越棧越式湯粉專門店 (已結業)

係旺角諗唔到食咩之際 發現左旺中地庫有好耐都無食過既越棧7點幾既時候無咩人 好冷清 但慢慢就越黎越多人嗌左個2人set 有2碗粉配2款食物 2款小食 1款菜同2杯飲品店員服務態度唔錯 好快會落單 又提我地碗湯濛已經有芽菜 所以菜戈到可以嗌其實菜又見到我倒唔出魚露 問我係米倒唔到幫我倒2個人食呢個set好飽 食唔哂 $200都唔洗仲要唔加一

笁星期五同老公加個女三個人因為要到金魚街買野，所以就決定係旺角食晚飯，本身諗住去食爭鮮，但實在係太多人等位，見到隔離間越棧冇人，就入左去食了。（呢個行為好大膽）星期五晚上7點幾都係冇咩人食，唔知係咪真係隔離間爭鮮太吸引定係因為個商場裝修梗，成間餐廳得返3-4張檯係有人。入到去睇左個menu,計一計都係食二人餐抵過散叫，於是就叫左個二人餐啦。188蚊有咁多樣野好似好抵咁。我老公叫左個牛腩片札肉紅米飯，札肉有4片左右，比較薄。牛腩片反而幾好味，雖然都係得3-4片，但肥瘦適中又唔會好硬，上面嘅蔥油係越南菜靈魂。但反而個塊菜好似係夾硬放係度伴碟咁。我就叫左個生牛肉加香茅豬扒湯濛。個湯底係好香嘅牛肉味，生牛肉有大約5片啦，上到檯時都唔會熟哂。香茅豬扒因爲浸左落湯其實已經冇哂味，1d香茅味都食唔出，碗湯粉加埋笁洋蔥同金不換加埋紅椒仔食一流。卜湯浸蘿蔔：蘿蔔偏老，好多渣，但都入味嘅，個湯底都係牛肉湯底。豬頸肉：呢個味道就係普通，只食出咸味....越南春捲：個皮好脆，但入面嘅材料係淋到我都食唔出同睇唔出係咩黎.......但188蚊食到咁多野黎講又幾抵嘅，但員工服務就有d hea啦，唔多想做咁....

我地個陣時一點半左右去到，朋友話叫下午茶餐$3x會抵d，但我地睇個menu 就冇寫到幾點到幾點係下午茶既，諗住照嗌，然後落order個陣我地指住menu個下午茶餐order，侍應都冇講咩，之後俾返張單我地先知係收正價$5x。咁我地就問下個侍應幾點開始下午茶，佢態度勁串，望都冇望我地咁話 "2點囉，幾點呀食下午茶！"，我望下個錶，都係1點9姐😂，點解落order個陣時唔講呢？🤔就算係咁我地唔知問句洗唔洗咁串？你講清楚食唔食我地再決定都未遲，錢唔係問題，問題在於侍應既處理手法同態度真係唔得囉野食更加係難食，湯底得個咸字，雞翼乾爭爭朋友既豬頸肉河全走真係去食碗雲呑面好過😂😂😂連埋凍檸茶$52喎性價比完全係零。

成間舖d人都咁無禮貌，d野又唔好食 點解仲有咁多分店？堅唔明🤔叫了特色牛河，以為乜野咁特色 味精湯底一碗 一d牛骨味都冇，有幾件淡而冇味既牛肚、有幾塊類似札肉定牛肉牛餐肉既野，河粉又粗又鞋 一定唔係越南粉lor （似乾炒牛河d河粉），係牛肉都叫ok d，免費嗰杯茶都夠熱。。that it 問侍應特色牛河$52蚊+$4蚊送野飲 同 $60套餐有乜分別。。。佢'摺'我話 +4蚊係送特色野飲🙄問佢地攞碟辣椒+青檸都黑口黑口，口噏噏唔知想點（心諗係咪離食野都要受你氣）🔥

服務員無禮貌，點了2碗生牛肉湯河後，原附上的青檸和辣椒沒有，還覺得是問才給，如第一次吃怎知有青檸？還是覺得隨便給客人吃了就是！經理態度都是十分沒有禮貌！很不高興！愈做愈差

I finished work early today so I went to get something to eat before going home. I wanted some Vietnamese food so I went to this restaurant. It was tea time already so there weren't lots of people. I went into the shop and got a seat myself. I waited for around 10 minutes before getting a menu and then waited for another 10 minutes for someone to come and take my order. The most unbelievable thing is that one of the staff saw me waving hand but she just ignore me. I have to wait until one of the

牛脷湯粉：大大碗，份量不少，但湯略淡但有牛味！牛脷亦大而厚，但似煲完湯嘅瘦肉，賣相是好的，但味道就。。。加了很多辣醬才未至浪費食晒朋友叫雞翼湯河，雞翼炸得好靚，但雪味重，又是很淡口，不吸引唯一可取是椰汁紅豆冰，吾太甜，紅豆亦林，但怕且下次吾會再嚟呢間越棧，之前去過紅磡，屯門的越棧味道完全不同，沒有呢間那麼差

