越泰軒

营业中

休息中

喺長沙灣💯分好味嘅冬陰功泰國粉面出邊好多都只係用廠家送過嚟嘅湯底包 面呢間係會自己再加材料煲🥰一張相睇晒 依個係小編覺得最好食嘅組合 肥牛🐮魚皮餃🐟冬陰功湯公仔麵 肥牛每塊都好大 油脂豐富 魚皮餃喺出邊食唔到 每粒都好大粒 隻皮好煙韌 絕對唔係超市個種 冬陰功湯一定要揀正常 如果小辣會係夾咗普通清湯 配上硬身嘅公仔麵💯冬陰功湯好多配料 有蔥 辣椒 冬菜等 唔會話太重口味 食成個面都唔會覺得鹹除咗冬陰功粉麵 佢都有頹飯 咖喱🤣

唔好講話幾好食，正常一個牛腩拼豬頸肉湯飯，都可以照比d牛腩粒既餐廳真係要講句我真係好開心一間咁有良心驚個客可能進食有困難既餐廳，真係唔啱一般人去豬頸肉還可以牛腩真係好的骰

每次經過都會食🤤，今次點咗魚皮餃冬陰功河+凍奶茶走甜。------------------------------魚皮餃：每次食車仔麵一定會點魚皮餃，呢度魚皮餃係泰式，好大粒，皮十分煙韌（相比一般車仔麵店/ 超市買），肉十分飽滿，可惜得四粒😅，如果多啲就好喇！-------冬陰功湯底：有唔同辣到（冬陰功湯& 清湯比例），唔講就係全冬陰功湯，超鍾意佢啲冬菜，次次都叫佢俾多啲，味道正宗得黎，佢係唔會太濃，適合食麵飲。------奶茶：由於本人經常嗌奶茶走甜多奶，而呢度嘅奶茶本身特別多奶，唔需要額外叫多奶，十分讚。

外賣二碗撈檬分別係牛栢葉同撈檬札肉撈檬札肉得幾條仔，可能二片分配二碗撈檬，膠碗就好大實情檬粉得1/3碗。平時用來裝餸既位置少得很，成四十幾一碗中間係空既撈汁好酸。死酸又咸搵笨! Black list

有時候食得多西餐/ Cafe，都會想食返啲粉麵 （唔通餐餐都一百幾十咩😛）今次我同朋友行開長沙灣，就快快手食碗麵。越泰軒，裝修平民得嚟幾舒服，黃色加灰色嘅工業風牆身，cafe般嘅木枱。我叫左越式扎肉湯粉，冬蔭功湯底，$39，依個價錢有咁嘅味道，我覺得可以喔～😋沙爹串燒，$30/3串，都沙爹汁甜甜地，幾好食～ 再加杯凍奶茶，依餐平價得嚟食得過！專程去食就唔會架啦，不過經過長沙灣想快捷方便食個午餐或者下午茶，依間係幾好嘅選擇☺️

🥢🍜越泰軒食過返尋味嘅冬陰公湯底，今次試咗招牌豬頸肉金邊粉，冬陰公中辣。大家記得要揀辣度，冬陰公湯底要有辣度先岀度味，佢既中辣，我諗只係譚仔既五小辣。🥘🥢🥢小食必食推介🍤🍤今次叫左五香牛展和泰式串燒。本人不太好牛展，味道正常。串燒每串有3塊，十分推介蝦丸，蝦餅既朋友，燒得剛剛好，推介！🍤🍤🥢🥢餐廳環境舒適，侍應服務態度好，平民價錢，又食得開胃，是一間會食過返尋味嘅餐廳。推介！

以前住長沙灣，係好多幾街坊價既小店，不過隨著愈來愈多 “喜”字頭既貴價居屋落成入伙，都多左新食店 既價錢 “跟住時代進步” 🙄 但唔一定食物質素都有提升。食過好多間泰式粉麵，轉冬蔭公湯底，閒閒地加8蚊起跳，呢間只加2蚊。“粉，好食、湯，好飲”，飲過唔少冬蔭公太酸。 因為個湯 唔杰唔稀，粉絲掛到湯，真心好食。 肥牛份量唔少，咁既價錢黎講，值到係算多 🤩 細食d既人，剩食果幾塊牛都會飽左 😆 個湯雖然見唔到蝦，但有蝦頭膏既粉粉地，飲得出架。 $38個餐仲有埋個輕量級鳳爪有嘢飲，老闆真係薄利多銷喇 😁

難得去長沙灣做野 食下一直都好中意嘅泰式粉麵🥰✨叫左個下午茶 有麵有小食豬頸肉真係好好食 香茅雞翼都好正平時會叫冬蔭公湯 好好飲🤣但今日有工在身 怕飲左辣湯會胃唔舒服🤣所以叫左清湯清湯都係差左啲啲🥺普通雞湯咁🙊

