越男仔 (已結業)

好多時搭車過香港，一出隧道上天橋就見到一店名吸引我目光，名叫越男仔，心想尼間多數是食越南野，心郁郁想試下，今天周末冇乜野做，就約老公去銅鑼灣逛街，順道去越男仔食晚餐！越男仔餐廳不大，但座位舒適，而且不收加一服務費，在旺區中的食店很少有！胡志明紅蕃茄四宝湯檬粉：四寶是炸豬扒、豬頸肉、脆豬腩、札肉。全部是不同部位的豬肉，經過醃製，所以肉質入味，各有不同口感。檬粉幼滑，紅蕃茄湯底鮮甜帶微酸，美味又醒胃！招牌生蠔拼青口椰汁酸湯湯檬粉：生蠔新鮮肥美，青口鮮甜，湯底椰香濃、鮮甜帶酸味，我還加了配料：香茅豬扒和窩旦，更豐富更美味！三文魚手撕雞檬紙卷：煙三文魚鮮，有咸味，配淡味的撕雞檬紙卷，味道好夾，十分美味！法式芝心蝦多士：好香脆，芝麻香口、蝦多士彈牙，流心芝士惹味，真的食不停口，值得推介！凍檸檬茶：茶味夠濃，甜度適中！香茅薑蜜：薑味濃郁，甜度適中！注意：凡選購一款主菜，可以以優惠價選取一款小食和飲品，好低喔！

就在公司附近開了一間以越南為主題的餐廳，開張期間店內所有食物半價優惠，但我竟然錯過了。上星期剛去完越南，已經對越南的美食念念不忘，今天晚上決定和朋友試試這間餐廳。餐廳裝修不錯，座位舒適。餐牌上有多款美食選擇，實在花多眼亂。最後，在店員的推薦下，選了兩碗比較人氣的粉麵，還點了些小食。越式火車頭河粉 ($78) 牛丸、生牛肉、牛筋、牛柏葉、烤牛肉店內的粉麵類非常大碗，分量非常多。 河粉非常嫩滑，裏面的配料非常多，當中烤牛肉和牛筋是最好吃的。 越式河粉最重要是湯的味道，這裏的湯底相信是精心熬製而成的，吃出的味道是非常清甜，絕無味精，非常開胃。🌶招牌手撕雞拼扎肉椰汁酸湯湯檬粉 ($62) 椰汁酸湯作為湯底非常特別，酸甜的味道配上椰汁在夏天吃是非常開胃。 配料方面，手撕雞切得非常幼細，扎肉鮮味突出。酸甜開胃的湯底配上幼細的檬粉多麼匹配呢！🧀法式芝心蝦多士 🦐 (正價$38)(跟餐$28) 芝士蝦多士是店內招牌的小食之一，大大件的多士一份有四件，裏面嘅着厚厚的蝦膠，緩緩地流出邪惡的芝士，多士兩邊舔滿了一層芝麻，熱辣辣又好味。🦐越式蝦餅(正價$38)(跟餐$28) 蝦餅也是店內的招牌

今次星期六，約左女友去新開既JP 睇戲，順便在附近食個LUNCH。 而呢次食既就係新開既<<越男仔>>，食越南菜喔。 呢度裝修都幾時尚，唔似平時食開既越南餐廳。 餐牌一張過，圖文並茂。 我就叫左推介既<<胡志明市紅蕃茄四竇湯檸粉>>。湯底係好重的紅蕃茄，所以酸酸地，幫助開胃。而且好足料，扎肉，豬扒，豬頸肉及脆豬肉為之四寶，十分豐富，食到我好飽。 跟餐加$28點左小食<<越式蝦餅>>，比起食開既泰式，越式口感似港式魚片。不過厚一些，有蝦味。再加上爆的蒜蓉及蔥，十分香爽。 跟餐加了<<青檸梳打>>加上chang soda water，好有氣，不錯。

同屋企人喺銅鑼灣佢唔想食咁貴，揀下之後發現有一間新開嘅地舖餐廳，位於Vpoint地下但係對住條橋，地理位置方便。裏面啲粉唔貴，我知道附近都有越南河粉食，胡志明市紅番茄四寶湯檬粉＄78扎肉，豬扒，豬頸肉，脆豬肉番茄味道香濃，裏面有四款不同的肉，四款都非常不錯，特別是扎肉比較有地道特色，脆豬肉口感真係比較脆少少。檬粉比較爽口，加上有少少入味湯底又唔會太重味精。越式火車頭河粉＄78牛丸，生牛肉，牛筋，牛柏葉，烤牛肉火車頭就基本少少，有五款唔同嘅牛做餸，牛筋都整到好林，牛柏葉就超級爽口，生牛肉就厚身少少不過唔會太韌，河粉好滑！海膽手撕雞米紙卷跟餐＄72依樣嘢食非常之特別，米紙卷本身已經非常有彈性，裏面有幾種唔同嘅蔬菜，表面仲有海膽可以提升整體嘅鮮味同埋咸香，海膽質素都過得去所以價錢合理。三色雞翼拼盤＄68又有三款唔同嘅雞翼有辣有唔辣！辣果個比較濕，另外兩個就比較乾。每隻都非常肥美而且仲能夠保持裏邊應有嘅水份，想揀熱氣/清淡嘅都可以每人食啲。原來嘢飲都有新玩法，平時係街好少買七喜，今次又見到有檸七，有檸檬青檸呢樣果樣，感覺非常清新好似冇咁肥⋯不過好似都係自己呃自己XD幾好飲，如果自己係屋企好少會

