越興園越南菜館 (已搬遷) 新店位置

午市茶市所有主食都有跟汽水，普通凍熱飲反而要+$8，同一般餐廳調返轉😆可能要人手沖，無汽水咁慳功夫😛天口熱當然食撈檬啦😋叫左鹽燒牛肉撈檬同烤牛肉撈檬，其中一杯餐飲+$12轉龍眼蜜。叫左份下午茶香茅雞翼(無包飲品)。烤牛肉好濕潤，好似平日時蔬炒牛肉果啲牛肉咁，反而個鹽燒牛肉又似過往食過既烤牛肉🤔撈檬好夠份量👍🏻龍眼蜜一上枱，load左一下，同食開既泰國舖唔同樣，好色彩繽紛😂但友人覺得龍眼味唔夠濃。總括嚟講所有食物偏向淡口，重口味朋友要留意哦！

越興園我成日聽，知道佢超黃又抵食，但係都係第一次幫襯，點左碗招牌生牛肉湯粉，我轉左金邊粉，$38都算幾抵，點知返到屋企打開見到勁大碗，份量係平時出面食嘅1.5倍！唔單止金邊粉多，佢連啲生牛肉都好多好大塊！😱因為外賣嘅關係嗰啲生牛肉可能焗左一焗有啲熟，不過都熟唔晒，大概九成熟啦，但啲牛肉依然好靚呈粉紅色好嫩，而且好薄好易咬而且個湯頭都好鮮甜，加埋啲配料生洋，蔥粒，辣椒粒再加2滴青檸，少少酸酸甜甜又好清新，好地道！一碗咁高質嘅越南生牛肉湯粉先至賣$38，真係大件夾抵食，我悔恨佢咁近我家，我先第一次幫襯佢，以後會多啲去食，真心正！

想交一份文件給一位朋友及見見面，因為疫情及限聚令，於是寄給她，怎知道郵寄延誤，可能是公務員 WFH, 總之拖了 3 個月，最後決定做好防疫措施，昨天約了她在旺角，搵黃店，搵到這家越南小館。感覺很好，有為客人探熱，及有搓手液，不過我自己都有隨身自備 ！而且提供放口罩的袋子 （像放雞蛋仔的紙袋）,讚！看餐牌，價格唔貴，一個粉套餐 $49, 有飲品，+$3 特飲，紅豆冰 +$8。與朋友不約而同叫了同一款套餐，份量都好多！味道不錯，豬扒沒有掩肉粉味道，雞翼好食！真心不錯 ！有機會再來

今日又來左位於通菜街嘅越興園越南餐廳，呢間越南餐廳充滿香港特色，有茶餐廳快靚正嘅元素味道，但又唔會冇晒越南嘅風味午餐都只係$44 ，係而家呢個時期來講算好超值，另外飲品仲係凍熱同價👍🏻抵❗️今次叫咗個越南炒金邊粉 $44炒金邊粉救獲戲同夠乾身，材料有好足，好食🥰🥰😍😍以份量又夠大本，以我咁大食來講都食完真係飽飽地，如果細食嘅女仔就真係應該太多啦😂😂整體來講，好食，又平又抵食，黎開旺角可以試下👍🏻

地道的越興園，相信大部人都試過，平價抵食不在話下，服務更是十分親民。不過有網友覺得它的食物水準大不如前，今次決定親身去評評分個人覺得香茅豬扒飯加蛋是招牌菜，港式煮法，亦食得出越式嘅味道，豬扒捻身入味、加上熱辣辣嘅蔥油分外惹味而豬頸肉也燒得外脆內嫩，十分大碟有份量海南雞相對比較遜色，沒有想像中的滑嫩，有待改進而小食有牛油雞翼、越式紙米卷丶越式炒牛肉，份量十足，全部即叫即製所以以平民價錢食到呢個水準，個人角度絕對收貨，希望可以為餐廳抱抱不平

