辣媽酸菜魚麵 (元朗安寧路)

营业中

休息中

今日得我同老公食晚飯，我地都中意食辣野，兩個人又食唔到太多野，醒起上次食過嘅辣媽唔錯，有晚餐選擇，一於搭西鐵去朗屏，行過去都係5分鐘左右。今次我叫左口水雞配薯粉，中辣，d 薯粉索曬d 汁，好鬼辣，食完個胃仲暖粒粒🤭老公就食口水雞飯，中辣哇，好耐無食過好味的口水雞，平時唔係個汁唔掂，就係d 雞太鞋。呢度算係好滿意，雞算嫩，個汁又唔錯，明顯有花生醬味，拍得上係深圳食的味道D 份量仲要幾多，好抵食。另外加左$30夫妻肺片，個汁又唔同口水雞個汁咖，最大分別有多左陳醋味，配埋芫荽青瓜絲，超讚好多野都想食，下次要班齊人過來食先仲有，杯百香果勁好飲，夠酸夠甜又夠香，仲有幾片蘋果襯托，睇到都開心不過有人嫌酸唔識欣賞。佢都係飲返唔督的檸檬茶吧啦食完野，我仲過左對面齋舖買左春卷同鹹水角返歸做宵夜，之前有同事買返公司請我食，好脆好好食😋念念不忘之後再去埋豪記掃貨，完美

話說好多人推介元朗間辣媽，咁我今晚就嚟試一試個酸菜魚賣相方面：睇落去幾吸引，但食落一般般唔係好熱酸度：我覺得唔係好酸，但酸菜都多過喎辣度：我地食落去接受嘅 因為辣度好似有得叫大 中 小 bb嘅，我地叫bb內容：揀咗佢地貴個隻魚，份量都多嘅，但下面全部都係薯粉，感覺唔係好抵咁我都係覺得大陸嘅太二好食好多🥺

約1930去到，可能係平日，人唔算多，門口有人等外賣，入去剛好最後一張枱入到去，服務員大聲的交流，滿口唔正嘅白話，真係以為返咗深圳食叫了個水煮牛二人餐，水煮牛肉，炒椰菜花，兩個白飯，兩杯檸茶，加30有紅糖糍粑，再叫多個酸菜魚。三個人應該差不多了。最先上，竟然係甜品，不過炸得唔夠，相中見到未夠色水，不過味道質感尚可。之後上飲品，兩杯檸茶都換特飲了再加支青島。個國內感又到了，微微凍的啤酒，叫了一支就放棄了酸菜魚(微辣)，真的做到，酸，香，滑。不過就有部分魚骨散落在湯底的粉絲中。可能廣告中香滑冇骨只是在講在麵食中的酸菜魚吧！水煮牛肉(中辣)，以我認為只算少麻少辣，第二朝去厠所都冇火燒的感覺整體上唔錯，芽菜薯粉伴底，唯一的問題是牛肉奄過龍了，太滑了，不過這是香港好多食店的通病我真係唔知係咪真係有人鐘意呢啲咁嘅滑牛，唔通係我唔識食最後的炒椰菜花，賣相好靚，不過就咸咗啲同油膩咗啲。埋單5百幾，算係經濟抵食

山長水遠揸車入黎食，香港算中上水平，水煮桂花魚片都OK，骨好腥，酸菜好正，手撕包菜材料唔得，飲品，牙籤羊OK，香辣蝦串OK，價錢同旺角差唔多，同大陸比較，好失望.

聽朋友講 辣媽 好好食，上次去咗大棠路那間，但只得飯麵食，無小菜，味道跟個價錢，一分錢一分貨，算係咁啦。今次去咗安寧路呢間食。環境整體好好，舒適乾淨。唯獨有少少不足，因坐靠窗位置，見到好幾隻蚊在窗邊飛來飛去，但還好只在窗邊飛，無飛落啲食飯度。叫咗幾個小菜，手撕包菜，干鍋花椰菜，羊肉串，水煮牛肉。手撕包菜味道唔錯，辣度跟個酸度做得好好，值得一試。干鍋花椰菜 也可以必食，因為個菜同肉都炒得好食，夠哂味道。羊肉串，好食！也是必食！味道，辣度，餘韻都好好，帶少少羊肉羶味，整體配合得好！水煮牛肉。我最期望呢個，但也是最失望，去過幾間川菜店都會叫嚟食，但呢個味道無味，好似就咁食緊 邊爐滑牛咁，我覺得完全唔掂!食物份量方面都建議3~4個人去食，今次兩個人食覺得好多同埋好飽。另外叫咗兩個白飯兩杯野飲。下次會試埋個酸菜魚，希望會有驚喜！

小編唔係第一次食酸菜魚，但係咁差既真係第一次見。首先個人認為啲店員冇乜禮貌！問多兩句就好似唔多滿意咁！拎杯水，都好似好難咁！咁叫嘢食啦！叫咗個酸菜魚麵啦！首先，個湯好多油，我去其他餐廳都唔係咁！d魚雖然係冇骨，但係好腥，唔新鮮，唔係好夠林！d麵嘅份量唔算太多！啲麵嘅質地又唔好，太硬。同埋個湯底都好鹹！食完超口乾！應該落咗好多味精！啲酸菜得鹹味、唔多覺有酸！跟住加杯熱飲又要加錢！真係沒有下次！飲品質素都係普通！

