車仔麵之家 (已結業)

車仔麵好好食。 坐喺門前收錢嘅阿姐 very nice. 我叫左一個油面梅牛腩牛肚豬紅咖喱魷魚。 我太太叫咗個墨魚丸雞翼魚蛋油面。 我哋兩個都食得好開心。 不過如果可能就等到過咗兩點先至嚟因為少啲人

位於灣仔春園街，我已經來過幾次吃午餐，不論外賣和堂食都快靚正的喔，入到店內，姨姨會叫你先下單，叫完大概5-10分鐘就有，店鋪小而舒適，而且位置方便，鄰近合和和利東街。而且麵可以選擇大小，一般女生要小份量就很足夠。車仔麵必須配油麵，另外可以選擇辣度，我叫了小辣不是很辣，是小小一pat辣醬在旁邊。聽說酸齋很出名但忘記了叫哈哈，叫了豬紅、蘿蔔和墨魚卷，豬紅入味新鮮可以再叫，墨魚卷有點太鹹而且咬口一般，蘿蔔甜而沒有渣。

去開灣仔附近番工,午飯時間周圍都好多人,咁岩想食車仔麵喎,就行去食車仔麵之家。門口人龍唔長,大约排左5分鐘左右就比錢買野食,落單之後又坐左一陣,聽到姐姐叫號,就去拎一碗熱辣辣既車仔麵今次叫左我個人至愛既組合,就係紅腸+豬皮+咖喱魷魚+雞翼配油麵,都係50幾蚊炸！紅腸紅腸唔係就咁煮熟放入麵,而係油炸過既,香脆又可口。豬皮本身以為佢浸湯之後會好淋,但食落去竟然都keep到爽口,有驚喜咖喱魷魚呢個值得一讚,佢地用左秘製咖喱醬汁配合好有咬口既新鮮魷魚,岩哂本人口味,簡直將成碗麵昇華至另一層次雞翼不過不失啦,用左滷水汁炆過,算係入味既！湯底呢家店既湯底十分之出色,當然同拉麵果d湯底冇得比啦,但我認為佢個湯真係夠濃味同埋唔算好油,啱晒我個人口味總之,呢家神級車仔麵絕對不容小覷,可以一試再試！

灣仔嘅美食真係太多！要揀灣仔必食之店，車仔麵之家會係我推介嘅其中一間。原因好簡單 - 車仔麵嘅餸款式多選擇，價錢親民又好味而且份量多，店舖位於春園街好方便，店員有禮貌。中午時分就算排長龍都會好快食倒！因為先排隊買食物，然後至揾位，坐底左一陣等叫number, 過程好smooth，簡直快靚正！提一提大家，假日同公眾假期唔開！我最愛就係酸齋同咖喱魷魚！推介👍👍👍🍜🍢🌶4餸車仔麵  $47 （炸墨魚腐皮卷，魚旦，蘿蔔，蠔油齋 ，油麵）中辣 ： 點餐時一心掛住蘿蔔同蠔油齋，忘記了我的最愛咖喱魷魚，唉！後悔莫及 ！唯有留返下次再黎食！天氣涼涼地所以點了中辣！我個人最喜歡車仔麵配油麵，因為車仔餸咁多，慢慢食又唔會咁快漲哂！蘿蔔超甜， 蠔油齋未浸湯可以脆食，浸滿辣湯又超入味！必點！魚旦好有口感！炸墨魚腐皮卷普通，如果可以換返咖喱魷魚就完美！中辣真係好辣！🍜 🥓🌶5車仔麵  $58 （豬大腸，甜酸齋，豬紅，紅腸，魚皮餃，米粉）小辣  老伴揀嘅甜酸齋酸酸地又脆十分開胃，唔會好乾啱啱好，必食！豬大腸好入味，豬紅比較林身同好香，由於點了小辣會食倒個湯頭都好好味！下次再黎！

