輝香園

营业中

休息中

這是一間典型的茶餐廳，有著一班上年紀但幹練的侍應，滿滿的人情味。今天來吃的，是這裡的波蘿油早餐。雖然波蘿包沒有波蘿，但這裡的波蘿油大大個，誠意十足。隨餐奉上的，是一客自選西式早餐，我選的是雞扒和香腸。少不了的，還有一杯茶餐廳奶茶，簡直是早晨必飲。

食午餐時聽到有個伙記推介食客食牛腩, 話佢地賣了三十年, 有無甘耐我就無去查證, 但事實佢的牛腩確實唔錯.輝香園係一間好港式的舊式茶記, 靠墻有卡位, 中間都係大圓枱, 一入到有收銀阿哥會提你掃安心,  枱與枱之間有隔板, 但枱中間就無再間隔,  如果兩三個互不相識的人一齊坐, 就等同面對面, 無遮無擋了.餐廳的午餐日日一樣, 是日午餐即係全年午餐,起碼我去了幾個月都無變過.但我入去主要都係食佢的港式牛腩河.河粉普通, 湯底也普通.但居然有一兩條菜, 係其他粉麵店都唔常見了.牛腩好出色, 食了幾次的水準都一樣, 雖然我只叫牛腩河, 但切出來的絕對有坑腩的水準, 牛腩鬆化, 面頭層筋膜亦夠淋身入味, 一碗35蚊, 絕對係超值.飲品一般般, 試過杯熱奶茶好澀, 唔知係落唔夠奶, 定係茶底煮得過老.但單以牛腩來計, 都值得回頭再去.招呼, 我覺得OK啦, 傳統茶記的招呼, 反正食了就走, 無乜要求

入到嚟環境熱鬧，普遍茶餐廳裝修都算大，平時周圍食，今次打算試新嘢經過呢間，入到去好快安排坐低，落單好似打沖鋒甘都正常嘅，打算叫「涷奶茶」點知叫錯「涷檸茶」員工叔叔唔耐煩更改後走咗，我錯講左唔好意思🙈🙈我看看原來不包飲料$11，我即刻再叫員工取消並連講幾句「唔好意思🙏🏻」員工姨姨聽到後就頗大聲講：「叫左又唔要」我同朋友都R頭 愕然到我朋友咖哩飯到了，雖然無影相但無講大話🥺😭碟入面飯旁邊有類似腐乳顏色汁液，2-3蔥花殘骸，小黃油漬。同員工講後拎走，再到姨姨拎番嚟「啪」一聲放枱面加多句「少少蔥甘都話污糟🙄」後尾到我個牛什食剩少少就走了，不太愉快🫠工作辛苦完就試新食下嘢放鬆下，點知比人兇番🫢🫢真係無下次🥹p.s 只講事實無一分造假同貶低人🙇🏻‍♀️🙇🏻‍♀️🙇🏻‍♀️

輝香園除左有一般茶餐廳既野食外,朝早仲會有腸粉,燒賣,牛肉球,粉果,麵包...佢好多食物既質數都好OK, 性價比高, 出餐又快, 每朝都有條人龍係門口排隊買早餐而今次食既係清湯牛腩米🍽清湯牛腩米一直都覺得叫牛腩米係好講彩數對我黎講好彩就係有d油脂（好似燒腩仔甘）,甚至有時連埋少少根位就更完美,唔好彩就一係大大舊肥膏,一係就大大舊肉(乾又柴到黏牙)今次就唔係甘好彩,係一大舊肉無咩油脂,好似煲湯瘦肉個種見到甘大舊肉,我心唸實好口嚡口點知食落係一d都唔韌D肉係有好濃既牛味同好腍身雖然唔係理想既部位,但味道係好既,驚喜既係甘大舊肉一d都唔柴👍🏻外賣自取由落單到拎野食係10分鐘內搞掂快 靚 正👍🏻

耐唔耐都會買呢間嘅早餐嚟食，通常都會係腸粉加燒賣。佢啲腸粉同燒賣質素幾穩定，幾滑，燒賣唔會多粉，有少少咬口。不過佢啲醬調得太稀，次次都叫阿姐多醬，但加完都係唔算濃味。

最近先發現原來呢間茶記有賣自家製面包，見到啲菠蘿包好靚咁忍唔住買左黎試。個包熱辣辣好新鮮，食第一啖覺得好香好好食，不過食多幾啖就覺得個包太軟身，好似發過龍咁？之後買腸仔包都有呢個情況。

星期六既下午上完 Playgroup, 無門牌，得得個門口，嗌了兩份西多士，足料，厚，我覺得好食。熱奶茶，香，滑凍檸茶，唔知點解又係好似好好飲咁。但其實最想講係，成間餐廳既伙計都好好傾，好 Warm，連我嗌杯水，好遠都聽到啲伙計話小心熱，唔好辣親個細路！我好開心咁食個下午茶

