越興苑越南美食菜館

营业中

休息中

服務態度非常好，即使係繁忙時段，個男仔都好快安排好位俾我地，值得一讚;)叫左一個沙嗲雞扒飯，$32，七分鐘黎到，佢飯同餸分開咁上，非常好既地方係佢可以添飯，唔駛擔心唔夠食;)佢個沙嗲汁應該係真材實料，啲雞扒都好鬆脆，值得一試;)

Tried this vietnamese restaurant in Mong Kok, but felt the food was more Cantonese.I seem to get the impression that most foods served in the Mong Kok area are cantonese styled even though they are not meant to be.Ordered the stir-fried vegetables which was cabbages, broccoli and carrots and it tasted like Chop Suey!As for the noodles, the noodles were not in long strands, most of them were broken which can be seen in the bowl.The bowl of noodles were really amateur and presented in a mess.

練跑前快食, 本想一試旺角街市妹記的粥, 上到去才發現夜晚是休市的, 隨機地進入了越興苑此時方想起究竟越興苑/越興園有什麼分別?! 那一家才是正宗?! 十多年於九龍城的又是越興苑還是越興園?! 人老了真是攪不清越式食物中最喜愛的必是生牛肉河, 在香港隨便都能找到一家供應, 但能做得好的卻沒有多少家, 我認為最好的要數已結業很久的鵝頸橋小巴黎(跟現在的小巴黎是完全兩碼子的事, 可惜已沒有機會再試), 老趙跟九龍城金寶的也是我心目中的頂級水準這次當然又是生牛河吧, 牛肉要全生的分開上, 方能品嚐半生下牛肉的真味湯底比坊間很多淡而無味或全是味精的要好上很多, 但應不是真正以牛骨淆製的, 合格但未算超卓牛肉也比那些用低等急凍美國肥牛的有誠意但湯的熱度不足, 好幾片一開始就放到湯內的牛肉都只能灼至五六成熟, 害我連忙將其他的都放進去需未達至一流頂的質素, 但已覺中上, 簡單的一餐還是會再來的

跟幾個朋友仔做完運動，就貪方便係樓吓食啲野就各自回家休息吧 ~ 十幾年依然係嗰位靚仔哥哥招乎，熱情有禮，良好服務態度，讚 ﹗魚露雞，一早賣晒喇 ﹗失望啊。馬拉盞炒通菜，非常搶手、好夠鑊氣、味道香辣、口感爽嫰，勁受歡迎，太美味 ﹗轉個頭已 KO 左咯。紅椒咕嚕鱔柳，比幅參考照片呃左添 ﹗張相係鱔柳做主角，依家變左係味菜做主角，無咩肉囉，得啲黃鱔肉丁，勁細粒。個汁淡淡辣味既咕嚕汁囉，都幾甜吓，唔會再有下次囉。牛油雞翼，都唔係想像中咁好食啫，每次提起越南野，好多朋友仔都好喜歡依味喎。雞翼裡面無咩味道，外層炸得卜卜脆熱辣辣，水既牛油味。我覺得炸完上台，再係上面打個牛油芡汁會更好，味道更搶更香濃。生牛肉湯河全走，清檸指天椒另上，我當然勁落啦，三份先夠酸夠辣，上次叫金邊粉散濕濕，今次點都叫河粉。雖然河粉未算棉，但夠滑溜又完整。牛骨湯底足料好味道，一滴不漏飲晒都唔會頸渴，真材實料。牛肉味濃，質地有趙口，雖則不是什麼上等貨色，倘算滿意。

睇左食評就即行過去試新野一入去都唔算full，我地有得坐卡位。可能我搞亂左兩間，搞到無得食叻沙，超失望！菠蘿海鮮炒飯$51：有普通既感覺，配料不多，有啲失望，但炒得夠乾身，粒粒分明。酸辣鳳爪$30：同泰國菜無得比，無洋蔥，無芹菜條，只有唐生菜舖底，只有七隻，味道同超市差無幾沙爹牛肉炒金邊粉$37：好勁既汁！啲粉太重手，好似槳咁，整到我成晚勁喝！原來要加一，但就服務黎講，勁fill水，有禮拜，都甘心的

