越瀧棧

营业中

休息中

路經此地，眼見open rice評語都好，似幾正面，便走去入內試下。店內有名身材高大嘅樓面員工安排入坐，因本人及友人有拎背囊，便要求店員給自己安排凳仔放野，但此身材高大員工表現有欠禮貌，大聲喝令叫我坐底，自己當時完全不知所措，其他食客都望過來，令本人感覺到非常尷尬。幸好食物質素尚算可以，廚師功勞真係居功不小，我哋分別只order左生牛肉河粉同豬扒撈檬粉，飲品都唔叫了，因本人已沒有心情享用，今時今日服務態度真係好緊要，強烈建議此店無論正職或part time 員工，應該要培訓，加強招待人客態度。

“越瀧棧”位於粉嶺聯和墟，聯和墟係行山時經常經過嘅地方，呢日又經過了，一於嚟幫襯下。睇餐牌啲價錢，都好親民價錢，五十零蚊至百零蚊就有一個餐包埋嘢飲。跟慣例，一人叫一個餐，見D小食又唔貴，又嗌埋。“蒜香龍躉斑頭腩飯“好大一盆，真係比想像中大好多，如果細食兩個人食都夠㗎啦，濃郁的蒜味配埋新鮮斑頭腩，認真好味，值得細味品嚐；朋友點嘅“香辣金不換牛肉炒公仔麵”好有泰式風味，公仔麵又唔會太油，加埋小小青菜和香料，唔錯，同樣好大碟。“越式春卷3條”和“酸辣無骨鳳爪”味道正常好食。加十蚊就有嘅1“珍多冰”和“咸檸七”亦有水準。

最近過咗嚟粉嶺聯和墟做嘢，收工時經過呢間餐廳入面坐滿曬人，人生路不熟嘅我梗係跟風入去開飯啦！小店形式坐得都幾舒服!同朋友share咗一個二人套餐：豬扒撈檬豬扒嘅份量好多，仲要係好厚切，肉質好淋同埋好juicy，臨落去檬粉嗰個酸辣醬汁做得非常之好！太好食，忍唔到手差d落咗人哋半樽汁！生牛肉河粉個湯底加入咗白蘿蔔去餚，非常清甜，生牛肉肉質都好滑，邊食邊讚！蝦餅拼香茅雞翼蝦餅食到好多蝦肉在內，彈牙既！香茅雞翼炸到非常香脆！醃製得好夠味！蒜蓉炒通菜炒得好有鑊氣，有大排檔水準，通菜非常新鮮甜品係椰汁西米糕!餐飲叫咗三色冰同埋青檸七喜三色冰入面係綠豆，chiaseed 同埋啫喱 ，口感豐富清清涼涼好正！明白點解咁多人幫襯，食物質素真係好高價錢又平，性價比爆分！見到隔離枱食緊羊腩煲好似幾惹味，過幾日再來試埋

第一次去粉嶺聯和墟，原來果度都有幾多餐廳，今次食咗間環境幾企理嘅泰越餐廳叫咗個$248二人餐，先黎有碟小食，有香茅雞中翼同春卷各2件，雞翼有香茅味而且醃得幾啱鹹，春卷係炸越南米紙春卷，夠脆但唔油主菜係黃咖哩牛腩煲，牛腩份量都幾多，同埋炆得夠淋，而且仲有青椒、紅椒、洋蔥同埋輕微炸過嘅薯仔，跟餐每人有飯、法包或者薄餅揀，我揀咗飯同薄餅，用黎送咖哩汁食一流，而薄餅外面少少脆，入面軟身，都煎得幾好二人餐仲有個菜，我揀咗馬拉盞炒通菜，個份量真係比我想像中多，因為平時去泰國餐廳可能只係得呢度一半，而且呢度仲要落咗好多馬拉盞去炒，好夠鑊氣同惹味最後仲有甜品蛋花大菜糕，好豐富跟餐加咗2個$17飲珍多冰同三色冰，好大杯，椰汁好濃，飲完超級飽呢間CP值幾高，推薦！

