越色牛肉粉餐廳 (已結業)

越南餐廳來說...食物可以說色香味俱全，廚房有返咁上下尤其是炒野！服務員亦好到位有親切感。每次上去吃飯都多人尤其中午和下午茶時段，尖沙嘴區吃個飯都不便宜，以味道和服務態度來說可以係我首選，坐位環境亦寬落舒服

Came here on a Friday night and did not have to book or wait for a table for 5.We ordered the set dinner for 6 and added a shrimp and pomelo salad. The food came quickly and tasted average. Not bad, but not great.The biggest annoyance was the soft shell crab rice paper wrap be said there was only 4 pieces.. In a dinner for 6..When we brought this up to the manager, he replied that it is normal.The wait staff is friendly.

We used to come here often. The lemongrass stuffed chicken was excellent. Obviously the management has changed with a focus on profit over quality. Service and food were substandard. They brought out undercooked food, then the bill before the final dish arrived.

難得今日去左尖沙咀，決定食下呢間以前成日食既餐廳！炭燒香茅豬扒飯配蒸蛋久違了的炭燒豬扒飯！唔知點解呢間既香茅豬扒同其他餐廳既係有d唔同，佢食落好似叉燒！哈哈但我又覺得幾特別bo，佢唔會整到好乾，相反，佢整得幾juicy！而且我覺得佢既分量完全足夠我食，因為佢有好多飯！除左豬扒之外，仲有舊細細舊既蒸蛋！本人覺得個蒸蛋都幾特別，似係用唔同蛋去蒸既，皮蛋同咸蛋所以都唔錯呢到既環境都幾好，唔會坐得好迫！

天氣炎熱，真係令人無咩胃口。出黎尖沙咀開會，同事就介紹左我黎食越南野。做呢份工前一直在tst 返工，都唔知有間抵食的越南餐廳。大概1:30 黎到，唔洗等就有位。燈光雖然唔係好光亮，但睇得出環境都幾乾淨。還有卡位點了有菜的豬頸肉撈檬，還配上給專門的醬汁比豬頸肉。豬頸肉不會太乾，配上醬汁，更具另一番風味。檬粉口感適中配上酸酸的汁令人更係開胃。飲品熱檸蜜不太甜，但需要加$3。

天氣熱辣辣，唔開胃，想食越式撈檬酸酸地嘅野～去呢間Pho試下先～室內係有點懷舊嘅設計，地方尚算企理乾淨～有d特飲做緊半價wor～打開menu，原來有甘多選擇，我唔食撈檬喇，哈哈～女人都係三心兩意。芒椰紅豆冰失望的一杯特飲！以為會有芒果肉粒，點知得d酸酸地嘅芒果味，紅豆都有咬口嘅，不過成杯野味道唔好飲～香葉肉碎炒飯味道可以，肉碎唔會太肥，如果調味可以辣d，香葉多d仲好味～蒜蓉包蒜蓉味唔夠，不過勝在夠香脆～黃咖哩酥皮牛腩咖哩牛腩就食得多，炸酥皮嘅牛腩就好少食喇，牛腩用料好靚，肉質唔鞋又冇咩肥肉，好正！蒜蓉包點呢個咖喱汁真心一絶！埋單二人$205，價錢可以啦～

本人一直好喜歡到這店惠顧的，久不久就好想去吃炭燒豬扒，但最近去用膳的感覺就大不如前了，因有位好似“女店長“的店員 眼見她對待客人的服務態度非常惡劣。昨天我和家人去吃飯 當時入到店內 沒有店員前來招待入坐，有幾位店員見到 我們都無乜反應，這情況我就除便揀個卡位坐下來，點知咁就中伏了，可能那“女店長“心情唔好 又唔鍾意客人自己入坐啦！後來她“惡死能登“咁行過來！ 然後用一些恐嚇的語氣問我們幾多位吖！ 態度尤如趕客，又見她用態度惡劣的語氣閙其他店員，簡直慘不忍睹！今時今日咁嘅服務態度，咗去好過啦！