旺角有兩間越興園, 但係幾年前食過果間, 覺得真係麻麻地.....唔知道呢間好唔好食呢?係門口睇緊內在環境, 老闆見到就立即叫我們坐低, 好彩還有卡位~ 入到來坐低後, 有原個菠蘿炒飯, 係出面的泰國菜原個菠蘿上, 真係少之又少了, 便急不及待點了一個~於是我們點了牛肉湯檬粉, 原個菠蘿炒飯, 豉椒炒蜆, 椰汁石榴子冰:牛肉湯檬粉: 檬粉好碎.......牛肉就唔係好多, 湯底都不錯, 加少少青檸汁+辣椒粒已經好惹味了, 不過衰係檬粉好碎.....(65分)原個菠蘿炒飯: 用新鮮菠蘿, 比罐頭菠蘿好好多~飯身都好爽身, 榨埋底面的菠蘿汁更加好味!!!(75分)豉椒炒蜆: 隻隻蜆都好新鮮, 好大隻~但是太快上檯了, 而且冷氣又凍.......搞到d食物吹凍晒.....好果上慢d會好d(80分)椰汁石榴子冰: 只是加$10一杯, 石榴子一粒粒, 內裡有馬蹄, 真係好好味呀!!(75分)如果下次來到, 唔好叫咁快叫咁多野食, 食到咁上下先叫定下一樣, 又不會比冷風吹凍, 就剛剛好了~服務都好好, 我隻杯一無茶, d姐姐就會幫我們斟返杯茶~

有間差唔多名既越南河係同區，千其唔好去錯呀，質量差天共地。轉眼已有七八年無黎喇，仲係嗰位經理喎，真長情。依度雖然舖位細細，但都算坐得舒服啦。師父啲小炒、雞飯同牛河都幾好，服務招乎都幾好，價錢都幾好，唔錯架喇 ~生牛肉金邊粉，總之唔轉金邊粉啦，記錯左早年食開啲咩。雖然口感好棉，但今次好碎呀，總之食河粉好過。牛肉味濃，雖未至於話非常嫰滑，但味道好好，湯底真材實料用牛骨牛肉餚製，好香好甜，飲到一滴都無呀，絕無味精。勁落椒天指同鮮青檸，香辣開胃。蒜蓉炒白菜仔，鮮嫰多汁清甜又爽口，少量鹽少量蒜蓉已足夠，簡單既一碟小炒，食出師父既手藝，好好味。

今晚係旺角同屋企人食飯,但就冇諗過想食d乜,求其搵到呢間就入去試下,合共叫左魚露唔知咩雞,豉椒炒蜆,二碗白飯魚露唔知咩雞:完全食唔出有魚露味,所配的醬料都只係姜蓉,只能說是白切雞,肉又un,冇乜雞味豉椒炒蜆:不過不失,除左用基本的豆豉,青椒黎炒,還多一樣材料:菠蘿睇餐牌我覺得係偏貴,普通鋪仔環境格局殘舊,都仲要加一,真係不值一試

第一次來衣間餐廳四個人7點幾去到, 無咩人我地坐左樓上, 環境暗暗地, 係sofa椅, 都幾好!叫左6款食物酸辣無骨鳳爪---幾好, 顏色好橙(可能好重色素), 可以再酸d辣d蝦餅---好食, 彈牙牛肉手卷---個餡ok, 但我不太喜歡食包住果層半透明ge皮炸軟殼蟹---not good, 食落去好多粉咁咖哩豬排湯檬粉(個名類似係咁)---唔錯, 幾惹味, 有2件小size豬排+$8有2件蒜蓉包---nonono! 好似放耐左咁, 唔熱, 唔脆+好煙刃枱面放左壺酸辣汁, 唔夠可以自己加因為小妹生日, 飯後叫waiter拎之前keep起ge蛋糕上來, 不過佢就連埋個盒一齊拎上來, 朋友們重以為佢會好醒目咁拎走個盒(或者好d會點埋candle) ==" ha~我地食埋蛋糕, 夾埋都坐左好耐, 雖然開始多人, 但佢地都唔會好似催人走咁4位合共$240都滿意ge, 下次可以再來~!

來到旺角，女友提議去「越興園」吃生牛河，我當然樂於奉陪。當我們行到去位於豉油街的「越興園」門口，女友頓覺不妥，再上網查看紀錄，原來佢真正想去的是鄰近先達廣場的「越興苑」，兩店只得一字之別，卻相隔數個街口，差不多是旺角的一頭一尾，結果行到我身水身汗。女友要了生熟牛河 ($35)，即是生牛肉加牛腩的配搭，生牛肉甫上檯已經六七成熟，看上去不太血紅，叫半熟牛肉應更為恰當，後者則肉質帶韌，需花上不少牙力，而湯底的色水比較混沌，呷了一口才發覺原來牛味十足，整體算是普普通通。我的香茅豬扒撈檬 ($34) 比較簡單，店方將一塊連骨豬扒放在大堆檬粉之上，壓底的還有花生碎、生菜絲、紅蘿蔔絲等配料。豬扒的肉質不算腍軟，而且配料實在下得不多，令檬粉吃得來感覺很寡，倒入適量的魚露後，味道才稍好一點。另外要了一碟馬拉盞炒通菜 ($32)，炒得幾有鑊氣，一上檯已經香味四溢，菜夠爽脆，味道則不算太濃烈，幾醒胃的。埋單連加一 $111，價錢不貴之餘，這店的服務更極具效率，店內三位侍應都話頭醒尾，由落單、介紹菜式、上菜到執檯都完全自動波，沒有一刻是閒著的，這點實在值得一讚！

