農民泰菜 (已結業)

原定開開心心黎到依間泰國野 食物價錢還好.收銀亦有講過炒野比較耐 個人都認為可以等得.過左十幾分鍾先黎左金邊炒粉 賣相都ok.分量剛剛好 不多不少..之後隔多幾分鐘再出去拎火車頭炒飯 黎到望一望 啲菜同頭頸肉都有啲<Lon>Ok.咁都諗住照食.應該無乜野食黎去更加出奇 啲野全部苦既 完全無其他味道🤬🤬🤬都廢事換 廢事加料第一次幫襯 真心失望！！！ 我唔相信炒個個廚師係會聞唔到囉

身為香港人，撐💛店已經係日常會做嘅事～呢間本身一直有食開，知道佢係良心店，真係好開心🥰 一定會繼續支持～去開新城市中心嘅朋友仔，行入少少去『好運中心』就會見到呢間食店～自己好鐘意食湯麵類，差不多每一次都會叫魚腐😘，個湯好清香（曾經食過其他食店，清湯係完全無味...😑）但呢個唔會無味～呢個係下午茶～抵食 ($35)有蒜蓉多士（香脆），海南雞+煎雙蛋+湯米粉，熱奶茶（比例ok, 茶唔會"鞋"口）😍沙爹雞串燒，沙爹味香濃，仲有粒粒花生☺️下午茶其實都仲有好多選擇❤️學生餐👍🏻

豬頸肉一流！🤙🏻但係冬陰公湯底真係過咸，但又唔濃，唔太出冬蔭公味，不過夠酸，鍾意食酸既朋友岩其他野都好好，燒豬頸肉同魚腐都好推薦，金邊粉唔會太硬或者太軟！最重要係黃黃黃店，希望麵既湯底會改善下龍眼冰唔會好似出面果啲落勁多糖但又冇龍眼味，幾好！樓面服務態度幾好，有人走立即清潔枱面，收銀姐姐好nice！地下都超乾淨！其實我已經講完但係openrice一定要我打200個字先比我用評分咁我唯有乜都up下，好啦終於夠200個字多謝

沙田良心小店不多，隨時十隻手指就數得完。除了大圍和石門外，今晚我才知道原來好運中心都有間，就是「農民泰菜」。顧名思義，「農民泰菜」主打泰國菜。由於今晚不太餓，我只簡單點了肥牛雞湯金邊粉連滷水蛋（$45），再加7元配凍檸茶。付款後，就等叫號碼取餐。看，收據的日期旁subtle地寫了「5 demands」，是黃店的有力證據！金邊粉非常滑溜，滑到整條滑入口；肥牛可以再薄些，現在感覺有些靭，不過仍可以接受；滷蛋切開一半，全熟蛋味濃；雞湯沒有味精，很清香，45元一碗金邊粉，性價比算高！有良心的沙田柚，要多多支持「農民泰菜」，加油！

又要買外賣了！來到農民泰菜，看過餐牌後便選了三個粉麵。因是星期日，食客較多，等了大約十五分鐘才拿到食物。～豬頸肉炒米粉 （$58）豬頸肉爽口，味道適中。炒米粉一點也不油膩，紅蘿蔔絲較硬。整體來説，這炒米粉亦算清淡。～泰式炒牛河 （$58）已吃過這炒牛河多次，水凖備仍能保持。芥蘭，椰菜，紅蘿蔔絲蛋碎都非常惹味。牛肉不會韌，河粉加了黑豉油來炒，味道更濃。～泰式雞湯金邊粉 （$40）因是外賣，吃的時候，湯已不多，金邊粉已吸入了大部分的雞湯，但粉仍算爽口。豬頸肉和魚腐味道適中。假若外賣湯和粉能分開放，那就會更好（雖然極不環保）。

