越男仔 (已結業)

最近晚晚追劇賭城風雲，劇中提及越南幫，另我聯想起越南美食，由其是檬粉，諗起都口水流。今晚終於按奈不住，放工馬上行動。「越南仔」店名趣怪，店內裝潢有別於傳統，有梳化卡座，又有高檯，多了幾分時尚。手撕雞扎肉椰汁酸湯湯檬粉椰汁味，酸味不太濃烈，反而覺得更好，沒有那份重口味的膩。檬粉比河粉更幼滑爽口，每條檬粉吸盡湯精華，好味。手撕雞巧見工夫。有我最鐘意的芽菜，蒜片，洋蔥增加嚼口，果然是人氣之選。冰鎮蜜糖凍蕃茄夏日炎炎這個小吃真的了不起。賣相吸引先聲奪人。味道清甜透心，蜜糖不會太多太甜，提升蕃茄的鮮味。火辣蒜椒雞翼火辣動感增加食欲感，真的好辣，越食越想食。越式咖啡去到越南菜館，越南咖啡無理由唔試。味道濃郁醇厚，練奶的沖配更加順滑。今晚滿足了，快趕回家繼續追劇吧。

今日和朋友往銅鑼灣越男仔食越南菜, 我們點了手撕雞札肉椰汁酸辣湯蒙粉跟餐升級越式蝦餅、香茅炸雞、法式芝士蝦多士和凍越式咖啡。手撕雞札肉椰汁酸辣湯蒙粉手撕雞肉質鮮嫩, 札肉切得薄薄有少許胡椒味食落好惹味、而且湯蒙的椰汁酸辣湯底有椰汁味香滑,味道酸酸甜甜, 食落好開胃, 蒙粉面條食落爽滑, 整碗手撕雞札肉椰汁酸辣湯蒙粉食落份量十足, 十分惹味飽肚；越式蝦餅即叫即炸, 蝦餅食落彈牙爽口, 咬落香口惹味, 食落不會成口油；香茅炸雞炸雞份量大大件, 食落香脆, 雞肉咬落去啖啖肉, 炸得金黃爽脆；法式芝士蝦多士炸得金黃香脆, 芝士味食落香濃, 蝦肉爽滑, 食落不油膩, 口感味道不俗；最後凍越式咖啡味道香濃, 濃度適中。餐廳座位舒適, 食物美味, 午膳上菜速度快, 食了一頓滿足的越南菜。

去書展前，當然要約朋友係銅鑼灣食餐好既啦～今次決定食越南菜！應該是我吃過的越菜第一名！我們點了幾叫主食，第一是「招牌生蠔拼青口椰汁酸湯湯檬粉」（$98），生蠔清甜多汁，吸收了濃郁的湯底味道，而湯底也與一般清淡味道有別，酸味適中，竟有少少冬蔭功相似，好好味！另一主菜是「沙嗲烤鴛鴦肉撈檬」（$58），撈檬的軟硬適中，口感清爽，配上沙嗲的小小辣味，味道超正！飲品方面，我叫了一個「青檸蘇打」（$13），酸酸地幾開胃，真係令人食指大動！其次，還叫了一些小食，意外地幾有驚喜！「海膽手撕雞檬紙卷」（$72），海膽意外地超級新鮮，配上彈牙口感的手撕雞，只係得四個，真係唔夠喉呀！「法式芝士蝦多士」（$28），非常脆口，芝士味濃郁，與蝦的配搭好夾！而且以上小食，跟餐可以減價，真抵食呀！總括而言，這是符合香港人口味的越南菜，比起一般越南菜的清淡，越男仔更為入味！且環境以卡位為主，幾方便朋友gathering黎食！價錢上又有全單88折，可以有下次呀！

之前成日食韓國菜同泰國菜，最近好似食少左越南菜，於是放工之後就去左食越南野行行吓見到這新開越南菜館就入去俾個機會佢填飽我個肚，入面裝修走簡約路線，勝在夠乾淨，光線充足，食嘢都食得特別舒服見到個餐牌有法式芝心蝦多士，係我愛食的，當然定要叫喇！出面個層係煎堆皮，入面夾住咗好多蝦肉响入面，再加上有流心嘅芝士，大家都好夾㗎手撕雞檬紙卷好脆，雞肉好滑，加上檬紙嘅香味令碟菜嘅吸引力大增海膽甜得嚟鮮美，用塊生菜包住佢同下面舊春卷一齊食唔會覺得太油膩，仲有口感。食左咁多小食，又係主食既時候，我叫左碗越式火車頭河粉，牛肉熟得啱啱好，河粉索哂啲湯汁，但係又唔會淋哂，好惹味~老公點既手撕雞湯河都好有水準，好香口，而且佢係清雞湯，所以唔會太搶風頭，成碗麵食落好和諧雖然天氣好熱，但老公有少少感親，我就叫左杯香茅薑蜜過佢，原來係將香茅放入去杯薑蜜度飲，係好特別嘅味道，但係比想像中好飲，味道清新

