越棧越式湯粉專門店 (已搬遷) 新店位置

去睇alice*v*好爆場呀~~~睇三點幾買完飛去食d野先突然想食越南野但唔想去大巴黎呢間近UA所以我提議這裡~扎肉湯檬~size幾大下上面有d九層塔記得加埋一齊食呀扎肉切薄片有五六塊到la幾彈牙不過淡口左d檬粉唔過淋夠滑身好順口~湯底味道濃冇味精食完唔口渴~有魚露既鮮味唯一要彈既係d洋蔥絲生食會口臭= =約會的不食為上策綠豆冰跟餐加三蚊初頭見到個名好少見所以貪得意叫左其實呀媽有教落見到d未聽過既野飲就千其唔好叫><依家應驗左椰汁冇甜味得d綠豆係甜dd= =d綠豆食落又怪怪地最後只局住飲冇味椰汁作結good 只係比野食的

越棧在屯門開張都已有一段時間，卻沒有試過，剛巧昨天距離電影開場還有一個多小時，於是趁機會一嘗越棧。香茅豬扒撈檬:豬扒不錯，很鬆軟，但撈檬的調味料實在不夠。雞翼:味道不錯，但其中一隻雞翼沒有「脫毛」，員工在這方面應多加留意。札肉蝦片:札肉上有類似檸粉的東西，還有蔥粒和花生碎等，超讚！春卷:不過不失。整體來說，相比同類型的餐廳 ─ 小巴黎，越棧實在遜色不少。

這不是我第一次吃越棧的生熟牛肉湯河,不過之前都沒影相,今次見有就補返個食評啦越近越棧店,空氣中飄浮著的牛湯香氣就越香濃,未食先興奮.講真每次聞完後,腦海中就想想下次來食的日子.發覺這招好過重金禮聘去賣廣告~ XDDDDDD同樣是一碗粉一杯飲品,午市36蚊,下午茶平十個大元!!!最要緊兩者份量差不多的,所以我盡量幫襯下午茶時段,,慳得10蚊得10蚊我吃此湯粉的次序,先加少半飯碗份量的魚露於湯中,攪暈,拔出香花草的葉浸在湯中,然後,四大片薄薄的半牛熟牛肉片都一樣插入湯裡浸...登登登..美食已完成,可以開餐極度鐘意這牛湯,非常好飲,充滿濃濃牛肉味河粉是幼身那種,滑滑嫩嫩,吃的時候是一啖湯一啖粉,兩者瞬間'升呢'~!(其實濛粉都好滑,但自己覺得和牛湯一齊吃則不太相配.)至於倫為'配角'的牛肉,帶點鞋口的,不過好薄身,所以都好易咬.熱柚子茶都是我都鐘意飲,而且不用加錢.又是必點的.服務員收碗送菜都很快手快腳,唯獨是加茶就不夠主動.其實是我衰,每次都要飲幾杯才捨得走 XDDD因為此茶水是非常非常好飲,濃厚麥香,茶地順喉.有淨茶出售我會買架~

下午茶26蚊一個SET,轉特飲+3蚊，好抵～本來想去吃上海婆婆的，點知間嘢白癡到周六日4點半到5點半清潔，于是覓食覓到來呢間試試～話到個燙底咁靚，沒辦法一定要試試個河啦，我要佐豬頸肉湯蒙，肥佬要了牛腩片湯河。牛腩果然好吃過個4片可憐的豬頸肉，而且蒙粉好干身。唔知點解HK幾乎每家越南河粉店都是把芽菜藏在底下，熟到林曬，不是生的一碟另外上，失敗啊～還有金不換，竟然成棵放落去，我喜歡把葉子都拔下來放到湯里，最后一片不少全部吃掉～講翻個燙底，完全唔掂，得個咸字，同好重MSG味，稱不上什么燙底了～不過+3蚊有杯紅豆冰飲又幾抵的· 下次不會再來～

一個湯底的傳說.呢句應該係佢地既口號, 因為我係果度見到幾張POSTER都有咁寫.第一次食, 其實帶著無乜祈望入去, 因為以前去開MK火車頭, 果度D生牛肉河出名正,去度呢到當然無帶有任何希望.點知, 有驚喜!先講清楚, 佢其他野食係無特別既.但個生牛肉河加上個"傳說中既湯底", 非常MATCH, 至少90分, 欠左少少西檬味, 女友話以前有既, 可以叫佢後加.相信呢個湯底既傳說, 只限於生牛肉河, 其他未必啱用.一間生牛肉河既專門店!下星期試多次先.

