車輪餅小姐

营业中

休息中

經開美孚都會過嚟車輪餅小姐買甜品返屋企，除咗車輪餅之外，之前都試過買糯米糍，味道都有好多款：芒果，芋頭，朱古力金沙，同榴槤糯米糍，味道都唔錯㗎。同埋間唔中老闆娘會整千層蛋糕🍰 好彩嘅話都會買到榴槤味。 係lunch time時間買，幾乎都唔需要排隊就買到。今次買返佢哋招牌車輪餅😋😋😋。👅 𝓜𝓮𝓷𝓾𝓼🌟 流心宇治抹茶吉士車輪餅抹茶味好濃💚 而且唔甜一咬落去有流心，滿滿抹茶香味，車輪餅外皮有蛋香味，偏軟身。我拎返屋企焗熱5至8分鐘，食落外脆內軟，滿足到我呢個抹茶迷🥰。 🌟 Oreo 金莎朱古力麻糬車輪餅一咬落去有Oreo 配上麻薯口感好豐富，再加埋金莎朱古力醬，一次食落去真係超邪惡🤭。但出奇的好好味，一試難忘。鍾意食麻薯嘅我真係覺得好正😍。～整體黎講🍽～呢度車輪餅款式真係好多，會再想試唔同嘅味。同埋價錢都比較抵，不愧是美孚名物。 📍美孚美孚新邨吉利徑19號50B7號舖

今日專誠去到美孚試咗呢間車輪餅小姐，我買咗一個流心宇治抹茶吉士麻糬車輪餅，一個流心西村焙茶吉士麻糬車輪餅，非常好味，買完立即食，勁多餡，唔甜，外脆內軟，食過返尋味，下次一定會再嚟買。

車輪餅小姐港式奶醬多麻糬車輪餅 $18（8.5/10）Oreo金莎朱古力麻糬車輪餅 $15（8/10）流心宇治抹茶吉士麻糬車輪餅 $18（7.5/10）Lotus焦糖曲奇&Lotus脆脆醬麻糬車輪餅 $20（7/10）@ms.wheelpie地址：美孚美孚新邨吉利徑19號50B7號舖#車輪餅小姐 #車輪餅 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

美孚人氣麻糬車輪餅小店全店的車輪餅有十多種口味必有一款啱你😋熱食外層脆卜卜，蛋香味重所以要趁熱食麻糬煙靭，麻糬控必試咁多款最流心既係抹茶味而最推介既係各種茶既口味因為茶味十分濃郁另外的麥提莎糯米糍就比較普通伯爵茶麻糬塊就茶味濃

⭐️自家蒸壓台式芋泥麻糬車輪餅車輪餅外層唔脆 口感比較軟熟有啲似厚版嘅班戟口感 味道幾香芋泥 味道香甜 唔會過甜芋頭味幾出口感綿密 另混左啲芋頭粒麻糬軟糯 口感幾豐富⭐️自家熬煮流沙紅豆麻糬車輪餅紅豆 煮到起沙 還有少部份仍有咬口麻糬 軟糯 係偏軟身嗰隻⭐️港式奶醬多麻糬車輪餅奶醬多 好熟悉嘅口味 花生醬味道好突出 有啲花生粒幾香口 味道其實似格仔餅 只係轉左用車輪餅方式呈現一樣有加到麻糬 味道幾有驚喜⭐️流心西村焙茶吉士麻糬車輪餅焙茶吉士 質地偏稀 焙茶味都算濃一樣有加到麻糬 呢個冇想像中咁好食車輪餅味道可以 甜度唔高 呢點幾好但有一點個人覺得麻麻地真係唔明點解款款都要加麻糬有種畫蛇添足嘅感覺本身車輪餅都係飽肚嘅食物加埋麻糬更飽肚 重點係呢度嘅麻糬味道質地都唔係特別出色

每一次陪媽咪買餸 經過呢一間車輪餅 都會比呢度嘅香味吸引到🤩嗰日就忍唔住買咗一個！新鮮出爐熱辣辣 外面脆卜卜 入面軟熟💕蛋香味仲好濃郁🥚最鍾意就係呢度嘅流心茶味🍵再加埋麻糬口感真係非常豐富！