本來尋日約咗幾個朋友喺沙田新城市食嘢，點知有人遲大到，等齊人都只可以食下午茶。但新城市廣場啲嘢太貴於是一路行行咗去隔離經過沙田廣場，眼見全部大品牌樣樣野都差唔多，都唔知食乜好。但係見到呢一間泰國菜張大海報啲相好似幾吸引，於是跟住佢哋個地圖行左入去好運中心，叫咗幾樣野大家share食，四個人食咗燒豬頸肉、炸春卷、炒金邊粉、馬拉盞炒通菜、生菜包同半隻海南雞，仲追加左兩杯青檸梳打同兩杯珍多冰，俾錢嗰陣都只係＄408，喺香港食泰國菜呢個價錢都算平，而且質素唔錯可以再嚟幫襯，下次仲想試吓佢個青咖喱飯同豬手。順帶一提，呢度係行自助式，喺門口買飛之後自己取餐，香港食泰國嘢實在少見。個收銀員姐姐服務態度真係一流，知道我哋第一次嚟係咁落力介紹菜式，啲嘢仲真係幾好味。

今晚約了兩位好難先約到既朋友食飯，我地分別黎自屯門，上水同大埔，為左方便一位係火炭返工既朋友，於是就選擇係沙田晚膳，呢間餐廳就係佢介紹既，所以我就先帶我女去搵位，去到餐廳，本來見到一張枱可以方便到我放輪椅的，但枱上放了留座牌，收銀員見狀好快就問我幾位？我話6位，於是乎，佢著另一位同事，好快就安頓好我地嘞！而且仲放定兩本menu俾我，不過朋友需要再等一陣先到，我就先order左一個雞絲金邊粉俾我女，收銀員見我有小朋友要照顧，又問我需要送餐嗎？我話唔駛，我自己攞都得，因為出餐處係正隔離，到朋友黎左，就再叫左兩個二人餐加好多小食，味道確係唔錯，有海南雞，馬拉盞通菜，咖喱雞。。。而且環境寬敞，最緊要有位置俾我安放輪椅。舖頭轉彎就係商場洗手間，裡而有傷健人士使用廁格，十分方便！

平常最愛去不同地方食下午茶~這次我們來到這間一直想試既農民泰菜~說不上難食，但一定唔係好食🤦🏻‍♀️。豬頸肉魚腐雞湯金邊粉 $40金邊粉普普通通，豬頸肉唔太特別，但係浸住個湯都feel到硬。魚腐好咸🤫但最出事既係個雞湯🤭飲落似濃x寶加水。泰式炒米配滷水雞翼 $39滷水雞翼似乎浸左好耐，咬落口好鞋，似足風乾雞翼噤而個炒米粉算成餐最好食既一樣野喇，正正常常🤦🏻‍♀️。老實講，下次都唔會再有幫襯🤦🏻‍♀️

咖喱似水開，蔬菜就咁用水煮完就倒落去，雞又成陣雪味，又硬，牛又煮到過曬龍，檸茶似係杯有色嘅檸水，大佬呀，成70蚊個飯都比d咁嘅野，去隔離茶記食個海南雞係咁嬲啦，衰過本來嗰間759車仔麵

星期六行完沙田中心,覺得有少少肚餓,見到農民泰菜下午茶時段,又唔使等位就去試下啦,地方都算幾闊,幾舒服.我叫左滷水雞脾金邊粉(雞湯),免費包熱飲,我就叫左熱奶茶,都係$45.滷水雞脾金邊粉(雞湯)配滷水蛋, 雞湯底都幾重味精,好似雞粉湯底咁,有D遜色,金邊粉都係一般般,唔係好夠滑, 雞脾都算幾大隻,雞肉唔會鞋,幾嫩滑.滷水蛋同熱奶茶就挽回不少分數, 滷水蛋幾好食,又夠入味,又唔會咸,岩岩好, 熱奶茶都好夠香滑.

又到放工諗食咩既時候喇，約左舊同事去沙田食飯，佢同我講過有間食泰國菜既餐廳幾好，就跟佢去食下喇農民泰菜，空間都幾舒服，夠間單又乾淨餐牌選擇都幾多我同朋友就叫左個海車雞2人餐，感覺都應該會食得飽原來佢海南雞套餐重有個4人餐，下次多d人可以叫呢個套餐拎餐既時候，見到都覺得幾大份wo都黃油飯都好大一碗海南雞既份量我都覺得岩岩好，兩個人食都夠食佢個汁用黎點雞食好野味我重撈左少少落碗飯都食雞肉都好大件，唔會好乾，好有肉地泰式鳳爪係我食泰菜必定會叫既一道菜，真係好鍾意食佢汁既味道，而且鳳爪又脆，好開胃馬拉盞炒通菜，又係好大一碟而且炒得都幾有獲氣，我好鍾意另外餐飲我叫左杯珍多冰，因為實在太耐無飲過，好好飲，唔會太甜，飲既同時重有d野咬下