位於銅鑼灣登龍街V point地鋪的越男仔，提供正宗和新派越南菜。點了一碗生牛肉牛骨湯河粉，呷一口，湯味道天然，而且熱度很夠，能把生牛肉煮熟。剛剛烚好的牛肉很嫩滑，而且入口無渣。另外的配料如牛柏葉、牛丸、牛筋等都十分高質。河粉煮得剛剛熟，很滑溜。 另外要特別介紹的是三色雞翼拼盤，當中包括蒜蓉牛油味、避風塘味和泰式辣醬口味。雞翼剛剛炸好便上桌，熱辣辣脆卜卜，特別喜愛蒜蓉牛油味，味道香濃，粉漿厚薄適中。凍香茅薑蜜青檸梳打生牛肉牛骨湯河粉越式火車頭河粉三文魚檬紙卷越式素春卷三色雞翼拼盤

<REAL FUN FOODIES>呢間係銅鑼灣新開既越男仔個名令到我地好想試下佢既Pho！其實之前已經經過一次！個得好似幾特別！今次有機會試下喇！就咁睇個餐牌都見到好多choice！好岩我地呢d 咩都想試下既人！不過都最後我都係叫左一碗黎試下先！呢碗就係越式火車頭河粉 ＄78！非常足料有牛丸、生牛肉、牛筋、牛栢葉、烤牛肉！鍾意食牛既朋友不況試下丫！一定夠飽！另外男友叫左個香茅炸雞＄28！其實唔係好夾食越南野 haha 不過食多幾樣無況丫！又一快餐係銅鑼灣好方便！

路過俾佢光猛裝修吸引~同老公食個簡便晚餐~店內設左Sofa位、高台位~因為Sofa位爆哂，唯有坐無咁舒服的高台~餐牌簡單易明，點一個主菜後可以用價惠價點一客小食 &飲品~第1次黎，揀左2款招牌菜~胡志明市四寶蕃茄湯檬粉手撕雞扎肉椰汁酸湯檬粉小妹係選揀前者，上台好大碗~除左四寶：豬頸肉，豬排，扎肉，脆豬肉外~其實重有好多蕃茄蓉~飲一啖湯底~ 真係好有驚喜！！酸酸甜甜十分開胃~ 感覺到好足料的蕃茄~豬頸肉屬於比較乾身，最鐘意脆豬肉好有咬口~老實講配料真係次要，剩係湯底加檬粉已經夠好味~老公個碗我無試味，俾唔到意見~ Sorry XD 小食係手撕雞檬紙卷幾清新的前菜，一啖一件夠方便~但手撕雞有少少過咸~芝心蝦多士完全集合左我鐘意的食材~ 芝士加蝦餅點會唔夾？加上有好多芝麻，真係好香口~沾埋泰式辣醬~ 正正正！ 推介俾大家~

今晚放工約左朋友近近地係銅鑼灣食飯～呢間越男仔新開無耐，決定試試～餐廳設計簡約，中間有bar 枱，但我鍾意坐卡位多d~叫一碗粉可套餐價加配一款小食及一杯野飲我叫左招牌蕃茄四寶湯檬好濃郁蕃茄湯底～配菜有豬扒、豬頸肉、札肉同脆豬肉粒每啖檬粉都吸收晒蕃茄湯。好好食朋友叫左生牛河加窩旦試左佢一啖湯同一塊牛肉湯底係牛骨清湯，牛肉片嫩滑，不錯👍小食我地跟餐叫左兩款，後加招牌軟殼蟹一隻呢個海膽手撕雞紙米卷好正牛油雞亦好重牛油香味，外脆但肉仍然好嫩呢個軟殼蟹食佢既炸粉唔似一般餐廳咁好硬，反而係好鬆脆一咬即散咁、加上炸蒜，好惹味！最後要講講我杯青檸梳打佢係用泰國既梳打水，好夠氣！我係泰國時日日飲咁濟～ 餐廳落重本，俾整瓶梳打水！見到佢午餐餐牌價錢比晚市平，下次要同同事一齊行落銅鑼灣食晏，平過夜晚食麻～嘻嘻嘻

