越興苑越南美食菜館

营业中

休息中

昨日中午返完教會。去了旺角食飯。選擇了食越南食品。越興苑大約有40-50位，有吧台TIM。點了一個香芧雞翼撈檬。另一個就係雞絲湯檬。雞絲湯檬都幾多湯，味道不錯。香芧雞翼撈檬方面，有3隻雞翼，不過就淡了些。不過落了那些越南汁就好好食。另外，叫了個生菜，油了少少。2個檬粉免費跟一杯汽水或椰油燸米。如果要飲奶茶等就加2元，特飲就加5元。大致上，這個午餐都幾好。

和朋友食下午茶，搵左間就近既越興苑醫肚！薄切鹽燒牛肉湯粉 ($22)：鹽燒牛肉和牛肉分開上，鹽燒牛肉一 D燒既香味都無！馬拉盞炒飯 ($24)：炒飯完全無馬拉盞香味，飯炒得無鑊氣，我媽媽炒既好得多！下午茶餐可配飲品或甜品椰汁黑糯米，我地都要甜品。椰汁黑糯米唔凍又唔熱，黑糯米煮得唸得滯，好似食糊仔甘，好難食！

同事提議去食lunch,起初我都好混亂,因為旺角實在有太多越興園和越興苑.Lunch時間頗多人,全院滿座,可幸我們不用搭(木台).食越南菜當然會點香芧豬扒飯,本來沒有甚麼期望,但那兩塊豬扒又的確幾好食, 再配上一大舊飯絕對夠飽肚.如果要彈的話我會說坐得不太舒服,因為其實都坐得很迫;兩人坐卡位更有可能被搭(木台). 但味道方面這一餐確實有點驚喜.

可能我鍾意食牛肉啦,所以我覺得生牛肉湯河好好味...

我第1次食生牛肉感覺幾好因為無腥味幾嫩~無要野飲要甜品勁細碗10啖都無就食晒~係椰汁燸米~甜左d~間野價$ ok~會再食

昨晚去完呢間食越南o野都幾好食,叫o左個2人套餐,但無幾耐發覺原來個餐冇o野飲,後來侍應幫我o地轉飲品,好好人~

由於鍾意越南野,所以又再幫襯,不過今次要左個菠蘿炒飯($45)同埋雞絲湯檬($30)...菠蘿炒飯話係特價,都幾夠份量,可以兩個人share再叫小食果隻,飯炒乾身,菠蘿唔係好多,但係都算ok,起碼唔係少囉!同埋炒得唔油,食完唔會好膩,都幾好!至於個雞絲湯檬,就比想像中差,似乎好似凍食會好一點,雞絲幾raw,連埋一些肥膏,令湯有一點點雞油,所謂雞絲,似雞多d...不過個粉算滑口,檬粉比雞肉好!晚市送一人一碗南瓜西米什麼糖水,可能因為我本身唔太好南瓜,所以唔覺得好食...以呢度既環境,格局同食物質素,價錢算係稍貴。

尋晚想食越南野,於是黎越興園食晚餐,兩個人,要左一個雞絲撈檬($34)同埋一個蟹柳湯檬($29),前者用碟上,份量比想像中小,好在檬粉唔會太乾硬,雖然雞絲唔算嫩口,但係無連皮,夠清,配菜份量剛剛好,唔會係勁多紅蘿蔔絲果種,魚露可以任落,都幾夠酸,所以好味!後者好清,個湯似乎係清湯,要讚係檬粉質素好好,浸到軟身易入口但又唔會太腍,都幾難做到,要彈係成碗野除左檬粉就只係五條雪藏蟹柳加一d芽菜,好似好求其喎,奉勸大家下次都係要雞絲或者扎肉之類,唔好要蟹柳咯,唔係一定會覺得自己笨!

