越式阿肥美食

营业中

休息中

唔想食得咁heavy, 簡簡單單食碗湯濛, 附近最抵及最地道當然係阿肥, 最重要係有好夠味的魚露任斟, 令碗濛提味不少 香茅牛肉湯檬 $17 $17細細碗, 不過牛肉都算多 這兒的香茅豬扒就食得多, 香茅牛肉都係第一次, 一樣落重香茅去醃 牛肉無落梳打粉, 故保留到牛的天然味道, 夠鮮味 有些夠稔, 有三舊就嚼得頗費勁, 因有筋 配料有葱粒及芽菜, 湯底偏淡, 故會自行加魚露來提味, 基本上魚露跟香茅係頗夾的以湯檬來講, 香茅牛肉好似好d因香茅豬扒可能要用好多油煎的關係, 會令碗檬好多油浮面, 但香茅牛肉就唔會攪到碗檬油令令

由中一食到e+, 一直都係其凍檬的忠實fan, 因為實在太抵太好味喇!e+不再穿校服, 冇唔學生餐, 但散叫都平~ 叫了沙爹牛肉撈檬~~沙爹醬香濃有口感, 食得出內裡的花生碎, 牛肉有香茅味, 惹味!配埋蔥油, 酸酸的蘿蔔絲, 墊底的生菜絲, 淋上酸酸辣辣的蒜蓉酸醋汁, 簡直一流!寫寫下先至覺, 其實呢碗廿蚊都唔駛的撈檬都幾多野組合而成, 足見店家對其出品之認真!不過唔好處就係食完個口會好大陣味, 而且少不免有味精, 會好口渴,而且夏天坐街邊會勁熱~ 同埋d呀姐態度真係好到...... 不過多年來已習慣了, 因為佢地自己圍內講野都係咁"好"態度, 對d客自自然然都係咁~~

尋日去慈雲山整d野 , 見尚有d時間 , lunch 選了阿肥美食香茅豬排雞翼飯 (多汁) $26 一場來到 , 當然要試下呢個招牌飯豬排 : 的確好味 ! 豬排唔會好油 , 好香口 , 好夠味雞翼 : 大大隻 , 好實肉 , 好入味飯有d乾 , 有d仲痴埋一舊舊.....好彩叫左多汁ja ! 有d汁撈下好好多馬拉盞炒芥蘭 $29 即叫即炒 , 都幾夠味 , 幾香不過都幾多油下...我見好多人叫生牛肉湯檬 , 下次一定要試下先 !

友人極力推薦這裏場的炸雞翼飯，不錯的，但未算十分出色。雞翼是新鮮炸起，細細隻，有四隻。塊皮炸得幾脆，ｄ肉都好嫩滑。雖然係炸，但都不太油膩。唔錯！但我覺得整體不是十分惹味，如果加多ｄ葱同香蒜片會更好。

None of the restaurants in TWS Centre is good - that's why they are closing down one after each other - thank God! One exception is 阿肥, although it is just a street stall, the 3 sisters know well what is cooking. They cook their food so well that you'll not want to waste it (left over)! Best choices are pork chops and wings - you'll never be disappointed!! Good Job!

雖然住在附近亦光顧多年，但依然不減我對她的喜愛！我最喜歡的是香茅雞翼豬排飯！豬排炸得香脆，香料令豬排及雞翼都很入味。試過很多不同店舖的香茅雞翼豬排飯，還是最喜歡這裡，只要你們試過，便會發現它獨特的味道。

香茅豬扒飯係招牌$26, 豬扒份量多, 加埋d蔥, 炸蒜頭真係好味d飯粒粒分明, 唔濕牛油雞翼都係招牌之一炸得岩岩好, 唔乾又脆, 仲有牛油味

上2次下午去都係未開..原來只係開夜晚..= =嗌左1個3寶反(雞亦,豬扒,扎肉),1個香茅豬扒反,香茅牛肉湯濛,馬拉盞炒通菜7點幾..坐滿哂人lu已經..香茅豬扒真係好好味..好香..面頭個d蔥+蒜片真係好好味佢個雞亦都好好味..好香不過如果大食d應該唔夠食@@個通菜唔係好咸..有d用左馬拉盞炒就會好咸..~埋單$106 2杯野飲..飽飽..下次會試下佢d咖哩 因為都見好多人食

仍是中學生的我, 就好鐘意食阿肥特別係沙爹牛肉凍濛沙爹牛肉d 味好濃, 份量唔少加上魚露任落非常抵食同好食!!!