我平時很少來元朗，但如果經過元朗一定會考慮💭來辣媽食個下午茶☕️的，但我去到貴店，見佢已經裝修過，一入內之後發覺已經再沒有比較經濟的下午茶餐食，那只好食正餐吧⋯⋯我叫了個酸湯肥牛麵，麵質還可以，但酸湯方面已經沒有裝修之前咁好食啦⋯⋯連佢個肥牛我都唔覺得會係咩肥牛，只係感覺似普通既牛肉吧⋯⋯感覺只係一碗🥣普普通通既湯麵，另外再加個水果茶，還可以叫同以前既差唔多既，不過記得之前好似唔駛套餐加$16咁貴...不過還是下次去另外一間食啦⋯⋯呢間就應該暫時唔會再嚟住啦

酸菜魚麵，無左魚湯底，由好好食變咗難食！叫咗個肥腸飯，但係無味道！唉呀🤦‍♂️廚房問題！希望有人看到可以告訴店長改善啦，下次都係回去千色店間吃吧！有排都唔會再回來這間店。

今天一點去吃炒兩個快餐飯不熟以前好吃現在好隨便下次不敢去吃呀 你哋剛剛裝飾玩坐位都坐得舒服我日日都幫襯你地都還一樣叫個個樓面講飯不熟裝一碗又不熟又是這樣後面又裝一碗都不熟對你這家店好失望我天天是屯門過去吃

作為新入坑既元朗人，位於元朗既辣媽酸菜魚麵係我十分推介既食店，呢間餐廳無論乜嘢時候都大排長龍。餐廳主打酸菜魚麵，但我更愛佢既養生雞麵！養生麵（$52）材料有：雲耳，杞子，蟲草花，淮山，紅棗，同埋雞件。湯底我覺得比想像中濃味，而且鮮甜唔重味精，我飲晒成碗湯。麵質爽滑，掛到湯到上去，一碗麵有6大舊雞，食得好爽好滿足。不過蟲草花如果可以多啲就好la~朋友唔鍾意食麵所以嗌咗飯，但由於當日係星期日人非常多，個飯等咗差唔多九個字先上菜。酸菜肥腸飯 （$52）酸菜炒得好香，肥腸好彈牙，唔好太咸，嗌左小辣唔會話太過辣 （比起泡椒黎講🥴），餸菜份量都夠多，但白飯多返dd就更好。泡椒田雞飯（$55）友人係田雞控，見到餐牌上有田雞即刻二話不說落單。田雞有醃過，十分滑嫩，配料有萵筍同芹菜，炒得香口，但略嫌油左小小。同埋泡椒分量真係太多😂好好好辣呀！最後不得不講佢嘅涼拌芥辣魚皮係超級好食！魚皮勁爽脆，醬汁調醒得非常好，十分惹味，令人不禁一口接一口。

琴晚7點幾嗌嘢食，點知等咗廿分鐘都未到，於是揾侍應幫我哋睇下，順便嗌多一個炸饅頭。點知等咗半個鐘都未有，我哋就再揾另外一個侍應再睇下，結果我哋等咗8個字先有嘢食，嚟度仲要問番我哋轉頭喺咪外賣轉堂食，我哋一直都係堂食冇嗌過外賣囉🙄嗌完個炸饅頭又係要等廿分鐘，然後同我哋講未落單，問我哋仲要唔要😠就係想食炸饅頭先嗌，唔通唔要又要落單咩🤬見住好幾枱客人明明遲過我哋，但係都已經上咗嘢食，仲要比埋水同埋碗仔其他客人，我哋就乜都冇，最後杯水我都係自己攞就算。

當日和同事叫左兩碗酸菜生魚麵，一個蕃茄生魚麵和一碗韭菜水餃湯麵魚鞋颯颯吾好食，可以欣賞的是湯底，感覺類似胡椒豬肚湯當日是好熱，但室內冷氣唔夠力，但侍應表示將會很快裝修

酸菜桂花魚麵湯底香濃 配酸菜 聞到都已經食指大動，加上選用桂花魚，少骨厚肉，魚片醃至嫩滑彈牙，口感唔錯，酸菜既鹹味同酸味恰到好處 唔會死咸，呢啲天氣冇咩胃口，啱晒去食！

等13:30工作，於是找一家最近又有興趣的過下癮…環境不錯，服務也不錯，前兩日先食完酸菜魚，所以揀水煮魚食。水煮生魚薯粉咸檸七$75都等咗少少時間，但煲劇唔怕悶。來到，呆咗呆，同menu上嘅圖都差太遠了吧…雖然話圖與實物會有距離，但基本水煮嘅配料香料都見唔到，只有薯粉/魚肉/幾條芽菜芫茜…我係咪去左食譚仔（no offense我都鐘意食譚仔）因為你寫水煮，然後個圖又好靚😂落差有啲大，所以呆咗呆…味道ok，中辣唔係中辣，食得辣朋友可以叫大辣，最後我覺得層次真係普通，自己加左香醋補補，都唔錯。

有冇新界牛因為個屯馬線通車後... 返工放工都上唔到車😂😂真係要提早D出門口🤣呢間酸菜魚之前都有食過~ 都覺得佢又平又抵食我通常會叫呢個2人餐$199包一份酸菜魚, 一個小菜, 兩碗白飯, 兩杯凍OT而因為怕有骨 +$10 可轉盧魚佢個底係勁多芽菜, 酸菜, 辣椒, 完完全全吸收哂個湯盧魚又真係冇骨同埋好入味 而且好滑 本身跟餐係包心菜, 可以轉四季豆, 由好多辣椒, 肉碎炒堆一碟佢D野全部都係勁大份😆但又唔會太辣不知不覺間就會食哂而且佢價錢唔貴 個人認為可encore~📌辣媽酸菜魚麵📍元朗大棠路48-72號安福大樓地下9號舖📍元朗安寧路41-45號安定樓地下B舖