輕鬆麻辣 (已結業)

水煮牛雜：啲牛雜大塊到一舊等於平時食牛雜麵既兩三舊，搞到勁唔入味，基本上咬完第一啖食左面頭既水煮汁之後就再無水煮味，青瓜如是，好似男人手指公咁粗，又係完全唔入味⋯香草雞翼：$9/隻，非常細隻，但炸得幾香口，味道唔錯涼拌皮蛋：份量比想像中多，正正常常無咩特別嗌左兩個飯每個$11，無套餐，野飲$2x杯，食茶餐廳好過😷

最喜歡吃辛い的我,去了這一間!太好吃!第一道:豬皮!清清的!四季豆很有水準,有略略有太多油!值得一試!最後wing 係必叫,外脆內滑,食完想再叫服務幾好,有求必應。

尖沙咀搵食，見到輕鬆麻辣，好奇有幾輕鬆，走近啲睇下，店員姐姐已經出黎介紹，見佢咁積極，餐牌又川式港式咩都有，就入去試下。但被得麻辣吸引嘅，所以都係食左碗麻辣麵，這裡有個好，就要係唔想要米線都仲有其他轉換，連油麵米粉都有揀。餸點左腩肉，娃娃菜同響鈴。整體都好食，娃娃菜幾多，但響鈴只有一條唔多抵。另外口癢加3件麻辣雞翼，2個字：好味

收工忽發其想 知道身邊位同事好食得辣 就決定搵辣食 記得厚福街行到最尾有間食麻辣既野 係門口見到呢間餐廳咩都有 又有雞煲又有麻辣小食 又有點心 又有燒味入去坐低就打算叫雞煲啦 叫左半隻雞 再睇下d打邊爐配料 完完全全係遊客既餐廳 蟹柳 腸仔咁普通 幾舊就36蚊見到咁貴就叫左半隻雞煲 麻辣皮蛋 麻辣牛𦟌一確薯粉加蟹柳同牛柏葉就39蚊講下d味道先 完全唔掂雞煲只係係將果d辣炒雞子既味擺落d雞度 唔係有個煲擺d雞落去就係叫雞煲囉ok？d小食唔掂牛𦟌咸 我同同事食左一兩舊都唔想再食 皮蛋同牛𦟌都係果個醬 不過皮蛋就冇咁咸 但d皮蛋係臭既🙄 兩碟野就完全冇再掂過到碗薯粉喇 d薯粉都唔係平時食果d黎 仰好大陣膠味既野黎 最唔掂係連珍珠奶茶d珍珠都....總結 唔會再幫襯

early dinner黎到尖咀想搵個地方吹水，食得辣既2人組經過厚福街巷仔見到呢間有辣野，又多位，就試下啦。餐牌都算多野揀，有車仔類既‘麻辣燙’， 又有小菜，連飲茶既點心都有，飲品都多野揀重口味既我地叫左個辣子肥腸（＄88），3送米線（＄39），同3個淨送湯底（＄64，係， 唔知點解淨送會貴差不多成倍！！張單黎到我地先發現蝕晒..）﹣辣子肥腸：成碟辣椒，望落都幾開胃；腸既味道都OK，唔係好辣，都幾有彈性，但係肥既脂肪都幾多；overall可以食用既肥腸唔多，好彩得2個人，如果唔係一定唔夠分；﹣3送米線：我既3送米：有1條咁大把既響玲（仲要係盒裝果種，應該開左好耐，通晒風唔脆），海帶（太淋），同肥牛（雖然好似廢話，但真係好肥）；小辣湯底唔辣，純粹靠D酸榨菜，辣粉同辣油，但D辣味係同湯底分開的... 3個淨送雖然叫中辣，但都差不多。飲品我叫左涼粉冰，俾想像中好！起碼涼粉粒粒夠多，少冰都真係有少到（要求好低但唔係間間餐廳會show你架）。埋單每人$105，唔會再黎囉...

