趣苑茶餐廳 (已結業)

不知為何，荃灣同葵青一帶，對我來說不算是什麼吸引的地方，所以我們一家人，很少會來這一帶活動。而前陣子，因為某著名的日式商店在荃灣開了分店，所以令我們連續幾個星期都專程過來荃灣，逛逛新的打卡點。這一次，我們先在市中心一帶來個午餐，目標就是選擇非常多的路德圍一帶。行了一個圈，因為不想排隊而決定來《趣苑茶餐廳》的門前。感覺上食物出品算是好啊，而且又似乎是一間老牌茶餐廳，那我們就入一入來，試下有幾 "趣"。標題說有趣，並不是因為此茶餐廳很有趣，而是茶餐廳的名稱上有一個 "趣" 字。為什麼會叫做《趣苑》，不多考究了，入到來，只是求一個簡單午餐，當然，也要是一個好味道的午餐啦。午餐，有跟例湯一碗的，當日的是一碗蓮藕湯。雖然不是太濃，但喝得出是一碗火喉十足的中式湯。蘑菇奄列，配腸仔牛角包。腸仔不多評了，因為兩條腸仔的味道都是很普通。蘑菇奄列的蛋皮煎得薄薄的，入口亦好有蛋香，而奄列的內心是會流出蛋汁的，是一個功力深厚之作。而牛角包焗得香脆，自然的香口麵包味道，就是好好食。我點了一個鮮茄焗雞扒飯。焗飯的飯底是帶有豉油香的炒飯，再加上焗到香的芝士同一片厚身的香煎雞扒。整份雞扒都做到皮香脆而肉滑。雖然雞味就

早上到荃灣潮州公學工作，在路德圍找吃的。在學校對面看到趣苑，晚上是糖水舖呢。人也不多，早餐選擇挺多，都是30至40元左右。我點了餐肉通粉，餐肉應該煎過，香香的。雙蛋牛油厚多，多士微溫，只有半件。熱奶茶稍澀。以30元來說，掋食啊。

依間向來係炒嘢同焗嘢得，其他都唔掂，做早、午，下午茶，夜晚主力做甜品，同隔離同一個老細，所以嘢食可以兩邊叫，下午茶由八點半加到十點半，再減到六點，可以話過山車之年。改早之後就無食過，原來餐牌都有調整，首先全部加哂價，仲係幾蚊，一般下午茶係抵啲，但之前試過午餐差幾蚊多碟油菜，宜家無咗反而合理。未夠六點，佢都只做外賣，以前明明睇時間落單，慢慢食坐到幾點都得，佢又唔關門。午餐芝士焗雞扒飯，照樣即焗，睇落靚仔，比以前下午茶多，芝士無寫我以為會配白汁，原來唔係，兩舊蕃茄，大量雜粒，一般芝士量，雞扒煎香，較大塊，炒飯底，但汁只有雞扒間過少少，成兜飯基本係無汁！依間之所以得炒嘢同焗嘢得，就係因為佢啲飯長期煮到好似隔夜飯梗，所以炒完剛剛好，但今次個飯乾焗完就好似放多晚加熱，又硬又乾，炒飯底得少量蛋無調味，係雜粒有啲濕度，每囗都係雜粒味加乾乾的硬飯，食完胃都痛！焗飯最緊要個汁，你夠汁我唔理你個飯炒咗幾耐，唔理你塊扒有雪藏味，只要個汁掂全部都覆蓋到！你無汁就算個量幾多，塊扒煎得幾好都無用！邊個仲同我講過幾間快餐店嘅焗飯難食？你同我食過依間先講！

返完通宵，同同事食早餐，講緊凌晨5點幾入到去唔係好光鮮既裝修，不過好多配搭可以慢慢選擇，係同區早餐收$40既情況下，佢收$30幾令呢度早餐既性價比好高BtW,小小既餐廳好多電視，新聞台，翡翠台，甚至球賽都有LOL

黑椒豬扒飯 就變咗燒汁豬扒飯 咖哩牛腩飯 就變咗水汪汪嘅咖哩牛腩飯都唔知啲人點樣可以幫襯佢 凍華田 變咗杯白開水華田真心覺得同垃圾冇乜分別 冇下次 永久黑名單呢啲餐廳都唔知點解可以開得成

