車仔麵之家 (已結業)

👯 朋友帶我試呢間超好味車仔麵! 車仔麵看似普通, 要整得好一 d 都唔易! 叫得做車仔麵之家, 應該有番咁上下吧!.坐位有少少迫, 喺收銀姐姐度揀完餸, 比埋錢坐低等嗌號碼, 自己攞餐! 攞餐後發現漏左一個餸, 同收銀姐姐講, 即刻補返比我😁店主推介甜酸齋, 魷魚, 炸腐皮墨魚卷, 釀豆腐卜! 朋友再要蘿蔔 & 魚旦! 大家都要小辣! .魷魚爽脆有味, 豆腐卜軟滑, 甜酸齋太硬, 味道同咕嚕肉一樣😋 蘿蔔無渣! 食得出麵同餸都係用心去煮, 無味精, 食飽完全唔口渴! 真心推介辣醬, 一 pat 喺碗邊, 好夠香8夠辣, 超加分!

今日係喺早餐時段幫襯呢間車仔麵嘅😍😍😍，今日就叫咗咖哩魷魚、牛肚，油麵底小辣。因為早餐時段啦就好抵嘅，仲送埋嘢飲添👍🏻👍🏻👍🏻咁我就帶咗熱奶茶啦，杯飲品都幾濃嫁。因為我係外賣嘅，而又好驚個麵會淋左，所以就加左一蚊分湯，總共32蚊！👍🏻👍🏻👍🏻牛肚同埋咖哩魷魚都好入味😍真係好正好滿意，佢個辣醬亦都係自製嘅，真係好正，不過個醬都幾辣㗎😂😂😂唔食得辣嘅記住只可以嗌少少辣啦😂😂

車仔麵睇落去係一樣好似好簡單既食物，只係將d餸同麵放埋一齊就攪掂。但一碗車仔麵要煮得好食其實一d都唔容易😖！！曾經試過食過一間難食到永遠唔會再幫襯🤦🏿‍♀️🤦🏿‍♀️！今日黎左食車仔麵之家，叫得做車仔麵之家，車仔麵既質數緊係有返咁上下根兩啦！呢間既車仔麵可以話係半自助式來的。揀完餸比埋錢之後就等叫號碼領取。我今日叫左個三餸車仔麵，要雞翼、貢丸同蘿蔔碗荷粉，飲埋細維他檸檬茶麵只係$43蚊，真心抵😱碗粉面有好多蘿蔔，而且蘿蔔好腍，一d渣都無👍🏾👍🏾。貢丸都好香菇味，食既時候又唔痴牙！雞翼都已經好入味。最正既係個湯底，湯底本身都非常入味，再加埋佢地既辣醬，真係好過癮🤭🤭。

今日同事介紹一間七十年代老字號車仔麵，佢位於灣仔街市的春園街，聽講呢間以前企係度食，宜家有坐位座，雖然環境逼左少少，但食快餐係要逼先好食我同幾位同事前來，一人叫左好多餸，因為樣樣都想試試，咖哩魷魚同鴛鴦腸係必吃之選，佢個咖哩魷魚係自制咖哩醬爆炒的，快炒快兜，所以食上去魷魚爽脆而不韌，另外鴛鴦腸飽滿又粉，好入味好正每個餸大約$8，比較貴的都是$11，價錢合理！我自己叫左雞翼尖，豬手，豬紅，蘿蔔米粉配小辣，佢個湯好濃，所以車仔麵啲餸十分入味，食上去比起其他車仔麵不會口渴。最後同事也話下次再來逼住食

今日lunch約左幾個女同事一齊係公司附近食車仔麵，柴娃娃甘一路傾一路行過去春園街果邊！過去等左幾分鐘好快有位，呢度係自助形式的賣買，先付款後取餐！我地都超肚餓，叫左好多餸，最便一個加$8蚊，最貴+$11，價錢算合理！我叫左韮菜豬紅，雞翼尖，豬大腸，豬手，生菜，滷水腎，加$6飲品，再加上小辣先好味！之後再叫咖哩魷魚同甜酸齌！人多食野好處可以互相交換食物果d餸全部滷得好入味，特別要讚豬手滷得食完一點也不膩，豬大腸洗到冇物肥膏，而咖哩魷魚個醬帶點辣味，非常惹味，而我同事叫左粉腸，大家都係第一次食車仔麵會有粉腸叫，好驚喜食完大家都話一點口渴成份都冇，證明冇味精，好值得下一次再去

