越蘆越南牛肉粉 (已結業)

今日晏晝，約咗班朋友去睇戲，睇完戲之後就晏晝啦，大家就喺度搵嘢食但又唔知食咩喎，大家明㗎啦又要好食又要啱食成大班人真係好難搞～所以就一路行一路搵，之後講到大家都啱食嘅越南餐廳就係嚟緊同大家介紹嘅呢間越蘆。我哋大家每人叫咗一碗各唔同餸嘅湯粉，碗碗色澤都好靚， 好吸引見到都流晒口水！我哋好快就 起筷食！啲湯粉果然係餐廳嘅招牌菜好好味大家你試吓一定唔會後悔！特別要講嘅係椰青， 飲落去已經覺得好好飲好清新好好新鮮，店長同我地講係日日新鮮運到架原來唔怪得知有種泰國嘅椰青咁好飲啦！鍾意飲嘅朋友可以嚟飲下㗎！

本人就本身好鍾意食越南嘅嘢食，因為種感覺越南嘅味道好熟悉晒，雖然唔係越南出世既人，就係鍾意嗰種酸酸甜甜要種屋企嘅味道，最近有朋友介紹一間越南餐廳叫越蘆，話好好食所以就去左試都係抱住滿心期待嘅感覺去。我係午市時間同朋友去食，我叫咗招牌菜越南牛肉粉，而我朋友叫咗個咖喱牛腩飯，價錢都唔係話貴，食完都覺得呢個價錢抵食嘅！我瞓食落去清甜好香香草味，好香好好味。 我亦都有試吓朋友嘅咖喱牛腩飯，一文落去已經好香咖喱味牛腩好林啱啱好，咖喱汁嘅濃度好正！係一間抵食嘅越南餐廳，我一定會去多次！

今日星期六放半日假，男朋友難得來接我收工，晏晝嘅時候我哋周圍搵嘢食因為附近啲嘢食都食過咁滯，所以諗左好耐都唔知食咩，之後上OpenRice睇睇吓有附近有咩食，點知搵到一間好嘢喎！就係呢間越蘆，係一間越南餐廳。我哋主要都係叫小食食，特別要講嘅兩道菜就係炒椰菜苗同埋素菜米紙卷，我知道間餐廳招牌菜係佢個牛肉粉，可惜我唔食牛，平時都食開齋多，我對呢間越南餐嘅齋菜好滿意，佢嘅椰菜苗炒得好有火候好香仲要好清甜，食落去仲好爽脆好鍾意呢種口感，仲有佢個素菜米紙卷，好清新啲菜好新鮮點買果汁口感好豐富，冇咁齋,鍾意食越南嘅小食嘅朋友可以試下。

太過分所以打我第一個評價😠今日去食下午茶，落單叫個生牛蒙粉，個肥肥地嘅女員工好似無咩反應咁，算啦，等左一陣黎嘅係河粉，咁我咪舉手話唔該我叫蒙粉架蝸。咁啲員工就問邊個落單架咩咩咩，咁個女人都黑曬臉咁認係佢搞錯點知即刻有個食緊野嘅老闆走過黎，好大反應咁問乜事呀，佢啲靚咪話落錯單，咁個老闆就話落錯單唔緊要，河粉啱唔啱食呀我話都係想食蒙粉呀唔好意思（點解我要講唔好意思？）跟著個老闆就比說話我聽，話「將就唔到唔緊要，攞返去轉囉」喂大佬你地自己搞錯在先重要比說話我聽，咩態度？我比錢黎講究你？唔好意思都無句，明明你地係理虧，仲要比說話人聽，基本禮貌都無😒 返去教下你啲靚好過啦我哋就懶得同呢啲人嘈，但臨走埋單啲員工仲要嘴藐藐，好似我錯咁唔介意咁嘅態度，咪繼續幫襯佢地囉。