越瀧棧

营业中

休息中

之前曾經光顧過這餐廳，但每次都是中午，所以都是選擇午市套餐。今次就選擇了在店吃晚餐，員工一開始只是給了我大餐牌，所以我便選擇了青咖哩牛腩煲配法包($118)及春卷小食加淨撈檬及一杯凍檸茶(＄19）。中途有查詢法包可否轉飯，店員告知不可以，所以我們就加了一個白飯$15。其實本來真的沒有事發生，正正常常吃晚餐。但過了一會，旁邊有新的客人，我看到他們有晚市套餐餐牌，而且係青咖哩餐＄60，凍飲加＄3 ，套餐可自選要法包/飯。我即時覺得自己被呃了錢，我覺得為什麼不給我套餐餐牌又或者我點了相同的食物時候，店員不告訴我有套餐呢？因為價錢相差了＄90元，是很大的距離。因此我都有查詢店員有甚麼分別，她只是說份量小很多。當刻我都算了，但最後見到隔離枱原來份量只是差三分之一，卻比我點的小＄90 元。所以我永遠不會再光顧這店，因為員工非常不老實，客人不問有沒有套餐。她們都不會提供套餐餐牌給客人選擇。

今次係第一次幫襯，聯和墟無咩食，我地就去了食呢間晚餐二人套餐有兩件春卷同兩隻雞翼，一個青咖喱雞煲配飯同薄餅，青咖喱甜甜的，椰香味重，雞好滑，分量都多，剩低既咖喱用黎點薄餅馬拉盞炒通菜好夠鑊氣，小小辣飲品叫了凍檸茶和珍多冰， 同其他餐廳一樣，無咩特別甜品有椰汁西米糕，甜度適中。

呢間位於聯和墟球場對面嘅小店真係值得支持。今次係第二次光顧，一行5人未開舖就到，員工好友善招呼我哋入去坐。二人套餐有四款；我哋叫嗰個$248，非常抵食、有兩條春卷拼兩隻雞翼，一個黃咖喱牛腩配法包同薄餅，黃咖喱牛腩值得一讚，咖喱香濃，牛腩炆得好冧，另外仲有好多配料、套餐仲有個馬拉盞炒通菜， 加2杯飲品同甜品。另外加左個越式蒸粉包，有4個，好大個，雖然皮厚左d,但餡料十足。我地都叫咗豬頸肉撈檬，份量十足，有好多塊豬頸肉。我老爸極推金不換牛肉炒厚河粉，色香味俱全，牛肉仲多個粉。最後，雖然二人套餐只包2份甜品，但係佢哋就送咗5份俾我地，非常貼心。經過聯和墟，可以一試。

星期六下午，唔算多人，叫了生牛肉河，湯底清甜，簿簿的牛肉片，唔會過韌，價錢也算合理，至於香茅牛肉湯朦粉，牛肉過熟，韌咗D，但湯底也好味，份量足，包杯飲品，香茅雞翼，香脆，肉質鮮嫩，不錯，服務態度都幾好，值得支持下.

好耐冇出街，今日難得出街，順便買外賣返屋企食，我地去左聯和墟球場對面的越瀧棧買外賣，冇黎一排，餐廳新裝修，我覺得餐廳環境比以前更舒服，而餐牌除了越南午餐亦多了泰式午餐，午餐款式有更多選擇。香辣牛仔粒紅米飯唔食紅米飯可以免費轉白飯意想不到牛仔粒份量夠多，而且大大粒，個汁香辣惹味，送飯一流香茅雞扒撈檬嘩，好大兜，而且香茅雞扒大大塊，切件上，仲要有5件咁多，雞扒嫩滑入味，我最鐘意撈檬入面配料夠多，有蘿蔔絲、青瓜絲、炸蒜、蔥，加上甜中帶酸的魚露，非常醒胃。香茅雞翼湯檬粉湯與檬粉分開裝，拎到返去都唔會索晒汁，香茅雞翼有4隻，我幾鐘意以到既湯頭，味道濃郁，又不會太咸，而且麵底下有幾舊蘿蔔，蘿蔔清甜入味。拍青瓜天氣開始熱，食手拍青瓜岩晒，味道辣辣地，食落爽口清涼又開胃珍多冰&龍眼冰&滴漏咖啡一直都好鐘意以間滴漏咖啡，清醇中帶點微苦，咖啡味道濃厚