雖然天文臺發佈左8號強風訊號，但系海馬既威力遠遠比想像中細，難得放假一天，一於約埋朋友出旺角唱k。唱完有d肚餓，就話不如去爭鮮食少少野，點知去到爭鮮冇開，打算走既時候，d牛肉既香味不斷系越棧裏面散出黎，實在太吸引我地既味覺了。由於朋友唔食牛，最後只好我自己食。點左個特別牛肉河，裏面有牛扎肉，金肚絲，牛腩片，仲有生牛肉，十分足料不過最正既都系個湯底，牛味十足，加上有少少胡椒調味，夠嗮惹味，散出裏既味道都系吸引我地黎食既原因呢！一個人食完一碗面，連湯都飲左唔少，好飽啊~

今日lunch我同同事決定要沖出平時狩獵範圍........兩條街咁大把~ ~a所以就去左越棧度食啦~叫左個雞絲撈檬因為晏左食lunch關係，一黎到唔記得影一影就經已開撈諗住食-0-食雞絲撈檬又點小得酸辣汁呢，d度個枱面已經放左好大樽酸辣汁係度，比客人自己加幾多都得。咁我不嬲都好中意個酸辣汁，落左勁多落去撈，超正！青瓜好FRESH，雞絲一ｄ都唔鞋。但正還正，碗嘢竟然比我幾啖就食晒＝口＝。。。真係太小檬粉啦

我落單個陣話要熱檸蜜黎左杯凍檸樂我話我要熱檸蜜侍應丫嬸話咩呀我再講要熱檸蜜！佢再講咩呀跟手我大聲講熱檸蜜佢話 那跟你換囉！ 用普通話用普通話用普通話！！冇野呀！香港wor!火都黎同佢經理講你d員工唔識聽廣東話唔該唔好請佢問同我講普通話有咩問題宜家咪換左俾你!跟手個個講普通話既侍應繼續大大聲用普通話講 香港人有什麼了不起！下你下次請個非洲人都得架啦傻傻地！

朋友臨放工話不如出旺角食飯，不過一向都唔準時時既我，唯有叫朋友係旺角等我多一陣，朋友話越棧不用等位，又肚餓，就食越棧，唯知中伏原本朋友話食想蝦餅，一份蝦餅原來都要$78，呢個拼盤有咁多款小吃，有豬扒、春卷、扎肉蝦片、蝦餅才$138（大慨價錢不太記得）朋友叫的雞絲河我的豬頸肉河可能太肚餓感覺佢上菜上的特別慢，隔離位的情侶和我一起入座、落單，隔離的情侶已經食完走人，我倆不說小食拼盤未上，連兩個河都沒有嚟，吹又吹了2、3次，同一時間落單的情侶都食完走人，自己什麼都沒有，心想小食拼盤就話要炸就話耐，豬頸肉相信都一早整定，雞絲河就不用說，正常人都知雞肉都不需要整好耐食物，so sad ，為何上菜那麼慢最後埋單，緊記帶定足夠的現金喔，本來想look 卡，原來是沒有卡機基本上味道、食物質素唔算話差，但唔知佢係留單定乜啦，但都應要人客等那麼久，吹完又吹再吹都不上菜

今日同Girl Friend去左Mong Kok shopping,行到旺角中心有D餓，就去左越棧食檬粉，我叫左扎肉雞肉檬粉，扎肉好香口，好有豬肉味，雞肉都好雞味，湯底亦唔錯，有水準。

近日减肥養成越黎越健康既飲食習慣揀野食都越随住挑剔起上黎琴日同老朋友聚會揀咗係旺角集合見差唔多六點就落去喃住睇下大家樂有咩食朋友話見格黎越栈吸引啲就過去睇下竟然有紅米飯揀，有驚喜二話不說就入去坐低揀咗雞絲紅米飯加热檸落單唔使5分鐘就即刻送到紅米飯就捞咗啲白米，水落多咗少少，但好軟糯，好食係好食，但食到我有罪惡感雞絲可以再多啲就好啦，酸酸味味解腻，好易入口，如果唔係晚餐時段去，我喃我會ko曬成碟飯

點了一個特別牛河- 特別牛饗宴 再加一冰三色冰包含了一碗牛河, 牛扎肉, 金肚絲, 牛腩片, 生牛肉先說湯底, menu 說"本店所有湯底用鮮牛骨制" 看起來利害, 但喝起來原來是重味精湯...喝完很口乾, 要不斷喝飲料, 但湯底是有點椰汁味, 味道是不錯, 但可惜味精重河粉軟軟的, 跟一般無異, 還是會有一點米香, 生牛肉來到已經不生, 目測起9成熟透, 咬起來有點"鞋"口, 不嫩滑, 牛腩片很"UN", 一點也不口趙, 還會"痴"牙, 牛扎肉有點像貢丸, 爽口彈牙三色冰, 有過甜的感覺, 紅豆也有點過硬, 椰汁味也濃, 整體有點太"希", 可能太多水了

附近做完野食番個午餐先, 簡單D就去左越棧食越南野.要左咖哩牛腩紅飯$58, 咖哩唔算辣帶點椰香味, 幾杰身可以撈飯. 牛腩就稍為硬左少少, 炆得唔夠腍, 肉味唔夠. 薯仔反而夠腍, 入晒咖哩味, 夠粉.有得配紅飯, 健康D, 不過呢度煮得較硬, 唔夠綿, 食得多驚胃痛, 同埋唔夠熱.奶茶就較淡口, 唔似茶餐廳既奶茶.