越棧越式湯粉專門店 (已結業)

每次經過旺角中心，都會聞到呢間餐廳傳出黎湯底嘅香味，今日同朋友行完旺中，順路落去食翻次。我order左扎肉湯河（$50),加$4轉特飲，再同朋友share一份蒸粉包。餐廳上菜速度好快，湯底飲落真係好香濃，但上面就得幾塊超薄嘅扎肉，由於太薄關係，食唔出有咩特別。蒸粉包味道唔錯，但入面D餡料稍為大粒左少少。咬一啖之後，餡料就全部跌曬出黎。整體來講，味道同價格都還算滿意。

行過新之城，睇下邊間無咁多人就醫下肚。點知見到越棧d人坐得3-4成人，眼見我地都好攰就求其入去坐。叫左個特別牛河，除左有生牛肉，仲有丸，分量少左好多，味道好淡，我要叫節侍應比辣椒我先得囉

第一次去旺角中心呢間分店食晚飯... 食左生牛肉河, $43, 湯底都還可以, 算正正常常, 唔算太鹹, 但河粉質地就認真麻麻, 完全唔滑...而且太厚身了. 不過這個價錢都不過不失啦. 最失望係個越南春卷小食, 3條 $40, 唔算特別平, 等左好耐 差不多食了半碗粉侍應先拿給我, 一心以為係即炸應該好香脆好好味, 因為睇落賣相都不錯㗎......點知一食落口....原來係淋嘅.. 熱度黎講 佢係夠熱, 但我懷疑佢係用微波爐叮番熱比我食...根本唔係即炸的.. 但最奇怪是..叮又點解要等咁耐呢?!我吃的時段不是太多人的. 失望... 相信短期內都不會再吃這間越南菜了.. 這個價錢的越南菜會有更好的選擇.

話說一直迷戀依度個香濃湯底，係旺角每次唔想同人迫既時候都會嚟依度幫襯。 可惜今日食左個一肚氣既下午茶之後就以後都唔想嚟！今日係下午茶時間點左個雞翼湯河 配青檸梳打。 落單時請店員將雞翼分開上， 佢諗都唔諗就話「因為下午茶時段，所以無得分開上」！聽到依句直係火都嚟， 作為客人我既要求好合理，因為炸雞翼浸係湯度會淋哂，從公司成本角度亦只需要一隻碟仔。店員咁既態度係簡接表示： 你幫襯既只係$36下午茶， 唔可以有咁多要求。到我埋單果時我都同店長反映， 可惜官方答案一致。 其實即使下午茶時段毛利較低， 我點都係你既客人，就算你真係咁睇重清洗一隻碟仔既人工 、 洗潔精同水費成本， 你唔分開上， 但客人要求到， 你by request 咁俾又有幾難？講番食物， 湯底依然香濃， 配料十足， 河粉質感夠薄滑，熱度亦夠。可惜雞翼因浸落湯底已經淋哂， 咬落去既肉心亦是凍的， 既然無心就下午茶時段， 不如關店只做午時同晚市算吧啦！

三十幾蚊個下午茶， 只求填飽個肚， 由於係第一餐，就去左食個湯檬。 係我諗緊生牛肉 or 豬頸肉之際， 我竟然同阿姐講咗: 牛腩湯檬呀唔該!! 衝口而出，咁我就照食牛腩湯檬， 因為有牛，湯底會特別甜!!講返個牛腩湯檬， 個人習慣，食湯粉面之前，一定會先飲個湯， 可以試真佢個湯底。 個湯入口算清甜， 感覺唔算有太多味精， 加上有足夠嘅洋蔥， 跟餐杯凍檸茶幾乎無飲過。至於牛腩，有三片，下午茶叫咁上下， 個牛冇渣，煮得好淋， 口感係有，但好奇怪，我覺得無乜牛味， 即係唔似食牛腩。 基於好好味既湯底，我會俾會嘢 7.5 分!!

下午茶唔知食咩好，去左附近間越棧食，好耐都未襯 ,今次再試叫左豬扒撈濛粉，加一杯凍奶茶量仍然好足 香茅豬扒好大舊 炸得好香口， 香茅味都夠檬粉軟硬度亦都好，撈埋D酸汁 味道更且醒神杯奶茶太淡啦！整體都還幾正

下午時間行過，被門外餐牌吸引了，店內人不太多，不過這個價錢即管試試吧！ 店內擺設整齊，尚算寬敞，環境清潔 點菜後很快上菜，醋一大支及餐飲一大杯，點了很難失手嘅香茅豬扒撈濛 賣相吸引，豬扒香脆鬆軟新鮮，值得一讚，炸蒜片香口，還加上蔥花及花生碎伴隨增加香味，混合醋汁，這個還算不錯選擇

是日和友人在旺角逛街太累所以搵間鋪食下野順便休息下叫佐個下午茶餐，我要佐生牛肉河粉，而朋友就要佐小食牛肉上桌時是生的值得表揚湯底好喝雖然喝得出很多味精河粉份量也不少牛肉就只有薄薄四片左右朋友食的那個小食是豬頸肉拼雞肉串份量頗少但朋友話味道ok我叫的義式紅豆奶茶味道很怪很難飲朋友叫的粉紅七喜她說還可以總體來講，生牛肉河粉還是值得一試的

估唔到原來呢間野咁新。一篇食評都冇。就等我贈佢兩句啦。話說旺角見完客個肚鬼咁空虛又趕下場就黎食個粉。人多但係一個人又搵位唔難。叫碗豬頸肉湯檬食下。睇落好似大大碗咁。個碗就係大既。湯都好多。但係豬頸肉呢就得果六片。仲要係極薄切。兩mm都冇。姐係加埋得果一厘米咁大把。肉可能成本高。但係檬粉竟然夾兩野就冇。明明平時我係要叫少粉既。竟然今次會唔夠食！OMG！真係比碗湯呃曬以為好大碗。收成四十幾比碗咁縮水既野。百物騰貴都唔係咁做生意呀嗎！