越大哥越式小廚

营业中

休息中

港人開飯辛辣瘋 泰式美食稱英雄越南菜系欲反攻 深信肯做不貧窮今日坐船鴨脷洲 久聞大哥小島中西貢小姐苗條多 本人卻是不倒翁最怕湯粉水「姐姐」 惟有撈檬雙番東香茅雞扒勁多件 蔥頭碌冧卻失蹤 天才詩蓓游水叻 家朗慶祝食蟹公蟹湯河粉有隻蝦 披甲上陣眼睛紅豆卜銀芽做主角 招牌肉丸來補充牛柳沙律用料豐 可惜大廚嘥刀工又凍又嚡好失望 蒜蓉法包行唔通蝦餅熱氣爆唇瘡 阿媽哦我及時聾小食雖然沒新意 今餐表現最顛峰 平衡營養叫碟菜 蝦醬何處未相逢 飲來飲去茶檸啡 青檸梳打是老馮聽聞咖啡好鬼甜 惟有努力加水沖服務小妹頻頻撲 走單錯單真大懵埋單找數三百幾 祝願質素與價同食客好評空穴風 細雨點點雷聲隆《蝦醬炒農家菜》-$52《牛柳沙律配蒜蓉包》-$82《香茅雞扒撈檬》-$56《招牌海鮮肉丸鮮茄蟹湯河》-$74《蝦餅》-$58《青檸梳打》-$20《滴漏咖啡》-$28

入咗鴨脷洲大街探索，口痕想食吓越南菜，發現餐廳選擇唔多，就求其入咗越大哥搵食個人最鍾意的越南菜就係香茅豬扒飯，見呢度有得食就梗係試吓手勢啦老實講宜家平過60蚊的香茅豬扒飯已經買少見少，見到52蚊都打咗個突本來期望都唔大，打算醫完肚就走人點知一上菜就見到隻心型煎蛋, 即刻加咗唔少分香茅豬扒飯 $52隻蛋正就不在話下啦，重點係豬扒肥瘦得宜，肉有咬口之餘都有少少肥，令到成舊肉食落好香，份量亦好足，差忍唔住叫多份豬扒飯就略嫌有少少硬，可以比翻多少少水落去煲街坊價錢嚟講，真係無估到可以咁好食，入鴨脷洲的朋友可以嚟試吓，真心推薦

work from home 午飯時間唔想諗食咩，所以二話不說去屋企附近嘅越大哥越南野叫外賣。今日專登早少少去，因為一到午飯時間真係超級多人。今日叫左個香茅豬扒拼雞翼煎蛋飯，配埋杯凍檸檬茶。香茅豬扒入味得黎夠哂淋，一啲都唔硬，仲大塊到有個盒咁闊，超正。雞翼有兩隻雞中翼，大大隻一啲都唔孤寒。加埋隻煎雞蛋係流心，吉個蛋黃啲黃流晒出嚟，好幸福！個飯仲有啲香蔥同酸腌蘿蔔絲，越南風味即刻出哂黎哈哈。凍檸檬茶係青檸製，全杯都酸酸甜甜好解渴。食飽飽繼續開工

又繼續出我嘅南區掃黃系列💛今次呢間係同事大力推介，又大份又好食，上菜快手，平日仲有餐飲送😋 無論鍾意食豬扒雞扒，湯定撈，基本上乜嘢組合都做到俾你😌🥗 香茅雞翼豬頸肉撈檬($62)依家啲天氣咁鬼熱😪有時冇乜胃口就會想食酸酸甜甜嘅撈檬🤤今次揀咗雙拼😋雞翼同豬頸肉都係我嘅最愛，即叫即整，熱辣辣又新鮮🤤一上枱見到咁多餸真係有啲嚇親😂😂😂果然係價錢親民又抵食🥰🍲 豬頸肉湯河($58)係好懷念嘅越式湯河味道🥺湯底味道清甜，河粉好滑，豬頸肉同樣係超級多🤤🤤有成十幾塊，好滿足🤤