這晚在銅鑼灣看電影，開場前先去醫醫肚，無意中發現這間越男仔第一日開張，更有開張優惠88折。Menu的小食和麵類選擇頗多樣化，本身價錢已不貴，有88折後更抵，難怪第一日已經坐滿人。剛好有兩個空位，這晚的晚餐一於在越男仔解決！我倆點了兩碗麵再跟餐加小食和飲品。胡志明市紅蕃茄四寶湯檬粉（$69）既是店內招牌之一，亦是店內自創口味，就點了一碗試試。四寶分別是札肉、豬扒、豬頸肉及脆豬肉，材料豐富。一上桌見到紅噹噹的湯底，已覺吸引，湯底茄膏味濃，但亦有加入新鮮蕃茄，酸甜開胃，如果酸味重一些會更合我胃口。札肉和豬頸肉份量頗多，而豬頸肉也夠爽口，不俗。豬扒約半塊份量，肉質頗為軟腍，脆豬肉則口感香脆，令口感更有層次。手撕雞扎肉椰汁酸湯檬粉（$55）湯底奶白色，充滿椰香，飲來又會帶少少酸，像冬陰公，味道特別。檬粉比較幼身，但頗有嚼勁，口感十足，手撕雞亦份量尚可，不會太嚡口。冰鎮蜜糖凍蕃茄（跟餐$22）蕃茄冰鎮後保留其天然酸味，淋上香甜的蜜糖，酸酸甜甜，十分醒胃。三文魚檬紙卷(跟餐$43)煙韌的米紙卷上放了大大片三文魚，一啖咬下可以吃到不同豐富的材料，口感一流。熱香茅薑蜜(跟餐$16)薑和蜜糖的比例調配恰到

登龍街比人既感覺已經係梗有一間食肆係左近。隨住幾個商場相繼落成，新餐廳不斷湧現，今日去食左其中一間。餐廳剛開業，大大個banner寫住全單88折，等我有個入去既理由。室內環境光猛，同埋可能仲係岩岩新開，地方都幾整潔。餐牌上既粉類都有十幾款，仲可以跟小食，野飲變套餐。越式生牛肉牛骨湯河粉 $58紅紅的生牛肉份量都幾豐富，而且牛肉薄薄地，易熟又易吃。先將生牛肉浸熟，入口香腍，牛骨湯雖然未算好濃味，但就散發住牛香味。3+2撈檬 $70一般街外的撈檬都要$50左右，而呢個$70撈檬的材料非常豐富，有越式扎肉、烤脆豬肉、古法烤牛肉、豬頸肉絲和手撕雞，來個大雜燴，感覺就更抵食。先加餐廳的酸醋撈勻整個檬粉，令檬粉可以充分吸收酸醋的味道。檬粉細滑，酸酸地非常開胃。海膽越式春卷 $34 +餐越式春卷雖然常見，但配上海膽的確有啅頭。海膽不算吝嗇，在嚐到越式春卷的香脆同時，又會吃到海膽的鮮甜和入口即溶，絕對是非常有新鮮感的配搭。蒜香牛油脆雞翼 $16 +餐雞翼非常香脆，而且散發著強烈的蒜香和牛油香。三檸七喜 $16 +餐三檸(青檸，檸檬，和咸檸)配七喜，酸酸咸咸的味道，解渴又開胃。雖然銅鑼灣一帶食肆多，但越

今次已經係第二次黎越男仔, 星期日lunch時段都唔使等位3+2撈檬 (原價$70) -->都幾貴吓喎🙈餸有越南扎肉, 烤脆豬肉, 古法烤牛肉, 豬頸肉, 手撕雞豬肉嘅皮烤到啱啱好, 好香脆魚露汁真系令人好開胃烤肉嘅鹹味同魚露汁嘅甜酸不停系口中輪流出現, 令味道好豐富同平衡呢個撈檬亦份量十足, 我都食吾曬喺呢度熱辣辣嘅日子我特登冇揀到湯粉, 而揀左撈檬, 果然係一個明智嘅選擇, 系炎炎夏日嘅小清新🌿haha再飲埋呢個大大杯嘅青檸soda真系perfect

打邊爐的材料煮火車頭，牛筋多毛到食唔到，湯底寧願佢用水加雞粉算，好過依家乜味都冇。寧願食杯麵好過服務方面，問waiter有冇檸檬，點知佢地話"我地冇呢D野"蝦餅又冇提供醬料，冇醬以為好好食而唔需要沾，但一食落去就好似食緊化學物質溝麵粉米紙方面，雞肉上的胡椒太多，完全食唔到雞味，至於魚露應該是越南菜的靈魂，但係一食就知道佢加好多水同糖你去整，完全食唔到魚露嗰種鹹香味總括嚟講，我寧願去隔離便利店食杯麵同埋叮叮點心都唔會再幫襯你間餐廳