正所謂一日之計在於晨早餐係一日三餐中最重要既一餐所以我好重視早餐架!平時除左去大型連鎖快餐店食早餐外都好鍾意去發掘吳同既平民茶餐廳 睇下搵吳搵到驚喜!今次就想介紹呢間趣苑茶餐廳地方幾就腳 係正松記甜品旁邊! 呢個餐有一碗羅宋湯通粉 可揀炒蛋/煎蛋 配腸仔/火腿/餐肉 再配半個奶油豬/一塊厚多士 包一杯飲品通粉(有得揀一般通粉/螺絲通粉)既羅宋湯底香濃 有足料既配菜例如椰菜 西芹等 食起相當滋味炒蛋一叫即炒 入口有蛋香!奶油豬夠大夠多奶 不過呢個奶油豬既口感偏煙韌 需要少少牙力去咬 但夠脆夠多奶 熱辣辣食起點都好食既亦都試過厚多士 入口鬆軟 個面平圴塗滿牛油 都係吳錯既選擇!熱奶茶頗有水準  一來夠熱 二來奶同茶既比例平衡 入口既有奶香亦有茶味 係晨早提神既好選擇;)味道好 份量足 價錢抵 食完真係有good morning既感覺 ;p從此佢就成為我其中一個早餐好去處!

早餐有奶油豬仔包原本是一件好事，但若然豬仔包不新鮮又韌的話，我寧可要回熱辣辣的多士。這裡的便是一例。奶油豬是熱，但非常煙韌。反而多士又脆又軟熟。鮮茄火腿通粉用茄糕湯底，但還算不錯，而清湯豬柳通粉也討好的。這一頓，若沒有叫奶油豬，是一個笑面的。例包飲品，凍飲加錢。不過沒甚特式，從略。

趣苑晚上會變成松記，而早午就做快餐。晚上8-9時後就是甜品世界了。早餐的奶油豬好韌，把它咬開是一件頗困難的事情。反而厚片多士更好，較為鬆化。豬柳也算不錯，但個人更喜歡火腿蕃茄湯通粉。通粉煮得不錯的，還有一隻蛋撈通粉，配上茄湯，很開胃的一味。這個早餐算不錯了。

搭枱食早餐! 小小餐廳坐滿人! 價錢正常$20-24, 我叫沙爹牛五香肉丁公仔麵餐,份量十足,仲配埋牛油朱,超飽！啡正常。其實食完個牛油朱已飽左七成!上得好快,趕返工一流! 唯落單的有點慢! 一定再來!趣苑已搬左去德華公園對開, 張profile相是update的但地址錯.

呢間餐廳已經o係路德圍開左好多年, 不過o係附近住左咁耐都冇去食過, 主要因為間舖頭睇起上黎好殘舊, 黑媽媽, 睇見都唔會想入去. 今年年中見佢裝修, 以為轉做其他食店, 但重新營業之後見佢個字號都係一樣, 不過賣既野就唔同左, 主要係茶餐廳d兩餸客飯, 特餐之類既野.黎親呢度都係食B2特餐, $26包多士, 火腿奄列, 沙嗲牛肉湯意同一杯熱飲. 呢個價位呢講真係幾抵食, 多士都尚算脆口, 而且牛油塗得均勻, ; 前幾次食既火腿奄列仲有埋洋蔥同蘑菇, 不過唔知係唔係物價高脹, 而家冇左lu; 沙嗲牛肉湯意既牛肉都幾夠味, 正常鬆肉粉份量, 咬落都仲幾有o趙頭既~順帶一提, 原來呢度老闆即係隔離松記老闆, 下午2點前可以o係松記果邊坐叫呢邊既野食架~

今日(30-9-2007 Sun)趁入屯門同班朋友癲之前食個午飯先,原本諗住去魚鱻魚海專門店食,點知,媽話想食牛腩,於是誤打誤撞咁o黎到呢間,才12:30pm到來,只有兩枱卡位客,我同媽坐o係煮麵o個邊o既卡位,不過有一陣唔知咩o既臭味,但唔想搵另一間,於是都係o係o度食.媽要o左$17.00 o既牛腩麵,牛腩麵搭有兩件牛筋.我要o左$21.00 o既牛肚牛筋麵,都算幾多牛筋,而且牛筋好腍,好似唔駛o趙咁,至於牛肚,金錢肚都還可,正常味道,但另一隻牛肚就好腥,好似洗得唔夠乾淨咁,湯o既味道唔夠濃.之後加$7.00 o既凍檸賓,篤爛晒三至四片o既檸檬都唔夠檸檬味,勁!只有好甜o既利賓納味.咁o既環境咁o既食物味道肯定唔會再o黎.之但係咁,都唔明點解我o地坐o左一陣後就有好多人o黎食o野.

呢間面店可以說我由細食到大的。最出名的是牛雜和牛腩，廿幾年來都保持到水準。每碗面好似十八蚊左右。