起身岩岩三點三，早餐晏晝下午茶一齊食。上慈雲山食阿肥，早知佢豬扒同牛油雞翼好食，但下午茶時段冇牛油雞翼，咁茅頭就直指豬扒。坐低諗住叫一個豬扒河同一個豬扒飯，落單前突然見到隔離檯個三寶飯好靚仔，咁就比多幾蚊食三寶飯(豬扒+香茅雞翼+扎肉/餐肉/煎蛋)，黎食越南野當然拼扎肉啦。餐飲要凍奶茶x2。豬扒河黎先，望落去令人好冇胃口，豬扒比湯浸住，湯同塊豬扒d色水都唔夠。事實上d湯都真係幾淡，河粉就一般貨色。跟住食豬扒時，未放入口就已經聞到好香香茅味，咬落去，好嫰！(但唔似用野"乸"過)然後兩個人夾手夾腳，一分鐘秒殺左佢，阿姐行過【乜咁快手啊﹖】我話【係啊！】心諗【我個三寶飯呢﹖】三年後三寶飯到，今次忍唔住要開餐，唔記得影相，呢塊豬扒色水就夠，好正。雞翼同扎肉十分麻麻。d飯撈埋蔥油好正。淨豬扒飯好d。鋪面超級細，要坐街邊食。衛生麻麻。飲品唔係強項。為左豬扒，值得翻閹。

最近去過2次, 都係叫外賣拎走, 因為太熱, 頂唔順堂食個牛油雞翼就算外賣都一樣好好食 牛肉撈檬, 同前一個食評講嘅一樣, D檬係暖的, 牛肉就正! 雖然portion夠大份, 但係如果能夠做到凍檬就更好!! 另外就係, 因為佢地廚房都頗細, D單都做唔切, 無論堂食定係外賣都要畀D耐性等...等...等...

上個星期日專登上去試下，天時暑熱，阿肥間舖原來係無冷氣既，真係佩服其環保既概念，諗住叫枝可樂飲下，成１０蚊枝細可樂，Ｏ係Ｄ咁既經濟情況唯有飲返自備既水吧，之後叫左兩個乾檬，一個豬扒一個雞翼，點解唔係凍檬？拎到黎先知原來真係唔凍的　豬扒就乾身得濟，雞翼就好入味，可能係用左南乳整，炸得好靚仔下，Ｄ撈既汁都可以接受既，唔太酸，１７蚊碗野，一個大男人唔夠５分鐘就食晒了。間野好近路邊如果遇正唔多有品既司機唔熄匙，就會食晒塵，都幾大獲，伊點係缺點之一去食既話記得要坐近樓梯既當風位，一黎有風扇，二黎樓梯吹水黎既風好涼快的

2008年7月13日下午4:30 同沙牛男友由灣仔去慈雲山食懷舊小食. serch食評呢間都唔錯, 試埋佢.我地叫咗豬扒乾檬+粉卷豬扒乾檬 – 幾好食, 不過豬扒都係雪藏貨, 下午茶餐25蚊包飲品見到佢包緊粉卷, 即刻order啦! 好味喎! 都幾足料, 肉少菜多, 個皮好好味. 正!下次試第二樣先!

今日係假期~心情唔好冇去玩~響OPENRICE見到ar 肥,就落街試試~~因一個人食嘅關係,只叫了豬排凍檬~~加青檸冰~~真係好好味~~最後叫咗牛油雞翼~~~~返屋企食,都好好食~~~

晚市套餐$29香茅豬扒飯+餐飲(凍飲不加錢),抵!熱騰騰豬扒碎上,豬扒面層汁醬惹味,裏面肉質有部份軟腍,有部份稍鞋碟頭飯上淋了豉油,落好多葱花豬扒煎完後舖上飯面,令飯滲入了油,少少油膩