本身都唔打算哂時間打食評，但真係唔得掂🤦🏻‍♀️之前同男朋友食過一次，覺得還好，於是今晚諗唔到食咩時，又適逢媽媽節前夕，叫媽媽唔洗煮啦諗住返兜啦。點知就係惡夢既開始。(以下相片可能引起驚慌)大佬，唔係呀話，係蟲呀。(媽媽話似係bb曱甴)算，我當係唔好彩，佢跌落去姐。嗶——🤬又一隻呀！食左第三、四啖炸。唔夠膽再食落去了。亦唔想再諗後先食既個幾啖有冇佢既親戚朋友🤢依家咩胃口都無哂，只好含淚掉佢去垃圾桶。希望店家睇到呢個post可以搞搞啲衛生啦🤦🏻‍♀️

第一次寫食評 唔係我食過最難食嘅餐廳 只係有時間😂原來星期六都冇set lunch只談食物的食評Lunch叫左4樣野 好食嘅第一樣我個人會blacklist依間餐廳首先上左牛油雞翼 望到個樣係靚嘅點知一食冇味 冇咸味我係ok 健康啲 但完全冇牛油香🙈牛油雞翼冇牛油香 不了第二碟係香茅豬扒飯心形蛋有驚喜👍成碟最好食係隻蛋白飯 豉油另上豉油咸到苦豬扒又係冇味😅跟住係炸蝦餅完全失望連基本用麵包糠炸都冇好冇誠意最後係蒜蓉包依個好食 真好食唔會太乾又脆最緊要有牛油香味個個覺得咁嘅質素 好難繼續做

這間真的是長期至愛 由於在附近工作的關係 午餐想來點越南菜的話🇻🇳 越大哥永遠是首選-香茅雞扒撈檬 ($52)  香脆的雞扒🐥蠻香的香茅味  檬粉加上越式酸汁 好開胃  檬粉份量又是毫不吝嗇 連配料青瓜絲都滿滿的 午餐或者下午茶來一個會超滿足！！💖

返回 「Urbanwoods」小睡片刻，誰不知已接近九時，趕緊更衣下樓找吃的！鴨脷洲的食肆較早關門，數家食肆仍在營業的食肆中，我們決定在「越大哥」開餐！「越大哥」是一家越南菜餐廳，晚來了的晚餐更不宜太 Heavy，連飲品凍菊花薑蜜茶 HK$24 和熱越南鹹青檸 HK$20 是甚為健康的選擇！我點了招牌香葉燒肉鮮茄蟹越南粉 HK$74，鮮蝦，豆卜和蔥花等堆得滿滿，第一時間來呷口湯，蕃茄味不算濃厚，鮮味要比蕃茄味道突出，整體味道自然鮮清，感覺蠻舒服的！鮮紅椒的作用是替越南湯粉畫龍點睛，愛辣的我當然全部倒進湯內，再往湯粉擠出青檸汁，後一會辣椒的味道釋放後，蕃茄蟹湯的層次頓時變得精彩，味道變得更加惹味！紅寬河粉是海港城市海防的特產，質感較為厚身與富嚼感，而且掛湯能力相當高，可從紅寬河粉感受到蕃茄蟹湯的滋味，在香港體現越南海防的風味！除了紅寬河粉，這條用紫菜包著香草和牛肉的香葉燒肉亦是驚喜之一。一咬，紫菜內的香氣隨即撲出，香葉與牛肉結合成最佳的越南風味，老公和我也十分喜歡！不過「越南哥」自家包製的香葉燒肉是喜惡分明的食物，若不喜愛香草的人，會嫌它香草味過重，未必能接受！記得另一款燒肉是沒加入香草

自從㱐肺搞到冇得出國玩，每逢放假都想發掘下啲平時少去，甚至係香港住左咁耐都未去過既地方。啱啱呢個周末就諗住帶齊成家人行下香港最南既一邊，黃竹坑以前去過今次就決定入埋鴨脷洲。於是當日就入左鴨脷洲大街，唔知係咪冇左遊客既關係，抑或係疫下啲細舖做唔住之類，周末既大街好多舖都冇開/落晒閘，條街都算幾冷清，食肆大部分都有客但唔full。我地慕名而來搵左呢間良心小店-越大哥。每人叫左碗撈mong，碗麵黎到係大過我塊面！由於好肚餓，竟然食完先醒起要影相，冇辦法，但講番碗野既餸全部都好新鮮即炸，好食可以翻焯！