今日食lunch，去咗呢間位於粉嶺聯和墟的越式餐廳，CP值幾高，味道都唔錯😍🔹️香辣金不換牛肉炒公仔麵🐄 $55呢碟牛肉炒公仔麵好有驚喜，真係好有鑊氣，辣度比小辣多一點但不過份，牛肉淋淋地好易咬和重牛味，香口惹味。🔹️海南雞餐🐥 $60呢個餐包咗海南雞，油飯，一碟菜和飲品，真係好抵食。海南雞都幾滑和厚肉，份量好多，油飯好香，整體都算唔錯。🔹️香茅雞中翼3隻🐥 (跟餐+$28)雞中翼 以香茅醃製，十分惹味。🔹️越式春卷 (跟餐+$22)😎春卷炸得幾好，配埋醬汁幾開胃🔹️三色冰 (跟餐+$10)🔹️龍眼冰 (跟餐+$10)

向來喜歡吃越泰嘢,雖然唔食得辣,但鍾意佢哋有少少辣好惹味🔥今日去咗聯和墟,呢間越泰餐廳好多人,難怪,價錢ok味道更ok👌香茅雞翼好香🐔,而且唔會得雞皮有味,雞肉都有醃過嘅香味~最重要層皮夠脆,雞翼又夠大隻😋我真係好鍾意越式春卷,佢塊網皮一絲絲咁好好食~裏面除咗有啲肉,仲有芋頭之類~如果可以跟埋生菜薄荷葉嚟包就更加好🥬~呢度嘅份量都係偏大,呢個泰式肉鬆咖喱菠蘿雞粒炒飯上檯時成座山咁🏔!面頭好多肉鬆,完全無同你慳👍!炒飯好香咖喱味,但又唔會覺得辣~而且雞肉粒菠蘿粒都多,啖啖飯都有材料~佢嘅泰式椒鹽金不換豬扒香口得嚟有少少辣🌶,而且豬扒勁大塊🐷,好抵食!如果鍾意食香口嘢同泰國菜嘅,呢間真係唔錯,難怪當日間餐廳咁滿~

放工去咗粉嶺食個簡單泰國晚餐，二人set dinner 價錢平易近人🤭$218起，有小食、主菜、菜、甜品,飽到上心口🤣小食係香茅雞翼同埋手打蝦餅😋兩樣嘢都係即整，咬落去仲係有煙😂呢個蝦餅真係好驚喜！好彈牙，好香口，完全唔油膩👍雞翼就好入味，同樣地keep到裡面juicy~馬拉盞炒椰菜苗，好惹味👍椰菜苗索晒啲汁，如果有碗白飯就Perfect😆主菜就揀咗香茅雞扒&香茅豬扒船麵✌🏾上枱見到個份量真係嘩一聲😹啲肉對到成座山咁😯香茅味好出，豬扒唔會好韌同好乾😉雞扒如果可以再煎燶少少應該會再有風味啲😙船麵嘅湯底好重牛肉味😋芽菜配料都幾多，河粉佢用幼河粉，係比較厚身嗰種，好有咬口🤓掛到湯👍飲品叫咗龍眼冰同埋鹹檸七，泰國特飲嘅經典🫰🏽最後仲有椰汁西米糕😀簡單得來又好滿足✌🏾

坐低望望餐牌，發現有咖哩蟹，都係百零蚊已經有三隻，然後有瀨尿蝦， 價錢都好吸引。 不過我得一支公，所以求其叫咗個香茅豬扒船麵就算數。香茅豬扒船麵香茅豬扒夠香茅味，豬扒夠軟腍，不論豬扒定麵的份量都好大，味道比較濃。

扎肉河湯底無味👎，椰冰綠豆冰的綠豆非常少👎, 牛肉炒飯尚可, 員工態度一般，又落錯單，可能見到open rice評分高，特意由逸峯行過嚟試吓，可惜失望而回，亦都不會有下次😓

越瀧棧食物質素一向有保証， 早前天氣熱 久吾久就會想黎買碗豬扒撈檬粉回家嘆 今晚收工決定又嚟食飯 （就快變為飯堂），平日夜晚吾算好爆，坐位舒服。海南雞飯晚餐Set - 呢個餐真係超抵食，六十多蚊有雞有飯仲有埋碟菜仲有飲品優惠！ 雖然個雞無去到骨，但雞件好厚肉 非常滑溜 烹調嘅時間啱啱好 好有雞味，個黃油飯都做得好好食好香甜豬扒湯河 - 原本想叫撈檬粉但沽清，機緣巧合之下叫咗湯河，出奇地驚喜。可能配合埋今晚天氣凍凍地食碗熱辣辣嘅河粉真係好正。個湯底加咗洋蔥白蘿蔔芽菜淆製好清甜 豬扒就一向都好食又淋又juicy多汁性價比咁高 聯和墟飯堂不二之選