黎開灣仔呢頭做嘢，當然要搵下嘢食啦，師傅一支公加上仲寫緊關於車仔麵嘅食評，好自然就會諗下呢一區到底有邊間車仔麵可以食。之前試過一次明明，但就覺得普普通通，所以冇再去。再諗下有邊一間，忽然間醒起呢一間食店，講緊話以前好出名，立食都勁多人去，但師傅從來都唔鍾意立食，所以當佢有舖頭可以坐低食之後，先有去幫襯。但係上次去嘅印象然係普通，不過既然講得寫車仔麵嘅食評 ，咁呢一間食店當然唔可以唔寫，於是乎就出發去呢間食店開餐。黎到食店，入到去冇乜人，跟住望下個餐牌，有一個姐姐喺門口附近，就收銀飛落單。望一望有乜好食，諗咗一陣師傅決定今次食油麵，餸都柯打左幾多，分別有豬紅，豬皮，豬腸，牛腩，咖哩魷魚同埋炸墨魚腐皮卷，再加上中辣，比完錢攞咗張飛仔，就等另一個姐姐煮麵同分餸。等咗唔使好耐，好快就可以自己攞番碗車仔麵返埋位食，第一時間當然試下個湯底啦，湯底都幾香甜，味道幾濃，入口唔算咸，感覺都唔錯，再將佢個辣醬撈勻喺個湯底，香香辣辣，都幾惹味，湯底著實真的不錯。於是乎再試一口咖哩魷魚，唔食尤自可，一食真係有啲火，咖哩魷魚冰冰凍凍，完全唔暖，好明顯就係煮咗好耐，一大盤擺左喺度，暖都唔暖住佢，冰凍嘅口感令師傅真

灣仔多唔同款式既野食就係人都知，但車仔麵就唔係間間都好食啦。車仔麵之家先選擇麵底：粗麵、幼麵、油麵、河粉、出前一丁、等等...配料：豬大腸、豬手、咖哩魷魚、甜酸齋、等等...店內環境四四方方，首先在門口收銀處下單，然後找個位置坐下，等待店員叫手上的號碼，便可到收餐處取你下單的粉麵了。地方尚算整潔，餐具、醬料都放了在枱面上，客人可自己拎取或添加。今天點了粉腸、牛腩和甜酸齋配米粉。車仔麵湯底很香濃，辣醬都會放於碗旁，可自行選擇添加多少，食落都幾惹味，只覺份量較少，下次男仔食，應該大都可以食到。😅牛腩口感軟腍、五香味濃郁、牛味較淡。粉腸外皮彈牙、內裡粉嫩、但有點點羶味。重點係甜酸齋，食落外脆內軟嘅感覺，配合埋秘製醬汁，口感絕佳，而且他們分開另上，唔放入湯內浸腍，值得一讚。

間唔中都想食佢嘅酸齋，同一般傳統齋舖比 我覺得佢更有特色。講真佢嘅酸齋唔夠酸，但佢勝在，買返屋企，沖左個涼再食，都仲係有一種外脆內軟嘅感覺，正，當然因為佢分開上，唔放入湯有關嘅，夠細心。而佢嘅咖嘢玻璃尤魚，又係有一種爽脆嘅感覺，但佢嘅爽係放幾耐湯到，都係咁爽嘅。而墨魚卷有墨魚尤嘅味，面有腐皮包住，仲要$10有一條半。平時食開米粉，今次突然想食粗麵，講真個麵餅細左D，如想飽肚可能要加底或者....叫左2個餸囉，但真係好味囉。會間中回味想黎幫襯。不過唔食辣嘅我口多叫少辣，下次要返唔辣好了 因為咖哩尤魚都有少少辣，夠了。平均$10至12一個餸左右，咁嘅質素，非常可接受。

在灣仔享負盛名的車仔麵之家，在灣仔區內有兩間分店。在春園街內的分店內有10數個座位，先點餐結帳，再等叫號取餐。中午午餐時間門外就會排起人龍，人龍移動的速度比預計中快，堂食和外賣各佔一半。 店外貼有餐牌，排隊時就可以想好要點的餸和麵。今天點了酸齋、釀豆卜和蘿蔔配米線。車仔麵湯底很香濃，不會有味精湯的口乾感；配料份量也不少，另上的酸齋脆口，像油炸鬼，豆卜內釀有蝦肉，蘿蔔鮮甜，加上秘製辣醬令人吃不停口。 三餸一麵只需$37，在灣仔區內算是十分親民；下次要試它備受讚賞的生炒沙嗲魷！

今天又是下午茶當午餐，下午四時許，不想吃太飽，車仔麵確實是一個好選擇。春園街一向多美食，但由於慢慢地配合遊客需求，很多新派食店已變作旅客口味了⋯⋯今天路過車仔麵之家，在門口看見有下午茶麵餐，一於入內試試。店舖門外已有大大個餐牌，方便在繁忙時段，門口排隊時已諗定心水選擇。行入收銀處，先點好食物、飲品。早餐和下午茶均有兩餸、三餸選擇，分別$32 和$38 包飲品。由於下午茶時段，食客唔算多，但也密密腳入座，證明有不少捧場客。點餐後，耐心等候叫號碼，然後到出餐處自取，此做法，可以減少人手。下午茶自選三餸麵$38~看著餐牌上的招牌項目，分別選了:豬大腸、咖哩魷魚、醸豆卜，小辣配粗麵。下午茶分量不算太多，如果肚餓者建議吃正價會比較到位。秘製辣醬美味濃郁，雖然味濃，但吃後不算太口喝，唔錯。而小辣度對筆者來說啱啱好。豬大腸:豬大腸很入味，少少肥膏，正。咖哩魷魚:咖哩魷魚韌度適中，下午茶分量有三件，可惜沒有魷魚鬚。至於粗麵中規中矩，不過不失。醸豆腐卜:此店選用全粒豆卜，不是切開一半醸入，咬開才發現有肉在裏面，可惜當咬開豆卜時覺得口感較為乾涸，筆者較喜歡咬開有入味的感覺那種豆卜，如果預先吉好豆卜才煮，相

