農場鮮奶有限公司

营业中

休息中

帶住2只柴犬去左農場食野，好多人都有帶動物過去，又有一家大細甘過去食野，3人叫左主食，甜品。來到農場必叩既牛奶，細支500ml，大支1l，都幾好飲，唔會好甜，有奶香。主食，餐蛋面，麻油味唔重，感覺都係差少少，但量好多，好飽肚，再加埋枝奶，真係其他都食唔到啦但其實可食埋甜品架，叫左軟雪糕，同熱燉奶。雪糕比起出面，係有唔同既，第一啖就發現佢既甜，係有唔同既，有d似煉奶味😂然後都覺得都可以接受既。另一碗燉奶，好滑好甜好q。可以叫既，我見好多人都叫左薑汁奶，如果有興趣，可以試下。門口附近有幾只黑羊可以餵，好岩家庭活動

農場鮮奶有限公司📍元朗.餐肉蛋出前一丁 $30 （8.5/10）有兩大塊厚切午餐肉😍😍 好有誠意 煎香過好香口 🤤🤤🤤而隻蛋個蛋黃🍳仲係流心嘅 出前一丁唔會話太淋 各方面都做得好好👍🏻👍🏻 係個出色嘅出前一丁 不過就唔好太大幻想 因為就係普通出前一丁嘅味🤣🤣🤣.另外可以用兩三蚊買札草🌱🌱餵下啲羊咩咩 同羊仔影下相👍🏻👍🏻🤪 ❗️❗️注意 通常公眾假期先開 唔係會摸門釘架喇！！😢😢

「農場鮮奶有限公司」位於大欖郊野公園內，除非行山、或者 BBQ，即使早已聽聞大名，交通實在不方便，唔會專程到來。大年初二朋友揸車去元朗親子遊，打算順道朝聖，但也因為農曆新年假期而休息！原本以為錯過了這次機會，也不知什麼時候才會再次到訪 ⋯⋯ 當日真的想不到，才兩個月之後的今天，因為報名參加了另一個親子遊，其中一個景點就是石崗軍營及雷公田村，即是「農場鮮奶有限公司」所在地，終於可以朝聖了！上次朋友揸車，可以駛入小路、進入郊野公園燒烤場地、再直接駛入「農場鮮奶有限公司」；今次坐旅遊巴，就要自己行入去了。全程大約15分鐘，沿途是郊野公園範圍，並沒有明顯指示牌；由於只有一條路，應該唔會行錯。行到「農場鮮奶有限公司」大閘門口，映入眼簾是間一層高、麻石板外牆的小廠房，再往上走終於見到半露天小茶檔。唔肯定因為假日特別多行山人士、抑或全部都係親子遊一眾團友，簡陋茶檔座無虛席。雖然當日陽光普照，幸好茶檔搭建在一棵大樹下面，加上瓦通鐵皮頂遮蔭及吊扇，環境尚算清幽涼快。茶檔以自家品牌農場鮮奶馳名，鐵皮檔也砌了一幅磚牆，掃上黑白乳牛花紋圖案。餐牌只有兩頁，第一頁當然是遠近馳名的各款鮮奶制品，另一頁則是茶餐廳必

今天天朗氣清，有太陽、有微風相當舒服，適合一家大細去郊遊! 一直有朋友介紹這個地方的牛奶和撞奶很好吃，於是揸車入去試試。餐蛋麵和五香肉丁撈烏冬不錯，凍全脂牛奶、茶葉蛋和薑汁撞奶就值得一試，奶類製品香滑，茶葉蛋味濃。小朋友還可以餵養小羊羊，她們很開心！場地附近還有生態園參看，吃飽飽可以「消脂」一番才離開

周未 #遊車河系列 來到元朗這邊, 每逢週末都很多人駕車來這邊消閒. 最後我們決定去雷公田, 嘗嘗(新鮮)牛奶. 這個地方交通算是比較便利, 村口有巴士站. 另外沿途有小溪流水, 走到目的地還有大烏龜跟山羊. 是一個難得的親子郊遊地方.♂▴ ▾ ▴ ▾ ▴ ▾ ▴餐肉蛋出前一丁麵 $30• 餐肉5mm厚, 而且有煎香, 味道不錯• 雞蛋可要求太陽蛋• 整體不錯, 加上郊野環境, 食物要求相對不會太高▴ ▾ ▴燉奶(凍) $22• 稱得上香滑, 合格水平, 但未有驚喜▴ ▾ ▴鮮奶芒果布甸 $23• 味道較特別, 芒果味偏淡, 偏重奶味▴ ▾ ▴全脂鮮奶(半公升) $16• 沒想像中香濃, 但明顯較幼滑, 跟平常鮮奶有明顯分別⓻#我在香港吃東西