雖然美孚係美食沙漠🏜️但係呢度就有一間超級出名嘅車輪餅小店！超推介佢哋嘅D24榴槤肉口味👍車輪餅外脆內鬆軟 蛋香十足🥚中間夾住香濃綿密嘅榴槤肉同麻薯 口感好豐富！

💛車輪餅小姐·因為我哋嗰日喺附近有啲時間 諗起想食呢個車輪餅 就專登過咗嚟買 不過佢個舖頭都幾難搵 因為佢係喺一條巷仔度嘅🤣🤣同埋唔知係咪因為啲屋苑太密集 佢都幾熱 係等左一陣已經會成身出晒汗🙊🙊·港式奶醬多麻糬車輪餅$18 l Oreo 金莎朱古力麻糬車輪餅$15因為我哋去到嘅時候咁啱我哋想要嘅味道已經賣晒 所以我哋等咗差唔多20分鐘先買到😙不過新鮮整好嘅車輪餅 熱辣辣 真係超級好食 尤其係佢個奶醬多口感真係好正😍😍佢係真係好似食緊奶醬多咁 佢個煉奶同埋花生醬嘅比例啱啱好 而且入邊仲有啲粗粒嘅花生 成個combo超正🥜之後佢個oreo金莎朱古力我自己就覺得偏甜少少 佢oreo個口感唔算好出 我自己都係鍾意奶醬多多啲🤤🤤·#rbyeat#rby港式#rby💛#rby美孚·📍美孚美孚新邨吉利徑19號50B7號舖

呢間車輪餅 大家都應該唔陌生 小編多年前已經食過啦真係好掛住佢 熱辣辣 足料 爆醬🥰而且日日唔同, 經常都有新口味今次去就見到佢多左好多款升級口味係小編第1次見到 所以買左幾粒食😅買4個就可以要個盒 可以唔洗驚夾爛 拎到返屋企都仲係完好無缺~留意*一定要番熱!!! 咁樣先食到佢有幾爆醬流心🥞流心宇治抹茶車吉士麻糬車輪餅*upgrade特濃版 $18upgrade版係唔同D, 比之前普通版更勁濃郁既抹茶 加左吉士 同麻糬勁夾車輪餅番熱都仲係外脆內軟 即場食應該仲正🥞港式奶醬多麻糬車輪餅 $18本身熱愛奶醬多既小編見到呢個味 不禁即刻要一隻算唔算係fusion菜🤣十足十迷你版奶醬多番熱左d花生醬油脂出哂黎 超邪惡🥞自家蒸壓台式芋泥麻糬車輪餅 $18自家蒸壓令到d芋泥軟綿綿 勁香芋頭味 有台灣既感覺 芋泥麻糬都好夾🥞Lotus焦糖曲奇& Lotus脆脆醬麻糬車輪餅 $20近年都好多甜品會加Lotus餅 , 呢隻口味有焦糖曲奇同脆脆醬令到中間爆醬之餘仲好有口感 而家咩野都貴 唯獨佢冇乜點加價 $15-$20就可以食到 去邊度搵呀!?📍車輪餅小姐📌美孚美孚新邨吉利徑19號50B7號舖

每次返屋企 經過呢間車輪餅小姐 聞到陣香味都忍唔住買幾個返屋企！佢哋嘅茶味流心車輪餅係做得唔錯🍵抹茶、焙茶同伯爵茶 三款嘅茶味都好濃回甘味 再加埋內餡煙靭嘅麻薯 口感真係好豐富！

雖然自己係住喺美孚 但係如果媽咪唔買 我都真係未食過😂上次佢一次過買咗四款返嚟我個人最鍾意係佢個Oreo金莎朱古力麻薯味 內餡真係超豐富 有原塊Oreo、麻薯同榛子朱古力醬 食落口感同埋味道都好豐富 車輪餅外脆內軟 仲有淡淡蛋香💕

