越棧越式湯粉專門店 (荷里活廣場) (已結業)

逢星期日屋企人都會去Hollywood plaza搵食，而今次我地食既就係之前都有食過既越棧，我地覺得佢係Hollywood甘多間入面算係最抵食得黎又有差唔多既水準，真係算得上唔錯。今次我地係六點九呢個星期日黎講算繁忙既時間入去，唔洗等位呢點要讚，之後我地點左個小食拼盤套餐同兩碗河粉，146蚊既小食拼盤連兩杯特飲真係好平，珍多冰都算好飲，而蝦餅真係超好食！。之後上黎既胡椒豬扒河粉同蝴蝶蝦河粉，都係不過不失之選！最後三人埋單唔洗加一每人90蚊，算抵！

行山前想找個地方吃午餐。諗唔到食咩結果朋友提議到了越棧來吃。我一向喜歡撈檬，見到午餐竟然有牛脷食！我就想都不用想其他選擇了！就食佢！其實牛脷分量真係幾多下！跟餐飲56蚊。都算ok!個撈檬就一般中規中矩啦！而牛脷我覺得都唔錯嘅！夠味亦唔會太乾同柴。食完都好夠飽！野飲我只點左熱柚子蜜，開水嘅，所以實好飲。😂😂呢間野有個幾好嘅服務就係你坐低後佢會用個金屬水壺盛住熱水同你嘅餐具係入面，都幾衛生咁！所以要讚下嘅！

去荷里活廣場行街街，想話食返個下午茶，天氣好凍，唔想食麵包蛋糕咖啡嗰啲，就去咗呢間越棧嗰度食碗粉。$40一個下午茶餐，跟飲品，特飲加$4。食品選擇，香茅豬扒，雞翼，生牛肉之類的都有，全部都可以配湯檬/撈檬/金邊粉/飯。我揀咗一個胡椒豬肉金邊粉，配椰汁三色冰（走甜），冇錯，佢嘅椰汁三色冰竟然係可以走甜，即係佢嗰啲豆本身係冇用糖一齊煮，而後尾先至加糖水落去飲品度。雖然餐牌話下午茶係輕食份量，我就覺得同平時喺街食一碗越南粉係差唔多大，冇叫到扣底，我都食唔晒碗粉。胡椒豬肉我都係第一次食，佢同香茅豬扒有少少似，但係有好濃好香嘅胡椒味，都幾好食，值得一讚嘅係佢個湯底，牛骨湯底好清甜，食完又唔會覺得好口渴，$40响商場食個下午茶來講，算係交到貨。杯椰汁三色冰，真係有走甜，可惜啲豆就少得可憐，又多冰，椰汁味都幾淡，而且嗰啲紅豆綠豆同埋啫喱條全部都係好硬，未煲淋。

假日排長龍 原來係因為有下午茶！ 好難得假日都有平價下午茶餐 更係要試試佢啦！叫左碗生牛肉湯河！好好味 ～個湯底好濃郁！ 包一杯野飲都只係40 蚊 ！溫馨提示： 斟水要自己出去斟～

上次經過於下午茶時段，等左10分鐘就有位。店內座位繁多，反而感覺同相鄰既座位好近。 值得一提，店內因疫情關係，主動會提供熱水比食客清洗餐具。上次試左個特別牛河，價錢唔算平，但牛河湯底牛味濃郁 整體既牛肉，牛肚等都好好味😋 只係份量偏少。 一位男士黎計，食完一碗唔會覺得食飽。味道方面有驚喜值得推介。