今日一個人行到去通菜街 諗住搵個下午茶食 咁啱喺越興園門口睇緊下午茶menu 有兩個員工出嚟sell 難得有人理下我呢個師奶就入咗去坐低😆😆 叫咗個燒牛肉湯金邊粉 蠔油生菜 椒鹽軟殼蟹 凍利賓納 同珍多冰 好難得有軟殼蟹食 都幾好 珍多冰都算合格 原本個椰汁稀得滯 我叫佢哋加啲糖水 之後好飲好多 同埋本身嗰啲粉條 好難整 唔夠熟嘅話中間嗰心會好硬好粉 但佢哋都整得ok 因為凍咗嘅話好難keep到唔硬 所有員工的服務態度都好好好nice👍👍👍全部加埋都係$111

大學時期跟朋友常到越興園吃飯，後來就没再去了。今天再來，才發現已經搬了鋪數年。 搬了進內街，繼續同香港人齊上齊落。雖然縮小了，但仍保持是兩層的格局。 除了有越式飲品，還有suntory生啤，才$58~ 珍多冰（$22）夠多椰奶，超合我心。南乳吊燒雞飯 $48不知吃什麼好，就問店員哥哥有否推介。他介紹了自己愛吃的南乳吊燒雞飯，一於試試。燒雞皮薄、可口，雞肉很嫩滑，沾上南乳醬更惹味。越南米飯粒粒分明，軟硬適中，果然好推介。 越式炒金邊粉 $56另一炒金邊粉也夠乾身、有鑊氣，但還是吊燒雞飯惹味。老店在旺角多年，與我們一起經歷不少。在偉大特區政府的禁晚市政策下，希望大家多撐良心小店，一起抗疫、渡過難關。餐廳資料：越興園越南菜館 地址: 旺角通菜街31號地舖 電話: 23329872

早幾日男朋友帶我去食女人街個邊一間餐廳，佢前排食過幾好食的香茅豬扒飯，所以佢就同我去食啦。餐廳有越式、泰式嘢食，我地今次叫左一個香茅豬扒飯和一個風味金邊粉，坐左一陣，好快食物就上枱，可能老闆怕怠慢客人，所以全民皆兵，水吧都會幫手上菜，所以好快有得食，又唔駛等好耐。香茅豬扒飯的豬扒都大塊，會幫客人切開埋，有好多舊，好方便食，又方便我地分，味道都ok，我本人鍾意食葱，但係呢個香茅豬扒都多葱，唔食葱的朋友最好落單時講。風味金邊粉就酸酸地的，我初時以為係好乾身，原來係有少少濕濕地，都有好多雞肉，屬於足料。計埋加一服務費，每人70蚊，不過醫院同學生有優惠，唔記得係免加一定有飲品送。以下評分以5⭐️為滿分 ⭐️⭐️⭐️

#黃店系列興園越南菜館位於旺角女人街，是一間有50年的老字號，只此一家。⁣一直以來以正宗越南菜而馳名，價錢相宜。餐廳有上下兩層，店舖內外都有文宣可見到，老闆娘與侍應服務殷勤有禮。⁣⁣🔸生熟牛肉湯粉 $43 ⁣半生熟既牛肉鮮嫩可口，湯底鮮甜，河粉份量不小。⁣⁣🔸越南炸蝦餅 $43⁣即叫即炸，超大塊，啖啖蝦肉。⁣⁣———————————————————⁣⛳️ 越興園越南菜館 (旺角)⁣旺角通菜街31號地舖⁣⏰星期一至日 11:00-22:30⁣

4人套餐($388+10%)可選4款小食, 2款主菜, 兩款主食同埋4杯特飲小食我地揀左超香脆得又辣辣地既炸春卷🥠 爆多米粉同扎肉可以多返啲既扎肉卷🐷 超香花生味既沙嗲醬燒得好juicy既沙嗲雞肉串🥜 仲有炸得超香口又重油油味既牛油雞翼🧈主菜揀左香辣惹味又唔油膩既馬拉盞炒通菜🥬 同埋本身冇咩味道但係點左甜辣醬又幾好食既越式海南雞🐔(本身餐係例牌size, 加$10就可以變半隻)主食就揀左超爽身, 完全唔油而且又多配料既越式炒金邊粉🍲 同埋超級有驚喜, 個飯底炒得超香而且滿滿海鮮既原隻菠蘿海鮮焗飯🍍最後飲品就揀左唔會太甜而且有大量唔同顏色粉條既珍多冰, 勁多紅豆既紅豆冰同埋冇得輸既咸檸七🍹 佢既飲品全部都唔會太甜, 甜度對於我黎講啱啱好呢間真係一間有良心小店, 就算係套餐既野都唔會變得細份👍🏽 餐枱既玻璃底都擺左唔同既文宣, 同埋佢地有自製細細本既月曆, 重點係啲店員都好有禮貌👏🏽 大家要去幫襯下

