越南越順餐廳

营业中

休息中

寫完老香港系列，諗起好多細個既事。幾個人一齊整紙火箭、水火箭，雖然昇空失敗但換來歡樂一場。此小店位置唔起眼，裝修唔算舊但好老土，不過食物唔錯而且價錢平，枱面枱底餐具一切都好清潔 清潔分抵讚 牛肉米紙卷 $28Rice paper 係越式食品既表表者。半透明既米紙口感煙韌帶住點點米香，包住青綠既金不換同入味既香矛牛肉，點一下酸醋好開胃 。加上不經油炸食得健康 ( 米紙浸左水就軟，軟左就可以直接食用啦 ) 火箭蝦卷 $28即係炸綱紋春卷，綱紋皮好輕身好鬆好脆，唔似中式春卷皮咁實淨。裡面有蝦有芋頭有豬肉，點左酸辣汁更冶味 越式蔗蝦 $48每一次光顧越式餐廳都見到枱枱食客會叫 either 蔗蝦 or 炸蝦餅，本人覺得蔗蝦好味 D。炸蝦餅有時蝦量太少食落得一團粉，有時又炸過火。蔗蝦多數係圓柱體，炸過表面香口而中間部份多數 keep 到軟既質感，做得出色既連蔗芯都吸收到蝦味，不過今次唔覺有啦 扎肉湯河粉+油菜+椰汁綠豆冰$35一個餐，有碗河粉仲有椰汁紅豆冰 / 椰汁綠豆冰 / 椰汁黑糯米送。河粉幾幼滑湯底夠濃味，不過當然唔可以同四五十蚊一碗既牛骨湯底 PHO 比較啦。椰汁綠豆冰用上綠豆蓉 (

我估唔到香港竟然有咁好食嘅越南菜, 好地道。特別牛油雞翼, 好脆好香,大大隻ｏ仲有嗰咖喱牛腩河, 超特別Ｄ咖喱超好味ｏ聽聞好多明星去食, 嗰日先见到農夫嘅6wing 和 TVB一個藝員, 以後會多Ｄ來, 因為好食又平,唔使$300 就有個六人餐

雞絲湯河粉:好大碗, D湯同河粉的比例係50:50 湯底好濃 D河粉都幾幼細, 都算滑 用料都幾多雞絲, 芽菜 附加一細碟青檸,可自已選擇擠一D青檸汁落D湯,好清新 甜品: 熱黑糯米, 大量的黑糯米, 加強椰汁, 甜度剛好, 又飽肚, 正！

家中眾人, 大好周日齊齊去了食「捕飛」, 我有事去不了, 只好自己搞定, 嗚嗚。好些年沒有來過這邊了, 猶記得幾年前, 這是一條挺老舊的車房後巷, 自從附近的新樓落成後, 也經過整頓活化. 變得整潔起來。這家越順即是以前的竹源越南餐廳, 那時在現在新景記的位置, 當年吃過三數次, 覺得不俗, 且看如今又是什麼樣子。店子沒有多餘的裝修, 只是窗上貼上些竹子的圖案, 才讓人聯想到和舊店的關係。店內此時沒幾個客人, 只有像是店主夫婦在打點。下午茶時間又未到, 就點了一個午/晚市套餐 ($35)。基本結構是主食 + 餐飲/甜品, 另可加 $10 配一款小食。怕熱沒吃湯檬, 要了香茅豬肉撈檬 + 凍黑糯米, 加多個手拍青瓜做小食。撈檬極之大碗, 撈入枱上的鹹魚露和甜酸魚露就可以吃。鹹魚露很夠濃味, 不過甜酸的就略為淡了少少。配上份量慷慨的酸菜絲和甜甜的香茅豬肉片 (就是貪它沒有骨好易食), 幾大碗檬都清得哂! 青瓜其實是切的靚靚的, 同樣加上酸菜, 很是清爽, 所以要全數消滅也沒有難度。最後的凍黑糯米, 因為已飽到上心口, 只可淺嚐, 是合格的。埋單 $45, 物有所值。

係附近搵地方快吃，奇味小厨冇位，於是行過嚟試一下，原來係以前對住大路嘅竹源d人做番，心諗應該有d水準。五個人叫咗一個3人餐，另外加咗一個拼盤，油菜同火車頭河。個餐有炒貴刀，酸湯牛肉鍋，一個小食要咗越式鳳爪，香茅雞亦，蝦醬炒通菜，重有3個甜品或飲品，叫咗一個珍多冰同兩個黑糯米。食物係大路嘢，水準都算唔錯，個炒貴刀同火車頭河幾好食，拼盤份唔算少而且d蝦餅幾香口，酸湯牛肉鍋有驚喜:一碟牛肉有成10片，因為幫襯多個200蚊，送多一碟，牛肉係酸湯到一灼，感覺冇咁肥膩。五個人食到捧住個肚都唔駛300蚊，抵到爛! 而且招呼嘅阿姐都幾殷勤親切。不過地方比較細，三五個人食飯還可以，人多就坐唔到。

午飯時間想起有間食越南嘢嘅餐廳，遂前來一試。此店裝潢無乜越南餐廳氣氛，和茶餐廳差不多。午市套餐$35，有湯粉及飲品/甜品一客。是日叫了香芧豬扒撈檬，豬扒都幾腍，不過不夠香芧的香味；檬粉質地乾身結實，都ok；撈檬汁唔知點講，係差咗少少嘢？！最後食埋黑糯米甜品，唔算太甜，味道都ok。