越男仔 (已結業)

我係10月食銅鑼灣果間越男仔之前，其實我係未食過旺角果間既越男仔的。果時食完銅鑼灣果間越男仔，經驗唔係甘好，但果時無諗住寫食評。但係12月食完旺角果間越男仔，發覺2間分店既質素實在有點距離，所以先決定就算隔左2個月都要寫番呢篇食評。當日我係夜晚7點左右去。我叫左個招牌越式火車頭湯河。第一，D牛丸未熟曬，好似未完全解凍甘。D牛柏葉就痴埋成舊甘，都唔係一塊塊，食到最尾都係仲係成舊甘。最大問題係個河粉。D河粉又係痴埋成舊甘。好似好求其倒晒落個碗度就拎俾個客人食甘。我同女朋友食完，2個都話唔掂。12月去旺角果間，我一樣係叫番同一款越式火車頭湯河。牛丸係熟透既，牛柏葉ok，河粉唔係林既，亦唔係成舊甘。2間分店質素真係相隔太遠了。

食得多茶餐廳，都要食下粉麵，在網上搵到這間店，都幾寬敞，坐得舒服好多材料：牛肉，牛柏葉，豬肉，蘿蔔等等好好味，肉質鮮美，湯汁濃郁豬頸肉，扎肉，雞絲，青瓜絲，紅蘿蔔絲，生菜絲，花生碎，撈埋甜酸檬汁，超開胃雞絲扎肉好鮮美滋味，河粉超多椰汁好香，酸美美，湯汁超好豬扒大件好脆口，豬頸肉外脆內軟，撈埋咖哩汁，超惹味飲品：跟餐另加10元

銅鑼灣冰鎮蕃茄...果然係成名菜👍🏻👍🏻👍🏻👍🏻👍🏻柚子汁配凍蕃茄🍅🍅🍅食落令人開胃😍火車頭湯粉...牛丸好有牛味。份量足夠丫👌🏼佢有好多款👍🏻服務員態度友善。會問第一次來？有好介紹....會詳細講解...👍🏻👍🏻👍🏻👍🏻👍🏻👍🏻👍🏻👍🏻👍🏻仲有一款.原板海膽撈檬粉...好想試服務有熱誠🎉🎀❤️🧡💛💚💙🖤💜...不過有dd烏龍但可接受環境都唔錯👍🏻

附近上堂，每個星期都總有一日要CWB食飯，有新嘢即試，而且附近拉麵就多、間唔中食吓越南嘢都唔錯哇，餐牌勁多choice本來想食我每間越南餐廳都必test的牛河，不過尋晚有啲餓，叫咗碗飯。。。。飯先到，不過朋友的食物未到，我就先食菜～～正常生菜一碗，牛骨湯雖然同平時的上湯味唔一樣，不過都係concentrate開出嚟⋯⋯份量夠，只加$16，算ok的👌其實只係放咗5min左右，但碗飯己唔夠熱，令味道扣分蛋汁幾有蛋味，不過牛肉質哋就一般啦，唔硬不過唔滑......最唔好的係個醬汁味超一般...味精同濃味嗰種朋友食撈檬，見佢好似麻麻哋總括嚟講下次唔會再食呢個飯，不過會試埋啲湯粉同小食先

見有幾多好評咪諗住試下，誰不知又中伏！叫生牛河全走，請問知唔知咩叫全走？點解仲有牙菜同洋蔥？湯唔夠熱，味道非常麻麻，牙菜味仲重過牛肉味，d牛肉又唔掂，普通打邊爐d牛再差！然後牛油雞翼，得個鹹字！唉，又貴又唔好食！算吧啦！

失望 諗住越南粉難差得去邊 點知都係中左 價格中就 味道新派無味添 突登點人氣no.1既面 失望到爆 其實本人都好接受到fusion 野 但係真係偏淡 餸少面多 實夠飽 但係boring！

見食評幾多個讚，就去咗試，一試就中伏！叫左個人氣手斯雞扎肉椰汁酸湯檬，同一個扎肉蝦餅撈檬。先講個椰汁酸湯底，不知所謂，食落似變壞咗，味道好怪，手撕雞得幾條雞絲！ 仲話係人氣之選蝦餅叫正常d, 但撈檬味道都係唔好食！最後張單明明寫$147，到收錢時收$161，問點解貴左時就話要加一，但點解要加一張單開頭又冇寫?餐牌都唔覺有寫要加一！最搞笑係收銀話之前唔洗，唔知點解而家要收，我覺得係亂收費，已報海關跟進！

已經第二次和同事來，1:00到唔洗等已經有位。有麵有飯選擇，款式亦不少。我揀了胡志明市紅蕃茄四寶湯檬粉，湯很重蕃茄味，脆脆豬好香口，扎肉比出面既細d但夠厚身。整體都好好食 ：）跟餐加配蝦多士，超好味，一流！一定要試！

一向熱愛越南菜，朋友仔已經講咗千祈唔好食... 但每次路過都好有衝動入去試吓... 終於今日我踏出左呢一步.. 結果係中伏ed100%... 一入去全店都籠罩着越南菜嘅香氣.. 下午茶時間諗都唔使諗就叫咗個生牛肉湯河...再加多杯香茅薑蜜... 認真賣相唔太差...不過我一向唔太鍾意將生嘅菜放入湯河入邊..因為係會令到個湯降溫既..因為我本人堅持湯河嗰個湯係一定要好熱嘅... 首先當然要試吓個湯底..一個字「淡」😓 真係差少少同熱滾水冇分別...成間舖籠罩着嘅香氣我有理由相信係香薰嚟嘅.. 啲河粉係一餅餅嘅... 完全見唔到有生肉...將牛肉浸落湯入面... 碗粉即時變咗油池🤢真係油到有啲恐怖... 試咗一塊牛肉.. 牛蘇味極濃.. 冇再食第2塊🙄 仲要提一提佢啲魚露非常攻鼻...反而香茅薑蜜都唔錯#為食滑嘟嘟 #腌尖的Van仔 #雲葉哈思