成日食這間輝會園，成日食來食去都是果幾款，都是第一次食這個咕嚕魚片配白飯，來到時都比心目中不錯，又有青紅椒作配菜，食落都幾爽口，醬汁帶點微酸帶點甜，但醬汁杰身了一點，但都可以，魚肉口感如果沒有咁淋身可能更好，皮不夠脆口，醬汁杰身都要拿走先配白飯比較好點。白飯份量依然大盒，吾會好硬身，一定夠飽。另外同事叫了輝香園咖哩豬扒飯，咖喱飯的咖喱帶幾香但幾滯，咸了一點，豬扒的味道不錯十分大片，最後食晒個豬扒飯只可食到一半就飽肚了。飲品要了凍好立克就淡了點，來到可能因為不少冰已溶了。價錢計有人送來上都叫合理，而且送得十分快手都好方便。

嚟到荔枝角做嘢，食晏嘅時候走左入去大南西街呢間《輝香園》幫襯。餐牌簡單清晰，一目了然。我揀咗特色飯類入面嘅涼瓜班腩飯($48)，飲凍咖啡(跟餐+$3)，一共$51。碟飯都幾快送上枱，大大碟，飯多餸亦多。涼瓜口感啱啱好，唔會太腍，掛到汁，都幾好食。都有幾多塊斑腩，斑腩應該有先走油，所以表面都幾香口，味道都唔錯。凍咖啡，都幾滑，不過就淡咗少少。今餐嘅主角涼瓜班腩飯都幾好味，份量亦足，雖然凍咖啡比較一般，不過整體感覺，仍然唔錯，下次經過呢頭，可以再嚟幫襯。

去咗公司樓下間茶記食芙蓉蛋飯。熱飲加個飯都係$42。個芙蓉蛋飯好大碟。足料。食到有蝦及大量蛋份量。個白飯好香軟。入口好正。杯奶茶好香濃。好飲。地方不是很衞生。中午食飯時間好多人。最好早一點來到食飯。

今日心情真係麻麻，又趕時間所以無咩胃口，但又胃痛點都要食飯ge，咁未叫下外賣low!!! 打去order 既時候個屏staff又出奇地好有禮貌woo，勁nice!!! 本身都諗住外賣有排等架la，所以預早左order，點知好快就送到lu，都係大約等左15分鐘喳!!! so surprise~~~今次叫左個焗肉醬意粉加埋飲品around $46，價錢都算合理ge，黎到仲熱熱地架，加分!!!服務同食物ge質素都唔錯，下次會再試其他!!

因工作需要到荔枝角辦點事，正式工作前當然要飽吃一頓豐富早餐。走到荔枝角的工廠區，隨意步入了輝香園茶餐廳。一貫舊式茶餐廳的格局，環境普通喇，衛生情況合理。一份早餐 $30，包麵食多士奄列餐飲，比公司附近的茶餐廳便宜多了。餐肉奄列以半塊餐肉炮製，煎蛋部份仍有蛋汁溢出，口感比預期滑。五香肉丁公仔麵是加工製成品，確實無乜特別。麵質富咬口是值得欣賞的地方。熱咖啡是一般茶餐廳的水準，中下質素。

意外驚喜 覆診完到了附近的茶餐廳吃午餐初時打算求其是但吃 從沒想過沒期望質數 卻帶來了驚喜入到餐廳見到坐滿三份一人而全部都是男性 我二話不說就找個位置坐下由於地方陌生看餐牌的時間便用多了初時侍應站在我旁就像催促我一樣我望1望他示意我要多點時間然後他離開了我視線範圍我點了南乳豬手河粉 濃味非常入味南乳味再加點薑味及陳皮(雖然我不好陳皮)吃一啖已經感受到他的入味,豬手非常軟滑.河粉才是驚喜!!!是我最歡喜及越來越少有的 半透明河粉.咬下去,CHEWY的味覺. 增添了吃這碗河粉的各種不同在口裡的感覺!!

誤打誤撞黎到呢間茶餐廳，見有時間於是坐低食咗個早餐。本來只係諗住填飽肚就算，點知竟然有驚喜。餐肉米+火腿奄列+餐包+熱奶茶=$28餐肉米：餐肉大大塊兩塊，煎到外面脆卜卜，仲大大碗，真係好抵食。火腿奄列：蛋好嫩，切開中間有蛋汁包痴住火腿，好味。熱奶茶：超好飲，一d都唔鞋，又香又滑。就算已經好飽都忍唔住成杯飲晒。Ps:野食黎得好快，而家店員個個都好有禮貌，真係要比個like佢哋！👍

去完旺角食白果，窗簾未做好無得攞，早講麻 ﹗唔洗我專登走過去，離晒譜架 ﹗大陸人做野文化就係咁，唯有去荔枝角攞燈膽啦。行左咁耐好肚餓，又唔熟地盤，check check openrice 見有間麵檔係附近，求其醫左肚先繼續 shopping ﹗門口細細，但裡面好寬倘喎，下午時間只得兩三個食客，想坐邊度都得。牛腩河走蔥，近來努力減磅，好耐無食過腩河喇，好想食好想食，破戒 ﹗牛腩夠腍夠鬆化入味，好滿意呢 ﹗河粉大路，實淨結實，合格既。係個湯就偏啖口，聞就好香。點解阿姐要係依個時候拖地呢，嗅住漂白水味點食野呀？十年都唔會黎一次荔枝角，堅係路過，唔知幾時再有第二次嚕。