呢間越南仔喺銅鑼灣登龍街v-point開咗個零月，一直都冇機會去呢間試，好想試下。結果今日就去咗啦，裝修非常之新，以藍色為主題，跟越男仔呢個名非常之匹配，地方面積好大，能夠容納很多食客，絕對不用擔心排隊排到去另一條街嘅問題。 睇過餐牌，價錢都幾親民，仲可以跟餐加杯嘢飲同埋小食，同其他越南餐廳好相似。 先點冰鎮蜜糖凍蕃茄跟餐＄25，番茄的確非常冰鎮，軟淋淋的鮮茄配上柚子汁，又甜又酸，實在非常開胃，含有大量嘅茄紅素，好值得一試。 朋友嗌咗招牌原隻軟殻蟹＄78， 睇落好唔錯，炸得脆卜卜，佢話幾好食，帶一點鹹香，鹹香得來不會很濃，蟹肉也是頗多，不只是殻那麼簡單，有一些蒜蓉的調味，見佢食得好滋味。 朋友還點了招牌手撕雞拼扎肉椰汁酸湯湯檬粉＄62，我試了一口，酸味非常濃郁都算喜歡。好彩朋友係椰汁酸湯空，特別鍾意食這東西。 越式生牛肉牛骨湯河粉＄58 我係保守派，比較喜歡那一啲招牌河，實冇死。生牛肉嘅口感硬了一些，但是牛肉味非常香濃，份量很多真是比起其他越南餐廳的多了一倍。湯底非常之濃郁，十分推介。牛肉索了那些牛骨牛肉湯汁，非常美味。原來仲可以加錢追加一啲配料，包括牛柏葉和炸牛丸等等，不過這碗我

銅鑼灣食餐飯越來越貴🤑，想揾啲平價野食真係有點難道。係登龍街V Point附近開左間越南餐廳，好多人排晒隊食👫👭👬，見到咁多人排隊緊係唔執輸啦！▫️餐廳唔算大，所以唔可以坐太耐，光線都算充足，感覺舒服🖼。叫咗佢哋signature嘅生牛肉牛骨湯河粉🍜、手斯扎肉雞椰汁酸辣湯檬粉🍲、芝心蝦多士、越式蝦餅🍤、三色雞翼拼盤🐥同埋香茅薑蜜，埋單都只係$248。食咁多嘢，價錢都算平。味道亦算正常。▫️我最鍾意食都係嗰個芝心蝦多士，個芝麻包炸得好香口鬆脆，芝士味都算濃🧀，蝦膠肉彈牙 (米穩推介)。

係銅鑼灣搵食一d都唔難，除左有d特色小店，茶餐廳，車仔麵，同連鎖食店之外，仲可以去sogo，times，金百利，世貿，2千年呢d大型商場，宜家仲多左個v point添。v point都係主攻食既，係登龍街街口，近鵝頸橋個邊，地方方便易搵。今晚咁arm經過，見到地鋪開左間新式既越南餐廳，決定食埋飯先搭隧巴返屋企。餐廳裝修簡約，分左卡位同單邊高枱，仲有埋落地玻璃窗，景觀開揚。Menu呢度主打d越南粉麵，仲有d fusion小食tim。利賓納青檸梳打$28呢杯利賓納青檸梳打好fresh，味道好夾，佢仲用左係泰國好出名既泰象梳打水tim招牌手撕雞拼扎肉椰汁酸湯湯檬粉$62呢個檬粉好香椰汁味，不過食落就唔係好濃，反而酸尾尾咁，好開胃，手撕雞同扎肉既份量都好夠，連d檬粉都好多tim，好抵食三色雞翼拼盤$68呢個三色雞翼拼盤有蒜香牛油脆雞翼、火辣蒜椒脆雞翼、金蒜脆雞翼，三款雞翼都係好香口酥脆，蒜香牛油脆雞翼就好重牛油味，金蒜脆雞翼就好濃蒜香味，至於火辣蒜椒脆雞翼就真係好辣，不過都可以接受既海膽手撕雞檬紙卷$79呢個賣相成個海膽壽司咁，海膽鮮甜，手撕雞卷口感一流，呢個fusion配搭好match越式蝦