雖然我地早到埗(未夠12點)，但已經有一大班食客喺餐廳入面，證明呢間餐廳係幾咁受歡迎！我地一行四人獲安排坐喺近門口嘅四人枱，雖然會有啲熱風吹入嚟，但餐廳冷氣充足，加上環境都算闊落，唔會手肘撞手肘咁，所以都坐得ok舒服架！食物方面，我叫左一份炸豬扒湯船檬，配三色冰，盛惠$60。味道相當唔錯，除左湯底調較得好之外，佢啲豬扒更加值得一讚：新鮮、金黃色、份量多，淨係呢份豬扒已經值回票價，肉同麵嘅份量都好似多到唔使錢咁，到我食剩最後一塊豬扒嘅時候，望住佢咁靚咁好食，我都因為自己浪費左啲美食而覺得有點兒內疚......p.s. 喺網上搵到呢一間越式餐廳嗰時，仲以為佢係連鎖式經營，點知原來得一間，就係位於粉嶺嘞！大家經開粉嶺聯和墟可以一試！

🌟#粉嶺聯和墟第一次去粉嶺聯和墟經朋友介紹 話要一定要食下呢間越式菜！聽聞好出名🙆🏻‍♀️🫣🌼生牛肉湯河 ＄54- 湯底濃郁好味 但唔會太鹹- 好多生牛肉 🫢🌼香茅豬頸肉撈檬 ＄58- 檬粉汁酸酸甜甜 好開胃！唔會好辣- 香茅豬頸肉份量好多 亦醃得好好味 仲燒到少燶邊 爽口彈牙！仲有d沙嗲味！呢個午市套餐仲包埋飲品（凍飲+$3）❣️CP值高ge一間 ＃越式餐廳好少見 一碗湯粉 俾咁多肉🙈🙈❣️好想試埋#聯和墟 其他美食！

去開聯和墟 ，諗住搵下有咩食，見到openrice top 1推薦就係越瀧棧。入到去邊面並唔係好大有十幾張枱，好有小店嘅感覺😁下午時段, 有lunch set提供,cp值都比較高，大概50至60蚊已經有一個餐包埋一杯嘢飲，凍飲要加三蚊，都可以選擇加錢轉特色飲品😁生牛肉湯河嚟到之後， 將啲牛肉浸落去熱 辣辣嘅湯度，啱啱好煮熟👍 牛肉片有牛味， 並唔係嗰啲 cheep嘅肥牛凍肉質素, 牛肉分量都唔算少，起碼有六至八塊片😋 湯底香濃，再加上有洋蔥同埋炸蒜，增加咗口感。湯裡面都附有兩嚿蘿蔔，已經頓煮到好淋， 索曬湯汁連埋有蘿蔔既甜味， 重點係冇渣👍👍👍👍， 好想佢畀多幾嚿蘿蔔 🤣我哋兩點到餐廳，叫完呢個撈檬已經聽到檬粉已經賣曬，可想然知喺呢個好炎熱嘅夏天，檬粉係熱銷👍同樣地，佢嘅份量有好多豬頸肉，好好食 👍檬粉撈埋汁，加埋有紅蘿蔔絲同青瓜絲，係開胃嘅好選擇👍👍兩個lunch set連埋凍檸茶都係120蚊內有找，lunch cp值好高👍👍👍

好耐之前係Instagram上面見到有人介紹就去左呢一度食嘢😊望到喺IG有人都話呢一間餐廳好正，一於要去放鬆一下！另外地方好企理，感覺好好今次就叫咗呢一個沙嗲牛肉麵呢個真係不得了，沙嗲汁好香，肉方面好juicy，有咬口又有肉香，大大的享受啊😍

聯和墟越式檬粉！呢間越式菜都幾有名氣，本身想試吓佢嘅炒金邊粉，可惜星期六冇咗平啲嘅午餐價錢，所以轉食湯檬粉，結果都唔錯喎。香茅豬頸肉湯檬$65- 湯底幾清甜，有少少香料嘅味道。白蘿蔔甜甜地、冇渣，唔錯。值得一讚嘅係香茅豬頸肉做得幾出色，首先份量有好多片，而且佢燒到肉邊焦脆，好香口。加上本身豬頸肉嘅油脂分布都多，口感爽口彈牙。食得出廚師有花時間去醃豬頸肉，香茅味唔重，反而重沙嗲花生味道，鍾意食豬頸肉嘅朋友一定要試吓！