I came to try this cart noodle shop today. Quite many magazine articles have recommended this cart noodle shop as listed on the shop window. When I arrived there was a queue outside the shop. The place is small, with few big tables only. .+.+.+.+.+.+.I have ordered chicken wings, veggie and stuffed fried tofu. $38 The chicken wings are tasty! Not a small chicken wings and chicken skin is thin. The stuffed fried tofu tastes ok, it fully absorbs the noodles soup favour. But the soup is a bit salty

招牌咖哩魷魚今日有啲失準，炒得唔夠入味😔😔😔 魚蛋彈牙有咬口，我最驚好林嗰d魚蛋😂 而冬菇同豬腸都好入味好食 👍👍 酸齋一如既往都係唔錯，今日煮得可能有啲耐左，比較淋身，但係都係可以接受。咬落好似食緊麵筋咁😂😂😂而湯底就嗌咗小辣🙈🙈🙈 雖然份量有啲細，不過36蚊呢個價錢絕對抵食!!!

平時好少過海，由於工作關係同同事要去灣仔，就諗起以前成日食既車仔麵之家。去到已經排左長龍，好彩好多人都係外賣。但地方太細又迫，坐得唔舒服。同同事各自叫左三餸share，即係有6個餸可以食到，叫左蘿白，魚旦，豬腸，魷魚，甜酸齋，冬菇。蘿白好清甜，魚旦彈牙，豬腸同冬菇都正常地好味，但魷魚就無以前咁好食，甜酸齋就真係失望，以前係好好味，今次個齋好硬，味道好淡！至於個麵既份糧只係夠一個唔係大食既女仔。另外，叫左中辣，辣味夠香但辣度無我想像中咁辣。價錢方面，係灣仔區食三餸一麵為36蚊，已經係算平！

有驚喜！初初見幾多好評，經過就吃。叫咗牛腩蘿蔔米線細size米線 都好夠一個正常女士嘅食量 見到旁邊有男人叫大份嘅份量 同譚仔過橋米線差唔多大米缐超好吃 好彈牙 又入味 份量足牛腩略嫌佢唔夠淋 麻麻地好吃蘿蔔質素唔錯 夠入味 同埋都夠諗 冇乜渣店員都幾Nice ，因為你初初叫牛腩 原來係兩條根加兩舊腩。但唔鍾意食筋，所以問可唔可以筋換腩。佢哋都好耐心咁幫我換返，無燥底環境算乾淨，要比完錢先入去食 一個牛腩蘿蔔米線都係$27 抵吃！

今日約咗朋去係灣仔學整聖誕蠟燭, 一早約好係灣仔食LUNCH, 朋友仔問我有咩好介紹, 因為佢好少過去灣仔, 於是我帶咗佢去食「車仔麵之家」係春園街既分店。 問我有咩好食, 我每次黎都必食甜酸齋, 另外咖喱魷魚都係佢地出名既, 而我今日清清地叫咗食甜酸齋, 生菜, 豬紅, 蘿白配米粉, 今日D甜酸齋有D 硬同乾冇之前咁好食, 而蘿白好甜, 豬紅夠香。叫多支豆漿加埋$51，啱啱好夠飽

小秘書如無必要都好少星期六日過香港島，一來車費貴，而且平日返工已經去到嫌😑 今日破例過嚟灣仔，目的係為咗下晝去一個有關 ‘善用咖啡渣’ 嘅工作坊。上堂之前梗係先去醫吓個肚先啦🤤 灣仔區我唔太熟路，所以只好由朋友帶路，嚟到「車仔麵之家」。舖頭細細，人客都唔少。為食嘅 #小秘書，當然要多點幾個餸先夠滿足啦👀 甜酸齋、豬紅、魚旦、咖哩魷魚、豬腸 配 粗麵，仲以為今日一定食個飽，不過實際上係樣樣食材都係少少、少少咁，不過就幾好味嘅，尤其係咖哩魷魚爽口又入味😋 雖然🍜價錢都唔平，不過間中過吓口癮都ok嘅！