看到食評， 很多人讚好， 今晚路經灣仔，入內一試：店面相當狹窄，大概只得20個位 ，今晚人不算多，點完菜很快便可以搵到位， 要了豬腸 ，咖哩魷魚 墨魚卷，雞腎和油麵，小辣， 先飲了一啖湯底，可能加了辣醬，相當咸， 豬腸口感和味道都不錯，起碼沒有異味， 咖哩魷魚是招牌菜，相當入味， 全碗麵最好吃的一味餸， 墨魚卷 只是凍肉鋪貨色， 雞腎硬而無味， 連一盒細菊花茶， 埋單57個大洋實在不便宜， 應該沒下次了

Lunch食堂，貪佢夠就腳夠平夠好食！哈哈每日午餐時間稍為遲少少下樓，店門口已經會排成一條人龍，好在人雖多不過外賣也不用等多久。其實來來去去我都是點那幾樣，雞翼菜心蘿蔔豆腐卜炸腐皮卷，每次都是這些配米粉。實在懶得想。好食既野係唔會厭的，所以一星期吃幾次我都ok，用料新鮮，不油膩，即使是點細份的麵份量已足夠。重點是吃完不會口乾！(很重要)店員姐姐夠親切夠nice! 希望這間小店不要太快加價，經常找到一些好吃的小店一下子就加價了。

本人一向有食車仔麵都有鋪酸齋癮，首選緊係佳佳啦！但車仔麵之家喺公司附近，有時都會幫襯下佢頂下癮。今但今日嗰份酸齋，少到離曬譜，得四少件，成九蚊，有相為證，少得可憐，冇下次😡

北角分店哪個收銀員的服務態度超差， 問一句就好像很勞氣的 ，再問多句就簡直不回答你，現在的服務態度，怎樣好吃也是沒有用。 我在這家連點也吃了一段時間，這個收銀員的態度也是我見過的最差的一個。

車仔麵就是如此味道！佢既咖哩原來利東街好靚！第一次去！魷魚同豬腸冇介紹錯，真係舊式果種豬腸。另外加辣既咖哩醬係好夠味！不過真係要叫個大麵，（小8蚊，大16蚊）正常一個大人叫大既份量先足夠。總括係好食既車仔麵！可以再去！

心情仍然爛透，師傅離開監房後，淨係好想食一餐好，即係嗰啲沖喜套餐呢，途經灣仔，就睇下有乜好食。友人好有心俾咗幾間唔同食店比師傅揀，但左揀右揀基本上冇一間想食，但點都好都要搵一間食嘢，填飽個肚可能會精神啲，於是就揀咗呢一間食店，話曬都咁出名，加上師傅又從來都未食過，咁就試試佢啦。呢間食店以前出名立食，企喺度食並唔係師傅杯茶，難得開咗一間食店係可以坐低慢慢食，所以即刻沿住地圖直奔去食店。去到門口人就唔多，可能未到食飯時間，望下門口 睇下咩價位，又睇下有乜好食。其實車仔麵都不外乎係呢啲餸，入到去先落單後取貨，先畀錢後享受。左睇右睇心思思都係唔知食乜好，見但餐牌上有啲餸有個手指公喺上邊，有啲又冇真係唔知點揀。最後都係行去落單，於是柯打左米粉，而米粉又有分大碗或細碗，細又唔知幾細，大又唔知幾大，於是師傅揀咗大碗，至於餸就揀咗佢有個手指公嘅豬大腸同咖哩魷魚，至於其他屬於必食嘅餸，師傅分別叫咗豬紅，豬皮同埋牛肚，配上中辣，實行食到飽。等咗一陣好大碗車仔麵就可以攞，攞住個托盤行返埋位，坐低即刻開餐。第一啖當然係試下個湯底，師父特別叫佢畀多少少湯，等啲米粉唔會索曬啲湯汁，入口發現湯底味道 幾濃下，但又不