同老公出尖沙咀剪頭髮，順便係附近搵野食，行過樓下見到擺左呢間越南菜Memu，有炭燒牛排咁正，一於上去試下，點知咁就中伏了，餐廳係2樓唔難搵，一去到門口無人招待，自己行入去囉，入到去一睇環境幾好喎，夠大夠舒服，座位很多唔full，行到餐廳中間終於有人發現我地，招呼我地坐卡位，落單要等，野食要等，賣單都要等，明明好多人手，但好似規定每人既工作範圍，呢個唔可以落單，呢個唔可以賣單，呢個只負責傳菜咁，最大問題係佢地會係客人面前鬧員工，我坐低都聽左兩次，個心有d唔舒服，餐廳最唔應該有既態度！咸檸七，酸到你媽媽都唔認得，我最鍾意自己篤檸檬咖嘛，客人可以控制幾酸幾咸都得，佢就較好哂份量，連塊檸檬皮我都見唔到！香矛咖哩鮮雞煲，係唔係真係鮮雞肉我唔知，老公話雞肉味怪怪地，肉質都係普通，好彩咖哩汁搭救，蒜蓉包配咖哩汁很好味，整體普普通通賣相真係一般，唔好問我點解滿懷希望的炭燒牛排，食得出係炭燒咖！賣相都好靚，個汁其實幾惹味，但就有咬唔斷既根，肉質燒太耐韌左，幾塊單薄既牛排成舊水，唔值呀鮮蝦雞肉米卷總算有d安慰，其實菜加雞肉係無咩味，米卷皮都係無味咖！但記得要點佢地酸甜汁，咁整體食落都幾新鮮既，成口菜呢個價

越式係香港人歡迎既食物之一，尤其在炎炎夏日中！河粉 、檬粉可以配以上湯或魚露撈嚟食！更有不同小食拼盤，有魚餅 、炸春卷、生菜包等……我叫了一個炭燒香茅豬扒蒸寶飯, 賣相吸引，豬扒完全燒烤 過 ，陣陣香氣，令人口水流！豬扒面頭仲有乾葱同葱。蒸蛋切成一片，好似蛋糕！蒸蛋好似用咗鹹蛋，皮蛋，雲耳一起蒸，味道唔錯！而豬扒肉質腍得嚟有彈性！炭燒部份甜甜地，好似有蜜糖咁！加上甜鼓油餸飯一流！

見天氣唔錯唔會落雨咁, 就行左去離公司較遠的阿士厘道食越南野一出lift仲係見到一堆人群圍係個門口等位, 不過好似有效率左好多大概等5分鐘就入到去啦.依度最有特色味道就係佢既越南牛湯河, 不過要介口, 今日只好食雙拼飯 (豬扒 +　雞翼)豬扒係炭燒豬扒, 有炭燒既香氣即係bbq既咁, 有少少肥位既最入味好食, 有幾舊淨肉就有少少硬同冇乜炭燒味. 雞翼係炸雞翼, 外皮脆得黎但係成隻雞翼係凍既. 如果兩樣都可以熱少少就好.個飯會跟個汁, 其實唔知點乜, 我多數點佢伴點d椰菜, 酸酸地都幾好食.除左湯河同飯都仲有海南雞, 咖哩牛腩, 炒河炒金邊粉等等好多選擇. 而且沒加一, 是個午市好去處.

尖沙咀食晏都昂貴！每到食飯既時候都幾頭痛！又要價錢適中！又要味道好！又要近公司！唉！！足知揀咗去越南嘢！餐廳面積都幾大！但係服務就係麻麻地！我哋叫咗…香葉肉碎伴太陽蛋飯，賣想幾吸引！太陽煎得很靚，半生熟，加埋肉碎，仲有香葉，要嚟撈飯食，味道一流，頂瓜瓜！！仲有一個炭燒豬扒撈檬粉，豬扒有陣陣炭燒味！豬扒鬆化！加上越南汁(魚露，檸檬汁，醋)，令人想食多幾碗！

