路邊煱 (已結業)

朋友住樓上話呢間野唔錯，遇著一班好友去探完佢就walkin 入去，6點半得2 3 枱客唔使等位。等雞煲之前試左2款小食，金磚豆腐真係炸得好靚，外脆內滑，有d椒鹽既調味，配喼汁點，好快比我地秒殺左，推介! 墨魚滑釀油炸鬼都好脆 ，不過硬左少少，都係金磚好味d。叫左小辣雞煲上枱了，d雞好香醬油味，d肉肉質雖然唔厚但1d都唔鞋，4 5 個人食1隻份量夠，夠哂滋味。最後梗係食大蒜啦，大蒜係雞煲的最佳配角，呢度既大蒜好大粒，同韓國大蒜有得比，煲到淋哂入哂味，質感有d似薯仔就最正，朋友話我重口味喎，唔好玩啦，食雞煲唔重口味咩，一於人棄我取，比我清哂，yeah。食完雞到加湯食火鍋，叫左個$398 牛肉拼盤，最正是牛舌同牛胸腹，肉質鮮甜有彈性，朋友獨愛圖中白色既牛胸爽，第1次食覺得好重牛脂味有頭，可以一試既，不過其他都係留比朋友食喇，廣島蠔好大隻肉質夠厚，雖然是冷藏貨是常識，但煮完依然爽滑，海蝦好新鮮有膏，不過火喉先係最重要一環，煮大約3分鐘就ok ，咁先保留到蝦肉鮮味彈牙。響鈴同手打丸是自家制，響鈴上枱時仲係熱的，浸1浸湯上水，吸收湯味之外入面仲係好脆，正。手打丸好彈牙，推介蝦丸。叫左支鴻福堂竹

事後孔明，鋪頭寫到明食海鮮，牛肉當然唔會好食啦。。。手切雪花肥牛($278)，食咗咁多年肥牛，第一次打邊爐食唔晒啲牛，又鞋又冇牛味，超難食；鵝腸，好好食；蝦滑鮮冬菇、芋頭、生菜、黑豚肉、午餐肉好食；炸支竹、金磚豆腐、豉椒煎釀尖椒，正常；凍豆腐、四寶丸、手打墨魚滑難食。

搵食搵到入黎土瓜環, 坐小巴入黎先發現整緊好多路, 一定係新火車站啦~遲D有站就唔使咁煩坐小巴同搵地方啦~其實因為我蕩失路囉...比人笑左好耐 雖然比較偏僻, 但間餐廳都幾光亮, 好多餐牌都係電子餐牌黎, 好清晰, 唔使行埋去都睇得好清楚好齊既配料~ 最愛既一定係炸蒜容同埋牛肉配麻醬~叫左雜菌花甲鍋, 個湯底本身有少少辣味, 但其實係好惹味既辣味同埋好輕微, 所以唔食得辣都唔怕湯底既花甲超級多~如果唔食左花甲先落野好爆滿!花甲都好大隻同肥美, 邊邊位有少少黃色既膏而雜菌就好入味, 辣辣地好開胃蝦膠釀冬菇個冬菇好香好陳年, 我感覺佢地係用陳年冬菇黎煮, 所以菇味好濃好搶, 仲香濃過蝦肉~呢個叫石蚌既野我以為係刺身黎! 我仲同佢地拗左一陣...原來要煮既, 不過唔可以煮得耐, 同牛肉差唔多時間就要上桌, 唔係會散晒的呢個真係好新鮮, 鮮香鮮到好似食緊活魚刺身咁樣! 而且入口即溶, 不過有大骨所以要小心D食~最後叫左一個氐菜平衡下吸下油, 飽晒~~~

我並非火鍋粉絲，因為比較欣賞有廚藝的食品，但偶爾亦喜歡原汁原味品嚐新鮮食物，因此，清鮮的湯頭方合我心意，去年發現路邊煱的花甲蟹煲，真的有驚為天人之感，這個組合，甚得我心，就是路遙於土瓜灣，亦已光顧兩次。最近得知，在同區的美景街開了新店，亦已經半年，地點相比方便，到達後，覺得門面更寛敞光猛，有游水海鮮魚缸，推介之生猛海鮮款式似乎亦更多，來自不同地區，例如泰國基圍蝦及沙巴魚等。甫進店內，燈火光明，以圓桌為主，每張桌中央皆設置了火鍋，不愧為火鍋之家。火鍋調味料不及新派和集團式的花款多多，但最受歡迎的蔥丶生蒜丶炸蒜丶紅辣椒丶芫西及沙爹醬俱全，我喜歡原味，只隨意混混而已。餐牌力推生猛海鮮及新鮮鍋料，我們當然亦不鮮不吃，鄰近土瓜灣街市，應無難道。招牌花甲蟹鍋及川味辣雞皇煲皆吸引，最後因為食伴們未嚐過，而我又不介意重覆，只好重溫前者，但稍作更改。這夜，選了花甲鍋，不加蟹，以蚌取代。番茄粟米湯頭，未嚐已知清甜，先加進兩只韓國BB象拔蚌，混出鮮香，然後再下蟶子。兩者皆灼一會兒至彎曲即熟，肉質彈牙，本味鮮甜，沾了湯汁，多分酸香，異常醒胃。是日有新鮮紅鮪，加進湯頭更倍增鮮甜。見魚眼清澈，定必生劏，十多片肉件