呢間老闆兼大廚係越南人親眼見證曾經門口貼咗多張文宣由23到51都有一打開餐牌見到有招牌名就叫咗嚟試吓果然無令我失望辣辣地 幾好味本身唔鍾意食洋蔥嘅我又離奇地覺得幾夾最最最令人驚喜係個蒜蓉包呀痴線好味到....😋😋可翻兜 尤其呢味平時喺越南餐廳都好少見鮮茄牛腩就正正常常茄味都叫夠濃牛腩亦唔韌😋軟殼蟹係熱辣辣上枱色香味俱全本身係軟殼蟹愛好者所以完全無法抵擋越南嘢嚟講呢間真係好好味👍🏻款式又多又可以支持吓小店(只係要坐得親密少少)越大哥牛柳沙律 $78鮮茄牛腩飯 $58牛油軟殼蟹 $78

越大哥招牌蟹肉香葉燒肉鮮茄湯越南粉($68) 如果唔揀香葉燒肉餐牌另一款可以揀肉丸💁🏻‍♀️個人認為肉丸好食啲😋個湯底好濃好足㸯 有膏味🤩 塊扎肉幾好食 麵質同平時食嘅有啲唔同 係闊身少少彈牙嘅感覺 如果想給吸湯汁嘅話就揀檬粉比較好

肺炎期間比平時食多咗好多外賣，經網上外賣平台叫外賣既選擇都唔少。春卷撈檬，幾大份，放滿左成個外賣飯盒。雖然係外賣，但春卷仲keep到好脆，而且都幾大嚿，齋食春卷都已經飽飽地。撈檬嘅部份正正常常，同平時食到嘅味道差唔多，連埋啲配料撈埋一齊食再惹味啲。鍾意食素的話，可以叫呢個試吓。越式蝦米乾伴芥蘭菜提供到一碟菜嘅外賣店舖少之又少，不過呢盒芥蘭真係炒得麻麻地，煮得太淋，而且個菜已經黃黃地，似係喺個盒度焗咗好耐，同埋味道太苦，同平時食到好爽口嘅芥蘭好大分別。春卷撈檬都幾好食，有機會要去間餐廳堂食試吓。

$80 for a bowl of soupAnd noodles. The place is small and dirty. The noodles are too soft. The soup is not good and taste sweet. For Vietnamese food it’s just expensive too! Such a Waste of money. The vegetables inside were also old and very soft.

鴨脷洲嘅選擇真係唔多，但係其實當中有幾間餐廳嘅質素同巿區銅鑼灣呀果啲餐廳可以媲美。呢排真係熱到無曬胃口，除左泰國菜，越南菜都係一個開胃嘅選擇～今晚諗來諗去就食個香茅豬扒飯啦～平時食開佢嘅越南河，原來飯係唔同，喜歡佢個飯會配一隻煎太陽蛋☺️送飯一流。同埋感覺上有營養均衡啲。香茅豬扒煎得香口，外面香脆肉質juicy ，滿滿香茅嘅味道。又唔會太濃太過熱氣。豬扒痴住係小小骨，唔會大大條骨所以比較多肉，再點點跟餐嘅魚露酸辣汁，即時超開胃。

今晚經過OpenRice book咗去大街食個早的晚飯，難得朋友約我，這可是我第一次去吃呢！我們叫了兩碗湯檬，分量超大呢！我那碗招牌肉丸蕃茄蟹肉湯檬，湯底非常美味😋，朋友就叫了碗生牛肉湯河，湯底和牛肉也很好吃，而小食就叫了蝦紙米卷和忘了影相的炸軟殼蟹，都是超級好味，質素很高，價錢也很適宜，超級值得推介！另外飲品我們就叫了青檸梳打，也很好喝，後來見到人潮開始多了，我們也快快手埋單，希望下次有機會再來試試其他的食物。