係沙田肚餓又想食海南雞，咁啱行過好運中心見到呢間農民泰菜嘅廣告貌似幾吸引就坐地試試啦。餐廳風格比較Casual，餐牌選擇都十分多，也都好吸引。最後女朋友同我心意已決都係想食海南雞同埋佢嘅油飯，所以叫左個海南雞二人餐當early dinner。食物準備好之後就發現飯菜嘅份量都十分之豐富。兩大碗油飯配半隻海南雞以及一大碟馬拉盞通菜同鳳爪。海南雞肉質唔乾，嫩滑有汁，脂肪唔太多。雞嘅味道剛剛好，唔太淡太鹹。通菜比較濃味，可能唔啱食開清淡嘅朋友，但係對我地兩個黎講味道十分好，配埋油飯食就perfect。鳳爪味道唔太辣同埋去骨都去得十分乾淨。配搭咁多餸送飯我地最後都清曬兩碗油飯。套餐送兩杯飲品，分別選擇左珍多冰同埋熱鹹檸水。珍多冰嘅粉條數量都十分多，而杯鹹檸水本身粒鹹檸檬已經好濃味，飲完喉嚨好舒服。總體黎講想係沙田平價食泰菜，農民泰菜係一間超值又好味嘅選擇，下次行過沙田都會再食。

在沙田區工作年多，基本上天天出外吃飯很多店都吃膩了，聽同事說開了間泰菜店裡頭有很多選擇，便決定跟同事來刷刷新店。店面很乾淨，光線很明亮給人感覺乾淨利落。台面也很寬敞，所以坐下來時不會覺很局促。我點了紅咖哩豬頸肉$64，咖哩屬於椰汁味較重，所以不會辣很適合香港人的口味。豬頸肉份量不少，肉挺彈牙入味。 同事叫了咸魚炒飯$55，炒得挺分明不會很濕又不會太乾。味覺挺咸香又不會太重。炸蝦餅$48、炸得不錯啖啖蝦肉又挺彈口。青木瓜沙律$52，還不錯酸酸辣辣很開胃。在沙田又多了個快餐選擇～價錢挺地道還不錯。

係泰國返黎2星期，已經掛住泰國嘢食呢度新開一個泰國快餐，價錢都幾平另外仲有套餐選擇，2個人都唔駛200蚊餐廳走快餐形式路線比完錢買嘢食就自己揾位坐，等叫no.攞嘢食，又有水自己可以斟，非常自助食完又可以坐下傾計，好free!唔會有人逼你埋單趕你走枱面有曬泰式調味料比你用嗌咗個公陰功雜菜煲，貪佢又可以飲湯又可以食下d菜，有好多我鍾意食嘅金菇菜！正！不過味道比較重口味主菜揀咗青咖哩豬頸肉配蒜蓉包青咖哩味道帶少辣，好惹味蒜蓉包香脆估唔到豬頸肉份量都幾多同埋都幾大舊，食落香口，似啱啱燒熱，有驚喜另外主菜叫咗豬手飯豬皮好正，滿滿嘅骨膠原！一人叫咗杯冰珍多冰略甜龍眼冰好飲d咁樣食每人100蚊都唔駛，係沙田食飯黎講真係算抵

同老婆阿仔晚上黎到沙田,間間餐廳都爆多人,唯獨呢間有位, 阿仔又不停煩住話好肚餓,於是決定入黎呢度試下.總體來說, 今餐的味道尚可,值得讚的是價錢便宜, 服務也不錯,每位服務人員都有禮貌, 並認真地清潔及送餐.其中一位服務人員是漂亮的女孩,成為餐廳的最大亮點.阿仔選了這個. 我試了幾啖, 覺得湯底頗重口味, 我叫阿仔不要喝. 個人口味而言, 我覺得雞肉略鞋. 咸檸梳打超正, 解喝首選.我點了這個. 坦白說肥牛不太好吃的, 冇味, 難咀嚼.  份量大, 價錢便宜. 味道不差, 但我個人覺得豬手有點過淋了.