見到新開左間“越男仔”，唔洗加一依家有88折啵今日晏就個餐就拉埋個同事一齊食下越南粉先原來88折呢個優惠去到7月底炸，姐係仲有幾日就完嚕，唔知之後會唔會有其他優惠呢雖然仲未見到有越“男仔”，但就見到有唔少越“南”菜！除左不同既越南粉，唔少傳統小食同飲品之外，當中仲有一啲新派甚至帶有fusion味道既小食添粉麵除左可以自由選料之外，亦有一啲set好左材料配搭既越南粉睇左一陣，同事就決定左要“越式火車頭金邊粉”折後HKd$69，而我就要左“胡志明市 蕃茄四寶湯檬粉”折後HKd$69我地仲跟餐加左飲品同小食添呢度除左有啲雙人枱同“卡位”之外，仲有張好長既吧枱同高櫈，自己一個黎食都唔會覺得尷尬我既“胡志明市蕃茄四寶湯檬粉”，蕃茄湯偏甜，檬粉同配料既份量都十分多當中既四寶係“咸脆肉”、“札肉片”、“豬扒”同“豬頸肉”，入面仲有唔少洋葱同蕃茄配料味道都唔錯，自己就最中意豬頸肉而同事話佢既“越式火車頭金邊粉”都唔錯，我見到啲份量都係好充足“三文魚手撕雞檬紙卷”跟餐折後HKd$43，估唔到又真係幾夾啵，咁熱天時食呢啲冷盤特別爽！！！“蒜香牛油脆雞翼”跟餐折後HKd$14，呢個係同事食既，我就無試都，但

銅鑼灣據聞開了間新餐廳，一到午市超多人排隊，今日和同事決定光顧此餐廳，試一試越南菜。餐廳主打越南河，當然還有一些越式小食。金蒜脆雞翼超香脆，新鮮即炸，少少辣少少咸，感覺似避風糖風味。海膽手撕雞檬紙卷海膽份量多，鮮味十足。與手撕雞配搭非常新穎，兩者味道很夾。沙嗲香茅豬扒撈檬豬扒香口，肉質鬆軟，與檬粉一起撈來吃，倍感滋味。招牌生蠔併青口椰汁酸湯檬粉湯底帶濃香的椰汁味，生蠔及青口非常新鮮，一試難忘香茅薑蜜大大片薑及香茅，非常足料。利賓納青檸梳打賣相非常吸引，酸得來十分醒胃。

今次入去呢間餐廳食，完全係俾外面睇到的大大個88折牌吸引左，新張期間，全單88折，既然有新野試，又有特價，WHY NOT?餐廳中間係一張長檯，如果其他位置都坐滿了，就要好似搭檯咁坐中間了，而我地就係其中一員，為免太搭檯FEEL，餐廳職員會係每組人中間留一個位，盡量保持空間每樣主食都可以用優惠價叫一款小食加一杯飲品，如果想再叫多D小食，就要用原價了香茅薑蜜 ($16)、利賓納青檸梳打 ($16)香茅薑蜜有原條香茅同大大舊薑，味道好突出，利賓納青檸梳打係用左泰國象牌梳打水，特別有風味蒜香牛油雞翼 ($21)牛油雞翼雖然比較熱氣，但就好惹味，牛油味比蒜味更突出手撕雞檬紙卷 ($25)手撕雞本身已經醃有味道，加埋魚露一齊食更加錦上添花法式芝心蝦多士 ($25)呢個係台灣高雄啤酒節得獎菜，講到咁犀利梗係要試下佢，外層沾滿芝麻碎，蝦膠打得夠彈牙，中間的流心芝士點綴了整個味覺與視覺手撕雞扎肉椰汁酸湯湯檬粉 ($55)呢個一上檯已經聞到好香椰子味，手撕雞同扎肉份量可以再多少少，因為檬粉份量實在好多，湯底酸酸甜甜的蕃茄四寶湯檬粉 ($69)湯底有濃濃的蕃茄味，加上有不少的蕃茄，四寶即係扎肉、豬扒、豬頸肉

