，一個撈檬跟一碗汁，個汁…………無魚露味，無辣椒渣，乜都無…………得個好似湯禁既汁越南野？專門店？叫既飲品係特飲，不過普通到唔普通，仲要杯杯上台都唔見左節唯一正，係台面盒鮮辣椒粒，新鮮，夠辣4個人，一至劣評！加一個字“伏”

不加思索，来到越南河粉專門店就一定先試個越南生牛肉河粉。湯不夠熱，原來已放生牛肉把湯降溫，再放芽菜就變成暖湯。问题1: 芽菜，九層塔和青檸分開上。看来好像精緻，但我覺得有点劃蛇添足。因為湯不夠熱，原來已放生牛肉把湯降溫，再放芽菜就變成暖湯。问题2: 芽菜不是越南用的肥短種，是港版的長瘦種問題3: 九層塔没香味。問题4: 來的時候仲見到牛肉不带点紅色，証明是生落。但用筷子夾起下面，就見到一卷肉。即是牛肉落碗時不是一片片，又可能牛肉解凍不夠，吃来有点鞋。最后：湯底还算可以！

行過mega box見到幾吸引下午茶時間冇咩人可以任揀位見再set tea都幾吸引又想食面又想要小食於是揀左set d但又幾好食既😛啲野叫左冇耐好快出我最鐘意食雞翼果然冇失望😍但如果雞翼係分開上會好啲😔啲面有啲少😳好快就清哂😂整體黎講係好味既但 分量少左啲 價錢高左啲

12點幾好急食咗碗墨丸魚蛋就去開會。3點幾開先就即刻去醫肚，難得嚟到九龍灣，食埋先出mk~見到哩間叫Pho Thai，諗住係越南 crossover 泰國嘢，點知入到去發覺自己睇錯…係Pho Tai唔係Pho Thai😑食咗個下午茶餐，生牛肉湯粉+香茅豬肉卷，生牛肉湯粉嘅靈魂一定係湯底，湯底一般，牛肉算嫩，粉亦ok~但碗粉好多一粒粒黑色嘢…豬肉卷味道唔錯，只係米紙皮比較韌。不過間嘢唯一要彈嘅係我坐果張枱雖然已經清潔得好乾淨，但有陣縮味，應該係條抹枱布長期抹完枱無洗…

今天相約朋友下班時間去九龍灣工業區試酒, 試酒前當然要先填飽肚子以免喝醉.平常都會選擇麥當勞或茶餐廳的客飯, 今天對這兩樣有點厭倦, 想找較輕量的湯粉湯河類, 印象中前東方報業附近有幾間小食肆, 其中有越式湯河也有潮式粉麵. 大約晚上7點到達時果然兩家店也正在營業. 朋友想很想吃生牛肉河, 便隨她的意思而行. 進店時看到座位差不多有半滿, 以時間+地區來說是相當地多人. 裝修上較簡潔但整齊. 朋友進店前已選定生牛肉河, 由於近來胃不太好, 我則選熟牛肉河. 朋友想點一份清爽的米紙卷, 本想訂扎肉米紙卷. 但店員說已沽清. 只好健康的素菜米紙卷. 熟牛肉湯河的牛肉質量不錯, 湯底則稍嫌略淡, 河粉不散, 有質感, 味道給3.5分. 米紙包著粉絲, 紅蘿蔔, 青瓜, 薄荷葉等材料, 沾少許越式醋味道相當清新, 爽口. 味道給3.8分. 埋單每人大約$60, 份量亦飽足, 不錯. 翻食指數: 70分.  價格廉宜, 質素可以, 交通方便添加不少分數. (此指數平衡店舖交通, 味道, 環境, 價格... 等等, 個人作出的評價.)

放工諗住同同事係附近食啲野，吹下水⋯ 近近地，見呢間野白白淨（啲枱櫈），就試下啦。一入到去，個地下超級滑，開頭諗住可能天雨既關係，點知坐係度無耐，已經咬到我成腳蚊爛⋯ 個地下好似好耐無清潔咁其實佢啲嘢食唔差，但係咁既環境，我真係無法再坐落去！希望衛生方面，可以大力改進！生牛肉金邊粉牛肉紙米卷拼盤