尋晚兩口子旺睇完戲咪食晚飯囉, 都唔知食咩好, 行行下就行到呢度, 又見冇咩人唔使等位, 又有小小想食越南野, 咪入去食野囉!呢度招呼都幾好, 入到去見到有卡位, 於是安排我地入座, 坐低佢地就放低餐牌同埋熱茶, 之後仲不停添茶! 諗左一陣就決定叫野食喇, 我地叫左生熟牛肉湯濛, 越式炸蝦餅同埋越式牛肉蝦片!生熟牛肉湯濛, 黎到時竟然變左生熟牛肉湯河, 於是咪同佢講, 佢地即刻話同我換過, 幾好! 呢個湯濛真係好好味, 可能我好鍾意食越南湯濛啦, 個湯底清甜, 牛肉都好鬆, 芽菜十分爽口, 加埋d辣椒醬就簡直一絕, 好味道, 正呀; 越式炸蝦餅都炸得好香好脆, 不過就多d油啦, 都可以; 越式牛肉蝦片就係女友從未試過, 所以特登叫比佢試下, 蝦片就好脆, 仲有好多粉絲, 面頭就有熱熱地牛肉, 再點埋d醋汁, 令到d粉絲冇咁乾, 好好味, 一碟仲有八件, 食都食唔晒呀, 直頭底食!飯後仲送甜品, 不過我地冇咩興趣, 所要冇要到! 埋單唔使$110, 都抵食呀! 有機會一定會再黎!

呢度o既椒鹽軟殼蟹真係食過番尋味!好香口好好食。我真係連一粒蒜蓉都唔放過，淨係食剩碟底塊生菜咋!我本身好鍾意食軟殼蟹，我去唔同餐廳都會食軟殼蟹，但呢度真係最正!一定要食呀!其他食物份量同味道都唔錯，我地兩個人叫o左軟殼蟹，炒蜆，炒菜，香橙雞同白飯。估唔到全部都好大碟，食到我地好飽。唔算平，兩個人都2百幾，不過我覺得每碟o既價錢同份量都好合理，所以我成日介紹d朋友o黎食架!我男友有次同friend係度食o左牛油雞翼，又係超正喎!係呀，呢間係先達隔離o既「越興苑」，唔係「越興園」，同另外幾間唔同架!

前日同d 同學仔去個度食下午茶，D 0野都唔係好貴,每個人大約30蚊.叫左幾個小食，我最鐘意豬頸肉同埋蒜蓉包，好味，正到爆，勁香，最緊要係D豬頸肉唔肥！不過可惜就係我同學仔個碗撈檬擺得魚露勁多，搞到好酸@.@！各位食友記得下次唔好落咁多啦!!

唔貴，食物ＯＫ一般既越南菜，冇咩特別，但環境ＯＫ有時落場會去食飯

D野食都OK 服務幾好, 個價錢都可以

星期日嚮度下午茶(其實係lunch)，價錢由$15至$20不等(見圖)；不過呢度近乎茶記式o既招呼weekend竟然要收加一，的確係有D過份～叫o左個越式春卷撈檬同烤豬頸肉湯河；春卷炸「火農」o左，豬頸肉同檬粉味道就一般咁啦。價錢雖然唔算貴，不過下次都係寧願行遠少少去始創金河苑，tea set好味好多，凍飲又唔使加錢，招呼又好過呢度。講開呢度o既service，真係令人哭笑不得～以下節錄自落單時對話一則：小妹：「唔該一個越式春卷撈檬下午茶餐，跟橙汁汽水。」女侍應：「可樂？」小妹：「唔係呀，橙汁汽水。」女侍應：「邊隻橙汁？」小妹：「乜有好多種橙汁o嫁？」女侍應：「可樂橙汁？」小妹：「？？？？」女侍應：「啊，橙汁汽水呀～」真係俾佢激鬼死！仲有，呢度查實叫「越興苑」，唔係「越興園」呀！

星期五去左旺角,見好耐無食過越興園,又無人排隊就走左入去食。叫左四樣食物, 越式炒金邊粉, 庶蝦一條, 越式海龍皇湯, 仲有春卷,一杯青檸梳打。兩個人差唔多啦, 越式炒金邊粉,略咸無咩特別; 春卷麻麻地,好細條,又唔夠生菜比人, 6節春卷比3塊生菜人地,叫人地點包來食?? 庶蝦水準之作,可以食; 海龍皇湯,之前未飲過唔知道什麼味道, 材料足,3隻大蝦,4隻青口,有d魚塊,芽菜等等, 但估唔到個湯好酸, 可能未飲過的關係, 我自己覺得酸左少少。食完飯比錢時, 點解咁貴,原來佢地有收加一服務費,我真係唔多想比, 講真食物已經好普通,坐位又唔舒服, 明明有卡位又唔比人坐,都算數, 但係埋單時要自己行去櫃台, 仲要我比加一服務費, 有無搞錯, 又唔係大餐廳, 旺角區越南餐廳仔, 要收加一我真係未聽過, 如果係咁人地翠華都要收加一啦, 人地d服務好咁多。各位朋友小心呀,如果要食越南食品,我權你地去其他好過, 呢到要收加一架!!