餐廳氣氛唔錯，燈光柔和，位置安排喺樓上，相對地舖更加寧靜，裝修都幾別緻。我哋叫咗個二人餐。小菜揀咗個越式小食拼盤，有春卷、串燒雞、同埋粉卷，春卷炸得好脆好香口，可以稱得上皮薄餡靚，串燒雞嘅精髓——花生沙嗲醬唔辣但好惹味，粉卷就普普通通，冇乜特別。另外一道菜叫咗西檸雞，每一件雞與雞之間都隔左一塊好甜嘅香橙肉，淨係個擺盤都已經好有心思，雞炸得好脆，醬汁酸酸甜甜，好開胃好好味。最後一個蛋白肉鬆炒飯，相對前面兩道菜嘅味道，炒飯味道好淡，正常發揮。雖然全部食物嘅味道都唔錯，但係食完過後都幾口渴，適合喜歡重口味嘅人去試吓。

老字號《越興園》大名就聽得過，難得疫情減退，就出旺角吃頓午餐。想不到午市的價錢都頗經濟，更想不到的是原來這老店也是黃店$38 雞絲湯河 - 大大碗河粉，清淡的湯底，配上咸度剛好又滑的雞絲，乃一個正常的湯河$44 牛油芝麻豬扒炒飯配鴛鴦檸檬白酒汁 - 牛油香不太突出，但豬扒炸過後，顯得更金黃香脆，沾上檸檬白酒汁，相當開胃炒飯主要是雞蛋炒底，作為配角。$44如此經濟價錢，抵食夾大件跟餐+$8 的凍檸茶，顯得略貴跟餐 +$12 的七彩珍多冰如果加普通飲品都要$8，那麼加$12就有特飲，顯得相當便宜料夠多，椰味夠重！

行街經過見肚餓，所以食咗個下午茶。法式豬扒包：個包好似係蒜蓉包底，好香口，比起平時食嘅包嘅口感夾好多👍🏻整體食落唔會話好dry牛油雞翼：熱辣辣食勁正，好香好脆口串燒：我3款都嗌曬，分別係牛肉，雞肉，豬肉串燒覺得牛肉串燒最好食，肉質唔會好硬又唔會好「鞋」，同時隻味最特別。其他都唔錯，各有風味，但個人認為雞好食過豬😂店員個個都好nice好有禮貌，無論落單定執嘢個陣都講「多謝曬」🙈環境唔錯👍🏻

旺角女人街有林林總總嘅餐廳，今次我哋就試吓呢間越興園。店入邊嘅環境係有少少逼，我哋上咗樓上坐，四人枱中間有個擋板分隔住，都可以接受，餐牌入邊有兩款二人套餐，中間嘅內容可以互相對調來揀，等客人有多啲選擇👍🏼，我哋就揀咗個牛柳粒飯、蒜蓉炒生菜、燒牛肉，另外加咗個炸蝦餅。嘢食陸陸續續來到，份量絕對足夠二人食，牛柳粒飯甜甜地幾開胃，燒牛肉亦好香，薄薄地唔會好靭，炸蝦餅夠彈牙，唔係撈左好多粉嗰d，大大塊好抵食。特別介紹吓佢個青檸檬茶，平時都係就咁用檸檬，呢度用青檸配搭紅茶，當堂有咗越式風味，味道都幾夾，大家可以試吓👍🏼

入到黎主動比杯熱水我地洗餐具，又比個膠袋我地放口罩，好體貼！食物都好正，即叫即整！ 叫左個牛肉包，蒜香味超正，熱辣辣，加埋杯檸檬梳打，認真一流。幾十蚊有咁既質素，唔易搵。