最差既一次消費，呢間店都黎過好多次。唯獨今次喺最差，超級差。之前幾次都可以。今日過來店裡面冇客人。應該下午茶過晚飯未到既時間。就坐佐落黎。點嘢食既時候。我地食自選米線。友人叫了四個餸跟米線。友人有三個餸喺同一樣然後加多一個餸，店員搞唔明。以為叫了兩個問還有一個喺咩。我話叫了四個了。然後就大聲喝我仲有咩。……我叫三個餸配米粉（我既還可以）。友人既米線喺差到第一次食米線咁丑鬼。肥到似條蟲咁。店員服務差。落單惡聲惡氣。店裡面已經冇客人需要招呼。我就想落個order都要咁對我。我無語～上菜既時候某一店員拎住碗米粉重力放喺檯面……唉！下次都唔會再黎食

尖沙咀厚福街一向多嘢食，就係見到呢度叫麻辣專門店，咁食麻辣嘢一定冇錯啦，點知....我係好鐘意食涼伴魚皮嘅，因為涼伴魚皮爽脆，又有膠原，對皮膚好，所以見到有我一定會叫，但呢魚片好差。本來啲麻辣醬唔辣都算啦，我當佢就啲唔太食得辣嘅人，特登整得冇咁辣，但啲魚片完全冇味！魚皮浸水太耐，唔爽脆，咬落全部都係水...麻辣米線小辣雖然冇魚皮差得咁離譜，但都唔見得好食，個湯冇麻辣味，差不多價錢，譚仔好食好多囉！

下午茶時間，打包晚飯回屋企食。叫咗一個酸辣粉(下午茶特價餐)，一個野山椒田雞(正價餐牌)酸辣粉味道幾ok，但可能裡面有牛油/豬油，翻到屋企已經半凝固，賣相唔係咁好。餸只能揀一個，揀咗菜肉雲吞，都好味嘅。但薯粉就完全不能接受，話煙韌掛，佢又唔係透明個種，話佢係米線掛，又幾難咬/消化。。。阿老闆呀，麻煩去四川/重慶睇睇薯粉咩樣嘅😂😂😂叫嘅微辣，辣度岩岩好。野山椒田雞，好小一份，大部分都係洋蔥/彩椒，既無咩野山椒(可以理解)也無太多塊田雞(非常惆悵)。。。果然係“小菜”，對得起價錢😒😒😒田雞有一半以上很多骨，所以最後只是淺嘗味道。。。味道算係咁啦！😝套餐仲有一碟細細碟青瓜，味道算ok，但好細，果然加個4蚊唔可以想太多。另外餐飲嘅檸檬茶我加咗一倍水之後味道剛好😝需要咁濃味嗎。。。

喺尖沙咀購物行街就成日都係，但係諗真啲，附近冇乜邊幾間係食麻辣嘢。。。今晚同老婆出去行完街之後，想食麻辣於是走咗去厚福街食呢間。兩口子，食唔得多，只係叫三碟餸：鮮菇胡椒雞泡飯麻辣清炒土豆水煮牛雜呢個泡飯重點係啲湯，啲湯有少許薑絲同埋大蒜、洋蔥，正正啱曬我口味，十分有四川嘅風格。湯底唔辣，可以作為其餘两碟餸嘅調劑；講開啲雞，以為佢畀雞胸一定靱啦，但食落就相當之嫩，冬菇方面就麻麻，好似唔係好熟，不過浸耐啲都ok。感覺上，呢碟清炒土豆十分之抵，因為分量相當多，啲味酸多過辣，我個人認為如果佢調返轉，我相信一定好味啲。仲有，佢炒出嚟比較濕，我覺得佢可以再乾身、啲再辣啲……呢碟水煮牛雜賣相相當好，紅卜卜嘅水煮加上青瓜牛雜，睇落已經相當啱胃口。食咗第一啖之後，如果唔係食得辣嘅人唔好亂叫，雖然佢唔係十分辣，但我覺得如果對於初哥嚟講，已經頂唔順……意外嘅係份量十分多，牛肚、腸、膀青瓜加上菜墊底，兩個人食，我覺得係足夠！加上呢個價錢(一百蚊唔使)感覺上十分之抵佢入邊嘅料，都煮得相當之爽，好味，值得推介！最後埋單前加多罐可樂，六蚊一罐仲有冰底， 邊度搵呀！我倆總共食咗210蚊，我哋都覺得喺尖沙咀同樣嘅價錢根

突然今日想食辣野,諗起平時行過都好似好多人去食,便今日立刻一試。一入鋪都好似做遊客生意,大多是國內人,只有數名本地客。但入得鋪當然會照試下,總要嘗試。我同我男友二人去,叫了一碗豆卜海帶牛柏葉中辣薯粉,薯粉口感煙靭,吸收左d麻辣湯後十分香麻。湯底不算太油,內裏有原粒麻椒所以食落又香又辣而且口腔會帶麻感覺,十分過癮,餸料份量足夠。另一碗叫了蘿蔔嚮鈴肥牛小辣薯粉,但職員入錯單蘿蔔變左豆卜,碗麵來了才知道。我男朋友不想麻煩人還是照食,還好湯底也是不錯,只是辣度有所不同,肥牛都有牛味及不會太肥。只是嫌嚮鈴只一件,如果多一件就更好了。加$6有凍飲,所以叫左一杯凍奶茶,奶同茶味配合不錯。鋪內還有小菜及點心食,但今日還是試粉麵算了。粉麵自選餸都算多項選擇,鋪內冷氣充足,食辣野都唔會太熱，所以今日一試也不錯。