Hiking Day行雷公田河背水塘一帶必經呢間餐廳 亦睇咗唔少介紹 慕名一來有小羊吃草 是合家歡地方好 入正題 其實做咗功課 雖然知道鮮奶唔係農場新鮮整嘅 眼見大家都order 即管一試 不過不失吧～正常一盒鮮奶一讚嘅係佢餐蛋麵 係姨姨叔叔嘅住家小麵有媽咪嘅感覺 蛋邊煎得香脆 流心蛋夾雜著麵條吃 好正呀 哈哈 簡單野才難弄得好吃🍳朋友話似光身麵 我覺得係一丁呀Whatever~~望住山景 好吃便可 哈哈到薑汁撞奶 wowwww~~唔知係咪冬天食 好warm呀~大愛

一行差不多10人, 叫左好多碗粉麵同燒賣。燒賣: 煙煙un un, 5錯, 不過5係兜兜都係同一批燒賣,我地後來再叫ge燒賣無第一次叫的咁好食。五香肉丁撈烏冬: 呢個朋友們大讚, 話夠入味又5會太乾午餐肉煎蛋公仔麵: 午餐肉係煎過ge, 夠誠意, 其他野正常。芒果布丁: 朋友大力推薦, 我覺得都幾多芒果肉, 味道少甜, 怕食甜ge人岩哂, 朋友話今次食ge太水狀, 我就覺得質感剛好。脫脂奶比全脂奶稀, 不過都可一試, 呢度d奶就普通la, 點都唔及超市樽裝果d 同日本果d 濃

自家製嘅農場鮮奶🐮多數係遊車河🚘既中途站，平身都好鍾意飲牛奶🥛，佢出品既牛奶都好味道所以入得來到會買大約兩隻走，返屋企當早餐飲。在場就多數食燉奶，佢D燉奶好都滑流，同坐佢係到既環境都好舒服，比山包圍住，自然涼風，好寫意佢門口有養一群羊仔🐑，入去裹面比幾蚊可以買幾條草喂食羊仔🐑不過次次都係揸車入來，因為來e道冇車，我個人認為都幾難入到來🤷🏻‍♂️交通係十分不方便，如果特登入來食佢，（個農場吾大）又好似難入去，除非行山經過

大前日(23-2-2019 Sat)中午,即慶決定同老公去石崗軍營賞木棉花,順便搵呢間想試好耐嘅本地新鮮牛奶,同老公睇地圖搵到嚟,好彩記得佢嘅門面,否則會行過龍,原來佢喺郊野公園旁,真有趣,不過都可以話方便行山人士補給嘅.時間接近兩點,睇睇menu,決定先要同樣$22.00嘅熱薑汁撞奶同凍燉奶各一,同$30.00一公升脫脂鮮奶拎返屋企.我先食凍燉奶,奶味啱啱好,濃淡適中,口感滑.味道: 5分熱薑汁撞奶呢,兩者味道亦啱啱好,好味.味道: 5分然後由我老公買第二轉嘢食,因為我唔知佢重想食乜.佢就買咗:$12.00有8粒嘅燒賣甜豉油味道啱啱好,燒賣口感正常,唔係霉嗰隻.味道: 4.5分$10.00有2隻嘅茶葉蛋唔算細隻,掰開蛋殼睇,蛋白質都被染成淺啡色,應該好入味.食落真係好夠味.味道: 5分$16.00五百毫升嘅全脂鮮奶奶味濃淡同樣啱啱好,質地唔算好厚身.味道: 5分之後我同老公講,呢喥有$23.00嘅鮮奶芒果布甸同熱奶茶,佢就買埋嚟.$15.00嘅熱奶茶,顏色唔深,味道都係茶味唔夠,口感滑.算吧,呢喥始終唔係茶餐廳,唔係主打.味道: 1分鮮奶芒果布甸,芒果肉有好多,食落又唔酸但又唔會太甜