今日喺紅磡附近做嘢，所以夜晚嘅打邊爐飯局就約返呢頭！之前已經食過呢間所以知道食物水準有保證～今次試咗一個比較貴嘅湯底，花甲蟹鍋湯底好濃郁好好味！花甲都好大隻而且數量不少！蟹既鮮味好出，淨係飲同食個湯底都飽飽地！ 另一極力推介就係牛拼盤！超大份牛，有多款唔同牛既部分，最欣賞係佢既牛胸爽，牛味好重，入口好爽，口感超正～ 另一必食～ 招牌紫菜響鈴佢既響鈴好得意，入面包左紫菜，食起上黎比傳統的更香口！而且係即炸的，好鬆化，絕對不是平時打邊爐一盒個隻質素！一個人可以KO半碟！其他丸類亦十分好食，手打出來的質素果然高很多，彈牙兼十分鮮味以前好鐘意去小x牛，而家轉去呢間lu😁

天氣開始熱了但食火鍋的心，係唔會因為熱而唔想食的。因為好多打邊爐店都有冷氣就唔會好熱啦今日同家人食了在土瓜環的路邊煱等火鍋中叫了一款特色小食就是這個墨釀油炸鬼爽甜的墨魚滑釀在脆卜卜的油炸鬼上又唔會好油膩簡直係口感上的衝擊我朋友就是放得太耐了就無甘好食了所以墨魚油炸鬼十分香脆 立即食一流首先打邊爐我地揀左招牌花甲蟹煱這個湯底已經十分作了有成兩隻大膏蟹仲有好多花甲， 秀珍菇等等超多材料我們先食曬個花甲蟹鍋材料膏蟹真的好鮮甜肉厚個湯也十分濃郁食完個湯底我們便開始食這些特色火鍋小食首先第一款是這個紫菜響鈴其他餐廳通常只有普通的響鈴路邊和確有這種即叫即做的紫菜響鈴響鈴十分脆再加上紫菜的質地更添鮮味跟住叫咗這款牛肉什錦＄368有齊牛頸脊 牛胸爽 牛脷托 和牛粒 肉眼邊和金錢展個個部位的牛肉的牛味簡直出神入化新鮮無比啊三百多元有齊咁多個部位食晒性價比極高肉質重牛味，而且軟滑油脂分配平均有些部位就脆口另外在叫了一些丸及生蠔樣樣也十分新鮮啦雖然呢間火鍋店喺土瓜灣交通真係唔係太方便不過食物質素簡直係大贊服務也不錯

事源友人新屋入伙黎到土瓜灣參觀，順便食埋晚飯先走，友人介紹土瓜灣呢間火鍋店，佢話飲食男女都介紹過，主打新鮮海鮮，連櫥窗看得見，本來為左花甲蟹鍋而來，但由於友人當日不想食蟹而改變了，點了招牌雜菌花甲鍋$180，湯頭超級清甜，湯底內有番茄、粟米、雜菇，加上勁多花甲，個湯底勁香勁甜，未落料已經飲左幾碗！花甲勁多勁新鮮～好味！！點左招牌紫菜響鈴$48，出面街都未食過有包住紫菜既響鈴，超級美味，一落湯，吸住湯汁，又多左紫菜既口感，特別又好味！冰豆腐$38，同一般豆腐唔同，似台式凍豆腐 ，口感較厚身，要煮比較耐，但吸住湯汁既能力比一般豆腐好，而且豆腐有口感～值得一試！特選黑豚肉$88，新鮮好味！薄薄地，唔會煮太耐變韌～（但真係好細碟，好想encore...)份量唔算多，但真係好味～諗起都想再食，下次一定要試個蟹鍋！！