粉嶺聯和墟呢個相比起以前已經多咗好多嘢食而呢一間越瀧棧一直都好吸引我去試午市嘅時間都陸續有人堂食同埋嗌外賣專誠行10分鐘去買外賣🤪🔺泰式扎肉炒金邊粉個人認為佢炒嘅金邊粉味道唔夠濃配菜都多 蘿蔔絲 椰菜 芽菜 扎肉 花生碎等等金邊粉嘅份量絕對足夠🤭扎肉都比靠淡味 但佢加蛋炒 蛋香都足夠✔️🔺蔥油香茅牛扒紅米飯佢嘅蔥油紅米飯好香口！！香茅豬扒就食得多香茅牛扒估唔到都咁好食佢嘅牛扒外脆內軟 唔會好乾柴香茅嘅味道亦都好足夠好香口數量都有6-7小塊😍配飯食一流🤭蔥油紅米飯第一次食 估唔到有驚喜🥰🔺椰汁珍多冰同埋椰汁綠豆冰跟餐配咗嘢飲加十蚊都唔算貴椰汁偏甜只係配料唔同個人覺得珍多冰比綠豆冰好味因為綠豆比較硬身 太有咬口🤣個人唔係咁鍾意但係屋企人就鍾意飲綠豆冰多啲🤣珍多冰嘅配料咬口煙韌 唔會係林pat pat🔺總結覺得 佢嘅外賣抵食大份即使買完外賣行10分鐘返去 香茅牛扒仍然香脆☺️絕對會再幫襯多次✔️🥰

最近疫情嚴峻，冇咗晚市，梗係買外賣返屋企食啦試咗樓下呢間越南餐廳，味道唔錯雖然冇得糖食，但係見環境幾骨子，牆上面嘅話集合左香港同越南嘅特色黃咖喱雞煲 （跟法包）個咖喱都好大，咖喱唔算太辣，但好香濃，好適合香港人口味，而且椰奶味好重，令咖喱嘅味道更加提升，雞件份量都好多，肉質鮮嫩，再配合埋外皮脆卜卜嘅法包，張咖喱汁飲上法包再食，美味啊沙嗲串燒牛肉串燒有好多選擇，雞牛羊豬都有，我自己鍾意食牛肉所以揀咗牛肉串，都好大串下，而且肉質好林，沙嗲汁都好香濃， 十分配合香芒吉列蝦米紙卷芒果加上炸蝦，味道都幾配合，醬汁酸酸甜甜，幾開胃，同埋都幾大卷

早前到訪過的粉嶺越瀧棧，泰越菜一向出色，去年疫情外賣🥡搞得有聲有色，最近我又去點了些外賣，質素依舊泰式蝦醬炒河$53非常大份！一份可夠二人吃了！蝦醬味香濃鹹香充足，裡面的肉碎有醃製過，味道相當不錯，入口惹味。還有兩條超爽的芥蘭，很正點咖哩雞塊飯$56非常甜的咖哩！雞塊很多而且還有不少雞腿肉，薯仔🥔超粉嫩，配飯好好吃😋！手拍青瓜$25媽呀超大份！小辣爽脆，入口提胃，又是超正點的一份三色冰有非常煙韌的特製馬蹄加上椰汁，好好吃椰汁🥥冰椰汁冰基本上就是沒有馬蹄或珍多的飲品啦

最近都唔係好敢出去食飯，好耐冇食過越南野咁啦，見呢到外賣又有優惠就一於外賣自取啦。叫左個肉碎炒河，好大碟呀! 超足料，同埋河粉炒到唔會太乾，又唔會痴埋一舊。肉碎有少少辣味，但都接受到。女仔食可能都要分2餐先食得曬呀哈哈~ 青咖哩豬排飯既豬扒係香茅豬扒黎，青咖哩都係有少少辣，幾開胃。D汁仲可以撈飯食! 加埋小食都幾抵，所以叫左個趙式春卷，有3件，拎到番屋企仲脆脆地架! 野飲就叫左椰汁冰同埋珍多冰，椰香味好重，好好飲!

越瀧棧 (粉嶺)越瀧棧就在聯和墟遊樂場對面食物性價比高，泊車方便，所以一直都好旺場🌀 泰式煎藕餅煎蛋紅米飯 （$53）藕餅煎到金黃色賣相討好，趁熱食好香口仲食到蓮藕粒粒口感豐富值得一提係小店用咗紅米飯，更加健康配上煎蛋同蔥油撈飯，呢個組合無得輸🤟🏾🌀 酸辣無骨鳳爪 （$28）食越泰菜又點少得酸辣鳳爪呢佢地嘅無骨鳳爪盡吸醬汁嘅酸、辣味仲有大量香料起到提味作用，非常惹味🌀 三色冰好足料，配料佔咗1/3杯🥤整體口感濃厚但唔過甜啖啖都飲到香濃嘅椰香味