諗住遠離城市，去親親大自然而推動力就係上到去有燉奶食沿路都係山水風景，如果怕遠既話，可以搭一程小巴再慢慢行一段路仔上去不過間唔中有私家車出入所以大家行上行落都要睇車，因為行人路好窄終於上到去，您係唔會失望🐏🐑因為有可愛既羊羊陪住您，可以去舖頭買草草餵佢地，都係唔錯既親子活動❤️跟住記住洗乾淨手先去食野啊～當然要試燉奶！唔會稀，仲好香奶味真係想食多碗，而牛奶飲料🥤賣點都係好香好滑，同超市買到既全脂牛奶就無咩分別🥛都好好味燒賣唔會太粉，幾好味！其實眼見好多人叫埋公仔麵，賣相都唔錯，下次可以試試

之前有朋友介紹過元朗的農場鮮奶，所以趁星期六有時間決定揸車去行下。農場比我想像中細，有免費泊車，一個小草地，內有幾隻小黑羊。到了食物亭當然要試下農場鮮奶和燉奶，鮮奶是全脂的，奶味香濃，標榜100%純鮮奶，無添加；但燉奶就普普通通，略嫌不夠滑。這𥚃還有賣草，小朋友可以餵羊。特別一提，農場只在星期六日及公眾假期開放，計劃來玩的朋友要留意

最近放假就帶埋一家大細一齊遊歷香港。今次嚟到元朗，聽聞呢一間農場鮮奶有限公司，最出名嘅就係奶製品，而我自己最鍾意就係薑汁撞奶。所以我哋叫咗幾個普通嘅燉奶再叫咗一碗薑汁撞奶，估唔到佢真係勁或勁香濃而且佢個薑汁味又唔太過辣，好多時候薑汁撞奶都會好重薑味，而我比較鍾意淡淡嘅薑味，因為咁先食得出奶味。今次呢個薑汁撞奶口味上完全平衡到，奶味香濃，食嘅時候真係會滑落喉嚨嘅感覺，所以真係要慢慢咁食因為真係好熱！😆😆

搬咗嚟錦上路一段日子~身為山友嘅我點可以放過附近的山頭😝今朝一早同女神由河背水塘出發，經清潭水塘行咗成朝終於到農場鮮奶有限公司😅有個羊羊基金，$3一札草餵羊啱哂一家大細嚟享受👏🏻五香肉丁烏冬@五香肉丁有D辣油，撈落烏冬唔怕太乾又辣辣地😋正呀！農場鮮奶的純正鮮奶有 3 款口味，分別為全脂、低脂及脫脂。今次我選擇了原汁原味的全脂口味，幼滑香濃如果你不太愛喝牛奶，不妨試試薑汁撞奶、芒果燉奶、燉奶等。見好多人山長水遠嚟食，我住咁近就下次先試喇😘

由大帽山腰一直向下衝，經甲龍林徑，衝至雷公田。聽到狗吠聲，知道轉個彎便會到達農場鮮奶，心情愈發興奮。到了農場，點了薑汁撞奶($21)。職員叫我們先等兩分鐘才吃撞奶。薑汁味清淡但暖身，牛奶則非常滑溜。因為太好味，所以 三啖已經把它吃完。行完山吃個撞奶，整個人非常舒服。臨走時買了500mL的鮮奶($16)回家，鮮奶非常濃郁厚身，不會太甜。牛奶坐熱後味道更佳，配合消化餅是一流的下午茶。每次經過這裏，都一定要等假日，因為這裡假日才會營業啊！

星期日帶住小朋友最岩郊遊，一早揸車去到甲龍村，知道呢度有地方可以食早餐，餵下羊，係附近行下呼吸下新鮮空氣。大概10點到唔算多人，可以係正農場鮮奶入面泊車。叫左餐蛋麵，肉丁麵，雪菜肉絲撈烏冬，薑汁撞奶。大大碗好足料。個薑汁撞奶好滑好好味呀！未食完，小朋友已經急不及待去餵羊。$3 一紮草。餵左一陣突然好多學生旅行團黎到我地就撤退了。係附近行下，大部分都係平路，好岩一家大細黎玩同郊遊。出面仲有d 居民係度賣佢地種嘅木瓜，菜，蕉，我地都買左唔少返屋企！