天氣炎熱吃點涼爽的撈檬, 遇上了這家越男仔, 就來個越男午餐吧!食物主要供應越式粉面, 亦可優惠價加小食及飲品。三絲撈檬: 三絲包括了雞絲, 扎肉絲及豬頸肉絲, 三絲均有炭火香味, 配上大量菜絲及檬粉以及撈檬汁很好吃。法式芝士蝦多士: 叫主食可以優惠價叫小食, 就選了這個最邪惡的蝦多士! 滿滿芝心的蝦多士一咬下去是”卡”一聲的, 極酥脆! 蝦的部分亦爽口彈牙而且夠熱, 讚!咸檸七: 夏天消暑就點一杯咸檸七, 感覺中和一下熱氣, 爽!唯一要改善的是員工態度一般, 如更親切會更加分。

好幾個月前才發現它，路過沒光顧。昨日，有開心事，便選擇它。當你走到門口，侍應會問幾位。問是否坐吧台，如不坐就要等卡位。一眼望過去，細細間，客人枱面上都是一碗碗湯檬，撈檬。剛開始我還以為沒飯吃的，不怎麼樣起眼的幾張大大小小的餐牌。真是不該帶有期待，要不結果讓人失望。選自由搭配的撈檬粉$52+香茅猪扒$8+香脆雞件$7。跟餐選了蝦餅+香茅薑茶。男友選了蕃茄湯底的湯檬+手撕雞卷。我們比較喜歡雞翼，點了雞翼拼盤（3種味*2=6隻）。牛油雞翼超咸，有點苦，蒜香雞翼最正常。我的撈檬配料青瓜不新鮮，令我馬上嘔出來。有點失望。。。如果唔係其實香脆雞件炸的挺嫩口。

lunch同同事去左試新野，環境好開揚望上去好舒服，12:30要排隊。等左十零分鐘有卡位坐，不過唔夠冷氣，好熱下。熱愛酸辣嘅我叫左個招牌椰汁酸湯滑雞湯檬粉，份量足，雞有調味輕輕炸過，唔係冇味白恰雞！湯底酸酸地有溫和版冬蔭公感覺，喜酸的可以一戰！牛油雞翼好味！超重牛油味！炸粉脆，雞有肉汁！可惜食到後面有啲食不知其味，太熱，本身個位唔夠冷氣加埋熱湯麵好想喊，又唔捨得唔飲啲湯，個頭不停出汗，著小背心都出哂汗，但除左我同同事在場其他人又好似冇呢個問題，可能我太唔好彩。

係門口見到人地碗麵好似幾大碗所以本來想食隔離間雲吞麵 決定俾個機會佢試下新野啦叫左自選，古法脆豬肉撈檬 一上檯見到碗野，嘩。。。唔係掛 呢d咩黎???望落似叉燒粒多過豬肉囉 真係O晒咀!!d肉粒併埋一齊都唔知有冇兩條肉條離晒譜!!! 見到都唔想食 另外叫左扎肉河就正正常常啦冇特別所以無影相，題外話，門口貼住個餐牌，藍色底黑色字 d字又細 夜晚又黑 貼得又高.... 完全睇唔到寫緊乜咁既質素真係無下次!!! 食返三十幾蚊雲吞麵好過

啱啱係鵝頸橋底，食飽就可以搭車返屋企，地點幾方便，全場最好食既法式芝心蝦多士，芝士就唔多覺，但蝦膠就好足料，幾厚下而且彈牙，不會有點肥膩，越南湯河都唔錯，而且份量十足，價錢一般啦。

昨天午市，與男朋友在銅鑼灣隨機選了一家越南菜。這家店子的裝潢清新，以藍、白椅子作主調，而且用了白光燈，令人更加精神，如果喜歡相機先吃的朋友，不用調光也可以拍到滿意的美食照。一看餐牌，食物的配搭有新鮮感，的確比較新穎。我選了胡志明市紅蕃茄四寶湯檬粉(扎肉,豬扒,豬頸肉,脆豬肉) $78 ，份量巨大，蕃茄湯非常鮮豔，令人胃口大增😋他們用了高質的蕃茄弄了這個湯底，味道很濃郁、不酸。有數款不同的肉類，非常足料而且足夠飽肚。不過檬粉較碎條，難以夾上，幸好足夠入味，啖啖蕃茄味道。而男朋友選了招牌手撕雞拼扎肉椰汁酸湯湯檬粉 $62 ，湯底有驚喜！椰汁味濃之餘，還有酸味，好特別，這個也是開胃之選。扎肉和手撕雞的質素正常。主菜可優惠價選取一款小食 及 一款飲品。我們選了法式芝心蝦多士$28，三角形狀，有四塊，一咬已經感受到相當的脆身，不油膩，外面口感和外賣也像煎堆仔，加上芝士配蝦餅這個組合很有新鮮感！👍🏼另外，我們也選了海膽手撕雞檬粉卷$72，細小的四個，粉卷皮薄薄的一包，包著很多青瓜絲，感覺非常清新、爽口。海膽味道較淡，不過想不到海膽與越式卷物結合是個不錯的菜式👍🏼飲品方面，我選了越式咖啡 $18，賣