今次去越色….好驚訝其實味道不變, 只是人流少了幾多!!!平日的星期一約了朋友在這裡晚餐, 8:30pm…只有3 圍呢, 從前要等位哦! 是香港經濟不景了!? 嚇親!我們叫了精選二人餐($228)絲綢蝦仁春卷拼魚卷這個魚卷很驚喜的, 材料挺豐富, 貫徹了越南人喜歡蔬菜的文化, 這個魚卷用了沙律菜, 車厘茄, 甘荀絲包著炸魚柳, 口感清新不會很油膩絲綢蝦仁春卷熱熱的上, 很香脆的春卷包著juicy 的蘿蔔絲及蝦仁, 用上生菜包著吃, 不感油膩咖哩黃金蛋炒蜆超喜歡這個咖哩, 如果用來煮蟹更一流! 帶甜不辣的咖哩很香口!!而且蜆煮得剛好不會收縮, 很飽滿! 我們連汁吃清光! 要叫上一碟飯馬拉盞炒椰菜苗椰菜苗新鮮, 只是覺得太多汁, 可以炒乾少少香橙燒豬肋骨配阿媽炒飯有點覺得整體配搭太濃味了, 同埋不夠香橙味, 豬肋骨有點過瘦不是太容易分離所以咬的時候有點黏牙熱咸檸水很喜歡這杯咸檸水, 咸檸檬很夠味! 不太酸, 每道菜之間飲一口, 可以洗去之前的味道!

第一次上樓吃越色，應已是五、六年前的事了。當時吃過這裡的炭燒雞扒後，每次再到尖沙咀覓食，都會間中又想起這裡。今次平日到尖沙咀開完會後，我又再一次推介身邊人來到這裡陪我吃炭燒雞扒。下午時間，可以點選下午茶餐呢！ 炭燒雞扒撈檬 $42令我念念不當然有原因，越色的炭燒雞扒，未放入口，已經聞到炭香咪，應該是以炭爐烤製，絕無欺場。重點是沒有烤走太多水份，入口未算嫩滑，但亦軟身，不會乾到嚡口。撈檬配料有紅蘿蔔、生菜，仲有少量油蔥蒜。配撈檬醋。 其實我間唔中都會黎食，但今次食感覺有點落差，問題應該出在撈檬醋過分稀釋，我落醋落到就黎變湯檬，都不夠甜酸味。最後要動用到側邊的士拉差醬，希望餐廳改善。 咸梅七 下午茶餐轉飲價 $6原粒咸梅， 自己拮。正呀！正餐唔夠酸，飯後飲品的酸甜味足夠滿足我。 雖然七喜不是原罐上，但杯身夠高，份量亦足。我最後都飲唔哂呀😂！總括黎講，我覺得食物有點退步。但作為尖沙咀旅遊區，以$50以下的價錢，可以輕舒適地吃頓飯，也不錯。

尖沙咀旅遊區，食肆多，只煩去邊間食而不煩沒好東西。一個海南雞餐58蚊個冬瓜湯，沒肉的幾好，但好鹹好重味精，本以為冬好淡同清架。有小棠菜，比起全肉的都鐘意食多點菜啦。乾身左的雞油飯，令到大打折扣。個雞肉幾嫩肉又多肉，唔會好肥，我少食動物皮，因為是油呀！連埋醬點來食，醬油膏，薑蓉同酸辣醬，就可以提升食感，雖然聽人說要3個醬撈埋先正宗，但我鐘意一塊點下辣，一塊雞肉又點下豉油醬呀！仲包杯熱飲架，尖沙咀食lunch架好處就是一樣食物，比晚市平一大截，岩曬我呢類愛周圍食，但人工其實唔高架人，付出少少就食到好野。

亞士厘道的食肆越黎越多選擇，對於一眾打工仔，基本要求當然係快靚正，最緊要價錢實惠，最好仲要坐得舒服!越色不經不覺成為左我既飯堂，自從出左個儲印仔儲夠會減35蚊後，真係黎多左好多(亦已受惠兩次了)平時食開生牛肉湯檬，今日就試下叫左個海南雞飯。。。有啲失望，雞勁小勁薄，飯不同一般吃的黃油飯，還帶點硬...但配埋個湯又真係幾夾，下次會再試其他，吸滿張卡仔先