在「尖沙咀」食完日系「班㦸」甜品、西瓜「雪花冰」甜品，再喝完「蜜桃沙冰」，以及台式手調「黑糖珍珠鮮奶」飲品之後，我坐港鐵返回「鑽石山」，準備坐巴士慢慢返回「西貢」。在返回「西貢」之前，是時候為晚餐而煩惱，偏偏「鑽石山」「荷里活廣場」裡面適合我一個人用餐，之前又未曾光顧過的食店已經所餘無幾，結我選擇光顧「越棧越式湯粉專門店」。「越棧越式湯粉專門店」裡面的餐牌最大好處，就是小食食品實際定價價錢，造得相對比較便宜，例如越式雞肉小食食品「越式糯米雞翼」，有分「四隻」雞翼版本，以及價錢比較便宜的「兩隻」雞翼版本任君選擇。當然了，食客在一般的情況之下光顧「越棧越式湯粉專門店」，選擇一次過享用「四隻」版本的「越式糯米雞翼」，怎樣計算都肯定比選擇「兩隻」版本更賺回成本。但是由於我之前已經在「尖沙咀」光顧「日本」「雪花冰」甜品，和台式「黑糖珍珠鮮奶」飲品的時候，已經消耗身上不少預算，剩下享用「越棧越式湯粉專門店」的本錢已經不多。所以我最後受制於個人光顧「尖沙咀」食店之後，剩下的經濟預算已經不多，所以被迫選擇享用價錢便宜一點，只有「兩隻」版本的「越式糯米雞翼」。至於飲品方面，我看見「越棧越式湯粉專門店」的

嬲到第一次寫食評.越棧 同大家樂一樣咁多年總會成日食食物無乜需要介紹但原來 唔同地點質素差咁遠正常唔係必然星期五晚 成個商場間間食肆都排晒隊係呢間有位Ok, 好丫 我本身冇要求 只係想快食個阿姐抹張枱比我一坐低嘩張枱濕笠笠見到佢塊布 想嘔相信成晚無扭過 睇住佢勁濕咁抹完 放埋一邊我同佢講 叫佢拎啲紙巾比我自己抹乾但抹完 我用完酒精抹 張枱都係有陣up味🤢已經唔想講地下，櫈都係垃圾唔係趕時間我真係走叫落單 都舉咗手幾分鐘先有人嚟成件事我最唔妥係黑色衫收銀果位經理（？）佢得閒企喺度都唔幫我落單亦無好好教下cover下果三個一舊雲嘅樓面阿姐.衛生程度 服務質素低過譚仔麥當勞想問呢間分店 老細係咪出好低人工個個做到咁hae?!

附埋餐牌:之前好似食過，但太耐之前既事啦，成日都覺得呢間野又貴又細份唔抵食，不過今次狐狸仔話試呢間想食下，話距食過~好食~，咁就入去試下啦。雖然下午茶黎講，40算OK啦~ 因為我食完都覺得，生牛肉幾好食湯檬，另外狐狸仔就叫左牛利湯檬，生牛肉唔鞋口，熟左仲好食，好似又有優惠就送左片札肉話比D客試食下，札肉都幾好食，牛利就實在份量太少，但幾厚有少少冧左D唔多彈牙，蔥同洋蔥圈令到碗野幾香，湯都幾入味，可以飲兩淡，有埋杯野飲既，咁40蚊就都可以接受，幾抵啦~我個人就會翻食，很好~

行左陣商場見有d餓就諗住入黎食個下午茶，唔使等位，又唔使量體溫。。。。望住個餐牌叫左三個下午茶餐，一個豬頸肉河，一個雞翼河同一個牛脷河，同3杯飲品。。。過左一陣，有個操鄉音既員工走黎同我地講豬頸肉同雞翼都無下午茶餐，得大餐有😑 然後我地話餐牌寫有，但佢堅持話下午茶無呢個餐。。。就決定豬頸肉果碗唔要飲品。。🤔到底係我唔識字定咩呢。。。結果我地就話照落大餐，但佢落單張野又出左2個係下午餐😳豬頸肉都係無下午茶。。牛脷湯河-正常味道，份量餐牌寫左係輕量，所以比平時大碗既份量少d。凍檸蜜少冰-略嫌唔夠蜜糖味，冰量似無少冰到，篤左檸檬都無乜味道。雞翼湯河（請無視d豬頸肉🤣)-雞翼一般，可接受。凍香橙梳打-淡而無味，下次都唔會叫呢款飲。自己去冰後既分量，我地猜想無叫少冰應該會半杯都係冰。結果佢計左我地兩個下午茶餐🤔到底點定義係得大餐定有下午茶呢。。。定見我地有飲品先話係下午茶餐？媽，我好亂。。。利申，平時食晚餐都唔覺咁有問題🤨

