越棧越式湯粉專門店 (已搬遷) 新店位置

越棧唔係成日去, 今晚心血來潮, 好想好想食生牛湯檬, 所以飛住過去呀!生牛肉湯檬 + 咖啡正呀!!湯檬一黎, 要好似蔡瀾咁, 先飲下個湯底先~~ 咦! 正! 湯底夠熱岩晒我! 而且望落去湯清但味濃!! 之後即刻食件牛肉先~ 正! 好香既牛肉味, 唔會似任食打邊爐既肥肉咁牛脂多過乜~ 最衰得3~4件啦, 如果唔係多多都食得晒呀~ 而個檬呢, 我自己就覺得無乜特別, 下次可以試下金邊粉, 睇下會唔會比檬彈牙好多先~咖啡唔係茶餐聽沖果隻, 係即磨, 岩晒我!!serve我果位侍應係加分點!! 有服務態度~ 好好人~

前幾晚同男朋友仔去屯門行街街''行到累就簡左呢間野食dinner因為果個moment唔洗等位= ]本身對呢間野冇乜期望,,不過食落又ok wor我地叫左2人餐`每人有一碗麵+上湯浸菜+二款小食+2杯野飲我同男朋友仔都叫左生牛肉檬粉``個湯底好好味+牛肉好juicy= ]至於小食我地叫左豬頸肉同雞翼''豬頸肉好好食``雞翼都好入味原來野飲係可以叫特飲既~~唔錯唔錯總括來說,,,呢餐飯係好食既個檬粉好食,,個豬頸肉好食我欣賞佢唔洗加1~不過以佢既服務態度又唔多值得加1既~

食物質素so so沒什麼特別, 但也不會太難食...倒是服務態度超差1. 水飲完不添2. 見停手便馬上收回餐具...其實還沒食完3. 收錢是自已走過去櫃位付錢, 但說說分開付錢(分單)便馬上面黑如果一家食店...用這樣的服務態度去對待客人倒不如改成"大X活", "大X樂"式的自助式餐廳,又可以省回多餘"行行企企"服務員的成本又可以讓客人食得自在一點

今晚同個朋友去呢度食飯, 叫左個2人餐, 餐入面包左每人一碗麵, 小食2款, 上湯浸菜, 仲有2杯野飲.我地叫左: 豬頸肉湯河同豬頸肉撈濛. 個撈濛好好食, 我覺得同樓下間小巴黎有得揮. 豬頸肉好爽好味.小食: 香茅豬扒+雞翼, 2樣都好味, 豬扒唔乾, 因為我食過一d香茅豬扒係好乾既.上湯浸菜: 普通, 冇乜特別.最尾叫左2杯紅豆冰, 特飲唔使加錢架, 紅豆冰原價都要$17.個餐$125, 埋單都係$125....原來冇加一架, 令我覺得更加抵食~

很差(x10)！第一差：安排坐位- 叫號碼叫到亂晒龍。佢地呢間有D係單邊位(即一排過、好似食迴旋壽司咁既坐位)，佢地叫號碼時，將單邊同唔單邊既，用同一個號碼，所以叫號碼時，跳來跳去，無所適從。仲有，因為我地忍唔住太餓(我地有三個人)，所以決定坐單邊位，行商場既人就響我地面前行來行去，仲要有一個響我地面前一路望住個大Foamboard食物Menu，一路響度「通渠」，我的朋友就見唔到，我就見到晒，跟住，咩野都唔想食了！第二差：食物- 很差！大家有無食過無味既魚露？未，大家去試下！同埋個日叫左個香芧雞翼，未至於係凍的，不過只係微暖咁囉！朋友叫既扎肉檬，兩「大」片扎肉，檬粉就好多！喂，多謝晒喎！肯定飽！第三差：服務- 完全Self Service，D待應見到你自己走去自己碗、自己個茶壺自己去倒茶，佢地都可以當無見過！可能真係Halloween到：你睇我唔到、你睇我唔到！各位，以上只是我個人上個星期既親歷既「奇景」，完全係我自己既意見，up to 你地自己去定唔去啦！