輝香園

营业中

休息中

是日, 大約兩點幾, 無咩胃口, 又唸唔到叫咩外賣, 所以出街走走, 看看可否發掘到多D 食我入口的店舖。比我看到呢間, 雖然裝修痳痳, 但外面看入去, 見他們的牛什好似幾似樣, 所以入去幫趁,因為荔枝角呢區, 想找一間粉面都好困難, 而牛什, 更不是到到地方都做得好食, 竟然係呢區有如此餐廳, 所以我決定叫一碗牛什米一試。齋看賣相, 已經合格, 除了腸的部份太肥, 我沒吃到. 牛膀則切得太薄, 比正常薄了一半。試了一口湯底, 都PASS, 不過唔敢飲咁多, 因為似終都有味精 相信以後如想食傳統粉面可以黎呢到, 請不要旨意地方十分乾淨, 不過我都接受到。+上都係16蚊, 完全收貨啦~

搬到荔枝角一年了，還自以為已吃遍區內該吃的餐廳，直至某日無意中發現甘泉街還有兩間食肆，才驚覺自己又走漏了眼，真該死。這間輝香園，看其裝修及員工年紀，大概都有幾十年歷史，勉強都可以算是區內有特色的食店之一，點解我從來都不知道呢? 原來連OpenRice也沒有資料，奇怪。凡未試過的食肆，都有興趣，吃過才知好食與否。先點個肉絲炒麵，麵底是炸過的，弄得乾乾脆脆，十分香口。在脆口的麵之上推上韭黃、芽菜、肉絲及濃厚的芡汁，很對辦，如果味道可以重一點，會更好吃。問過侍應有什麼食物推介，得到的答案是魚旦，那就要碗淨魚旦一試。其實單睇賣相，已知會好吃了。果然，咬落彈牙，充滿魚既鮮味，魚片亦然，是很有水準的。可是，第二次再來吃的時候，水準又有明顯回落，希望是偶爾失手吧！試了同事的牛筋，不是過份的稔身，幾有咬口的，而且膠質成分豐厚，口感不錯，我也不禁再偷多同事一件來吃。同事建議要個油菜大家分吃，有通菜、西生菜和菜心，要了後者。油菜感覺新鮮，味道清甜，不過淥得不夠淋，要用點力咬落。整體水準也可以，中午又多一個開飯點。