今日嚟到 V Point，同 bae 試吓呢間越男仔，放咗工七點幾到，都差唔多坐滿，好彩唔洗排隊店內裝修簡潔俐落，燈光幾 warm，雖然冇晒卡位，但坐 bar 枱都幾舒服。我地今晚幾開胃，每人一碗粉，仲要多兩款小食同一人一杯嘢飲，可能係一入店內就聞到好香嘅關係，食慾大增！先嚟嘢飲，利賓納梳打同青檸梳打，用上泰國知名梳打水-Chang，好 fresh 好消暑，啱晒夏天飲！手撒雞檬紙卷手撕雞用上胡椒醃味，加上生菜同碎檬粉，再點埋個魚露汁，清爽好食！法式芝心蝦多士大家都知越南曾經係法屬，餐廳提供呢道小食好有 gimmick，烘底多士挾著厚厚嘅🦐膠，芝士仲要流心，口感好有層次，好豐富，必食！招牌手撕雞扎肉椰汁酸湯河粉果然係招牌，一試啖湯就立即愛上，椰味香滑，酸湯開胃，上面灑咗D乾蒜，仲有紅洋蔥，格外香口野味！同紙卷嘅手撕雞一樣用上胡椒醃味，切薄片嘅扎肉一樣咁浸落D湯度再送入口，好味道！胡志明市蕃茄四寶金邊粉蕃茄味超濃，有D似羅宋湯嘅感覺，幾特別。四寶係全🐖，有🐷頸豬、扎肉、🐷扒同脆🐷肉，好滋味，夠晒飽！我同 bae 嗌咁多嘢，食到咁飽，埋單都係$200零蚊，好滿足，繼續加油！

尋晚同朋友行行下街，見到呢間越南野好似新開~當時大家都肚餓，於是就決定試試，好攪笑，個名叫"越男仔" ~坐低先睇 menu，都幾多野食wor！ 同朋友一人一杯野飲～我點左三擰七喜，朋友點左青檸梳打！2 杯都好清新，降下溫，太熱了條街。。。 蕃茄四寶湯河粉，份量超多，而且材料豐富，有扎肉、豬扒、豬頸肉、脆脆肉～蕃茄湯味濃，河粉好爽滑，唔錯唔錯！ 而我就點左個生牛肉牛骨湯河粉，生牛肉好新鮮，d 湯浸一陣佢就好快變半熟，好似平時d 肥牛咁！ 芝心蝦多士皮脆內軟，熱辣辣好好食，應該係即叫即整！唔好講笑，中間有一層溶溶地嘅芝士，增加口感同味道層次～ 手撕雞檬紙卷~蔬菜新鮮爽口，手撕雞肉嫩滑，而且好惹味！ 另外仲叫左個三色雞翼拼盤～ 有牛油、蒜香同辛辣味，香脆+ 味道滿分！ OVERALL 小評：味道：★★★★☆環境：★★★★★服務：★★★★☆衛生：★★★★★抵食：★★★★★

餐廳效率快，人來人往，好快就有一枱食完，唔洗點等位。一黎見到餐牌已經呆左，麵食$60-70，小食只不過係$20-40內，抵到爛。先黎個柚子番茄，係凍食黎嘅，酸酸甜甜好開胃。再黎個$35就食到嘅煙三文魚卷，你睇個樣都知有別於其他三文魚卷，下邊係越色嘅生菜豬肉粉絲卷，加上一堆嘅三文魚塊，一啖食落去有多重嘅口感。好啦，黎兩杯青檸梳打同利賓納梳打，造型都幾特別。牛油雞翼同埋蝦餅都非常香脆，係必叫之選。重頭戲就係生牛肉河同埋胡志明市番茄豬扒米，牛肉同豬扒都好入味，一碗嘅分量好大，再加上岩岩叫嘅小食兩個人都未必食得哂，重點係嗌咁多都係兩百幾咋

放工約左同事去行街，諗住普通食碗粉就去血拼，見登龍街新開左一間叫越男仔嘅餐廳，見個名幾得意我地就二話不說咁入咗去試！店入面有分普通枱、卡位同Bar枱三種，設計都幾新穎！食物方面有粉麵、小食、飲品同好似車仔麵咁自由配搭，都算幾多選擇！越式火車頭湯河粉配料有生牛肉、牛丸、牛筋、牛栢葉、烤牛肉，份量好足，湯底好清甜嘅牛肉味！牛筋同牛栢葉都好爽口彈牙，生牛肉同烤牛肉都好淋身，有牛肉香味，值得下次再食！胡志明市紅蕃茄四寶湯檬粉四寶有有扎肉、豬扒、豬頸肉、脆豬肉，蕃茄湯底好甜好fresh，唔會有好油嘅感覺！由於同事係蕃茄迷，佢竟然可以連湯都飲晒！越式蝦餅粉麵加套餐價可以配小食！蝦餅又脆又爽口，旁邊有酸羅白絲配埋入口去油膩！招牌原隻軟殼蟹同事係蟹迷所以見到即想試！做法似風沙炒蟹咁，蟹上面有炸脆嘅蒜粒，軟殼蟹脆脆地有牛油味好香口！三檸七喜同利賓納青檸梳打，最特別嘅三檸係青檸、咸檸同新鮮檸檬做成，好fresh~