上星期同媽咪行屯門市廣場...打算都留係度食埋飯先走,但我地走到5點幾已經好累好坐低啦...諗左一陣,忽然諗起呢間鋪頭,之前想食好耐但又冇兜過來食而元朗個間鋪就成日大排長龍,咁今晚一於食呢間啦!!!由於我地去到未夠6點...基本上仲係下午茶時間...我知道香茅豬扒係最好味架啦,所以就要左兩個香茅豬扒湯檬($26X2)但係我冇睇清楚餐牌,以為已經到晚市,咁應該係照$36正價叫咁我指個Menu照嗌啦,咁個waitress又係唔知道仲係下午茶咁後來出左張單比我地,我見點解係$26既,就拎張Menu睇睇原來未夠6點,咁我同媽咪就好開心啦因為可以平$10但d野都一樣後尾幫我地order野個waitress經過見到我地張單係$25/ea之後,就問番我地:點解係$26?唔係$36咩?我就話:而家未夠6點應該係下午茶佢就好似有dd黑面咁......我覺得個湯底都算okay,雖然唔係話好濃但可以接受而個豬扒我仍然覺得都係好好味呀!!!keep到水準整體個湯檬我係好滿意,不過希望侍應自己可以留意番時間同埋成間鋪頭既waitress都係好有禮貌,你走時全部人都會同你講再見

食物:剛開業時:到越棧下午茶 , 感覺不錯 , 湯底濃郁有味, 有野飲, 刀係$26 個時個湯底真係好好味 , 可以話係我食過最特別ge 越式粉面湯底 於是念念不忘 , 一直想bring mama 試下過左一排: 終於又到越棧下午茶, 又是香茅朱扒湯檬拼凍檸茶 wo , 一飲個湯, 超淡 , 好失望, 估唔到會差左咁多服務, 衛生: 普通 環境: 不太舒服 , 麻麻

同男朋友去, 食佢地既2人餐, 內裡包括2個粉, 2款小食同2杯野飲. 我地2個分別叫左: 香茅豬扒撈濛 生牛肉湯濛 香茅雞亦拼豬頸肉 紅豆冰 蘆薈西柚特飲啲豬扒一啲都唔好味, 乜味都無... 豬頸肉燒得燶左小小....生牛肉湯濛算好小小...雞亦都ok既, 係啲豬出事啫...紅豆冰同蘆薈西柚特飲都麻麻...以佢既價錢, 小巴黎仲好食過佢好好好好多....

平日下午越棧好少人, 最近喜歡搭shuttle bus 前來吃下午茶, 最愛她們的生牛肉河, 尤其湯底, 陣陣香葉和牛肉香味, 越吃越迷上, 但份量偏少, 適合細食的女士們。下午茶包普通餐飲一杯, 冷熱同價, 我試過凍檸茶, 凍奶茶和凍咖啡, 但都是味道一般, 茶味有點特別, 我不是太接受到, 而凍咖啡則有丁點兒酸味, 亦不喜歡, 下次還是點凍檸樂穩陣些。

之前聽過越棧呢間野...但一直都冇去試過...咁岩發現原來就喺屯門市廣場度有間...咁就同老公走去試下囉~坐低後點左個2人套餐...可以揀2碗粉面+2杯野飲+1個上湯浸菜+2款小食~我要左雞絲湯濛...老公就要生牛肉湯濛...飲品方面我就要咸檬7...老公就係芒果飲品~仲揀左2款小食...雞翼+豬頸肉...好快d野食就到喇...我覺得個雞絲唔太好食...而個湯底仲好似好重味道(但唔知係咩味...有d難食)而飲品就反而ok...都幾好飲...豬頸肉同雞翼整得唔錯...可惜就份量好似少左d...而老公就話生牛肉湯濛味道麻麻....亦係覺得飲品比較好d...不過價錢算係ok平...而且服務態度亦好好...ps: 呢間餐廳係有bb椅既...就算帶埋小朋友去都唔使驚冇bb椅坐...不過唔知係咪心理作用...食完之後覺得好口乾...好似好重味精咁..