✨美孚人氣名物 麻糬車輪餅✨.4月嘅星期六，約4點半左右去開美孚，作為麻糬控嘅我就順便買埋好出名嘅車輪餅小姐😋本身最想食嘅係抹茶流心味，但好可惜已售馨( ´༎ຶㅂ༎ຶ`)唯有下次再去！雖然係咁，我買咗嘅幾隻味都好好食♥︎.🔻排名如下🔻.▫️港式奶醬多麻糬車輪餅 $18（9/10）▫️流心西村焙茶吉士麻糬車輪餅 $18（8/10）▫️Oreo 金莎朱古力麻糬車輪餅 $15（7.5/10）▫️自家蒸壓台式芋泥麻糬車輪餅 $18（7/10）.特別要講嘅係奶醬多味，估唔到咁有驚喜😳好香嘅煉奶同花生味，配埋麻糬冇得輸 .ᐟ.ᐟ回頭率100% 強烈推薦比大家❤️焙茶吉士啲餡都幾香茶味，而且肉眼睇啲餡係多豐富過我啲相；金莎朱古力望落個餡好似最少，但食落都係好正😋而芋泥都唔錯，不過如果可以更香芋泥味就更好！.btw我係翻焗晒黎食，我覺得都好好食，但有聽朋友講凍食仲好食，我下次就試吓先(❀^ω^)ﾉﾞ.如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我𝐈𝐠 @fibee3b.

今日經開美孚 見網上話呢間車輪餅好似好正咁 唔就腳都行去買黎試下 星期日7:30 去到 無咩人 我係到睇緊menu 內容 睇吓選邊個啦 之後有個店員粗聲粗氣話得4號 我都唔知咩味 我一心諗住買幾個試吓 咁我都要啦咁遠行到黎 就話要3個啦 ，佢之後大大聲喝我話得一個 好似想趕客咁 心諗咩料呀 咁既態度真係之後唔會幫襯你！ 我見佢仲要整定放係到都唔係新鮮整既😤仲要咩都無

食完飯散完步諗住食個飯後甜品，於是就嚟買個外賣返去食。左揀右揀之諗緊要楊枝甘露好定芒果布甸好，最終揀咗碗楊枝甘露。返到公司打開之後都有少少後悔點解會揀咗楊枝甘露，因為食咗咁多年，都未試過會好似一碗水咁稀！都算啦，唔買都買咗！淨係食咗D渣就算，食到咁上吓…點解楊枝甘露會有啡色一條嘢嘅…😖望真啲原來係小強腳🤮我口中嘅西米都即刻吐返出嚟！我同事仲喺度嚇我，佢話通常呢啲再搵搵下都仲有其他料喺入面，於是我就再睇吓，果然比佢講中咗，睇戲嘅美女都係睇咗條腿之後先會見到個Body，而家我見哂Whole body🤮

噚日(16-4-2022 Sat)晏晝,老公去美孚同佢男友人TW食晏,咁啱啦,我記得呢間嘢,於是請老公嚟呢喥買3個車輪餅返屋企食.佢嚟到就影低是日款式我睇,嘩!價錢由$18-20,共有13種咁多,我選擇困難症發作啦.最後決定揀1,6,8號佳麗,盛惠$51.00.老公拎到返嚟重係暖暖地,有水蒸氣,要趁暖食喇.1. $15.00嘅流心雲呢拿籽吉士麻糬車輪餅切開時,裡面嘅麻糬係一塊過,就仍連住.食落,有啲失望,竟然食到少少藥水味,唔係好食到雲呢拿嘅味道,亦唔甜.味道:1分2. $18.00嘅港式奶醬多麻糬車輪餅見到奶醬饀好厚,食落,味道似格仔餅餡,食到有砂糖同花生粒,呢個夠味夠甜,唔錯嘅.完全係真香港人嘅地道小食味道.味道:5分3. $18.00嘅流心宇治抹茶吉士麻糬車輪餅(upgrade特濃版)流心宇治抹茶吉士多到爆,食落抹茶味好甘.味道:3分車輪餅有蛋香微脆,麻糬係煙韌偏少少腍,我覺得ok.