越瀧棧位於粉嶺粉嶺聯和墟！今次嚟叫外賣打包返去屋企食！一入餐廳，餐廳裝潢充滿風情，店員都非常有禮貌！餐廳裝修優雅，環境舒適，可以享受到東南亞風情！好寫意！下次可以再同家人或者朋友嚟食飯！今次點咗香芧豬扒飯，呢款香茅豬扒味香甜，送飯一流 !豬扒切開左，方便一口一件，其實份量都好大份！而且好香口！好值得推介！而小食面，就點咗一份越式春卷！一份有３件，就算外賣，拎到返屋企依然都係脆！因為春卷炸得夠香脆！當然唔少得嘅係特飲，揀咗一杯珍多冰！椰漿都係經過特別調製，增加椰奶甜味，令椰漿的味道更香濃。仲有粒粒粉條，十分有口感！

今日嚟到《越瀧棧》餐廳叫外賣！有意外驚喜！可以品嚐到正宗菜式，仲可以睇到餐廳裝潢充滿越南風情，啱晒打咭！而且餐廳店員都非常NICE！海南雞餐傳統又正宗嘅雞油飯，以雞油、薑和乾蔥香味混為一體，再以酸度適中嘅紅白蘿蔔作為前菜或調味，清爽酸甜好開胃口。而越瀧棧所選用係新鮮嘅上等雞，金黃色雞皮！雞肉肥美肉厚，好有口感！仲有粒粒飯香，廚師真喺好用心去煮！正！越式春卷一份有３件，春卷炸得夠香脆，拎到返屋企依然都係脆！香脆可口！而且春卷入面好足料！推薦一下，大家可以係餐廳內進餐，會別一番風味！餐廳裝修優雅，環境好舒適，仲可以享受到東南亞風情！

$60海南雞飯餐海南雞: 髀位, 翼位, 背位, 胸位- 雞肉嚡口, 雞翼僅餘的肉亦十分乾柴- 去毛功夫做得好差, 仍有大量可見的雞毛係雞皮上- 肉質霉爛, 相信隻雞已經浸左一段時間, 但連最輕易入味既雞背同雞皮亦無味, 比普通白切難或清蒸雞都更淡而無味- 全碟雞靠點醬料先有番啲味, 放到入口- 雞件無切斷, 每件大小不一, 雞搥仲連住翼位, 難以進食- 雞髀切得好碎, 好多碎骨油飯- 無油香或香料既味道- 無論外貌定味道都同普通白飯沒有太大分別- 送上黎個刻即食亦只係微暖凍奶茶- 無奶香, 無茶味, 淡如水

在粉嶺的小店~之前一直做越菜，有段時間冇黎，原來近期加埋泰式，就來會一會😆.🥢泰式咖喱非常惹味的一道小菜，配搭麵包，讚！🤟咖哩味濃，泰式關係九層塔味重，幾好😆配菜吸收左咖哩汁好入味，薯仔煮得夠~.🥢泰式青檸龍躉頭腩絕對有驚喜的一道菜！🤩並不是酸菜魚味道，而是用什菇鮮味，加上青檸提升層次的明爐魚~龍躉頭腩白雪雪、啖啖肉，就算湯味道較重，仍然保留魚的鮮味👍👍明爐魚的湯汁撈飯一流~並且份量十足😌二百蚊不到的價錢來說是非常超值🤟.🥢泰式小食拼盤小店嘅炸物幾好~蝦餅非常之彈牙~咬開仍然見到蝦肉粒😆雞早一啖入口香酥，外皮脆脆~讚👍雞翼就正常嘢~魚餅炸漿幾出色，外面乾爽脆，有口感🤣.P.S.小店裝修有越南風味，吊燈是越式帽，牆上有許多越南風景明勝的手繪畫☺️幾relaxing

呢間小店長期都咁多食客，所以決定嚟探店！完全座無虛席，好在枱與枱之間有足夠空間，坐得都幾舒服😌聽店員講原本都係做越式食品，而呢個係泰式食品嘅新餐牌，既然有新菜式，當然要支持一下！辣椒膏炒大頭蝦～蝦既數量係非常多，配菜配搭得宜，汁醬微辣，特別係將蝦開邊，夠晒入味，而且食嘅時候較為方便👍🏻鹹肉炒通菜～通菜炒到翠綠爽口，啲鹹肉亦都肥瘦均勻，當中所落嘅香料都非常惹味，份量十足。泰式海鮮炒金邊粉～海鮮非常多元化，包括青口、魷魚、蜆肉⋯⋯，而且青口非常大粒，入口即有滿足嘅感覺伴隨，味道方便，更加值得一讚，酸辣程度，恰到好處，方面嘅花生啦亦都增添口感。