影片
营业时间
今日营业
07:00 - 23:45
00:00 - 02:00
星期一至日
07:00 - 23:45
00:00 - 02:00
公众假期
07:00 - 23:45
00:00 - 02:00
公众假期前夕
07:00 - 23:45
00:00 - 02:00
以上资料只供参考，请与餐厅确认详情
相关文章
一碗可以連湯都飲晒嘅米線 - 農米莊朋友經常話公司樓下開左間農米莊好好食，於是呢晚大家收工後帶埋我去試下～ 店面裝潢新穎，以卡位為主，朋友傾計都自在 D，冷氣亦好夠，綜合黎講環境好舒適！朋友話佢開到凌晨3點，平時收工收得夜都幫佢醫肚好大忙 !以前朋友以為食米線一定要辣先好味，但試過農米莊之後就改觀！雖然雞湯米線售價由58蚊至78蚊不等，比起平常既米線的確較貴，但呢個價錢可以飲到靚湯、食到米線，仲有咁多配料，算係抵食！若想平食既話，亦可挑選自選配料米線，價錢都只係由30蚊起 ! 除左其他米線店都有既酸辣、麻辣，呢度仲可以揀各類雞湯，湯底算多！仲有多款配料可加，配搭算係多元化！簡單講下我地叫左咩野食啦:我叫左懷舊藥膳雞湯米線，要讚一讚啲雞好滑嫩，湯底絕對可以飲，唔算多味精，朋友叫左酸菜魚雞湯米線，完全唔腥，啲魚仲要無骨，啖啖肉，仲好有正宗北方味道，但係令佢估唔到酸菜魚同米線又幾夾！最估唔到酸辣湯朋友都飲得晒跟餐飲品就同其他餐廳分別唔大，都係出面有既呢度都有，就唔多介紹啦~ 農米莊地址：尖沙咀厚福街2號地舖電話：3596 7908營業時間：07:00 - 03:00
继续阅读
今次叫咗【 椰子雞湯米線 🥥🐣$49 + $3 熱檸茶 】湯底湯底飲落好清甜！米線配料都多，有雞件，冬菇，雲耳，枝竹，生菜，豆卜同椰子絲。雞件份量都算多，有5至6舊左右。50幾蚊都幾抵食😚💯
继续阅读
坐低後叫咗女店員一次想落單，佢上緊菜話等等，等完冇回頭。Ok，轉叫男店員落單，叫兩次都冇反應，第三次叫勁大聲，終於應，點解行到埋黎去咗隔離檯冇話要落單的？！人哋見佢行到埋去，話是但落埋啦，人地兩個人，個老婆叫兩個椰子雞米，一個轉雞髀另上，一個唔駛轉，我坐隔離檯都聽到，佢企人哋面對面竟然聽唔到，落咗雞髀另上嗰個後，指住個老公問「佢要咩？係咪唔駛」？！個老婆無言，話我咪話要兩個囉，淨係一個轉雞髀另上。男店員「啊」後就一路撳佢部落單機，然後直接走咗，冇過黎我檯落單，由佢個勢想走，到佢行到返收銀，我地勁大聲叫咗四五次「唔該」，佢都好似聾咗咁完全唔理人。我哋要舉晒手叫多好多次，直至店員見到我哋叫，好大聲叫佢話「嗰邊落單呀」，佢先識過黎，然後我哋想嗌嘢食，佢話等等，跟住企咗喺我哋張枱旁邊幾分鐘淨係篤嗰部落單機，督完先嗌到我哋個兩碗。我哋淨係叫咗兩碗米線，然後等上菜先係精彩嘅部份。