瘋狂購物完，係尖沙咀厚福街附近，唔知食咩好，朋友話呢間唔錯，就試試～大家都鍾意食辣，可以瘋狂叫辣野啦！涼拌皮蛋-d辣椒好好味，撈落d皮蛋啖啖都係辣味！口水雞-點可以少得口水雞呢！都係同一隻辣椒味道，d雞都好滑，而且件件食得，唔錯唔錯！底下仲有青瓜絲。麻辣燙兩送-芝士腸同午餐肉，哈哈全部係致癌物質但我地都好鍾意呀！酸菜配料好好食，叫左少辣，下次可以試試中辣添！紅豆冰都係加$9咋，抵飲啊！不過食完之後成身雞味，唔知點解！

尖沙咀陪闺蜜看金饰买嫁妆！突然落起雨唔大唔小但都淋湿人，又無帶遮，地濕濕有點心煩😡煩！最討厭陰雨天，🌧️就找地方吃飯順便躲雨條街頭掃到街尾都選唔定揀邊間坐下，最後見到輕鬆麻辣咁多款式揀！於是就決定呢一間吃下辣裏面環境就冇咁吸引啦，比較潮濕枱面黏乎乎點左個麻辣肥腸，紅油太多太膩辣味感受唔到，就覺得油，大腸有點味唔鍾意，可能無火跟著滾起原因！上到來唔到五分鐘表面就一層油，唔想再起筷差評！不過還好個雞煲唔錯，兩人點了半個！麻辣雞煲，裡面的麻辣料足，乾辣椒跟大粒花椒爆得香麻，味道唔錯，少點鹽就好，吃到中間就好鹹口渴！雞肉幾實，大塊，皮就太多油唔想吃！點了好立克好差，難喝都沒攪融，底下全部粉塊，就水加粉拿過來18塊！好唔值得杯身又邋遢沒洗乾淨試了下就唔要了太難飲吃辣菜都鍾意叫個前小菜，開胃！泡椒鳳爪還可以，普通唔係太辣太酸，骨好軟鳳爪肉好大隻

在尖沙咀都試過不同的菜式，今次去試一間叫輕鬆麻辣專門店的點心；環境尚且OK，但食品就十分差：用的材料份量十分少，一個鳳爪排骨飯，得一隻鳯爪同數件差不多冇肉的排骨；點心叫了蝦餃，燒賣；蒸得過火，沒有口感，奶黃包一㸃香味也沒有，簡直不知所謂！絕對沒有下次。

我叫左個套餐麵食，佢就話咩野料都有，但食食下發現我同事有墨魚丸但我無，我就問佢，但個丫姐就話一比你果時就要岀聲，但係湯麵咁多野，唔通我每一樣對住個餐牌睇，睇到齊曬先食咩，當然最後係無人理我囉

又係一個人的浪漫時候，這天在尖沙咀附近為指甲扮靚靚💅，忽然間好想食辣喎😈！醒起呢一間輕鬆麻辣午餐都可以獨自吃辣，那就不須再傷腦筋一於揀佢啦~想食嘅就係呢一隻麻辣湯麵餐🍜，如果有選擇困難症的朋友可以揀這款小鍋過橋麻辣湯麵套餐$49，樣樣都有D足足15款咁多呢🙊！可以試勻晒咁多美食。沒有選擇困難症的我當然自選餸料啦，揀咗我喜歡的萵筍，麻辣好拍檔午餐肉🐷，同我偏愛的墨魚丸🐙配米線$39。說時遲那時快湯麵好快就送了上檯，另外還點了咸檸七飲添套餐另加$9。今次一個人的浪漫不需相就車爸爸所以就點了中辣，看見紅紅的湯色口水 已不受控制的流下來啦😋~呷一口湯辣味夠香濃，麻味就較為溫柔，餸料方面萵筍新鮮爽脆，午餐肉吸盡辣湯味道，而墨魚丸就正常啦，都幾煙韌但就唔算好有鮮味，米線我就覺得淋咗啲喇！不過整體表現我其實都十分滿意，下次應該可以嘗試大辣呢😁！食辣當然最好配汽水啦，今次唔飲可樂飲咸檸七撲辣一流呀！