一家人喜歡吃火鍋，可以增加溝通，有多款煱選好吸引，女兒愛靚要求食海鮮為主，咁就花甲鍋，加料韓國BB蚌，蟶子，仲要條紅魚，牛丸，餃子，我覺得幾新鮮抵食，煱底番茄粟米，清甜，無肉的，加料的BB蚌，好似話係韓國來貨，吃得出的鮮貨，水滾要馬上食，否則會過熟變靱，蟶子新鮮大隻，又好有彈性。紅魚賣$128一條，有十幾件，口感好，肉滑，肉厚牛丸及餃子自己做，牛丸好食，有牛肉香，餃子爽口，皮唔過厚，菜夠多，尾段加白菜仔及烏冬，大家8成飽，乾淨光猛，服務唔差，每人大概＄250，符合預算。

如果問我有邊間火鍋店介紹，唔介意離地鐵有一段路，土瓜灣的路邊煱水準唔錯，嗰區有兩家店，美景街呢間新些而且方便些，因為租金平咗，可以放係食物上面，何況又近街市又近碼頭。呢度啲鍋底都有多款，有朋友想食烤魚，係我唔好，我唔食魚，所以轉咗食花甲鍋。除咗魚外，我咪海鮮都食嫁，所以我哋啲湯底好足料，加咗蟶子。水滾立即落，連殻灼幾吓食得，肉質彈牙兼鮮甜。墨魚滑自家製，煙靱得來又幾爽，唔知有無加鹽調味，灼熟後味道好好，唔駛點嘢都得。今時今日打邊爐，炸響鈴同肥牛唔會唔點，炸響鈴即係炸腐皮卷，吸汁一流，食到湯啲甜味，又有脆脆口感，點會唔人見人愛。肥牛配牛頸脊兩兄弟多數拍住出場，一個肥美，一個牛肉味重些，可以食到兩種口感，真的嫩。跟住是蔬菜時段，多菜少肉，我哋係靚女當然識得養生，冰豆腐，雞脾菇，魔芋絲，金菇菜，的食得飽的炸芋頭，原來做火鍋料都啱，最後加烏冬，配番茄湯底極夾。

我梳乎蛋喜歡享受人生，除了hea早餐及下午茶外，亦鐘意嘆火鍋，慢慢灼，等待滾，新鮮吃，花款多，大滿足。潮流已經不愛鴛鴦鍋底，烤魚醉雞是大路，我最近狂愛蜆仔湯，白酒煮，清酒煮都好，所以花甲海鮮鍋對號入座。這兒環境光猛，感覺衞生，門口有生猛海鮮。慢拍子的我，先選一客椒鹽魷魚鬚，配杯冰涼啤酒，一口炸物，一口啤，一時熱辣酥脆滋味，一時變成甘苦冰涼，似三溫暖感受！先攪攪醬，多層香辛味道更豐富。我最喜歡加大量炸蒜花甲鍋到，加蟹貴得多，加紅鮪合理符經濟原則，而且更有肉，亦無需拆殻。有魚滾燙，湯頭更加鮮，紅鮪肉不及班實，軟有軟好，生劏就是好，吃出鮮味來。滾鍋怎能欠肥牛，一份本地肥牛配牛頸脊，靚貨肥美，香嫩，價錢合理。即製炸嚮鈴，無須落鍋更加脆，加入鍋亦只需灼兩秒，吸收了湯汁，軟身了但有湯味，各有利弊。沒有選錯蟹籽墨魚滑，因為真是滑，但是大部分蟹籽落鍋後散開，比較難夾到，如果吃得到，口感爽脆，跟魚滑有對比。少食多餐，健康之道，我當然懂，二人世界的火鍋局，足夠了。這一餐，有七分。

未來之前BOOK了這間火鍋, 我還自告奮勇帶路, 怎知道去錯了另一間...原來這餐廳在土瓜環有2間分店, 幸好是在同一區!去錯了的分店BOOK了位的分店而家好興食火鍋前先點個前菜, 我們叫了魷魚鬚, 彈牙又幼細! 皮不太厚而且色澤鮮亮, 好吃過酒樓那些很多啦!番茄薯仔湯! 平日都喜歡窩在家中喝媽媽的湯, 今日就出來喝其他人煮的湯, 都不錯呀! 煮得幾有媽咪味, 裡面有超多番茄同薯仔!手打丸有4種! 用筷子夾好似糊仔一樣, 應該是因為剛剛手打出來的! 而且超快就浮面了! 我最喜歡蝦丸好香蝦仁的鮮! 墨魚丸不似平日吃到有筋, 好順滑... 陵魚丸完全無骨好岩宅女食!!!最普通應該是牛丸, 好似街市買的好普通超貴的本地手切牛肉/牛頸脊雙併! 牛頸脊比較薄, 口感好軟好易咬, 好易在口中化開手切牛就好結實好有咬口, 但好香牛肉味, 好似食一細塊的牛扒咁!

