越式阿肥美食

营业中

休息中

中學時成日去阿肥堂食，它有好抵的學生餐。最愛吃香茅豬扒湯濛，d豬扒勁入味，它的香茅好有越南feel，好味！朋友仔、同學們就愛吃沙嗲牛肉凍濛、香茅豬扒凍濛，最特別是沙嗲濛有勁多大葱在入面，他們說好惹味！其實這兒的凍濛是出名一些的。但我還是愛湯檬，TWS冬天那麼冷，還是hot的好味一點。另外，牛油chicken wing也很香，也可try try。

呢間食店係我中學時候的飯堂，而家我仲有成日幫襯佢．由細食到大架ｌａ．以下係我ｏ既推介：１．香茅豬扒飯：食過咁多間香茅豬扒飯都覺得呢度最好味．豉油汁味道適中，ｄ蔥油同ｄ飯好夾，而豬扒的份量亦都唔少．來到一定要食．個人認為加左咖哩汁或且沙爹汁都無咁好味，都係原味最好．２．各式凍檬：無記錯價錢ｏ既話，一碗只係十五蚊左右．抵食．３．蒜蓉牛油雞翼：好香口，好好味．

因為係附近番學,所以成日去食個人最愛係沙dad牛肉濛加埋佢個度既x椒醬就最正本身我唔食蔥但朋友都話個度既蔥好好味!!curry pork chop都好正!!唔好既就係個度既人態度麻麻有時心情唔好

D野食係一流的推介:所有香茅既野食但註意:食完個口會有好大陣味唔好:伙計成日有內哄加上..有部份座位坐落於樓梯上面一個唔覺意碌左落去就大鬼獲lor而且冇冷氣冇暖氣秋高氣爽果排去食至係首選

首選-牛油雞翼,真係好正,唔再講喇,同其他人一樣其他推介-沙嗲牛肉粉絲煲,大大煲,有香濃的咖喱味,粉絲的份量亦都好多,如果一個人食,可以就咁當一餐!配合埋蒜茸包,點住d咖喱來食,真係好正!!!

大排檔格局超水準制作點了馳名的牛油雞翼($18-4隻)，即叫即炸，皮薄肉嫩...牛油味香濃，如果唔係生飛滋，我一定可以食哂4隻豬扒撈蒙($15)，最精彩反而是蔥油，豬扒亦不錯，酸酸甜甜很開胃粉包即叫即蒸，包保新鮮，粉皮滑一滑,用料多不過個晚好大風，食到頭髮披面最驚嚇係食咁飽都70多元...宜家諗起都想食

佢o既豬扒飯真係好味得好好好緊要, 咖哩汁香濃, 香矛好香, 而豬扒真係好入味同香口~! 佢d奶茶唔知點解有一種香濃o既麥味, 好好飲~!不過地方係街邊大排擋, 同價錢唔係太合比例.建議組合:咖哩豬扒飯+ 涷奶茶($27) 外賣都係一個好選擇, 條街好多車位~!

呢度d野食都唔錯,特別係個牛油雞翼(冇記錯既話好似係$48/8隻)~ 好香好脆...d肉又夠滑!隻隻炸到漲卜卜, 大大隻!再加埋d炸乾蔥,真係一流呀!不過呢度環境唔係咁好外賣好d~

以前讀中學時好鍾意黎呢度食飯，雖然環境惡劣左d,不過佢o既咖喱豬扒飯真係好好食，豬扒香口入味，個汁更係極品，撈飯勁正，加埋野飲都係廿蚊唔駛，真係食極都唔厭不過自從告別中學生涯四年幾後都冇食過了．．突然間好掛住呢～