男店員首先上錯雞腳小食俾我地，再上錯米線比另一檯，然後又上錯小食同嘢飲比叫兩碗椰子雞米嗰檯，仲要擺低就走咗，完全唔理人哋挨住佢話冇落過，總之全部錯晒。女店員鬧佢「你落錯晒全部單，你唔好再落單，廚房而家好嬲」，跟住我見佢長期係企喺收銀度收錢，連門口有人入嚟要帶定安排座位都唔識，基本上所有嘢係女店員做晒。個米線好味，啲湯都好味，以前食過黑蒜同花雕醉雞都好味，但蕃茄湯真係唔係好掂，甜得好假。但個男店員咁樣做嘢真係好攞命，會搞到人唔敢再去食，而且一個小食嘅價錢基本上等於一碗米線，其實都幾黐線，譚仔碗米線平過佢，啲姐姐又好過佢，真係搞唔掂。
继续阅读
今次去完天文台，順便去厚福街搵食，見到呢間農米莊都幾出名，仲有好多分店，所以決定入去試下。1️⃣ **生滾芫荽鮮雞湯飯** 🍚 - 碗裡嘅湯飯成碗青BB綠色，但其實芫荽味唔係好厚，味道偏輕盈，對於鍾意芫荽嘅朋友有啲唔夠喉2️⃣ **生滾龍蝦鮮雞湯飯** 🦞 - 呢個套餐包含半隻龍蝦，味道一般，但龍蝦肉都算爽甜，食落去仲算唔錯。3️⃣ **黑蒜鮮雞湯麵** 🍜 - 我加咗$8轉咗竹昇麵，湯底超甜，浸味有啲假，可能唔太合我個口味。4️⃣ **生滾椰子雞湯麵** 🥥 - 椰子味唔算好濃郁，整體味道偏淡，可能唔係我想要的椰子風味。### 特色飲品我哋四個都加咗$12轉特色飲品，以下係我哋嘅選擇：1️⃣ **朱古力奶茶** 🍫 - 味道正常，冇特別驚喜。2️⃣ **朱古力紅豆冰** 🍧 - 紅豆唔算多，食落去有點失望。3️⃣ **鹹檸七** 🍋 - 味道還可以，清爽又解渴。4️⃣ **話梅柚子蜜** 🍊 - 話梅同柚子蜜嘅味道分開，唔係好飲得到鹹鹹酸酸嘅感覺。整體上，農米莊冇乜特別，係一般嘅家常便飯，但收費略貴，可能唔會再特別回頭。如果你想試下清淡嘅湯飯，呢度可以考慮，但如果想食得更好，可能可以另尋他處。
继续阅读
食評標題：「農米莊：晚餐驚喜，醉雞翼必試！」食評 ✨農米莊 (厚福街)✨今晚同老婆嚟農米莊食晚餐，諗住簡單試兩道菜，點知有驚喜發現！環境整潔舒適，燈光暖暖地，氣氛輕鬆，啱哂一日工作後放鬆心情。五香牛腩燴飯 ($52) ⭐️⭐️⭐️⭐️一開始以為燴飯會乾乾地，無乜汁，但真係低估咗佢！牛腩燴飯香味濃郁，牛腩夠淋又入味，飯吸晒湯汁嘅味道，好滿足！份量啱啱好，飽得嚟唔會太膩，性價比高！花雕醉雞翼 ($36) ⭐️⭐️⭐️⭐️⭐️呢道菜係今晚嘅重頭戲，絕對值得一讚！雞翼煮得剛好，肉質滑嫩，花雕酒味濃而唔嗆喉，入口香甜又有層次感。絕對係必叫嘅一道菜，出人意表嘅驚喜！總結：農米莊用親民嘅價錢帶嚟高質素嘅晚餐體驗，無論係牛腩燴飯嘅濃香味道，定係醉雞翼嘅層次口感，都有啲意外驚喜。下次一定會再嚟試其他菜式，呢間小店真心推介！食品評分：⭐️⭐️⭐️⭐️（4/5）總體評分：⭐️⭐️⭐️⭐️（4/5）平靚正晚餐之選，醉雞翼唔叫可惜！
继续阅读