位於灣仔既呢間車仔麵之家食物好味、價錢唔係好貴、飲品唔算多。第一(食物) , 今次就叫左菜心、豬紅、蘿白及雞腳。菜心有6、7條 , 都好大粗大條 , 豬紅無腥味 , 仲好多汁 , 蘿白每次都有又大舊又有4、5舊 , 同無渣及清甜 , 豬腳雖然有d細隻咗 , 但都好味。第二(價錢) , 每款食物都係大約$7-10 , 飲品就大約$10-16。第三(飲品) , 餐牌上有簡單既檸水、茶 , 奶茶、咖啡 , 仲有特別d既菠蘿荔枝梳打。食物及飲品推薦 : 豬紅、 蘿白、菠蘿荔枝梳打

之前有聽過係灣仔返工嘅朋友仔講話有間車仔麵好好味 咁啱去開灣仔嗰頭做野 即刻打電話扮搵佢食lunch 其實真正目的係叫佢帶埋我一齊去啦😏佢既舖頭係好細間嘅 只係得兩張bar枱同埋4張枱大概32個位左右啦 不過我哋過咗繁忙既lunch time先去到所以唔使等有位啦〰️油麵〰️大家覺得我呢碗麵嘅魚蛋係咪好多好多呢 ？其實係因為我叫左兩份魚蛋同埋兩份腸仔呀 我聽朋友講呢度最出名就係咖喱魷魚 所以點到要叫啦 果然個咖喱魷魚真係好正 好入味而且十分爽口 完全唔韌 好易咬開 魚蛋亦好實好彈牙呀至於個湯底就係呢個車仔麵嘅靈魂所在啦 睇過報道講話原來佢係用左雞同埋鴨一齊煲呢個湯底 所以個味道先會咁濃郁而且仲要冇加味精添 食完之後都冇口乾呀 我覺得加左辣係令個湯底好味左 下次大家去既時候都可以試吓

I really like this place. It’s self service and offers tons of options to create your own bowl of noodles. I find the price extremely reasonable and the portion to be very good as well. The noodles were cooked to the perfect density and the veggies were fresh.

經常聽朋友K話佢公司附近嘅車仔麵之家總店有幾好食有幾好味……但始終冇機會食到，因為總店營業時間係星期一至五嘅office hours。咁我唯有退而求其次，去揾車仔麵之家嘅分店!同總店最明顯嘅分別除咗營業時間外，就係分店係有位坐，數落都有差唔多20個。好難得先食到呢個車仔麵，所以兩碗麵都叫咗好多餸，另外仲叫咗兩個小食!哈哈!豬紅、豬大腸、豬粉腸油麵(小辣)豬紅味道同質感都一般，豬大腸屬正常水凖，未見有驚喜!好少見車仔麵有豬粉腸食，所以有d喜出望外，但唔算好味，唔夠入味!辣汁亦係呢度出名嘅其中之一，夠香夠辣，但加埋落湯喥，整體比較鹹!豬紅、墨魚丸、雞亦米粉 (中辣)呢碗係朋友嘅，唔知墨魚丸同雞亦好唔好味，只知道佢話中辣好似辣過總店。酸齋朋友K極力推介，佢話呢個喺車仔麵之家嘅鎮店之寶!但我食咗一啖之後，只係想講……唔係吓話?佢口中嘅日本醋香，有!我食到酸而不澀嘅醋，但外脆內軟呢?Sorry~我只食到乾+韌!朋友K都話同佢喺總店食開嘅好大分别，唔知係咪差唔多收工d質素會差d?!咖哩魷魚以小食嚟計真係唔好食，因為係凍嘅~要將佢放返落碗麵喥先好好多，個咖哩汁係好味，加上水魷竟然做得咁入味確係唔錯!