呢日見有Coupon，就用外賣自取App買Lunch，凍凍哋食個湯麵，暖下都好😊。餐廳喺長沙灣保安道附近，招牌一啲都唔顯眼，但好多人喺餐廳入面食緊，目測餐廳都唔細。我一去到餐廳，外賣就已經Ready，但店員態度好鬼Hea😑。外賣包得都算穩陣，拎到返去無倒瀉。本身驚來回路程都成十幾分鐘，啲粉會浸到淋哂，點知餐廳個外賣盒設計係兩層，將湯同麵及餸分開，好貼心👍。餐廳主打泰國粉🇹🇭，平均$3x碗。湯底可揀泰國清湯或冬蔭公，而麵嘅選擇都多，有米粉、金邊粉、越南檬粉同米線等等。另外，餐廳亦都有賣飯同小食。我要咗炸蝦丸湯檬($33)，加豬頸肉($9)，總數$42，但我拎外賣時發現堂食好似貴啲，而張單都打要$48😳。唔通餐廳唔記得改App上面個價錢？冬蔭公湯好好飲🤤，好濃味，唔酸，但辣度十足，愈食愈辣，BB辣度嘅我食到流哂鼻水，咀仔可能都踵咗。不過無所謂，因為我覺得個湯底好正，配檬粉食一流！如果搭啲芽菜就好喇。至於餸料方面，我對於佢所謂嘅炸蝦丸大為失望😞，我預期係好彈牙，食到蝦肉嗰種，或者最起碼有蝦膠...。但呢粒好明顯係溝咗蟹柳絲嘅炸魚餅/蛋，完全同蝦🍤扯唔上關係，不過都唔難食嘅。另外加錢要嘅🐷豬頸

中午放飯，同事好想食越南粉，本來去開果間休息，咁即刻搵下附近重有無類同喇，就搵到哩間試試，好多學生都黎食哩間，原來有越泰式既碟頭飯食~我叫左個冬陰功湯底，牛丸扎肉湯檬，上到黎已經聞到好香好吸引，確實係幾夠味，食得辣既人會覺得小意思，牛丸都好彈牙，扎肉係切條狀，份量都唔算少，可再食~同事叫清湯，話唔夠味~後來我地先睇到牆上有介紹，冬陰功湯底可以揀辣度，下次食可以試下再辣啲

lunch time，同d同事去左越泰軒，平時見好多人排隊坐滿晒人，可能宜家到暑假冇乜學生哥，唔洗等位，逢星期六休息。環境唔錯，有幾張大台，坐落都ok.叫左招牌香茅豬扒河粉，冬陰公湯底湯底好香椰奶，辣味好夠，叫冬陰公湯底就直接大辣，如果唔食得辣既朋友就叫佢小辣。豬扒完整，夾起黎見到香茅，食落去都有香茅味，豬扒食得出有餣過既，夠咸但唔夠軟身，較煙韌，可以係餣之前揼下d豬扒先，又可以軟身又入味河粉用泰國食開既幼身河粉，份量都多，$36蚊既質素算唔錯

幫公司買嘢經過長沙灣，朋友話呢間粉麵好好食，平時佢返完教會必食嘅！因為朋友係比較咀匀，加上附近又冇咩心水，所以去try try！我揀咗五香牛𦟌湯粉，個清湯湯底好夠味又唔油，牛𦟌係意外地腍，正值箍牙嘅小妹真係由心笑出來！雞翼味道都ok，冇咩香料，但勝在生鮮炸起，為起$6一隻雞翼！可以揀要3隻或5隻，叫碗麵加多一個小食就岩岩好！而朋友碗豬頸肉湯粉有好多大片大片豬頸肉，好足料！行經不防一試，價錢又合理！

我揀左雪菜肉絲沙嗲牛肉檬粉～其實無乜特別 普通茶記質素值得一提嘅係沙嗲牛肉 無乜沙嗲汁 牛肉係紅色嘅(應該熟左)仲有間餐廳會播歌 不過收得唔好 播到甩甩咳咳😓(⁎⁍̴̛ᴗ⁍̴̛⁎)

唔好講冬陰公……蝦味就一定無，可憐連冬陰两字都完全沒關係！完全係即食粉包再開三碗水，淡到不可相像，除了有少少香茅味，什麽味都沒有，不酸不辣！嘩！大佬，我屋企個賓賓睇住youtube，買個現成冬陰功包都好食過你餐廳！個酸辣無骨鳯爪更加大鑊！糖精白醋！最後又要出動泰餐四寶，魚露，白糖，米醋，辣椒粉！好多香港厨師做泰菜都好有heat，問題嚟間嘅香港厨師好似小朋友玩煮飯仔咁，究竟識唔識咖？！唯一可以應該係個老板娘，服務好有禮貌，可惜食物太差！ps.無晒心機影相…費時晒氣！無下次

a small and decent shop. serving spicy and non-spicy food. the tea set is recommended, serving from 2pm to 6pm, until the late evening. the drink of hot lemon honey won't need to pay extra. tea set just 35 dollars. with noodles, snacks and a hot drink.