今晚突然想食越南菜 知道銅鑼灣開左間越男仔 就同媽咪去食餐牌款款都幾吸引呢跟餐點左兩份小食同單點左份招牌原隻軟殼蟹 $78三款都係台灣高雄啤酒節得獎菜隻軟殼蟹都幾大隻 仲有啲膏 炸到好香脆！冰鎮蜜糖凍番茄 $25呢個正呀 夏天熱辣辣 食完呢個真係涼透心！去皮番茄淋上柚子醬 甜甜蜜蜜加上多汁番茄 冰涼快感 一次過feel到 必試呢法式芝心蝦多士 $28麵包片包住蝦餅同芝士 外面灑上芝麻再去炸 真係好邪惡呀 咬落勁香脆 但麵包較吸油 食完有點油膩的感覺我就叫左碗胡志明市紅番茄雙牛湯檬粉 $70湯底超正 啖啖都係番茄精華！仲有洋蔥同番茄肉 甜甜地非常開胃~檬粉口感有點偏淋 但嗦左湯底既香氣 令佢都變得好食！而雙牛分別係生牛肉同烤牛肉 但湯底吾夠熱 生牛肉係面頭浸吾熟><後來被我浸左落最底就熟左了 烤牛肉醃製過 味道不錯 而生牛肉就比較多肥肉和筋媽媽點了胡志明市紅番茄四寶湯檬 $78有扎肉、豬扒、豬頸肉、脆豬肉扎肉和豬頸肉不錯 但豬扒咸左啲 脆豬肉太硬 但湯底都係咁正！最後點左杯香矛薑蜜 $18真係好重薑味！真係鍾意薑味既朋友先好點...整體感覺吾錯 呢個番茄湯底真係好正~~

前幾日朋友帶我去間越南餐廳，初時以為價錢會很貴，後來發現原來很抵Lunch來個set很不錯咸檸7，涼透心我點了個胡志明市蕃茄四寶市湯檬蕃茄味真的很濃，天氣熱熱,吃點酸酸的，胃口勁開湯料有扎肉、豬扒、豬頸肉、脆豬肉每口都入味又滋味另外跟餐大家都點了小吃有三文魚檬紙卷(HKD43)、手撕雞檬紙卷 (HKD25)每碟4件每個檬紙卷都卷得很有實再感，檬紙本身是超薄型，不會覺得自己在吃一團粉中間包裹著很多很多的菜，還有一小節雞絲而上面的主角就是我們點了的三文魚或是手撕雞囉，也是有很多很多，舖得滿滿厚厚的抵食又好食，而且夠健康！

越南菜越南河都是我的最愛。 今日同朋友仔行街前一齊去銅鑼灣拜訪越男子(仔)食個越南河。 與朋友每人叫了一碗 朋友要了番茄四寶湯檬粉，我要了招牌越式火車頭湯河 :當中有牛丸、生牛肉、烤牛肉、牛柏葉、牛筋。湯底是濃濃的牛味 最愛牛丸，爽彈脆牛柏葉要記得快吃，因為湯很熱，浸得太久感覺有點老了。無論配料還是河粉，份量都十足!另外我們以套餐價要了幾款小吃法式蒜蓉包 (18元)蒜蓉包很厚身，但烘得非常脆，蒜蓉味超強，味道一流。 蒜香牛油雞翼 (14元/2隻)牛油味極濃，雞翼夠熱肉汁肉質都嫩口，味感出衆! 招牌原隻軟殼蟹 (HKD 68)沒想到蟹身頗大，很有肉，炸得脆而不膩。 很惹味 吃過一輪再來嘆杯越式咖啡想不到的是鬧市的餐廳也有這種令人感覺悠閒的咖啡嘆一嘆。咖啡味道香香，倒進冰杯，每一口都涼快，味道稍稍濃一點。 為肚皮作戰後我們出發血併，吃得滿足感覺充滿精力，不得不說，小吃每樣都出色

第一次放工孖住朋友仔一齊去做facial，朋友知道我為了結婚想肌膚靚啲就陪我一齊去呢間我哋之前都無join過嘅美容店試做；多個人試做完俾下意見都好。完成後就快速搵食醫肚，一落樓見到對面街有大大個招牌吸引我哋。呢間餐廳個名好得意，我哋一見到唔係諗啲嘢好無食，係諗有無靚仔，哈哈。呢度主打湯粉撈檬加小食。我哋都算係夜食野，見呢度啲人流都keep住多，好旺場。胡志明市紅蕃茄四寶湯檬粉（$78）原來呢個湯檬係佢地嘅自創口味，鐘意蕃茄同試新野嘅我當然要試下，一上枱已經聞到香濃蕃茄味，四寶係扎肉、豬扒、豬頸肉同脆豬肉。豬扒肉質鬆軟，豬頸肉嫩滑，各有特色，十分惹味。越式火車頭湯河（$78）朋友鐘情於火車頭，我都試咗啲，湯好濃牛肉嫩滑，朋友都讚。炸雞肉（跟餐$16）大大件炸雞，鮮嫩多汁，不用點醬已經好夠味。炸春捲（跟餐$14）食越南餐點少得炸春捲呢，香脆多餡，加埋生菜一齊食更滋味。熱香芧薑蜜（$25）最後點咗兩杯熱香芧薑蜜，滋潤一下，香芧和薑也份量十足，味道夠薑唔太甜。