今日遲了收工，就隨便 在公司附近醫肚，而且很久沒有來這家餐廳吃，打算隨便吃吃便回家好了。 點了一個一人餐，香茅雞翼金邊粉配三色冰，一直很喜歡這家的越式湯底，而且四隻雞翼都分開上 ，雞翼不會被浸到林的。 金邊粉熟度剛好,不會煮過頭，雞翼很香和鬆脆， 喜歡這裏的馬拉盞， 加了馬拉盞和指天椒， 整碗麵的味道更濃和更具越南風味了，三色冰很重椰子味，喝下去又香又滑，配有些越式啫喱和黃豆，口感不錯。餐廳不設加一服務費，而且馬拉盞等配料都是自助形式， 想食幾多天幾多就是了，不錯~

好耐冇去越棧 琴日經過開 見人少少 有入去食個二人套餐 叫咗個雞翼豬扒湯檬 豬扒炸得淋身， 但入面有肉汁唔會鞋颯颯， 湯底始終都係咁好味 另外再叫咗春捲 脆口配生菜 最好味莫過於 蒸粉卷 配上撈檬汁簡直係絕配

好耐冇幫襯過越棧，發現下午茶餐都加咗價，我印象中越棧嘅下午茶餐都幾抵食，所以都入去餐廳坐低叫野食。香茅豬扒撈檬$40- 本身想要豬頸肉，點知廚房賣晒，結果叫香茅豬扒撈檬。食物品質差咗好多，認真麻麻地。香茅豬扒份量唔差，但啲豬扒應該炸定好耐，上枱嘅時候凍冰冰、硬梆梆，一啲都唔香脆。小小香茅嘅味道都食唔到，淨係得鹹味。檬粉配料份量好細，得一塊番茄同一塊青瓜，仲有少少香料碎，唔值$40嘅價錢。生牛肉湯河$40- 生牛肉得幾細片，將貨就價，令我哋對越棧嘅印象大減，下午茶餐來講真係太普通，應該唔會再嚟食。

服務態度及安排極差！叫客人響門外排隊，但其他新到客人就自己入去坐底。又有孕婦在出邊等外賣，佢個肚大到差唔多生得嗰隻，都唔會安排一張凳俾佢坐或者入去入邊坐低等外賣。最基本嘅嘢都做唔到

琴日去鑽石山行街，經過哩間野聞到香香地，又涷涷地想食啲熱辣辣嘅湯麵類所以午餐 就決定哩間啦假日食晏時間周圍郁多人排隊，哩間都唔例外，排左10分鐘左右就入得去啦我叫左個生牛肉河粉（走洋葱）都大碗嘅一黎到就浸番啲紅紅嘅牛肉落湯，之後就飲啖湯，“嘩～牛肉湯”跟住不得不提系佢碗野入面啲芽菜，幾多，食極都有甘，仲有葱同香料如果有啲香料食又啲唔食嘅人，記得同佢講走喔再加左個小食 - 粉包（我幾鍾意食，雖然$30先得兩個）滿滿咸咸嘅油葱，仲有脆脆嘅蒜片

食過兩次，晚市近八九點時間，經驗都係差。食物還好，但服務真心差，週邊食店關門焗住食呢間。兩三個職員個個趕收工，單又落錯，掛住清潔有餐又唔上枱。要埋數俾錢先我地完全明白，但個職員企係枱邊揸住張單，個口食緊野照望住你唔俾錢佢唔走，語氣差又嫌你動作慢阻佢收工(其實可以放低張單轉頭黎收)，講多兩句又唔鍾意。真心唔該檢討下。