與媽媽到平常喜愛的食堂----"越棧"吃午餐～媽媽點了她的至愛----健康三色紅米飯，而我就點了香茅雞翼湯檬～健康三色紅米飯---分別是香茅雞翼、香茅豬扒和蝦片扎肉，豬扒炸得香脆鬆軟....再配上健康的紅米飯，好味～我嘅香茅雞翼湯檬只屬一般....一般的雪藏雞翼、一般的檬粉，不過我喜愛它的湯和那一陣陣的香葉味～

琴日男友放假...去屯門睇戲...去到2點幾...咁不如等到3點食個tea當lunch lor~我地被安排到角位坐(=面向遊人位)..個位都ok ge...不太闊落...好food count ge感覺~因琴日係假日..下午茶要等到3點..(平日2點半開始的)我點了以下:雞絲撈檬+凍檸茶走甜少冰($26有埋杯飲品..凍/熱都可)男友點了以下:香茅豬扒金邊粉+凍檸茶..先黎個飲品...都係一般餐廳飲品size la..3xx ml 個d..我試左一啖..禁甜ge??個職員火速幫我換個杯...都算唔錯了...檸茶一般..不過檸幾苦下...個主菜到了...個碗size明顯地比午餐ge小..份量當然會較小la..不過對於我呢d減肥人種都係足夠有餘...個d雞絲不算太韌...有d雞絲有小小肥膏..不過整體都ok ge...個撈檬汁酸甜度都可....男友沒有太多comments..只說份量少了點...應該都尚可ge...食完之後口渴ar...應該係個撈檬汁太重味精了吧..仲覺得自己個口一直迴蕩緊個個汁味....如果減少味精我先會黎多幾次lor...健康之上ar ma~XDD

下午茶時段，叫左一個下午茶牛肉河+飲品($26)，另外一個小食+飲品($26)。牛河味道可以，估唔到小食得3隻雞翼!!!!!!$26!!!雖然好香口，食完仲想食，但係有o的貴唷~叫左杯青檸梳打，原來係一細片青檸+雪碧....有o的搵笨既感覺~因為要加多$3!

昨晚天氣熱，不想出九龍行街街，就決定與女友仔到屯門市中心食晚飯，還揀定了「越棧」。其實這間「越棧」不是第一次去的，除左這間分店，沙田的分店也去過，因為食物味道不俗，價錢合理，所以多次光顧。 今次好彩，五分鐘內就可以入座。我倆分別叫了套餐，我的是一碗「豬頸肉撈檬」加一杯「凍紅毛丹冰特飲」（凍飲收費再加$3.0），而女友的是「香茅雞翼湯檬」加一杯「凍檸檬雪碧」。另外，還加了小食「炸蝦餅」半份。食物好快送到。豬頸肉份量足夠，也不乾不硬，而檬粉硬度又夠。至於蝦餅都炸得不俗，也很爽口，不過份量少了些至於女友呢，她的食物也不錯呢，我試飲了湯一口，味道可以接受，也不覺得有味精呢，檬粉的份量適中，而雞翼也有三隻多呢。飲品方面，「凍紅毛丹冰特飲」有二件紅毛丹，以$3.0來計，數量算可接受。總括來說，「越棧」給我的印象不錯，檬粉又幾好味，而我最鐘意的是「豬頸肉撈檬」，日後我也會光顧的。

尋晚同男友拍拖拖，一早鎖定目標食呢間啦，其實我地都算得上係熟客呢！！！！我都係食例牌野，香芧雞翼湯檬＋凍檸檬雪碧，我男友就叫左豬頸肉凍檬＋紅毛丹冰，另外仲叫左半份炸蝦餅添。湯底唔錯，唔會有味精味，又唔會淡而無味，有三隻雞翼咁多添，隻隻都好肥大下囉，都算做抵架啦。我見男友ｏ個碗都有好多豬頸肉，偷食左兩舊，唔錯，唔會好硬，幾好味．．．蝦餅好好味，其實我懷疑我都係鍾意食點蝦餅o既甜酸醬，嘩哈哈！！不過份量略嫌少左d，多返少少會開心d囉不過要一提尋晚遇到個黑口黑面的侍應，可能人多等位卦，佢好似心火盛咁，叫佢落單態度又差，仲要黑口黑面，呢樣真係要檢討下啦，攪到我地都有ｄ驚．．．總括唻講，我幾滿意呢間舖頭架