去到旺角...好自然就去咗 "越興苑". 我已經黎呢樹食過好多次飯架喇..馬拉盞炒通菜 - 真係炒得好好味. 每次必叫嘅菠蘿炒飯 - 第一次叫. 不過味道真係唔錯...喜出望外越式粉皮卷 - 呢個都 OK...啲粉皮冇林 BE BE..蝦餅湯檬 - 啲虾餅真係唔錯..好好味

看名稱，外觀，菜式名都應該是吃越南菜的地方，但好失望！　食味反而似茶餐廳粵菜味道．１．香茅豬排凍檬：欠炸蔥，欠蔥油，粉又硬，豬排無香茅味之餘又水水的．２．醬燒豬頸肉：咬落口感似普通瘦肉，硬硬的，不是豬頸肉．３．茄汁生熟牛肉湯河：茄汁是茶餐廳泮飯的漿粉橙色水，很難吃．４．軟殼蠏：味道似酒樓味，還可接受．５．最好味是這款馬拉盞通菜，好味．

跟男朋友做完人生一大件事後, 我提議再吃越興園!腦裡面有兩間, 女人街果間同花園街果間.上次食過花園街都ok, 今次再去~午餐時間坐滿晒, 我地被安排坐正門口位.剛好卡位有人埋單, 我話寧願搭枱都唔要坐門口呀!是日午餐:- 香茅豬扒凍檬一大塊豬扒只係界開冇切開, 好難攪.檬粉底舖了生菜, 倒了好多甜酸汁, 都幾好味. 沙嗲牛肉飯侍應落錯單來了豬扒, 等了10分鐘再換回牛肉.牛肉太碎, 沙嗲汁唔算惹味, 花生醬偏多.男朋友食晒成碟, 睇落佢好滿意 灼生菜跟餐+8蚊. 普通業一碟, 係唐生菜, 真少見~ (通常用西生菜嘛) 椰汁黑糯米跟餐送, 份量大概係兩湯匙咁多, 唔太好味, 椰汁多黑糯米少, 好彩份量少.食完都冇客入過黎, 唔夠下午兩點, 店內就可以拍烏蠅喇...

今日同兩位朋友去左食越南野;其實我1路都吾食越南野..因為我1聞到D醋味就會想嘔..今晚我冇開聲講食乜;佢地決定食越南野..個心離左一離...去到;坐低;玩下相機;叫野食;我叫左沙嗲牛柳炒河!兩位朋友分別叫左原隻鮮魷焗飯同埋牛柳配越南炒飯我果個粉就冇乜特別;不過食到辣味!牛肉幾多;吾UN;真係吾錯;亦好入味!D肉吾會{梅}不過比較多油;都係好飽..食吾晒;另外試左朋友O既焗飯;吾錯!魷魚吾會巧UN咬吾開!配埋蔥油;入邊O既札肉蛋粉飯底;果然係吾錯!好香口!自己叫左杯白雪公主{椰汁+PINEAPPLE}PINEAPPLE O既味吾出;椰汁冇椰子味;NOGOOD!另外其中1位朋友叫左流星雨{藍汽水+吾知乜野同埋梳打}朋友果杯有黃色1粒粒O既野;試左1粒;係雪花冰O既配料之13個人食左221;其實價錢偏貴;不過我吾好越南野;食1次尚可接受 =)BUT...D人1見野就收;都吾知係好事定係壞事...

今日兩公婆黎開喱頭，見好耐無黎喱間野食，咪再入去試下囉，點不知，唉！１．越式炒金邊粉：始終都係覺得泰式整得好ｄ．２．青檸蝦：ｄ蝦炸到好粉，麻麻地．３．拼盤：春卷－very oily，蝦餅－ok，satay肉串－喱個係全枱最好味既野，蝦片牛肉檬粉－都幾好食既．４．（送）紫米露：水汪汪，淡如水．叫阿姐斟兩杯水，面黑黑，唔知想點，好大力放在枱面．對住ｄ熟客就笑騎騎，放毒蛇．