幾個女人聚埋一齊食餐飯..估唔到土瓜灣入面有咁正ge邊爐~因為大家收工時間唔同~~姐姐提議我地嗌d小食食住先~墨釀油炸鬼呢個超正~炸到脆卜卜,非常香香口~食到食唔到口呢~八味金磚豆腐又係炸野~炸到外脆內軟~~入面d豆腐仲好重豆味~~正呀!等齊人緊係要叫花甲蟹鍋啦~係超級足料~碗碗"不"上黎都係甘多料~冇味精味~個湯底好鮮~而且帶d酸酸地~非常開胃呢~點少得打邊爐ge料呢~因為個煲已經好多料~所以只係少少地叫左幾樣野~蠔好新鮮~唔會臭隻隻都脹卜卜,好大隻響鈴佢係自家製架wo!同平時出面食到ge好唔同!!夠新鮮~唔會油粒粒~~食到我地幾個停唔到口~~~一定會再返轉頭!!!!

上星期 有個住土瓜灣的朋友話有好介紹係都要我地去佢個頭食晚飯所以非常少有地專登黎呢邊比較靜既地方食晚飯今餐完全係朋友話事落ORDER 食物質素真係好有驚喜佢點左個係金磚豆腐 超 好 食 ！！！豆腐食落熱辣辣脆卜卜有啲好惹味既調味粉係個皮度咬入口既 係滑滑漏既豆腐真正做到外脆內滑！之後到重點食物：火鍋底！呢個雜菌花甲蟹煱係我食過最好食既火鍋底足料 用料佳 濃度適中 花甲好大隻好好肉量好多 蟹又大隻又多肉又多膏 而且好新鮮飲個湯 蕃茄湯底 唔會太濃或太淡 除左蕃茄既甜味 仲食到海鮮晚鮮甜真係超滿意！另外 肥牛拼盤係必點既！有6種唔同部位既牛肉雖然我分唔清邊種打邊樣 但食落隻隻都有啲唔同 有種比較爽口 有種入口即溶 有種好重牛味 有種好彈牙對於我呢啲牛牛愛好者 真係滿足哂我所有食牛既願望而且睇返餐單 價錢好合理仲要讚既一樣食物就係蠔超大隻 淥完唔會超縮水而且 係 好 好 好 鮮味！我超鍾意食後感：如果呢間野開係旺區，肯定會好紅好多人！ 而家做住我既POCKET RESTAURANT先啦 我會再黎多幾次既！

在太子道辦完事，原來已經9點幾，老友話一齊食啲野，車咗我去土瓜灣路邊煱，唔係我去過嗰間，原來呢條街開多咗間新啲，睇睇餐牌，食啲野一樣，兩個人點鍋，叫咗香口小吃，啤一啤算了。介紹大家食椒鹽魷魚鬚，炸得好香，咬落酥脆，魷魚又軟，有椒鹽香，送啤酒一流。另一樣心水係墨釀油炸鬼，墨魚肉夠膠，油炸鬼炸得夠火喉，加上蟹子咬落有脆爆感，又係可以送酒。仲食咗避風塘茄子丶蜆芥鯪魚球，都係香口野味的貨式，手機無電無得先食。今晚香口小食配啤酒，都幾爽！

最近朋友介紹黎食呢間路邊煱，鋪面唔算大，不過座位鬆動。差不多7點黎到都唔算多人，可能因為位置唔算方便，一開始點左兩個餐前小食醫下肚先。呢個墨釀油炸鬼好有創意，系油炸鬼上面釀左墨魚滑加上魚子，味道好夾，點埋個酸甜味嘅醬汁就更好食又解膩開胃，一上檯已經比朋友食得7788再黎個八味金磚豆腐，豆腐炸得外脆內滑。外面個脆皮咸咸地，入口豆腐好香滑，一啖一粒，雖然配左個醋味醬汁，但個人認為唔點仲好食。今次打邊爐主角-雞煲！雞煲辣度可以選擇，我地簡左小辣，雞煲一上已經聞到好香嘅味道，雞肉好嫩滑，味道足，就系辣味差一d，中意食辣可以點中辣以上，應該會野味好多！呢個牛肉拼盆有齊6個唔同部位嘅牛肉，每個部位嘅味道，口感都唔同，唔洗咁悶食得一種口味。打邊爐我最中意食響鈴，呢到嘅響鈴有驚喜! 浸熟左先發現原來入面包住塊紫菜, 同響鈴嘅味道好夾！值得一試！真係浸3秒就好食喇